DrAskar

27/05/2025

Qaylada Aan La Maqlin: Dhalinyaradii Ku Barbaartay Dagaalka Sokeeye
Waa wiilal iyo gabdho Soomaaliyeed —Wejiyadoodu waa kuwo ifaya, rajada iyo adkaysiga ka muuqda. Balse qalbigooda? Waxa ku qarsoon xasuuso aan cidina dareemin, mid aysan mararka qaar iyaguba magac u heli karin.Waa jiil ku barbaariyay dhawaqa rasaasta, jugta qaraxyada, iyo qaylada aan kala joogsan. Waa dhalinyaro aan waligood arag xilli nabadeed.

Intii dunida kale baranaysay ciyaaro, buugaag, iyo riyooyin carruurnimo, iyagu waxay barteen sida loo fakado marka xabadu dhacdo. Waxay ku koreen guryaha burburay, taangiyada iyo qoryaha daadsan ee ay ciyaarta ka dhigteen. Miinooyinkii dhulka lagu aasay waxay noqdeen wax ay ciyaartooda ka mid noqotay, iyagoon halistooda garanayn; qaar badan ayaa ku dhintay ama dhaawacmay.

Fasal waxbarasho may helin; geed hoostii, darbiyo burbursan, saqaf la’aan, iyo daasadaha iyo dhagxaanta ayaa u noqday kuraas.
Waxaa barbaariyay hooyo, aabe, macallin iyo bulsho badankood dhaawacnaa. Qaarba kamida may helin. Jacaylkii iyo kalgacalkii ay mudnaayeen.
Intooda badan waxay barteen in noloshu tahay dagaal, iyo wax iska dhicin . Walaaltinimadii iyo isku duubnidii Soomaalinimo ee h**e u jirtay waxa iyaga ubadalay is eedayn iyo cuqdad qabiil kale.

Qosol bay wataan, balse indhahooda waxaa ka muuqda daal ruuxeed. Waxay la socdaan bulshada, balse qalbigoodu meel kale ayuu jiraa.
Markii ay u maleeyeen in noloshii hagaagtay oo dagaalkii istaagay, iyaga k**a istaagine, Qaylo aan la maqlin ayaa gudaha ka qaylisa. Waa xanuun aan dhiig muuqdo lahayn, balse maskaxda ku daadinaya dhiig nafsiyeed.
Noloshii oo deggen, kuwa badan haddana meel laga hayo ma garanayaan; cidhidhi iyo diiqad bay la noolyihiin. waxa ay is weydiinayaa:“Maxaa farxadda iga qaaday?”

jiilka wiilka kamida oo ka cabanaya madax-xanuun, hurdo la’aan, iyo daal iyo caajis, ayaa xarunta igu imid , iiguna daray shifo iyo dhakhtarba waankudalay

Markii aan noloshiisa si qoto dheer u waraystay .waxaan gartay in dhibkiisu aanu ahayn mid maanta bilowday, balse uu salka ku hayo qaylada aan la maqlin ee uu la koray.qayladii ka dhexaysay dagaalkii sokeeye.

Waa jiil adkaysi iyo dadaal isku darsaday, una tafa-xaytay inuu nolosha meel ka gaaro.inkastoo ay duruufaha nololeed adkaayeen. Uma muuqdaan kuwo xanuun la nool; waxaa la moodaa dad nolol deggan iyo farxad ku naaloon Balse xaqiiqdu sidaas ma aha. Qaar badan oo ka mid ah jiilkan waxay la nool yihiin qaylada aan la maqlin—xusuus gubaysa, xanuun qarsoon, iyo dhaawac nafsiyeed oo aan indhaha lagu arag.

25/05/2025

Qaylada Aan La Maqlin ee Hooyo.

