04/03/2024
小弟之養生專欄，懇請各方好友關注，多多推廣及留言。
【曜光中醫專欄】養生有道 在英港人如何避免「水土不服」？
//作為一個中醫，我希望能夠喺英國好好咁推廣養生文化。感謝Wedia HK俾機會我喺依個平臺開設專欄，每週一劑，同大家分享養生知識。
移民英國，好多嘢都同香港好唔同，除咗文化、語言、政制之外，天氣同食物等都需要我哋去重新適應。今集就同大家分享吓英國嘅「水」。
眾所周知，英國水質對比香港係非常「寒涼」。英國本地多煎炸嘢，如果大家有喉嚨痛，不妨多飲兩杯水，可以有效舒緩痛楚。
我喺英國有唔少病人都好奇點解英國嘅水會咁寒嘅。主因係英國大多飲用水嘅水源都係地下水，所以會好寒。
但隨之而來嘅問題係，由於地下水長年不見天日， 晒唔到太陽，而我哋亦唔知都依啲地下水喺地底存放咗幾耐。我會形容佢哋係「千年寒水」甚至係「萬年寒水」。
而，如果閣下身體唔夠強健，會影響「脾」同「腎」。而且飲得多會，仲會減慢「氣血」、手腳冰冷，女士甚至會影響經期。
因此，唔好以為水一定係好嘢，多飲就冇問題，身體健康！
但醫師講到咁恐怖，係咪唔好直接飲英國水呢？咁又唔係，其實仲有好多方法走盞嘅。 //
作者：孫醫師 Sunshine Acupuncture Clinic 曜光跌打醫館
全文連結在本帖留言版發佈
#中醫 #英國 #英國中醫 #專欄 #曜光中醫
