Quel est le site Web ?

Doaa Esayed

Page d'Accueil
France
Paris
Doaa Esayed

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Doaa Esayed, Thérapeute familial, Paris.

مستشارة تربوية
معنية بدعم الأسر العربية في الغربة
أساعد الآباء والأمهات على بناء علاقات صحية مع أبنائهم، لتحقيق بيئة أسرية متوازنة تقود الأبناء نحو النجاح والسعادة،من خلال حلول عملية للتحديات اليومية، مع فهم عميق لخصوصية مجتمعات الغربة.

25/12/2025

انت كأب او أم آكيد نفسك تنصح ابنك وباخد بنصيحتك
كلنا بنتعلم في الدنيا بطريقتين :
اما تجربة خاصة نمر بيها
او من تجارب الآخرين

فلو انت عايز ابنك بتعلم من تجاربك وخبراتك وتوفر عليه وقت ومجهود وخسارة فلاااااااازم

تصلح علاقتك معه الاول

الناس اللي بتكسل تقرا الكلام كله وبس تسأل نبتدي منين؟😉👆هي دي اول خطوة .

تصلح العلاقة معه كل حاله ولها ظروفها .

-لكن اولا حاول تتكلم معه بهدوء افتح بس الكلام واسمع منه لو اتكلم وخرج اللي جواه كده تماااام اسمع منه وحل معه .
-لو مش راضي يتكلم ولا انت عارف هو محتاج ايه او ايه اللي حصل وصله لكده لازم تشوف مختص يساعدك لكن اوعي تسيبه كده وتعتقد ان الوقت هيحلها لامش حقيفي .
مساعدة ابنك دي حاجه مهمه جدا زي الاكل والشرب بالظبط لانك بتأكله وتشربه عشان البقاء علي الحياة وكذلك تساعده نفسيا عشان يبقي علي قيد الحياة سوي نفسيا .

التربية مسؤولية
دعاء السيد

19/12/2025

هل تعلم ماذا يعني أن يكبر ابنك وهو لا يسمع لك؟
ليس الآن… بل بعد 5 أو 10 سنوات.

أغلب الآباء الذين وصلوا إليّ قالوا نفس الجملة:
“يا ريت لو كنت عرفت كل ده من قبل…”

مشكلتك ليست في ابنك ، ولا في عناده.
بل في انك لم تعلم او أن أحدًا لم يشرح لك كيف يفكر او ما الذي يدور في دماغه او ما هي احتياجاته بالضبط في هذه المرحلة. وهذه هي نقطة الانطلاقة

دائما اجد في التعليقات كيف نبدأ ؟
وانا اقولها دائما وبوضوح أبدا من فهم ابنك واحتياجاته وأسمعه

ان كان لا يوجد حوار بينكما فهذا دليل واضح علي وجود خلل وبمنتهي الامانه انت هنا بحاجه الي :

✅ اما البحث والمحاولات بنفس عن طريق التعلم والقراءة
✅او تطلب مساعدة مختص كي تفهم ما لم تفهمه من قبل .

🚫 لو لم تفعل ذلك في اقرب وقت فالبديل معروف :
مسافة، قطيعة، أو علاج نفسي بعد فوات الأوان.

يقول البعض لكن هذا سيكلّفني مال !
والسؤال الحقيقي ليس:
كم ستدفع الان ؟
بل:
كم سيكلفك تجاهل هذا لاحقاً ؟

التربية مسؤولية
دعاء السيد
باريس /فرنسا

17/12/2025

في بعض الاستشارات، اما يحكي الأب أو الأم المشكلة،
أسأل: إيه المحاولات اللي اتعملت قبل كده؟

احيانا بسمع :

هو مش بيفهم… مش بيسمع… مش بيتغير…
فبسمعه كويس جدا وافهم كل الجوانب

و بقوله خلّيني أوضح نقطة مهمة 👇
من كلامك نفسه، ابنك مش محتاج عقاب أكتر
هو محتاج:
• طريقة مختلفة
• لغة توصل له
• واحتياج نفسي مش مُشبع

أنا هقولك حوار بسيط، بصيغة معينة،
لأن الصيغة دي:
• بتوصل رسالة أمان
• بتشبّع احتياج
• وبتخلي الطفل يبتدي يسمع

فلما الرد يكون:

يعني إيه؟ عايزاني أتذلل له؟ ❌

وأكون واضحة هنا:
أنا ما طلبتش اعتذار
ولا تنازل
ولا فقدان هيبة

لكن لما الأب أو الأم يقول:

أنا بكلمه وقت ما أنا عايز، بالطريقة اللي أنا عايزها

هنا لازم نقف ✋
لو الطريقة دي كانت فعّالة،
ما كانتش المشكلة موجودة.