Waa hooyo Soomaaliyeed .waji deggan oo daallan, Qof kasta wuxuu u arkayaa hooyo wanaagsan,mid qoyskeeda si kalgacal leh ugu adeegta, dhoola caddeyn ka muuqata ,ku darsatay karti iyo dulqaad..balse wax yar baa garan kara dhaawaca qarsoon ee qalbigeeda gubaya ,.
Markii dagaalkii sokeeye qarxay, waxay ahayd darbi ay carruurteedu ka gabadaan, xabbada, naf-hure aan jabin. Hadba carruurta waxay ula carartay meel ay ku badbaadi karaan.
Markii dagaalkii istaagay,. Hooyo waxay wajahday nolol adag, mid aan lahayn nasasho, balse si geesinimo leh dhabarka ugu ridatay ,Shaqo kasta way qabatay,mid ay awoodo iyo mid aysanba awoodin. Ujeedkeduna ahaa inta ay nooshaha,in ay caruurtedu habeen gaajo ku seexan .
Rabbi wuu la garab galay, carruurtina way koraan; qaar wax bay barteen, qaarna meel fiican bay gaadheen.iyadina way nasiyeen ,
Balse iyada … waxaa ku haray xusuustii. Sawirradii nafihii ku hor qudhbaxay, qayladii, oohintii, iyo cabsi maalmeedkii soo maray weli way la jiraan.
Markay is lahayd noloshii way degtay, ayaa dareen h**e dib u kacay. Hurdadii ka tagtay, aamus iyo inay dadka ka fogaado bay bilowday. Qaylo aan la maqlin, gudaheea ka baxaysa ayaa gilgishay degganaanteedi muuqata. Iyadu ma fahmi way meel laga hayo, qoyskiina fahmi waayey. Markay ku daaleen dhakhtar iyo shifo, hadba meel ayay geeyeen.
Waa bukaan socod. Markay ku arkeen buuqa iyo khaldka galay ayay garwaaqsadeen in maskaxda laga hayo , balse waa qayladii ay la maqlayn oo markan qaraxday oo ay iyagii maqleen.
Ugu danbayn, waatan ila fadhida, iigana waramaysa xaalkeeda, aniguna dhagaysanaya si qoto dheer..Markii aan gartay xaaladdeeda iyo qaylada aan la maqlin ee muddo badan qalbigeeda gubaysay balse hadda qaraxday, ayaan u sheegay in dhibku uusan ahayn mid cusub, balse salka ku hayo waqti fog iyo dagaalkii sokeeye.
Mudo dheer kadib Rabbi wuu u gar gaaray .
Aan dhagaysano hooyoyinka lana shekaysano, dhagaysigiyo waa mid kamida dawooyinka ugu mihiimsan ee nafsi,rabiba dawa hayee

17/05/2025

QAYLADA AAN LA MAQLIN ,AAABAHA
Waa aabe Soomaaliyeed.
Wajigiisu waa mid deggan, hadalkiisuna waa mid kooban, balse qalbigiisa waxaa ka buuxa xasuus murugo badan oo aan weli ka damin.
Dagaalkii sokeeye wuu ka badbaaday.rasaast iyo , qaraxyada, intuu dagaalku socday baahidi ,wuxuu noqday derbi ay qoyskiisu ku nabad galeen.
Kadib duruufihii adkaa, wuxuu u dulqaaday nolol adag. Shaqo kasta wuu qabtay.mid uu yaqaan, mid aanu aqoonba, xattaa mid aanu awoodin,si uu u ilaaliyo ama u darabaro nolosha qoyska.
Rabbi wuu la garab galay, carruurtuna way koraan; qaar wax bay barteen, qaarna meel fiican bay gaadheen.
Balse isaga… wuxuu ku haray xusuustii.
Sawirradii nafihii ku hor qudhbaxay, qayladii, oohintii, iyo cabsi maalmeedkii soo maray weli way la jiraan.
Qof walba wuxuu u yahay tiir ay ku tiirsan yihiin, balse naftiisa cid uu ku tiirsanyahay ma jiraan.
Markii islahaa noloshii way degtay, ayaa dareen h**e dib u kacay. Hurdadii ka tagtay, aamus iyo inuu dadka ka fogaado buu bilaabay.
qaylo aan la maqlin.gudihiisa ka baxaysa ayaa gilgishay degganaantiisii muuqata.
Isaguna fahmi waa meel laga hayoo, qowskiina fahmi waayey . Markay ku daaleen dhakhtar iyo shifo hadba meel ayay geeyaan.
Waa bukaan socod. Markay ku arkeen buuqa iyo khaldka galay ayay garowsadeen in maskaxda laga hayo—balse waa qayladii ay la maqlayn oo markan qaraxday oo ay iyagii maqleen

Ugu danbayn, waakan ila fadhiya, iigana waramaya xaalkiisa, aniguna dhagaysanaya si qoto dheer.
Markii aan gartay xaaladdiisa iyo qaylada aan la maqlin ee muddo badan qalbigiisu gubaysay balse hadda qaraxday, ayaan u sheegay in dhibku uusan ahayn mid cusub, balse salka ku hayo waqti fog iyo dagaalkii sokeeye.
Dawooyin ayaan u dejiyey, talooyinna waan siiyey.
Markii muddo badan uu qaadanaya dawooyinki iyo talooyinki la xidhiidha xaalkisa , samir iyo dulqaadna uu muujiyey.Rabbi wuu caafimadiyey.

