Quel est le site Web ?

https://www.linkedin.com/in/ahlem-kassir/?locale=ar_AE

Ahlem-BodyFresh, Paris (2026)

11/05/2026

الناس كي تجي تشوفني، قليل ما تكون محتاجة لنصايح .

اماتجي بعد ما تعبت من التجارب ومحاولات مدامتش ..
و يحبوا اخيرا يفهموا بدنهـم.

على خاطر اليوم، تنجم تلقى أي نصيحة على "Google".

و"ChatGPT" خلى الأجوبة أسهل برشة باش توصللها.

وللينا غارقين في كلام وتخليط متاع نصايح في وسائل التواصل الاجتماعي.

2 على 3 من العباد الي نرافق فاهم ، يكونو جربو برشة حاجات:

• ماكلة ضد النفاخ البطن
• نصايح باش يهضم خير
• روتينات باش تولي عنده أكثر طاقة
• طرق حاضرة ومسطرة، لناس الكل
أما هذا ما يكفيش.

على خاطر اللي يلوجو عليه العباد هو الأساس ، ماهوش مجرد نصيحة أخرى.

اما يحبوا:

• يفهموا علاش بدنهم يتفاعل هكاكة
• يربطوا الأعراض اللي عندهم ببعضها
• يقصوا مع تجريب الحكايات هكاكة في المهموتة
• شكون يوجههم من غير ما يضيعوا، ويوليو l’expert متاع اجسامهم.

على خاطر البدن ماهوش مجرد قائمة متاع نصايح.
البدن لازم يتفهم… ويتعطى قيمتو.
وما تنساوش: بدننا حيّ، وهو أمانة عطاهالنا رب.

ما تغلطوش في المعركة متاعكم يعيشكم 🙏

28/04/2026

بعد ما رافقت و عاونت برشا عباد باش يفهمو أجسامهم، و يتجاوزوا المشاكل اللي كانت عندهم :

كيما سوء الهضم ، نقص في الطاقة، قلة النوم، السمنة، ستراس …،
لاحظت حاجة غريبة و مشتركة كانت عندهم الكل :
أنهم يطفو الضوء
على الإشارات و الأعراض الي بدنهم  كان يبعثهالهم كيما :
•  يولي عندهم عادي، الواحد ديما يحس روحو فاشل وتاعب
• عادي عندهم، يعيش بالنفخة والغازات كل يوم ؟ و يقلك الناس الكل عندها منها.
•نومهم متقطع ، و يقلك مايسالش، تو يتصلح
• و يحسو بوجايع في بدنهم كل يوم ، و يقلك خفيفة، تو تتعدى.. ⁠

كانهم متشمتين في البدنهم لين يوصل في الآخر يتعب ويدخل بعضو complètement :

• الهضم يولي رزين لين يولي قولون عصبي
• استراس يولي غالب عليه
• النوم يولي يقطر
• الطاقة طالعة هابطة، ماكش شادد ريتم.
و علمياً، الحكاية واضحة:
← على قد ما البدن يقعد يقاوم ويصبر من غير ما تسمعو، قد ما يستهلك طاقتو وفي الآخر يولي يعبّر على المشاكل بطريقة أقوى وأصعب.
و المشكلة إنو مهما تعمل، ما تنجمش تقعد مطفي الضو على بدنك طول عمرك.

في الأول، يوشوشلك بشوية.
و مبعد، يبدا يلحّ عليك.
وفي الآخر، يفرعسلك أمورك ويوقفك بالسيف.
على خاطر الكلمة ليه هو في الآخر

و برشة عباد كانو ينجمو يتفاداو الفشلة الكبيرة والـ "burnout" لو كان سمعو بدنهم من الأول، قبل ما تكبر الحكاية وتولي سيريو.

