Bwrdd Iechyd Hywel Dda

Bwrdd Iechyd Hywel Dda Yn darparu gwasanaethau gofal iechyd i gymunedau ledled Sir Gaerfyrddin, Ceredigion a Sir Benfro. In English www.facebook.com/hywelddahealthboard

Mae Bwrdd Iechyd Lleol Hywel Dda yn darparu gwasanaethau gofal iechyd i boblogaeth o tua 372,320 ar draws Sir Gaerfyrddin, Ceredigion a Sir Benfro. Mae'n darparu gwasanaethau Acìwt, Sylfaenol, Cymunedol, Iechyd Meddwl ac Anableddau Dysgu trwy Ysbytai Cyffredinol a Chymunedol, Canolfannau Iechyd, Meddygfeydd Teulu, Deintyddion, Fferyllfeydd, Optometryddion a safleoedd eraill.

Gallwch leihau eich risg o salwch difrifol o ganlyniad i COVID-19 a Feirws Syncytiol Anadlol (RSV). Ewch i gael eich bre...
08/04/2026

Gallwch leihau eich risg o salwch difrifol o ganlyniad i COVID-19 a Feirws Syncytiol Anadlol (RSV).

Ewch i gael eich brechu.

Os ydych chi'n 75 oed neu’n hŷn, neu'n byw mewn cartref gofal i oedolion hŷn, cadwch lygad am eich gwahoddiad a manteisiwch ar y cynnig pan ddaw.

Ewch i'n gwefan am fwy o wybodaeth ynghyd â dyddiadau a lleoliadau clinigau: https://biphdd.gig.cymru/brechu-oedolion

Mae mis Ebrill yn fis Ymwybyddiaeth Canser y Coluddyn.Canser y coluddyn yw un o'r canserau mwyaf cyffredin yng Nghymru, ...
07/04/2026

Mae mis Ebrill yn fis Ymwybyddiaeth Canser y Coluddyn.

Canser y coluddyn yw un o'r canserau mwyaf cyffredin yng Nghymru, gyda mwy na 2,200 o bobl yn cael diagnosis bob blwyddyn.

Gall adnabod symptomau canser y coluddyn yn gynnar helpu i achub eich bywyd.

Mae'n bwysig eich bod yn cysylltu â'ch meddyg teulu os byddwch yn sylwi:
🔹Gwaedu o'ch pen ôl
🔹Gwaed yn eich carthion
🔹Newid pa mor aml rydych chi'n mynd i’r toiled, neu yn cael dolur rhydd neu rhwymedd yn rheolaidd
🔹Colli pwysau heb esboniad
🔹Teimlo'n flinedig iawn trwy'r amser
🔹Poen neu lwmp yn eich bol

Nid yw'r symptomau hyn bob amser yn golygu bod gennych ganser y coluddyn, ond mae'n bwysig peidio â'u hanwybyddu. Gall siarad â'ch meddyg teulu cyn gynted ag y byddwch yn sylwi ar newidiadau helpu i sicrhau eich bod yn cael y gefnogaeth gywir.

Mae ymchwil yn dangos bod 9 o bob 10 o bobl yn goroesi canser y coluddyn os cânt diagnosis yn y cam cynharaf

👉I ddysgu mwy am ganser y coluddyn a sgrinio yng Nghymru ewch i: https://icc.gig.cymru/gwasanaethau-a-thimau/sgrinio/sgrinio-coluddion-cymru/ynglyn-a-sgrinio-coluddion/

I gael cymorth iechyd meddwl ar frys ffoniwch 111 a phwyso RHIF 2. Cyngor a chymorth gan weithiwr iechyd meddwl proffesi...
05/04/2026

I gael cymorth iechyd meddwl ar frys ffoniwch 111 a phwyso RHIF 2.

Cyngor a chymorth gan weithiwr iechyd meddwl proffesiynol yn eich ardal 24 awr y dydd, 7 diwrnod yr wythnos.

Cyngor gofal iechyd y gallwch ymddiried ynddo. www.111.GIG.Cymru

Mae eich fferyllfa leol yn cynnig ffordd gyflym a hawdd o gael y gofal sydd ei angen arnoch.Siaradwch â'ch fferyllydd, s...
03/04/2026

Mae eich fferyllfa leol yn cynnig ffordd gyflym a hawdd o gael y gofal sydd ei angen arnoch.

Siaradwch â'ch fferyllydd, sy'n weithiwr gofal iechyd proffesiynol cymwys, i gael cyngor arbenigol a thriniaeth ar gyfer mân bryderon iechyd.

Os oes angen i chi weld fferyllydd dros ŵyl y banc y Pasg ewch i, trowch at https://biphdd.gig.cymru/gofal-iechyd/gwasanaethau-a-thimau/fferyllfa/ i weld pa fferyllfeydd sydd ar agor yn lleol i chi.