16/05/2025

Waxan hambalyo iyo Duco Aroos udirayaa sxbkya Dr-Jaamac Sahal iyo Marwadiisa Dr Safa Bare ,Allaha idin barakeeyo,بارك الله لكما وبارك عليكما وجمع بينكما بخير....... ❤

11/05/2025

Isagoo talaabada degdeg u qaadaya, ayuu si lama filaana daf u soo yidhi fasalka.
Gacanta midig ayuu si adag ugu qabsaday buug weyn oo uu watay, kadibna kor ugu qaaday. Isagoo wali socda ayuu kor tagay miiska ugu h**eeyee ee ardaydu fadhiday. Halkaas ayuu buugii si xoog leh ugu sii daayay miiska.
Jabaqda birta miiska iyo buugga ka dhashay ayaa gilgilay fasalka oo dhan.Ardaydii miiska ag fadhiday, iyo xataa kuwii dambe ee fogaa, dhammaantood si isku mid ah ayay hal mar ugu jeesteen dhanka uu dhawaqu ka yeedhay.

La yaab!
Mise indhahoodu waxay qabteen waji aad moodo inuu ku cusub yahay — indho dab iyo holac ka baxayaan, sheedana u eg kuwo ku gubaya.Qofkay gaar u geena aad moodid, qalbiga inay ka dareemayaan gubashada.
Afkiina kalmaddii ugu horreysay ee kasoo yeedhay waxay ahayd dhawaq dheer oo jiid-jiidmay:
“AAAAAA... MMUSSA... Aamusa!”
Shib baa lawada yidhi.
Buuggii awal markuu kala furo uu cashar uga shaxari jiray, iyagu dhagaysan jireen. Maanta sharxidu waa dhankooda..Dhagaystuhuna waa isaga..Balse waxaa u dheer in uu isagu buuga u kala furayo hadba halkuu doona iyo ciduu doono waydinaya.Kii garan waayana...Cashar aan la ilaawin ayuu dhigayaa.
Cid waliba iyadoo is leh ma adigaa ku xiga mise wuu kugu celin doona, jiq iyo cidhiidhi ku jira ayaa dhawaqa gambaleelka ama jalisku f***j u noqday — kaasi oo cadeeyey in xiisadii dhamaatay.
Inta uu buugi isku laabay ayuu si kulul u yiri:
“Ma sidan baad wax ku baranaysaan? Waalidka waad lugaynaysaan. Ama wax barta, ama baxa!”Toosna wuxuu ugu dhaqaaqay kadinka, kana sii baxay isagoo hadalka sii wataa.
Kolkaas neefti aad mooday in lagu dajiyey ka soo baxday.
Ardaydii is eegtay:

"Ma isagaaba? Mise waa riyo?"
Macallin lagu yaqaanay furfurnaan, kaftan, iyo dhiirrigelin joogto ah.Hadaladii kicinayay riyada iyo rajooyinka, sheekoyinkiisii xiisaha, xigmadda iyo nolosha taabanaya.Su’aalo sahlan balse maskaxda u furayey mustaqbalka way dinjiray ardaydaiska waydiinta — sida:
“Maxaad jeceshahay inaad noqoto?” maanta dhamac may isku badaleen
Maamlintii xigtay, wax walba caadi ayay noqdeen.
Inkasta oo uu cashar aan la ilaawin dhigay, haddana dabciyadii wacnayd baa dib u qabsatay.ilowsiinayay maalintaa

Subax kale timid.Wuxuu soo galay isagoo aamusan, talaabada aayar u qaadaya, daal iyo tabar-darro ka muuqato.
Si toos ah ayuu ugu tagay sabuuraddii.hal gacan ayuu ku qabsaday tamaashirta, tii kalena buuggiisii ayuu kala furtay.
Si deggan ayuu ciwaankii u qoray. Hadba buugga ayuu eegayaa, qayb kalena sabuuradda ku qoraa.. Ardaydu ha qayliyaan ama ha aamusan — dan k**a galo.
Markuu dhameeyay, si aayar ah ayuu kursi ugu jiiday dhinaca albaabka. Halkaas buu iska fadhiistay —isagoo aad moodid mid kucusub oo la dhacsan daawashada barxadda, sida aanu ugu libiqsanayn, indhihiisuna ugu maqanyihiin.
Hadda yaab ma leh.
Markay dhowr mar arkeen labada waji — ardaydii baratay maalinta qamta, tamar yarida iyo tacbaanka, sheekada iyo sawaxanka is gaadha..Halka maalinta kacsananta, dirirta iyo dagaalka — iyadna aamuska iyo isgaabinta layska illaaliyo, seefka galka ka baxsan.
Macalin la daala dhaacaya qaylada aan lamaqlin .qaylad aan lamaqlin ee aynu h**e uga waranay , , lasoco qaybta ku xiga , Aaabaha iyo Hooyada qaylada aan lamaqlin

