邊個話英國無山跑 Trail running in UK

邊個話英國無山跑 Trail running in UK 只要心中有山,無山都可以照操山

難得有冬日陽光☀️,即使最近做緊路跑訓練,都忍唔住搵啲Trails跑下。(係呀,trails咋無上山,呢度嘅trails可以一啲攀升都無。)因為前幾日打風,好多地方水浸,今日去嘅Stoke Park、Frome Valley、Frencha...
06/01/2024

難得有冬日陽光☀️,即使最近做緊路跑訓練,都忍唔住搵啲Trails跑下。(係呀,trails咋無上山,呢度嘅trails可以一啲攀升都無。)

因為前幾日打風,好多地方水浸,今日去嘅Stoke Park、Frome Valley、Frenchay好多路(即使本來係石屎路)都泥漿化,本來已經好濕嘅路變成沼澤咁,跣到hi hi,稍一不慎仲會成隻腳陷入去拎唔返出嚟。咁嘅情況當然跑唔快,但可以迫自己提高步頻減少觸地時間,當係一個另類訓練啦。

幾小心都好,跑完對腳、襪、鞋都係全部濕晒,而且係泥水,又濕又凍又核突🤢,如果仲要揸車返屋企嘅一定要預備好乾淨鞋襪換。

冬天跑步係無咁舒服,但可以喺難得嘅陽光下欣賞咁靚嘅風景,製造下維他命D、出一身汗,暫時放空一下,都好值得㗎。你諗下,排除萬難英國冬天出街跑喎,achivement嚟㗎,俾啲掌聲自己👏🏻!
😂😂😂


#跑山 #跑山日常 #越野跑 #英國行山 #英國跑山 #英國越野跑 #英國生活 #英國好去處

上次提到英國成日落雨,冬天又凍仲好大風,即使只係練路跑,離開家門都需要好大嘅勇氣。呢個時候,適合嘅裝備就非常緊要。戴頭盔先,以下都係個人經驗分享,歡迎指正討論🙏🏻。冬天衣著基本原則係Layering,即係唔好一件厚褸,寧願著多幾層,熱咗可以...
01/01/2024

上次提到英國成日落雨,冬天又凍仲好大風,即使只係練路跑,離開家門都需要好大嘅勇氣。呢個時候,適合嘅裝備就非常緊要。戴頭盔先,以下都係個人經驗分享,歡迎指正討論🙏🏻。

冬天衣著基本原則係Layering,即係唔好一件厚褸,寧願著多幾層,熱咗可以除底收埋。事實上就算零度出去跑,跑到咁上下都會出汗,如果著住件羽絨大褸就會好麻煩。

咁點layering法呢?主要分base layer、mid layer 同outer layer。Base 除咗夠暖更緊要係快乾透氣,因為濕咗個身就會凍🥶。物料方面merino wool會夠暖但個人經驗佢乾得比較慢,啱上山,人造纖維(polyester、polypropylene)就乾快啲比較適合路跑。英國好多outdoor shops 都有出自己品牌嘅base layer,大特價嗰陣十零鎊都買到,好抵!

Mid Layer 方面我就用普通長袖跑衫(上山有啲唔同,之後有機會再講),好多大品牌有出,加埋件base 攝氏5-10度都會好舒服。因為比較怕凍,所以特別鍾意有帽嗰啲,貪佢凍起嚟可以包埋個頭同頸。如果氣溫真係好低,就著多一件😆。

Outer Layer就係件風褸喇。英國嘛,絕對要揀件防水擋風嘅。但防水得嚟又要透氣喎,否則就好似笠住個黑色垃圾袋咁焗到一身汗。除咗好出名嘅Gortex,市面上仲有好多waterproof 嘅物料,識唔晒唔緊要,知道佢嘅「防水度」就會大概知道佢有堅。除咗講幾大雨,仲要考慮埋雨入面嘅時間。一般嚟講,10000mm嘅褸落雨跑一兩個鐘都夠,但想跑幾個鐘嘅長課甚至上山,搵啲20000mm或以上嘅物料就好啲喇。喺英國不妨考慮下本地品牌例如Rab、inov-8,black Friday 大減價仲平過喺香港買大牌子。

除咗個身,保護頭頸、耳仔、雙手嘅溫度都好緊要。呢啲都係體溫流失得比較快嘅地方。通常出街跑我都會戴個buff包頸,熱就除嚟抹汗。本地人幾興戴冷帽跑,遮埋耳仔,即刻暖晒。不過跑耐咗會好熱又焗,所以唔係零度以下嘅話,我會用buff摺成帽取代冷帽。至於保護雙手,一對保暖透氣嘅手套就唔少得啦,但係落雨對手濕晒都係凍,防水手套又焗點好呢?尋尋覓覓,最後發掘到本地薑inov-8嘅二合一手套,落雨可以用佢個防水套套住,無雨或太熱又可以除低個套攝喺手背,變返一般保暖手套,出街跑步同上山都夠用。