ومن اليوما نحبك ، تحترم الرسايل اللي جسمك يبعث هالك
• وقت تحس طاقتك طاحت ← أقف ثبت فيهاو تنفس
• تحس هضمك تبدل ← اسمع بدنك
• تحس نومك تخلبز ← اسأل روحك علاش
⁠
راهو التغيير الصحيح واللي يدوم، يبدا بحاجة صغيرة، كيف تقرر أخيراً باش تسمع بدنك.

27/04/2026

On dit souvent que les gens arrivent dans notre vie au moment où on en a le plus besoin, et c’est exactement ce que j’ai ressenti avec
Merci pour ce reel, mais surtout merci pour l’intention derrière. Ce que tu m’as fait va droit dans mon le cœur ♥️, merci encore pour Ta capacité à porter les autres vers le haut est un vrai cadeau.
Je repars avec le sourire et beaucoup de gratitude. Merci du fond du cœur. je te souhaite de bonheur🤲🤲

22/04/2026

أحسن قرار خذيتو في الـ 30 سنة :
إلى هو بديت نسمع في بدني.

و قتلي نبدأ نحكي على رحلتي مع الصحة، ردود الفعل ديما تكون هي نفسها:
يزي،أمان ؟ غير بالماكلة برك؟
كيفاش هكا ؟
ونفهم ردة فعلهم ، على خاطرني كنت كيفهم ،
قعدت سنين نلوّج على الحل في كل بلاصة... كان في البلاصة الصحيحة.

و من عمري 13 سنة، تعديت بكل شي:
القرحه في المعدة (Ulcère)، والـ reflux، الحموضة، والنفاخ في البطن، والغازات ، والقبض، والحرقان...

ومع العمر و السنين تزادت الحكاية:
المصران الخشين (Colon irritable)، سرطان القولون، وكلايا تعبو.
حتى من الدياليز (Dialyse) قالولي حضّر روحك ليها.

عملت كيف الناس الكل:
دوايات،مكملات، ريجيمات، استوسات، و فازات و صفات …..
و ما غير فايدة ، و فهمت مباعد علاش :
و اول حاجة فهمتها و وراهالي بدني،
الي مش خاطر الماكلة هذيكا باهية نظرياً ، forcément معناها هي باهية ليا أنا.

على خاطر من بدنك انت ماهوش بدنى أنا ، و الحساسية متاع بدنك ميهاش نفس الحساسية متاعي
كيما الدواء يمشي على شخص و ما يمشيش على الاخر
و منهما نستوعبو انو الاجسامنا مش ستاندار.
اللي يجي مع غيرك، ينجم يهلكك إنت.

و من النهار اللي بطلت فيه نتبع في القواعد العامة...
وبديت نثبت في بدني ونسمع فيه، كل شي تبدل.
بالحاجه بالحاجه ، و الحمدلله المشاكل و أعراض الي كنت نعاني منها الكل تنحات، مع طول الوقت
و اليوم، كي نحكي على التغذية، مش باش نبيع قواعد وقوانين.
باش نفكرك بحاجة بسيطة:

البدن يتكلم.
أما لازمنا نتعلمو كيفاش نسمعوه.
استحفظوا على بدنكم واشكروه قبل ما يفوت الفوت.

17/04/2026

اليوم باش نلعبو لعبة صغيرة ❗️

إنت الطبيب روحك اليوما ، يعني باش تسأل روحك،

كيفاش تشخّص جسمك ، هل هو لاباس متوازن والا موش لاباس ؟؟

ويلزمك تختار حل الحلول الاثنين:

1️⃣ الحل الأول : تسمّع الإشارات متاع الجسمك الي كل يوم تتعايش معاها ، كيما التعب ، مشاكل في الهضم، قلة نوم…..

او 2️⃣ الحل الثاني: تعمل تحاليل، تخطيط، مناظير….

