04/04/2024
...
إزاي تشخص واحد إنه عنده ضغط مرتفع ؟؟
جالك واحد بتقيس الضغط بتاعه لقيته اكتر من 140 على 90
هتقول : عنده الضغط ولا لا ؟؟ وهل هتديه علاج ولا لا ؟؟
بص يا سيدي ,,
الشخص اللي ضغطه اكتر من 140 على 90
أول مرة يقيس الضغط
ده مبنقولش عليه عنده ضغط علطول كده
ممكن يكون من التوتر عشان في عيادة او في مستشفى
وال white coat وال ID عشان الجودة ميزعلوش مننا
هو السبب في علو الضغط
طيب هنعمل معاه إيه ؟؟
ده هنقوله المفروض يعمل حاجة اسمها ambulatory blood pressure monitoring
يعني زي جهاز بسيط يركبه ويتابع حياته عادي خالص
ويقيس الضغط بتاعه مرتين في الساعة خلال اليوم الطبيعي بتاعه في الشغل ( على سبيل المثال من الساعة تمانية الصبح للساعة عشرة مساءاً )
دول حوالي 14 ساعة
بتشوف المتوسط بتاعت القياسات دي
وتشوف هل فعلاً ضغطه عالي كده ولا لا
طيب ,,
فيه واحد مش طايق الجهاز ولا الحوار ده
بنقوله على حاجة تانية اللي هي
Home blood pressure monitoring
ودا من الاسم انه بيقيس الضغط بتاعه في البيت
بس ده بتقيس مرتين ورا بعض ويكون فاصل دقيقة بين كل قياس والشخص يكون مرتاح ميكونش عامل مجهود قبل القياس عشان ميعليش الضغط
والضغط يتقاس مرتين يومياً مرة الصبح مثلاً ومرة بليل
تقيس الضغط على الاقل اربع ايام والافضل يكون سبع ايام
بتحذف قياس اليوم الاول وبتشوف متوسط القياسات في الايام اللي قيست فيها
..
طيب افرض واحد معندوش ضغط خالص
وقيسلته الضغط وهو هادي ومستريح ولقيته اكتر من 180 على 110
ده بتديله علاج
ومبتدخلش في حوار انه يعمل ambulatory blood pressure monitoring
ولا حواء ال home blood pressure monitoring
..
طيب
إيه ال stages بتاعت الضغط المرتفع
stage 1 hypertension
ان قياس الضغط يكون اكتر من او يساوي
140/90 ده في ال clinic BP
135/85 ده في ال
ambulatory blood pressure monitoring (ABPM)
and
Home blood pressure monitoring ( HBPM)
.
stage 2 hypertension
ان قياس الضغط يكون اكتر من او يساوي
160/100 ده في ال clinic BP
150/95 ده في ال ABPM and HBPM
.
stage 3 hypertension
ان قياس الضغط يكون أكتر من أو يساوي
180/100 ده في ال clinic BP
وده مبنعملوش ABPM لو فاكر من فوق
..
طيب
احنا دلوقتي عرفنا إزاي نشخص
وعرفنا إيه ال stages of hypertension
نعالج إزاي ؟؟
بص يا سيدي :)
لو إنت معاك stage 1 hypertension
يعني الضغط اكتر من او يساوي 140/90 في ال clinic BP
أو اكتر من او يساوي 135/85 mmHg في ال ABPM
هتشوف العيان ده سنه أقل من تمانين سنة ولا أكتر من تمانين سنة
* لو أقل من تمانين سنة
وعنده حاجة من الحاجات دي
target organ damage, established cardiovascular disease, renal disease, diabetes or a 10-year cardiovascular risk equivalent to 20 % or greater
هيأخد علاج زي ما هنقول كمان شوية
* لو لقيت سنه أكتر من تمانين سنة
متديش حاجة وفكك منه
.