圖為在下出街跑嘅典型衣著,落雨就加埋風褸。呢幾日出面攝氏6、7度,十幾英里風,微雨,跑LSD 同Tempo都okay。嚟緊個星期日天氣又轉冷,大家不妨分享下自己點樣保暖啦😆。


#跑山 #跑山日常 #越野跑 #英國行山 #英國跑山 #英國越野跑 #英國生活 #英國好去處

英國成鬼日都落雨,尤其是冬天,又大雨又大風又凍,點樣可以繼續跑山訓練呢?弱雞嘅我,發覺山上天氣太惡劣嘅話真係會練唔到嘢。落住雨勁大風,包幾多層衫、點樣熱身個人都係唔暖;天氣差又冇風景,又要同啲泥漿摔角,成件事變得好唔enjoyable,就會...
31/12/2023

英國成鬼日都落雨,尤其是冬天,又大雨又大風又凍,點樣可以繼續跑山訓練呢?

弱雞嘅我,發覺山上天氣太惡劣嘅話真係會練唔到嘢。落住雨勁大風,包幾多層衫、點樣熱身個人都係唔暖;天氣差又冇風景,又要同啲泥漿摔角,成件事變得好唔enjoyable,就會冇晒心情練。試咗好幾次之後,都係勉強唔嚟。所以嚟到英國,首先要習慣山唔係香港咁全年都可以上。鬼佬冬天冇比賽係有原因,因為大家都會喺最凍呢幾個月休息休息。

休息又唔係冇訓練喎,大家會改為練吓路跑、做下gym。逢星期六嘅Park Run依然好多人。個人認為,呢短短5K係幾好嘅Tempo練習,叫做喺休季嘅時候每個星期都比自己一個保持速度訓練嘅機會。Park Run嘅好處係夠人多好氣氛,而且總有人實力比自己強,追住嚟跑就冇咁容易頹廢。

不過都係嗰句,出邊橫風橫雨嘅話路跑都好辛苦個喎,唔通一定要俾錢入去gym room?咁又唔係嘅。怕凍如我,都已經習慣到幾度底下落住雨出街跑。只要有合適嘅Gear,一定搞得掂嘅。

下個Po再分享下打水戰嘅Gear,咁啱跑完,洗晒😆。


#跑山 #跑山日常 #越野跑 #英國行山 #英國跑山 #英國越野跑 #英國生活 #英國好去處

好多朋友一聽到我話要移民英國,第一個反應都係:「吓,咁你以後咪冇得跑山囉?」當然啦,香港豆膶咁大,山多平地少,想上山操練真係話都冇咁易。以前住嗰度,行唔使10分鐘已經可以上獅子山。走大山徑又好、小路又好,都好容易接駁到公共交通工具;路上又有...
30/12/2023

好多朋友一聽到我話要移民英國,第一個反應都係:「吓,咁你以後咪冇得跑山囉?」

當然啦,香港豆膶咁大,山多平地少,想上山操練真係話都冇咁易。以前住嗰度,行唔使10分鐘已經可以上獅子山。走大山徑又好、小路又好,都好容易接駁到公共交通工具;路上又有士多、水機等等可以做補給。呢一種便利,世界上應該冇第二個地方可以及得上。

英國嘅山,集中喺蘇格蘭、英格蘭嘅西北面(峰區、湖區、約克等)同埋威爾斯。當然冇阿爾卑斯山嗰種幾千米嘅大山咁浩瀚宏偉,但係都有唔少幾百米高又綿綿不絕嘅山。揀啱落腳點嘅話,都唔會完全搵唔到上山嘅地方嘅。

當身處無大量攀升路線嘅國度,又想繼續越野跑嘅比賽,就要調節下訓練嘅方法。我最後揀咗英國嘅西南部落腳,貪佢近威爾斯嘅山區得來,又唔會太鄉下。同香港比較,就冇大帽山鳳凰山嗰種大幅度上落、有成千米嘅山徑,但係可以上落幾百米嘅山都唔少。之後住住下仲發現附近都有唔少細山仔可當跑下Rolling,能夠開闢另一種訓練方式。

所以就算移咗民嚟英國,都唔一定要放棄跑山嘅興趣!如果住喺英國嘅朋友屋企附近有可以操練嘅山路,不妨分享一下啊!


#跑山 #跑山日常 #越野跑 #英國行山 #英國跑山 #英國越野跑 #英國生活 #英國好去處

Address

Bristol

Website

Alerts

Be the first to know and let us send you an email when 邊個話英國無山跑 Trail running in UK posts news and promotions. Your email address will not be used for any other purpose, and you can unsubscribe at any time.

Share