بقوله :
أنا متأكدة إن مفتاح الحل هو الكلام ده.
مش لأنّه “لطيف”،
لكن لأنه فعّال.

فلو حضرتك فعلًا عايز الحل،اتفضل ،ده الطريق….

التغيير مش ضعف
التغيير وعي

وخلّيني أكون صريحة في الآخر:
ابنك مش محتاج علاج، حضرتك بس محتاج فهم لشخصيّته وتوضيح لطريقة التواصل الصح معه ..
انت اللي ماسك الدفّة

انت القائد واًهم خطوة تعملها هي انك تفهم ابنك واحتياجاته .
الفهم دايمًا هو أول الطريق.

التربية مسؤولية ،أنت القائد ،استمتع فيها

دعاء السيد
باريس/فرنسا

01/12/2025

ديسمبر…
باقي ايام على نهاية سنة وبداية سنة جديدة.

والبدايات دايمًا مش مجرد تاريخ…
هي فرص متجددة للإصلاح، للبناء، ولتغيير مسار حياتنا وحياة أولادنا.

قبل ما السنة تنتهي… اسأل نفسك:

👤 حياتك كإنسان:

هل أنت راضي عن نفسك؟ عن صحتك؟ عن وقتك؟ عن هدوءك؟

👨‍👩‍👧 دورك كأب أو أم:

هل أنت النسخة اللي تحلم تكونها لأولادك؟
ولا لسه شايف إن في فجوة بين اللي أنت عايزه… واللي بتعيشه؟

🤝 علاقتك بابنك:

هل فيها قرب وأمان… ولا مسافات وسوء فهم؟
هل فيها تواصل… ولا أوامر وصراخ؟

🧒 حياة ابنك ومستقبله:

هل بيسير في طريق صحي؟
ولا محتاج إرشاد وتنظيم وثقة؟

⸻

الحقيقة اللي لازم نفتكرها:
مفيش وقت متأخر.
الغلط يتصلح في أي لحظة…
والأهداف تتحقق بخطوات صغيرة، مش بقفزات كبيرة.

لو نفسك تساعد ابنك:
• ينظم حياته
• ينجز
• ينجح
• يتعلم مهارات تطوره
• يبني شخصية قوية ومتزنة

اسأل نفسك:
بدأت؟ ولا كل اللي عملته… إنك “بتتمني وبس "؟

الأمنيات حلوة…
لكن التغيير الحقيقي بيبدأ بقرار + خطوة.

ماتسيبش نفسك في خانة التمني.
ما تقولش الوقت فات… أو الأولاد كبّروا ومفيش فايدة.
لأن الحقيقة دايمًا:
في فرصة… وطالما فيك نفس، في تغيير.

التربية رحلةً استمتع فيها
دعاء السيد

01/12/2025

وصلتني رسالة من أم عربية تعيش في أوروبا…
رسالة كان فيها فرحة وسجدة شكر… وكلمات أسعدتني بجد الحمد لله 🙏

الأم كتبت لي إنها رجعت من خروجة مع بنتها…
من غير صراخ، ومن غير دموع، ومن غير توتر.
ضحكوا… اتسوقوا… حضنوا بعض…
ولأول مرة بنتها تقول لها:
“أنا فرحانة قوي بخروجة النهارده… وأكتر حاجة إننا ما اتخانقناش.”

تخيّلوا؟
نفس الأم دي كانت أول ما جاتني قالت:
“كل ما نخرج أنا وبنتي… نتخانق على الفلوس علي موديلات الملابس و…
هي ترجع تعيط… وأنا أرجع متوترة ومكسورة.”

لكن لما بدأت تفهم بنتها، وتمشي على الخطة خطوة خطوة…
اتغير البيت قبل ما تتغير البنت.
اتغير الإحساس.
اتغير الجو.
اتغيرت العلاقة.

ودايما أقول لكل أم وأب:
التغيير مش معجزة… التغيير نتيجة.
نتيجة فهم أعمق، وأدوات أوضح، وطريقة مناسبة لولادنا اللي بيكبروا في بيئة مختلفة عن اللي اتربينا فيها.

وأنا سعيدة جدًا وفخورة بكل أم وأب بياخدوا خطوة…
وبيختاروا يسنده علاقتهم مع أولادهم بدل ما يسيبوها تتآكل يوم بعد يوم.