لو إنت معاك stage 2 hypertension
يعني الضغط أكتر من أو يساوي 150/95 mmHg
لو انت حاسب المتوسط على ABPM أو HBPM
هتدي العلاجات اللي هنقولها كمان شوية بإذن الله
ومتبصش بقى على السن أكتر من تمانين ولا أقل من تمانين
.
ملاحظة بسيطة
متنساش الشخص اللي أقل من أربعين سنة
لو لقيت عنده الضغط
لو سمحت لو سمحت حوله عشان تستبعد secondary cause للضغط المرتفع
..
إيه العلاجات اللي هنمشي عليها ؟؟
دا سواءاً كان العيان stage 1, stage 2 or stage three hypertension
( بس stage 1 متنساش كان ليها شروط )
الخطوة الأولى في العلاج
هنبص للعيان عنده كام سنة
عنده أقل من 55 سنة ولا أكتر من 55 سنة
لو أقل من خمسة وخمسين سنة هتديله إيه ؟؟
هتبدأ بال Angiotensin converting enzyme inhibitiors
(ACEI)
أدوية موجودة في السوق
زي التريتاس أو الكابوتين
لو أكتر من خمسة وخمسين سنة هتديله إيه ؟؟
هتبدأ بال calcium channel blocker
أدوية زي الأميلودوبين
ملاحظة بسيطة
( لو العيان أقل من خمسة وخمسين سنة و من ال Afro-Caribbean origin
ده هيأخد كالسيوم channel blocker ومبتديش ACEI )
..
افرض إديت العلاج اللي في الخطوة الأولى
ولقيت العيان الضغط بتاعه مش متظبط
هتدي combination من
ال ACEI + Calcium channel blocker
كخطوة ثانية في العلاج
..
افرض اديت العلاج اللي في الخطوة التانية
اديت ال ACEI وال calcium channel blocker
وبردو مفيش فايدة والضغط مرتفع لسه
هتدخل على الخطوة التالتة وتضيف
thiazide diuretic
والحاجة اللي بتُفضل حالياً
chlorthalidone or indapamide
اكتر من الادوية اللي كانت بتستخدم زمان زي ال bendroflumethiazide
..
افرض اديت الخطوات التلاتة
وبالجرعات المناسبة واللي المريض يقدر يستحملها
وبردو لقيت الضغط اكتر من او يساوي 140/90 في ال clinic BP
ده بيعتبر resistant hypertension
فاللي المفروض تعمله
تحول الحالة
او الخطوة الرابعة
إنك تدخل diuretic تاني اللي هو ال spironolactone بجرعة 25 ملي جرام في اليوم
بس قبل ما تضيفه لازم تبص الأول على نسبة البوتاسيوم في الدم
لان ال spironolactone ده
potassium sparing diuretic
هيعلي نسبة البوتاسيوم في الدم
وممكن يعملك مشاكل ,, غير إن ال ACEI بيعلي البوتاسيوم بردو
لو لقيت البوتاسيوم أقل من 4.5 ملي مول في اللتر
ادي يا سيدي الspironolactone
لقيت البوتاسيوم اكتر من 4.5 ملي مول في اللتر
متديش ال spironolactone
وممكن تزود جرعة ال thiazide diuretic ( بيقلل البوتاسيوم اصلاً في الدم )
افرض العيان مش قادر يستحمل جرعة زيادة من ال diuretics
ممكن في الحالة دي
تدي alpha or beta blocker
لو الضغط متظبطش معاك بعد الخطوات الاربعة
حول الحالة لو سمحت
كفاية كدا اوووي
فيه ادوية جديدة زي ال direct renin inhibitor
اللي هو Aliskiren
وده بيمنع تحويل ال angiotensinogen إلى angiotensin 1
يا رب الموضوع يكون أفادكم
وكفاية عشان متزهقوش....
The excellence of this tafreegh does not only lie in its simple read, understand and recall way, but in the fact that it was written with the love of giving and passing knowledge. Graciously accept this tafreegh , for as we can only give ourselves by giving away to others.
