01/04/2026
المغربية اللي كـتحارب على الاستقلالية و الندية مع المغربي هي نيت اللي كتولي كائن لطيف و مطيع بمجرد ما يكون الطرف الآخر أجنبي (سواء مصري تركي خليجي أو غربي) ....
أجي تشوفو حجم التنازلات اللي كـتقدمها فوق طبق من ذهب :
🟡 مع المغربي كـتبدا الحساب بالمـيليم : فين غنسكنو ؟ شحال الصالير ديالك ؟ شنو غتكتب في سميتي ؟ ..
• ولكن مع الأجنبي كتولي مطبقة «الحب ما كيعرف حدود» و «المهم هو الهنا»
شفنا حالات ديال مغربيات جهزو ديورهم بفلوسهم (بحال هاد المغربية مع المصري) غير باش تستر راسها مع أجنبي..
🟡 مع المغربي أي ملاحظة على اللبس أو الخروج كتولي قمع و تخلف و حجر على الحرية.
• مع الأجنبي كتولي الغيرة علامة حب, وكتلقاها تبدلات 180 درجة, لبسات الحجاب أو حيدات القصير غير حيت محبوب الجماهير طلب منها و بلا نقاش
🟡 المغربي اللي كيطلب من مرتو تتهلا ف الأم ديالو كيتسمى ولد مو و ما عندوش شخصية... ولكن فاش كيتعلق الأمر بعائلة الأجنبي كتولي بنت الأصل اللي كتحمر الوجه ومستعدة تضرب تمارة و الرحيل لبلاد بعيدة و تعلم لغة جديدة و تقاليد جديدة غير باش ترضي الأجنبي..
🟡 شحال من مغربية صابرة على الإهانة و الفقر مع أجنبي غير باش ما يقولوش عليها فشلات ف زواجها المختلط, بينما مع المغربي أدنى غلط كيولي سبب كافي للمحاكم و النفقة و شعار المرأة القوية المستقلة 🙆🏻♂️
💊 هاد التنازلات ماشي حب و إنما محاولة لإثبات القيمة, النتوة اللي متشبعة بهاد الفكر كتحس بالدونية قدام الأجنبي و كتعتبر الزواج منو إنجاز خاصها تحافظ عليه بشتى الوسائل ولو على حساب كرامتها
أما المغربي فبالنسبة ليها هو الحيط القصير اللي كتحاول تفرغ فيه عقد النقص و التمرد اللي كيرضعوه ليها الصفحات النسـ ـوية
💊 الرجل المغربي خاصو يفهم بلي المعايير اللي كيتحاكم بها هي معايير انتقائية, نهار كتشوف مغربية كتدير المستحيل مع أجنبي و هي كانت كتشرط المستحيل على المغربي عرف بلي القضية ماشي قضية حب, بل قضية استلاب ثقافي و فقدان للبوصلة الأخلاقية ✅
ـ ✍🏻 : Thunder Hunter