وهنا تختار الي ترتاحلو، و احنا لهنا نحبو نعرفو ؟

كيفاش تقيس صحة جسمك و كيفاش باش تحكم علي بدنك يا إما باش تستنى :
بالتشخيص وتحاليل او بالإشارات اللي يوري هالك جسمك كل يوم ؟

نحب نسمع رايك😊 انت شنوا باش تختار 1️⃣او 2️⃣
و علاش خطرتوا ؟؟؟

02/04/2026

كان عندك وجيعة راس برشا، اسمعني مليح.

موش ديما ستراس ولا تعب برك.

جسمك الكل مربوط ببعضو… والهضم زادة ينجم يكون عندو دور.

كيما السيستام متاعك يكون بطيء، ينجم يزيد يقوّي الميغران.

أما رد بالك: ما تمشيش تنظّف المعى متاعك tisane ولا مكملات هذا يتعب جسمك وتفقد معاه معادن مهمّة.

حيلة صغيرة:
كان الوجيعة جاية من السّينوس → اغسل مناخرك بماء وملح (كيما sérum physiologique).

وكان الحكاية تتعاود برشا → لازمك تستشير، مهم برشا.” اسمع هذا كان عندك وجيعة راس.

30/03/2026

الغلطة الكبيرة إلي نعملوها ❗️ما نعطوش قيمة لبدنا ..كان وقت إلى يطيح ‼️
و قداش من واحد فينا، فاق مخر ..

و هذاك ، معضم الناس بعد رمضان تحسو ،
تعب ، قلق، وبرودة..
و بعدها يقولو ، "الطقس تبدل ،فما فيروس "
و يرميو المشكلة على الغير، كيما يقولو
" الباب ضربني "😅

اما الحقيقة ، موش الفيروس مرضك ، اما انت بدهدلت بدنك 30 يوم متاع رمضان

سهريات كل يوم، نوم قليل و مكسر، ماكلة على طول الليل…..
⬅️معناها الريتم بدنك خرج على السيطرة و بهدلت بحالو ، على خاطرك وقت ما ترقدش مليح : هاو شني ينجر عليه ::

‏1️⃣بدنك ما يرتاحش = ما يلقاش الوقت باش يصلح روحو

2️⃣مناعتك تضعف = تولي. تمرض على اقل حاجة

3️⃣ طاقتك تطيح = تركيزك يقل ،و يكثر التوتر و العصبية

⬅️⬅️يعني بدنك قاعد يخلص في الفاتورة ..

والحل توا يلزمك تاخو مسؤولية بدنك ، و تعمل Reset كامل !! من ليوما

📌📌حدد وقت لنومك كل يوم ما تفوتش لحداش متاع الليل
📌📌تعشى بكرى على الأقل ثلاث ساعات قبل نومك
اكاك يكون نومك باهي
📌📌وقبل النوم قص على تليفونك على الأقل ساعة

📌📌وحاول كل يوم اقعد في الشمس ربع ساعه على الأقل

⬅️⬅️معناها يلزمك تفهم انو كان جاء بدنك قوي
يقاوم الفيروسات
و كانو تاعب باش يطيح حتى من النسمه خفيف

📍📍راهو نوم الليل مايعوضو شيء
و ماهوش رفاهية بل هو أساس صحتك وهو اللي يساعدك باش تعدي يومك مرتاح

‼️وأنت كيفاش تحس بدنك في الأيام هاذوم ؟؟

29/03/2026

كان انت مازلت تشوف التغذية كان وسيلة باش تنقص ولا تزيد في الميزان…راك غالط

وهاذي حقيقة اللي برشا ناس يتجاهلوها،
‏على خاطرهم استانسو يخدمو كان على المظهر البراني،
‏و ماهومش فاهمين اللي هو لب صحة بدنهم كامل ، نا قص ولا زايد في الميزان موش دليل على انك في صحة جيدة.