02/04/2026

Lleihau eich risg o salwch difrifol o COVID-19 ac RSV. Mynnwch eich brechiad 🛡️

Os ydych chi'n 75 oed neu'n hŷn, neu'n breswylydd mewn cartref gofal i oedolion hŷn, cadwch lygad allan am eich gwahoddiad a manteisiwch ar y cynnig pan fydd yn cyrraedd.

Am ragor o wybodaeth, ewch i 👇
https://icc.gig.cymru/pynciau/imiwneiddio-a-brechlynnau/

Gwasanaethau profion gwaed yn Llanelli i symud i Ganolfan Pentre Awel. Bydd gwasanaethau fflebotomi (profion gwaed) ar ...
02/04/2026

Gwasanaethau profion gwaed yn Llanelli i symud i Ganolfan Pentre Awel.

Bydd gwasanaethau fflebotomi (profion gwaed) ar gyfer ein cleifion sy’n byw yn ardal Llanelli yn symud i gartref newydd yng Nghanolfan Pentre Awel, Llanelli, ddechrau haf 2026.

Darperir y gwasanaeth ar hyn o bryd o'r Ganolfan Brechu Torfol yn Nafen, Llanelli.

Mae Canolfan Pentre Awel a agorodd i’r cyhoedd ym mis Hydref 2025 yn cynnig gwell hygyrchedd, cysylltiadau trafnidiaeth, a pharcio mwy cyfleus i gleifion. Mae llwybr bws lleol L1 a L2 yn cysylltu Canolfan Pentre Awel â lleoliadau allweddol gyda’r safle bws ychydig y tu allan i’r prif ddrws. Mae’r llwybr, sydd tua bob 90 munud, yn cysylltu canol tref Llanelli, Parc Pemberton, Parc Trostre, Pen-y-fan, Morfa, Canolfan Pentre Awel, Dyffryn y Swistir, Ysbyty Tywysog Philip a Felin-foel. Mae llwybr L11 hefyd ar gael i'r rhai sy'n byw yng Nghydweli a'r ardaloedd cyfagos ar ddechrau a diwedd pob dydd.

Byddwn yn rhannu rhagor o fanylion am y dyddiad agor a gadarnhawyd ac unrhyw newidiadau i drefniadau apwyntiadau cyn gynted ag y byddant ar gael.

Yn y cyfamser, dylai cleifion barhau i drefnu eu hapwyntiadau prawf gwaed yn Nafen, Llanelli, neu Ysbyty Tywysog Philip yn y ffordd arferol, naill ai:

Ar-lein, gan ddefnyddio'r system archebu ar-lein bresennol: https://biphdd.gig.cymru/gofal-iechyd/gwasanaethau-a-thimau/profion-gwaed/

Dros y ffôn, ffoniwch yr Hyb Cyfathrebu ar 0300 303 9642

Darllenwch y stori gyfan yma: https://biphdd.gig.cymru/newyddion/datganiadau-ir-wasg/gwasanaethau-profion-gwaed-yn-llanelli-i-symud-i-ganolfan-pentre-awel1/

Mae uned SDEC (Gofal Brys yr Un Diwrnod) Bwrdd Hywel Dda yn Ysbyty Glangwili yng Nghaerfyrddin wedi ailagor i gleifion a...
02/04/2026

Mae uned SDEC (Gofal Brys yr Un Diwrnod) Bwrdd Hywel Dda yn Ysbyty Glangwili yng Nghaerfyrddin wedi ailagor i gleifion a staff yr wythnos hon.

Ddydd Llun (30 Mawrth) ymwelodd ein Prif Weithredwr Dr Phil Kloer, â’r adeilad i gael taith o amgylch y cyfleusterau sydd wedi’u hadnewyddu ac i gwrdd â staff a chleifion.

Dywedodd Dr Kloer: "Rwy’n falch iawn ein bod yn agor yr adeilad SDEC ar ei newydd wedd. Mae’r holl waith sydd wedi’i wneud wedi gwneud argraff fawr arnaf, ond mewn gwirionedd, y bobl a’r tîm sy’n ei wneud yn bwysig.”

Disgwylir y bydd yr SDEC newydd, gwell yn lleihau'r pwysau ar yr Adran Brys yng Nglangwili ac mae'n rhan o ymdrechion parhaus i wella profiad cleifion ar draws safleoedd ysbytai acíwt a'r Uned Mân Anafiadau yn Ysbyty Tywysog Philip.

Darllenwch y stori gyfan: https://biphdd.gig.cymru/newyddion/datganiadau-ir-wasg/gofal-brys-yr-un-diwrnod-wedii-adnewyddu-yn-ailagor/

Dewiswch y gwasanaeth cywir ar gyfer eich salwch neu anaf y Pasg hwn.O fferyllwyr, optometryddion ac unedau mân anafiada...
02/04/2026

Dewiswch y gwasanaeth cywir ar gyfer eich salwch neu anaf y Pasg hwn.