ولو كنت بتمر بتجربة مشابهة…
اعرف إن التغيير ممكن،
وإن علاقتك مع أولادك تقدر ترجع تبقى أمان… ودفا… وضحك… بدل الصراخ والوجع ❤️

التربية رحلة استمتع فيها
دعاء السيد

27/11/2025

ليه دايما بركز على إصلاح العلاقة وليس على المشكلة ؟

لأن أغلب اللي بنسميه “مشاكل” — ضعف في الدراسة، إدمان الشاشات، الإهمال، أصدقاء السوء — مجرد أعراض…
لكن السبب الحقيقي تحت السطح هو:
• ضعف الاتصال العاطفي بين الأهل والطفل
• انقطاع التواصل
• فقدان الثقة
• غياب الإحساس بالأمان

وهنا السؤال اللي بسمعه دايمًا:

“إزاي؟ دا إحنا بنحاول نتواصل… هم اللي مش راضيين!”
أو
“أنا بعمله كويس جدًا… هو اللي مش متقبل!”

الحقيقة إن محاولتك من وجهة نظرك أنت يمكن تكون ممتازة…
لكن مش بالطريقة المناسبة لشخصية ابنك ولا عمره
واحتياجاته خصوصا لو موجود في بيئة مختلفة عن اللي اتربينا فيها احنا الأهل .

وهنا نرجع للأساس:

🎯 التربية مسؤولية…

ومش مسؤولية تعليم السلوك فقط،
لكن مسؤولية اصلاح العلاقة لو حصل فيها شرخ لانها لو اتصلحت…
هتتصلح معاها 80% من “المشاكل”.

العلاقة هي الجذور… والمشاكل مجرد أوراق فوق الشجرة

دعاء السيد
باريس /فرنسا

12/11/2025

بعد سنين من تقديم الاستشارات الفردية، دايمًا كان عندي سؤال بيشغلني:
ليه في أهالي بيتغيّر سلوك أولادهم بسرعة بعد الجلسات…
وأهالي تانيين بيتعبوا ومش بيشوفوا النتيجة اللي بيحلموا بيها؟

مع الوقت فهمت إن السرّ مش في الأولاد…
السرّ في الأساس نفسه: الأم والأب.

لما الأهل يقبلوا يفهموا نفسهم اولا ، و احتياجات أولادهم الحقيقية ثانياً ويتقبلوا التغيير،
بيحصل التحوّل الحقيقي — بدون صراخ، بدون تهديد، وبدون إحساس بالفشل.

من هنا طوّرت في عام 2023 برنامج “التربية المتوازنة”،
برنامج موجه للآباء والأمهات العرب المقيمين في دول أجنبية (زيي تمامًا ❤️).

رحلة ساعدت أسر كتير جدًا تستعيد الهدوء، التواصل، والحب داخل البيت —
بعد ما كانت بتعاني من المسافات العاطفية، أو من رفض أولادهم لهم.

🎥 في هذين الفيديوهين القصيرين شرحت جزء من جذور المشكلة:
‏1️⃣ [https://www.facebook.com/share/v/17mycW6Q1d/?mibextid=wwXIfr] – المؤشرات اللي ما بينتبه لها الأهل في الصغر وبتتحول فيما بعد لمشاكل كبيرة.
‏2️⃣ [https://www.facebook.com/share/v/1auHZA9kAh/?mibextid=wwXIfr] – ردود الأولاد وطريقة معاملة الأهل أحيانًا

💬 وتحت الفيديوهات بعض تعليقات الأهل بعد جلساتهم معي ، فرحتني وحسستني بالراحة بعد التعب الحمدلله😍

لو أنت مغترب في دولة اجنبية زينا وبتحس إن الوقت حان إنك ترجّع التوازن لعلاقتك بولادك،
تقدر تحجز جلستك الأولى الآن من الرابط 👇
‏[https://doaaelsayed123.lpages.co/offer-page]

🩵 أؤمن تمامًا إن:
حين يتوازن الآباء… يتوازن الأبناء.

التربية مش معركة، هي رحلة… استمتع بيها.

دعاء السيد
مستشارة تربوية
باريس/فرنسا

11/11/2025

الاباء والأمهات المغتربين في دول غير عربية اضغط علي
البوست الأصلي

فريق عمل التربية المتوازنة

31/10/2025

💔 لو أنت مش دايمًا لطيف مع ابنك…
لأنك متوتر، مضغوط، أو حتى متعب من الحياة —
فمن يكون لطيفًا معه بدلاً منك؟

من يعطيه الإحساس بالأمان اللي محتاجه؟
من يسمعه لما يخاف؟
من يحتويه لما يغلط؟

الطفل لا ينتظر الكمال…
هو فقط يحتاج “حضنًا” لا يخاف منه، وصوتًا لا يجرحه.

كل مرة تفقد فيها أعصابك، هو لا يرى “غضبك” فقط،
هو يرى “غياب السند”.