التغذية موش مضهر اكهو ، التغذية صحة و نظام حياة كاملة …

هي اللي تأثر على طاقتك، تركيزك، نومك ،مناعتك…
وعلى المدى الطويل، حتى على قابليتك للأمراض

المشكلة؟
نحبّوا نتائج سريعة في الشكل، نصلحو البرا
"الصورة " واجهة باهية… اما بأساس ضعيف

و ننساو الأساس ، الى اصل ولب كل شي يبدأ من الداخل… Donc

قبل ما تسأل روحك ؟؟ قداش نوزن !! و علاش أنا ديم مريض…

السؤال الصحيح هنا :
“هل قاعد نغذي في بدني… ولا قاعد نتعب فيه؟
الحكاية الكل حكاية وعي اخر و مفهوم اعمق
‏كما نقول فى المثل متاعنا😅😅
يا مزين من برا ،شني أحوالك من داخل

28/03/2026

أكثر حاجة تعطل صحتك… موش الماكلة❗️❗️❗️

اما C’est ta relation avec ton corps.

و هاذا نشوفو تقريباً مع 9 على 10 من الناس اللي نخدم معاهم .

يحبو يبداو اما ‼️‼️

1️⃣ يخافو تبدّلو من عاداتهم
2️⃣ يسمعوا برشا نصايح متناقضة
3️⃣ يقارنوا رواحهم بالآخرين
4️⃣ و يلوجوا على “programme parfait”
5️⃣ ويستناو في الوقت المناسب باش يبداو

وفي لخر ؟

يبقاو في نفس البلاصة… برغم كل المحاولات …

الحقيقة هي ساهل ،اللي برشا ناس ما تحبش تسمعها وملهاش واعية بيها 👇👇👇

🔺انو جسمك ما يتبدلش بالضغط،
يتبدل كي تفهمو… و تعطيه وقت الكافي

🔺ال hacks و استوس و الحلول السريعة
تعطيك أمل… أما تخلّيك تدور في نفس البلاصة.

🔺المشكل موش في جسمك، اما
المشكل إنك عمرك ما تعلّمت كيفاش تفهمو.

🔺المقارنة تعطل تقدمك
كل جسم عندو rythme خاص بيه.

🔺 البحث عن الكمال وهم، على خاطر
التوازن يجي بالتجربة… مش بالانتظار.

🔺ما فماش وقت “مناسب”
جسمك يبدأ يتجاوب كي تبدأ إنت و تعطيه اهتمام.

و خليني نكون واضح معاك ‼️
الصحة ما تجيش بحل سريع، لا بحيلة سريعة
ولا بنصيحة سحرية.

اما تجي وقت اللي انت تتحمّل مسؤوليتك، ومسؤولية جسمك ، و تتعلم تفهم بدنك كيفاش يخدم و كيفاش يحكي معاك ، وزيد
تعطيه الثقة اكثر …

وقتها كل شي يتبدل‼️

️ باش تحس روحك مرتاح في بدنك 📍,

️ ما عادش تحتاج تبع كل نصيحة تسمعها

تولّي إنت pilote متاع جسمك 💪💪💪

و توا قولي 😊
شنو أكثر حاجة موقفتك توّا ؟

📩 ولا ابعثلي message
كان تحب تبدأ بطريقة ،مناسبة لجسمك أنتي 🙏🙏

27/03/2026

غلطة نعملوها في رمضان ⁉️

إننا نخممو كل يوم في: شنو ناكلو في شقان الفطر ،
شنو نحظرو لسهرية و السحور!!

اما مع الأسف ننساو حاجة مهمة برشا ،الي هي
إنو بدنا امانه .
و في شهر رمضان راهو نحينا كان فطور نصف نهار اكهو….

يعني هذا ما يعنيش إنو بالليل نرجعوا ناكلوا ضعفين ولا ثلاثة أضعاف ….،ماهوش المقصود منو

و هاذا الشهر تفرض علينا من ربي سبحانه، حبا لينا ،باش بدنا يرتاح و يتنظم من تعب عام كامل .

يعني المعدة ترتاح،الهضم يهدى، والأعضاء في الجسم تكمل الخدمة على راحتها: تصفّي، وتنقّي، والبدن يديتوكس شوية.
الفكرة انو بدنا يسترجع توازنه واحنا نحسو براحة و الخفة.