28/04/2025

Hooyo Jidhkeedu Korin ,Balse Maskaxdeeda iyo Rajadeedu koreen.
Rabina u rumeeyey rajadeedii kuna arsaaqay ilmo. iyo Dhakhtarkii sobabta loogay dhigay badbaada iyada iyo Ilmaha .
Dr Mahad Abdi Yasin , Allaha Ka abaal mariyo

26/04/2025

Qaylada Aan lamaqlin
1. Qaybti 1aad: Dadkii Gudaha jooga.
Qaylada aan lamaqlin ee Marwo
Su’aal walba waxay ahayd talaabo aan ku durkay boogaha qarsoon, ilaa aan gaadhay su’aashii daaha ka rogi lahayd xanuunka:
Goormaa xanuunkan kugu horreeyay, Marwo?”
Malaha su aashaydii waxa ay ku furtay albaab ay mudo dheerba isku dayaysay in xidho, ,waa albaabka boogtii iyo xanuunkee,waa albaabka ay ka soo baxdo qaylada maqlina
Markiiba, sidiii in culays ka awood badan bini’aadamka uu korkeeda kusoo dagay ,kadibna dil ugu hanjabay kuna yidhi “Car hadal “
Aamusnaantii ayaa noqotay jawaabtii ugu horraysay, ilaa wajigeedena mugdiga muragadu ka muuqata si tar tibia u wada dabooshay waxaa u hadlay codna u noqday ilinta aayarka indhaheeda uga soodaatay ,mabay u baahnayn inay hadasho ,indhaheeda iyo aamunsteeda ayaa ugu horayn ilahadlay
Cabbaar kadib, iyadoo codkeedu daciif yahay, ayay tiri:"Dhakhtar dadku waxay moodaan in aan hadda xanuunsaday, balse xanuunkaygu madhawayn. Habeenki hurdo ma aqoon , balse subax walba waxa iqasbayey in aan sariirta ka kaco waxa ay ahayd karinka caruurtayda ,oon ogahay in ayna cidi iiga danbayn
Neef dheer iyo hiinraag murugo xambaarsan kadib, ayay inta ilmadii sacabadeeda iskaga tir tirtay ku dartay:"Alxamdulilah, caruurtaydii way koreen,qaarba caruuro leh hada ,nolol fiicana waan ku jirnaa,hada ayay dareemen xanuunkayga. Ilaahay ha idaaye,maalinba meelbay I geeyan shifo iyo dhakhtar haday tahayba, walise dawadayda lamahelin
"Xanuunkaygu wuxuu bilowday maalintii kalinimada la iga dhigay ,maalintii aan waayay wahelkaygii maalintii caruurtaydu agoomen , duniduna boqolka albaab igu furtay,garabna aan waayey
Usii gudubtay boogta dhabte "Saygayga iyo ilma adeertay... ceesh iyo milix baan ahayn, iyaga ayaa ii dhisay . Laakiin markii qabiilku kala irdhoobay qabtii dagaalka sokeeye dhacay , isla reerkayagii aya dilay, Xabaddu kaliya isaga may dilin anigana way idisay ,mayd soconaya uunban ahay
"Maalintaas mugdigii aan dhexgalay ayaan kujiraa,
Dadku waxay moodayaan in aan dhawaan bukooday… laakiin dhaawacii dagaalkaas ayaan wali u bukaa. H**e, qalbigayga ayaan la sheekaysan jiray, guuxa gudahayga cid kale ma maqli jirin. Hadda, markuu cod yeeshay, waxay yidhaahdeen: jinbaa heleelay,waa sixir, waa il,
Maantana waxay yidhaahdeen: *‘buuqbaa ku furan , waaa xaga maskaxda, u geeya dhakhtar. “Dhakhtar... tani waa qayladii h**e ee codka la’ayd ee gudahayga ka baxaysay markay badatay dibada u soo baxday oo cod yeelatay . Imisa sano ayay gudahayga kabaxaysay oon aamusnaa?”

