RURA

03/09/2018

Hevur títt barn tørv á einari fastari avtalu við fysioterapi, er avgjørt møguligt hjá Katrin at koma út á stovnin, so dagurin hjá barninum, ikki gert ov langur.

Ring á 503860 og fá eitt prát við fysioterapeut Katrin Jacobæus

14/07/2018

Hevur tú sæð? RURA hevur fingið innivist hjá barnaergoterapi. Har er RURA-mamman farin at bjóða fysioterapi til børn.

Tað deiliga við just hesi hølir, er at tey eru barnavinarlig og her er fult av barnaleikum og amboðum til terapeutiska viðgerð.

Um títt barn hevur brúk fyri viðgerð, so ring endiliga á 503860 og so finna vit eina tíð.

Børn sum kunna hava gagn av fysioterapi:
- sein at grulva ella grulvar ikki
- sensitiv børn
- motorisk afturhaldandi
- børn við kroniskum sjúkum, sum ávirka beinagrind, t.d. barnagigt ella vøddar, t.d. muskelsvind

19/06/2018

01/05/2018

Barnastimbur er liðugt fyri hesu ferð. Og hendan RURAmamman heldur at børnini vóru ófør at útfolda seg.

Eftir bert 4 ferðir dugdi nógv børn sangirnar og vistu hvussu tey skuldu gera til ymsar sangir og rørslur.

Hettar var eitt fantastisk upplivilsi fyri meg og um tit vilja við til umgang nr 2, so er at halda eyga við síðuni her. Okkurt er í røru her og eg kann beint nú avdúka at pinku- og barnastimbur skiftur navn til Sangur og rørsla.

03/04/2018

Mammubólkatilboð.

Í dag var eg so heppin at hitta nøkur so óalmindiliga f**t smábørn og læra mammurnar at geva teimum massagu. Takk fyri tað 😀🦄🌈

Um tykkara mammubólkur eisini hevur hug at fáa vitjan av mær og læra tykkum at massera tykkara børn, so skunda tykkum at skriva til Katrin á 503860 ella á fb.

Tilboðið um vitjan er bert galdandi í Havn. Eru tit av bygd, kann eg bjóða tykkum inn til mín.

Kostnaður pr mammu er 200 kr. Og min. 4 mammur.

10/03/2018

Babymassaga 3. apríl kl 11.00

Nú kann tú fáa høvi at læra at geva tínum pinkubarnið í aldrinum 2 vikur til uml 4 mðr, massagu.

Massaga til pinkubarnið styrkir relatiónaina tykkara millum og tú fær reiðskab at sissa og beróliga títt barn, við behagiligum massagiteknikkum.

Vit massera í róligum og hitaðum hølum á tinghúsvegnum 54 í Havn.

Prísur 200 kr pr barn og vaksin.

Tilmeldan fer fram á 503860

10/03/2018

Barnastimbur børn 1-2 ár

Mánadag kl 16-17, 9. apríl - 7. mai fer RURA, við fysioterapeut Katrin Jacobæus, at skipa fyri barnastimbur fyri børn 1-2 ár.

Vit fara millum annað at hoppa, dansa, rulla, grulva, klatra, renna, syngja og flenna. Barnið fær umstøðir at folda seg út og møguliga klára nýggjar kropsligar avbjóðingar eftir skeiðið.

Stað: C. Pløjensgøta 4 (gamla Marjun Heimá)
Prís: 380 kr

Tilmelding fer fram á 503860.

28/02/2018

Eg ætli at halda "pinkustimbur" fyri børn 1-2 ár og havi tí brúk fyri tykkara hjálp.

🦄 Hvussu skal tað eita?

🦄 Nær liggur best fyri at koma mánadagar? Kl 15-16 ella kl 16-17?

Deili endiliga, so fleiri kunna koma við hugskotum 😀

07/02/2018

Nú eru stundir at melda teg og títt 3-12 mðr barn til pinkustimbur við fysioterapeut og zoneterapeut Katrin Jacobæus.

Nýtt skeið byrjar 15. mars til 17. maj kl 12-13, tó ikki 29. mars og 10. maj, á C. Pløyensgøtu 4 (gamla Marjun Heimá)

Í pinkustimbur fær tú høvi at læra nakrar lættar mátar at stimbra barnið. Tit fáa góðar løtur saman og barni sleppur millum annað at syngja, hoppa, flenna og bólta rút, so tað lærur egna kropp betur at kenna og fær møguleika at styrkja vøddar og sjálvsálitið, so tað kann læra at sita, grulva ella ganga.

Harafturat fer mamman eisini at læra ymsar massaguteknikkir og fær høvi at nøkur punkt frá zoneterapi.

8 ferðir 760 kr.

Tilmelding fer fram á 503860.

31/12/2017

RURA ynskir øllum eitt gott nýttár og vil við hesum boða frá at hølini í Tróndargøtu 31 lata aftur og at RURA (pinkustimbur) hevur leiga seg inn til barnaergoterapeutin Súsanna Maria Hansen í C. Pløyensgøtu 4. (Har sum Marjun Heimá lá fyrr)

Eg gleði meg so nógv at byrja í nýggjum og rúmligum hølum og ikki minst at hitta øll tel nýggju børn og foreldur sum byrja til pinkustimbur.

Enn eru einkult pláss eftir til pinkustimbur, sum byrja mánadagin 8. jan kl 13-14 og hósdagin 11. jan kl 12.30-13.30.

Kostnaður 760 kr fyri 8 ferðir.

Skriva til 503860, um tú ynskir at luttaka við tínum barni, sum er millum 3-12 mdr.

29/11/2017

Mín væl stimbra Rakul tók síni fyrstu (nokkso) tryggu fet í gjár! Hon er 10 mðr gomul og ein forvitin genta 😘

Tá børn duga sjálvi, fer teirra sjálválit upp -so vilja tey meir!

Kom til RURA og stimbra títt barn til at venda sær, grulva, sita ella ganga.

Nýggj hold í pinkustimbur byrja mánadag 8. jan kl 12.30- 13.30 og eitt annað er hósdagar 11. jan 12.30-13.30. Skeiði er 8 ferðir og kostar 760 kr

Skeiðið eru til børn 3-12 mðr.

Melda teg til á 503860.

28/11/2017

OBS!

Nú er varsla verkfall hósdagin. Tvs at mín 3 ára frikadella kemur við. Um tit hava børn, sum ikki kunna passast eru til hjartaliga vælkomin at taka tey við. Vit gera okkara besta fyri at tey stóru børnini eisini hugna sær 💐😘.

Nú fer RURA aftur á ferð. Hesaferð eru tað suðuroyingar, sum sleppa at læra at geva zoneterapi til børnini.

Tann 14. des kl 12-14 er tiltakið í Páls Høll. Vit fara at hava ein workshop í zoneterapi fyri børn 0-3 ár. Børnini eru vælkomin við og vit trena zonerterapi á tykkara barn.

Vit fara at læra zoneterapi fyri:

Forkølilsi
Oyrapínu
Tannpínu
Forstoppilsi
Kropsligt óró
Søvn

Tú fær praktiska vegleiðing og eina skriftliga vegleiðing, so at tú sum foreldur er væl fyrireika, tá tú skal hjálpa barninum. Skeiðið kann nýtast til stór og smá børn (og vaksin)

Prísur 150 kr

Tilmelding er neyðug og fer fram við at ringja/smsa á 503860