اما للأسف، بسبب العادات والتقاليد الخاطئة، برشا ناس يضيعو الفرصة هاذي.
يصومو نهار كامل، ومبعد سهرية كاملة وهوما ياكلو ويتنوشو ..
وبدنهم يتعب و يدخل بعضوا اكثر من قبل.

اذاك علاش خوذ المسؤولية باش تعاون بدنك :

🔺أختارماكله ساهلة للهضم باش ما تعبش الجهازك الهضمي
🔺أمضغ مليح الماكلتك
🔺كول بشوي ،و التنفس بين اللقمات
🔺وقف على الماكله ،ما تستناش إلي معادش عندك النفس
🔺وما تنساش ، قبل ما تحلي أعطي لبدنك الوقت اللازم باش يهضم مليح .

راهي الحكاية الكل ميهاش ريجيم ولا تعقيد ولا حرمان.

هو وعي وخير ليك انت ، خاطر وقت تسمع و تقدر بدنك هي احسن حاجة تعملها لروحك ولصحتك في دنيا هاذي .

يعني من لخر وعلخر وخلي رمضان يكون راحة لروحك وبدنك…
مش تعب جديد نزيدوه عليه

قولي بصراحة:
شنو أكثر حاجة تتعبك كل ليلة في رمضان؟؟

15/03/2026

من احلى الأشياء الي نحبها في رمضان ❗️

انو موش شهر صيام اكهو ..اما فرصة باش نفهمو و نتعمقو في الروح العظيمة اللي ربي حطها فينا ..

وزاد فرصة كبيرة نظفوا بدنا،
نتعلمو كيفاش نتحكمو في شهواتنا ، و نرجعو نسمعو لرواحنا اكثر …

إذاك علاش ربي سبحانه ،برحمتو الواسعة و حبو لينا
شد علينا الشيطان في الشهر هذا ، باش تساهل علينا المهمة ‼️
اللي نرجعو و نفهمو نفسنا العظيمة..

والغريب في شهر رمضان،
في اول تحس الشهر طويل ، ونقولو أش باش يعديه ،
وفجأة …نلقاو رواحنا في العشر الأواخر ❗️❗️

و كيما نعرفو كلنا الي فيها "ليلة القدر " خير من ألف شهر،
وهي فرصة عظيمة لينا ويمكن ما تتعاودش ،على خاطر مانعرفوش ساعتنا وقتاش تكون ..

و إذاك علاش خلينا نحاولوا نستثمرو الليالي هاذم :

بالصلاة، بقراءة القرآن بالتدبر، بالاستغفار ،التسبيح
والصلاة على النبي ﷺ
في الخدمة، وقت احنا نسوقو، نقضيو…..كل مكان وزمان كل واحد بطريقتو و وقتو و احساسو....

الموفيد، نتذكروا فيها علاش بدينا رمضان ‼️
و الحكمه الي ربي سبحانه فرضها علينا ،
اكاك باش نفهمو رواحنا و نعرفو قيمتنا و ناخذو مسؤوليتنا .

وهاذا نذكر بيه روحي قبلكم،

انشالله ربي يتقبل منا صيامنا وقيامنا ونكونو زدنا قرب و حب ليه اكثر ، على خاطر كي نقربوا من ربي سبحانه ،
نفهمو رواحنا وأنفسنا،
و نعرفو قيمتناو هدفنا أكثر في هذه الدنيا ..

يا ربي تقبل منا🤲🤲

وإنت😊
شنوّة أكثر حاجة تعلمتها من رمضان هذا العام؟؟

Ahlem-BodyFresh

11/05/2026

28/04/2026

27/04/2026

22/04/2026

17/04/2026

02/04/2026

30/03/2026

29/03/2026

28/03/2026

27/03/2026

15/03/2026

Adresse

Site Web

Notifications

Raccourcis

Partager

Type