Inkasta oo la yidhi dagaalkii sokeeye wuu istaagay, nabadba dhalatay, nolol degana waa la galay, hadana dad baa wali dagaalkaas ku jira.
, Dad badan oo maanta suuqyada dhex socda, shaqooyinka camiran ka muuqda, ama dhoolo cadaynaya ayaa la mooda kuwa farxad ku noolyihiin ,balse la nool qaylada aan la maqlin
Waa qaylo ka dhalatay dhiig daatay, qudhbixii hortooda ka dhacay, qax iyo hagardaamo nafsiyeed. Halkii ay rajo ka filayeen, waxay la kulmeen burbur iyo baryo dayacan. Halkii ay heli lahaayeen nasasho iyo bogsiin, waxay la kulmeen daal iyo duruufo sii huriyay nabarradii qalbiga, taas oo bogsashadii la filayay sii fogaysay
Qayladaasi ma istaagto xitaa markii rasaastu aamusto. Habeenada qaar waxay kaga qaylisaa maskaxda oo hurdaday udiida , maalmaha qaarna qalbiga ayay gubtaa oo fikir iyo welwelbay ku dhalisaa . Waa dad muuqaal ahaan dhoola caddeynaya, balse gudaha waxa ay la nool yihiin xanuun aan la arki karin.
Markasta oo xaalku adkaado, qaylada gudaha ku qarsoon waxay gaaraysaa heer ay qaraxdo. Markaas ayuu dhawaaqii qarsoonaa ka soo butaacaa afka qofka; dadkuna way maqlaan, waxaana la yidhaahdaa: "Wuu khafiifay," "wuu islahadlay," "wuu kululaaday,,hadii uu waayo cid garab istaagta oo qalbigiisa fahamta, xaalkisana ka warhaysa, xaalku wuu adkaada ilaa lagu sheego waali
Waxaa jira kuwo badan oo, iyagoo la tacaalaya dhaawaca nafsiyeed, aan ogolaan in qaylada aan la maqlin ka adkaato. Way iska dhaga tireen ,oo kadhigan sidii wax aan jirin, ama waxay barteen sida loola tacaalo; waxayna u sameysteen xal u gaar ah oo ay ku maareeyaan marka qayladaasi gudaha ka daaranto,
Waa kuwa geesinimo iyo adkaysi nolosha ku maareeya ,laga yaabaa inuu yahay waalid caruur korinaya, macallin bulshada wax baraya, walaal garab taagan, ama qof kale oo bulshadameel muhiim ah kaga jira.
Balse, hadii ay heli lahaayeen cid caawisa oo xal sax ah u hesha, si ay qayladan baas uga danto, way ka raysan lahaayen culayskan cidlada ku helay .inkastoy malaha ayna aaminsanayn in ayna u helayn
Hadii aad qalbigaaga furto oo aad si dhab ah u dhegaysato, waxaad maqli lahayd qaylada aan la maqlayne aamusnaatu qarisay,dhagahuna maqlayn ,

Qoraalkani wuxuu iftiiminayaa qaar kamida kuwa la nool dagaal nafsiyadeedka qaylada qarsoon dadka aan lakulmay Marwada, Macallinka, Aabbaha, iyo Hooyada kuwaas oo matalaya kumanaan kale oo weli ku dhex jira cidlada dagaal aan weli dhammaan.