O fferyllwyr, optometryddion ac unedau mân anafiadau i linellau cymorth iechyd meddwl a chymorth ar-lein, mae yna lawer o ffyrdd o gael mynediad at ofal iechyd yn Sir Gaerfyrddin, Ceredigion a Sir Benfro.

Trwy ddewis y gwasanaeth cywir ar gyfer eich salwch neu anaf, rydych nid yn unig yn gofalu am eich iechyd ond yn defnyddio eich gwasanaethau GIG yn gyfrifol. Mae hyn wedyn yn helpu ein staff i drin a gofalu am ti yn briodol.

https://biphdd.gig.cymru/gofal-iechyd/helpwch-ni-ich-helpu-chi/

Cynhelir ‘Gwasanaeth Cofio Babanod a Garwyd a Gollwyd’ blynyddol Hywel Dda ddydd Sadwrn 25 Ebrill 2025 yng Nghaerfyrddin...
01/04/2026

Cynhelir ‘Gwasanaeth Cofio Babanod a Garwyd a Gollwyd’ blynyddol Hywel Dda ddydd Sadwrn 25 Ebrill 2025 yng Nghaerfyrddin.

Dywedodd Euryl Howells, Uwch Gaplan ym Mwrdd Iechyd Prifysgol Hywel Dda: “Rydym yn gwybod y gall taith galar fod yn araf ac yn boenus, a gall y profiad o golled fod yn eang - o gamesgoriad cynnar i farwolaeth babi neu blentyn.

“Mae ein gwasanaeth coffa ar gyfer unrhyw un sydd wedi profi colled, ni waeth pryd y digwyddodd na ble roeddech chi'n byw ar y pryd.

“Rydym yn cynnig lle i fyfyrio’n dawel, yn ogystal â’r cyfle i ddod ynghyd ag eraill sydd wedi profi colled debyg. Gall cael eich amgylchynu gan gefnogaeth a chariad roi cysur ar adeg anodd.”

O heddiw, 1 Ebrill 2026, mae GIG Cymru wedi cyflwyno newidiadau a gynlluniwyd i'w gwneud hi'n haws ac yn gyflymach i gle...
01/04/2026

O heddiw, 1 Ebrill 2026, mae GIG Cymru wedi cyflwyno newidiadau a gynlluniwyd i'w gwneud hi'n haws ac yn gyflymach i gleifion, teuluoedd a gofalwyr godi pryderon am ofal y GIG yng Nghymru.

Mae'r dull newydd yn cryfhau ein hymrwymiad i fod yn agored, bod yn dosturiol, a dysgu.

Mae'r newidiadau'n cynnwys:
• cynnig gorfodol o sesiwn gwrando gweithredol
• cam datrys cynnar 10 diwrnod newydd
• mwy o dryloywder a chyfathrebu cliriach
• llythyrau canlyniad hygyrch, mewn iaith glir
• gwelliannau i Broses Gwneud Iawn y GIG

Mae gan bawb yr hawl i godi pryder, ac mae cefnogaeth ar gael o'r cychwyn cyntaf. Mae hyn yn cynnwys eiriolaeth drwy Llais, sef corff sy’n cynrychioli llais annibynnol cleifion, yn ogystal â chymorth cyfathrebu ac addasiadau rhesymol.

Darganfyddwch fwy am y dull newydd a'r cymorth sydd ar gael, gan gynnwys sut i godi pryder: Canllawiau statudol Gwrando ar Bobl newydd i wella'r ffordd mae GIG Cymru yn ymateb i bryderon.

https://biphdd.gig.cymru/newyddion/datganiadau-ir-wasg/canllawiau-statudol-gwrando-ar-bobl-newydd-i-wellar-ffordd-mae-gig-cymru-yn-ymateb-i-bryderon/

Os byddaf yn rhedeg allan o'm meddyginiaeth a ragnodir ac mae fy meddygfa ar gau – beth ddylwn i ei wneud? 🤔Os byddwch y...
01/04/2026

Os byddaf yn rhedeg allan o'm meddyginiaeth a ragnodir ac mae fy meddygfa ar gau – beth ddylwn i ei wneud? 🤔

Os byddwch yn rhedeg allan o'ch meddyginiaeth a ragnodir yn rheolaidd, gan gynnwys dulliau atal cenhedlu, mae ein fferyllfeydd cymunedol yn cynnig gwasanaeth cyflenwad brys.

Gall eich fferyllfa gymunedol leol ddarparu cyflenwad bach, os yw'n briodol, nes y gallwch gael presgripsiwn.

I ddod o hyd i'ch fferyllfa agosaf, oriau agor a pha wasanaethau eraill y gallant eu cynnig, ewch i https://biphdd.gig.cymru/gofal-iechyd/gwasanaethau-a-thimau/fferyllfa/

Address

Ail Lawr, Bloc C, Adeiladau’r Llywodraeth, Heol Picton
Caerfyrddin
SA313BT

Telephone

+441267235151

Website

Alerts

Be the first to know and let us send you an email when Bwrdd Iechyd Hywel Dda posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category