انت السند لابنك لا تخن الأمانة 👌
بخطوات صغيرة… تبدأ بإدراك، وتكمل بإصلاح.
💛

🕊️ لأن التربية المتوازنة معناها “نرجع” دايمًا لأولادنا نتوازن حتي لو غلطنا دايما في فرصة 👌

دعاء السيد

28/10/2025

وصلتني رسالة من أم موجوعة وبتكرر الرسالة دي كل يوم بأبطال مختلفين من دول وجنسيات مختلفة …. بتقول إن بنتها (30 سنة) اتعرضت في صغرها لضرب شديد من الأب والأخ، والآن هي متعبة نفسيًا جدًا، تكره نفسها وأمها، وردودها عنيفة في كل شيء.

وده مش موقف نادر… للأسف في كتير من البيوت حصل وجع عميق واتقال عليه “تربية”!!!!!!😰

لكن الحقيقة إن الضرب والإهانة ما بيربوش طفل، هما بيكسروا إحساسه بالأمان…
ولما البنت أو الولد يكبروا، بيعيشوا صراع بين حبّهم لأهلهم وغضبهم منهم.

في الحالة دي، الحل مش في اللوم، ولا في محاولة نسيان الماضي…
الشفاء الحقيقي بيبدأ لما نعترف إن اللي حصل كان مؤذي، ونفتح باب الأمان من جديد.

الأم هنا تقدر تبدأ بخطوات بسيطة جدًا:
🌱 تسمع بنتها من غير مقاطعة.
🌱 ما تبرّرش ولا تدافع عن اللي حصل.
🌱 تقول لها: “أنا آسفة إنك اتأذيتي… كان لازم تكوني آمنة”.

الاعتراف بالألم مش ضعف، دي أول خطوة في طريق التعافي. بعد كده اكيد محتاجه مساعدة مختص لان الموضوع عميق ومنذ مدة طويلة .

لو عندك ابن أو بنت شايلة وجع قديم، ابدأ من الإصغاء مش من الدفاع.
أحيانًا كلمة صادقة بتفتح باب شفاء مقفول من سنين. ❤️

دعاء السيد
مستشارة تربوية
باريس /فرنسا

26/10/2025

كلنا محتاجين “أمان”.
مش بس سقف فوق راسنا، لكن إحساس إننا مطمّنين مع الناس اللي بنحبهم.

عارف لما تزعل من شريك حياتك، أو صاحبك، أو حتى أخوك…
وييجي صوت جواك يقولك: “خد بالك، يمكن يعمل كذا وكذا …..!”
بس في لحظة ترد على نفسك:
“لا… مستحيل، هو محترم، حتى وهو زعلان محترم.”

اللحظة دي اسمها أمان ❤️
وده اللي بيخلي العلاقات تعيش وتكبر.

لكن…
تخيل ابنك لما يزعل منك ويدخل أوضته غضبان،
قلبه بيخبط من الخوف إنك تفتح الباب وتكمله توبيخ أو صريخ.
الشعور ده موجِع….. خوف فوق الغضب والحزن

لأنه بيخاف من الشخص اللي المفروض يكون مصدر أمانه.

أرجوك، بكل حب، ما تعملش كده.
الموقف هيعدي،
لكن الأثر هيفضل في قلبه، وفي جسمه، وفي ذاكرته.

ما تستقواش على ضعف ابنك.
انت الكبير…
والكبير بأخلاقه، مش بصوته.

خليك الأمان اللي ابنك يلجأ له،
مش الخطر اللي يهرب منه ❤️

استمتع في رحلة الحياة

دعاء السيد
مستشارة تربوية
باريس/فرنسا

25/10/2025

بتشرب قهوتك الصبح… ولا هي اللي بتتشرب لوحدها وإنت غايب في الموبايل والتفكير؟ ☕📱

كام مرة شربت مشروبك المفضل من غير ما تحس بطعمه؟
من غير ما تشكر ربنا على النعمة دي؟
إيدك ماسكة الكوباية… بس عقلك في مكان تاني! 🧠

⏸️
جرب المرة الجاية تبطّئ شويه…
شم الريحة، حسّ بالدفا، اشكر ربنا، واستمتع باللحظة.

💛
لأن دي اللحظة الوحيدة اللي فعلاً تملكها.

ركز في اللحظة

علم اولادك يستمتعو باللحظة

التربية رحلة
استمتع فيها

دعاء السيد
مستشارة تربوية
باريس/فرنسا

Adresse

Paris

Site Web

https://linktr.ee/doaaelsayed, https://doaaelsayed123.lpages.co/offer-page

Notifications

Soyez le premier à savoir et laissez-nous vous envoyer un courriel lorsque Doaa Esayed publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.