15/04/2025

Qaylada Aan La Maqlin
Muddo ku dhow 13 sano ayaan ku hawlanaa daweynta dadka uu asiibay xanuunka maskaxda iyo nafsiga anigoo aaminsan in Rabbi yahay Daweeyaha dhabta ah, annagina aan nahay sabab lagu looga dhigo bogsiinta.
Qof walba xanuunkiisu wuxuu leeyahay sheeko u gaar ah, balse waxaan arkay dhaawac dad badan wadaagaan ,dhaawacas oo muuqan balse si qoto dheer ugu milmay qalbigooda, maskaxdooda, iyo nolol maalmeedkooda. Waa dhaawac ka dhashay dagaalkii sokeeye;waa dhaawac jiilba jiil ugu gudbay, carruur ku koray cabsi,.hadana waligood ma arkin rasaas iyo dagaal , waa kuwo hoos hadhsanaya murugo iyo cabsi aan cod lahayn. Waa dhaxal nafsiyeed aysan garanayn halka uu ka yimid, balse si qoto dheer ugu dhisan noloshooda.
Waxaan la kulmay wajiyo murugo xambaarsan, qalbiyo jabay, maskaxo isku dhex yaacsan, iyo carruur qaarkod ayna ka muuqan farxaddii carruurnimo. Waxaa ii muuqatay in dagaalkii sokeeya aanu dhammaan; ee uu isku bedelay mid qalbi iyo mid nafsiyeed, oo gudaha hadhay .
“Burburka hantiyaha ,iyo dhismayaasha muuqda waa la arkaa,had iyo goorna waana laga hadlaa ,laakiin burburka gudaha,kan qalbiyada iyo kan maskaxkeed,way adagtay in aad aragto cid kahadlaysa ama kubaraaugsan ,
Bur bur gudeed oo dad badani la noolyihiin balse aan la aqoon,la qiran lana dawayn,
Waxa aam xaqiiqsaday in eedasi cid waliba saarantahay oo ay naftaydu ugu horaysa ,eeda dagaalada sokeeya iyo dhaawacyadii nafsiyeed iyo hantiyeed waxay saarantahay cidii geysatay,. dhaacawacyada aan muuqan ee qalbi iyo maskaxeed ,ka hadlidooda iyo baraarujinta raadkii uu kureebay waxay saarantahay kuwa jooga ee ay ugu h**eeyan kuwa aqonta u leh
Waxaan garowsaday in aamusaantaydu qayb ka tahay in dhibaatani jirto,. Laba sano kahor,ayaan qalinka u qaatay arintan . Aqoontaydii, waayo-aragnimadaydii, iyo fahamkaygii waxaan u beddelaya qoraal, qirasho, iyo raad-reeb nafsiyeed.
Dawaynti aan h**e ugu samayn jiray xanuunka qofka ,waxa aan ku daray in aan si qoto dheer ugu fiirsado waxa ka muuqalka xanuunka ii Muqata,.Waxaan bilaabay safar dhagaysi iyo xog-ururin . dhagaysiga iy xog uririn dadka gudaha ku hadhay iyo kuwa qurbaha tagay , waalidiin, carruur, iyo ruux kasta ahoo iigu muuqda mid murugo daboolan xambaarsan. Ujeedkaygu ma ahayn in aan fahmo waxa dhacay oo keliya, balse in aan fahmo sida dadku u nool yihiin wixii dhacay ka dib.
Waxaan ururiyay xog muujinaysa dhaawaca aamuska ah ee dad badan la nool yihiin—mid aan muuqan, balse si aayar ah u burburinaya nolol iyo niyadba ..
Qoraalladan waa kuwo iftiimin doona saameynta nafsiyeed ee dagaalkii sokeeye ku reebay bulshadena Soomaaliyeed. Waxaan kabilaabayaa laba qaybood
1. Dadka gudaha jooga :Kuwa si toos ah ula kulmay dagaaladii sokeeya ,kuwa bur burkii dhashay iyo jiilalkii xigay .
2. Qurbajoogta iyo carruurtooda: Xasuuso xanuun leh , wajahay dhaqamo is diidan ,raadad nafsiyeed oo aan la arki karin balse la dareemi karo .
Waa xog bulshada wax badan ka fahamsiin karta dhibaatada dagaalka sokeeye ee aan ku koobnayna burburka dhaqaale iyo dhisme ee ah masiibo nafsiyeed oo jiilal iska dhaxlayaan
“Fahanka cudurku waa albaabka daawada; dhayida dhaawacu waa bilowga bogsashada; aqoonsiga murugaduna waa waddada farxadda. Aamusnaanta se waa abuuraha xanuunka sii fida

fikirkaaga waamihiid wixii aragti ah eed kahayso waad igukordhintaa ,

Lasoco Qaybta Koowaad. Insha allah ,
Qaybta 1. Dadka gudaha jooga

14/04/2025

Waxan duco iyo Hambalyo Aroos udirayaa wll qaliya Agaasime Ugaas Ahmed jama basbaas Iyo marwadiisa Hamdi abdirilahman Allaha idin barakeeyo
....بارك الله لكما وبارك عليكما وجمع بينكما بخير....... ❤



Ugaas Ahmed Jama Basbaas

30/03/2025

Eid Mubarak Ehel iyo Asxaaba ,Meelkaatod jogtan Halkinad kusalamantihiin

10/11/2024

05/11/2024

Qofka Niyad Jabsan..