從香港PhD到倫敦實習老師

24/04/2026

今朝去到巴士站，成個電子牌得兩條巴士線，目的地係「See Bus Blind」。未瞓醒既我完全process 唔到做乜又see又blind。

Google下先知Bus Blind係指巴士車頭顯示目的地嗰塊牌。以前巴士目的地係印喺一條布捲上面，司機要手動或者用電機轉條布捲去顯示目的地。因為佢好似窗簾Blind咁捲，所以就叫 Bus Blind。

所以，See Bus Blind就係叫你等架巴士出現自己睇，搭巴士都要開盲盒，可能可以成為點解叫bus blind既另一個原因，倫敦巴士真係令你生活充滿驚喜/慌。

#英國生活 #英國巴士

（要用1秒短片因為led flashing rate我影相影唔到）

23/04/2026

Agent 繼續上堂時間打嚟，覆返佢原來只係想同我講我個offer低過其他人所以唔會move forward，除非offer咗既人退出。

咁其實完全唔急，我講過我聽唔到電話有乜最好電郵。

同我聽到唔move forward完全無失望，證明我其實唔係真係咁想買嗰度，咁其實都係一件好事。

不過睇樓真係好累。好想快啲搵到啱心水既地方啊。

#英國老師
#英國生活

23/04/2026

Lunch，數學老師話佢個5歲仔攞咗人生第一個「Detention」，其實唔係真留堂，只係Break time 要 Time-out 5分鐘。

原來reception老師啱啱打俾佢，話阿仔涉及「非自願追逐」（Non-consensual chasing）。我哋幾個老師聽到呢個term都笑咗。

事緣佢同兩個男仔一齊追一個女仔，個女仔已經一路跑一路大叫「No! Stop chasing me!」仲喊晒，但班男仔玩到癲咗，繼續追。校長咁啱見到制止晒佢哋，問佢哋做乜女仔叫佢哋唔好都唔停，班男仔話it is funny!

老師話校長已經同啲男仔解釋咗咁唔係funny，同唔可以再咁做，不過想家長喺屋企都follow up。

數學老師好感嘆咁話：「我無諗過咁快就要同阿仔討論乜嘢係Consent。」

#英國生活
#英國小學
#英國中學
#英國老師

22/04/2026

返工避到放工都係中伏，又喺middle of nowhere俾人趕落車。等咗半個鐘，之後嚟三架再趕晒啲人落車，成個站都係人，行返屋企又要成個鐘。bustimes .org都幫唔到手。有冇朋友知有乜app 喺咁既情況我可以知到底乜事😅？

返三日工，我琴日仲要去咗睇樓，星期一同今日都出事，commute 每日來回都超過4個鐘。

放工因為唔擔心遲到，個人冷靜好多，係有一家遊客勁傍偟問我點算，我話都係得個等字，巴士司機勁唔helpful，唔肯問到底乜事要掉頭。以前試過總站斬人封咗大家真係要行返總站，咁都叫得個知字。呢種情況最討厭係你等又唔係唔等又唔係。

#英國生活

22/04/2026

今日見緊學生，agent又call，我無聽，之後又email話有好多Offer，問我會唔會改。我心諗其實你真係有好好多既offer就唔好再搵我。

我覆佢唔會改。

然後佢又要我今日內填form同交文件，佢應該唔知老師最忙既時候係完全唔會有時間去填form搵文件。

我開始懷疑佢只係玩心理戰。

#英國生活

22/04/2026

多謝呢度既朋友推介bustimes. org，今朝6點睇到啲363巴士情況（我喺非巿中心嗰邊既總站），得兩架喺無雷公咁遠嚟緊，可以決斷唔等，搭另一架慢啲但起碼出現既巴士。

#英國生活

21/04/2026

睇完樓，同朋友食食下飯 Agent 打嚟問我會唔會出 Offer，我話食緊飯遲啲先覆。結果佢即刻追個 Email 嚟：
"I just wanted to inform you that for ### - there are three offers on the table and we will be going back to best bids tomorrow morning to each buyer - IF that property was of consideration."
我啱啱出咗Offer，我知道個價好大機會低過其他人，但我係Chain-free同埋Cash buyer覺得可以試低少少。
嗰度環境OK，但有進步空間。所以我而家嘅心態係聽天由命——如果佢哋肯收我呢個低啲嘅 Offer，我會開心成交；如果唔得，就由得佢繼續睇多陣...

#英國生活

21/04/2026

因為琴日太遲返，今朝再早咗出門口於是七點十分返到學校。點知放工touch out先發現自己無touch in😅 放假後遺症。

放工又去睇樓，半個鐘已經到達目的地，如果今日啱心水，我既commute就由個半鐘變四十分鐘！今日仲要tube罷工...好期待....

#英國生活
#英國老師
#英國中學

21/04/2026

琴朝一出門口就被巴士玩殘（詳細嘅巴士大龍鳳可以睇返琴日嗰篇 Post）。結果，我返呢份新工以嚟，第一次遲過 8 點先返到學校！最尷尬係，我啱啱先正式過咗試用期，點知 Probation 完咗嘅第一日就遲咁多，希望同事唔好以為我一過咗試用期就返遲。

加上三個禮拜假嘅放假式jet lag（放假十點先起身），於是返到學校成個人都仲係渾渾噩噩。首先完全唔記得級主任約咗家長開會，於是著得比較Hea，搞到我想衝去附近買件恤衫，好彩同事話其實都唔係好causal, ok啦。個會開得好順利，家長話阿女覺得我真係幫到佢應付學習壓力。

不過，放完三星期假未入狀態嘅明顯唔止我一個。琴日起碼見到五個老師條頸掛住條「Collar of Shame」。

所謂嘅Collar of Shame，其實就係Visitor Lanyard訪客証。英國因為Safeguarding捉得好嚴，所有職員喺學校範圍一定要戴返自己張職員證。如果你大頭蝦唔記得帶，就要去Reception登記拎張訪客證。

呢度嘅訪客證通常都會分起碼兩級（敝校有四級），不過呢度講常見既兩級：綠色代表已經Check咗Enhanced DBS，可以喺校內自由行走，唔使人跟；而紅色係未Check Enhanced DBS，即係要全程有人陪住。

咁大頭蝦老師攞既當然係綠色。雖然係綠色，但掛得條頸度，基本上就係同所有人講自己唔記得帶職員証，所以我哋講笑叫佢做Collar of Shame，不過無人真係覺得Shame既。

#英國老師
#英國中學

20/04/2026

之前提過嗰個口快快話啲其他老師「老」既PGCE實習生，佢​今日Lunch Time一坐低，就爆咗句：「我真係好開心放完假可以返學，我好掛住呢度既免費午餐！」

雖然敝校既午餐真係幾好食，但又未去到掛住既level，搞到全枱老師都呆咗dead air幾秒。

睇嚟佢真係完全無Filter。

#英國老師
#英國中學

圖係以前影落俾大家睇下我哋既免費午餐，並唔係今日食嘅嘢，因為正常係唔會影午餐食乜。

20/04/2026

頂開咗十分鐘佢又叫所有人落車佢話今日第一日返工佢係三十分鐘之後嗰班，又喺middle of nowhere 再等多十分鐘下一班，如果下一班係十分鐘。 好火滾。咁就四十分鐘。

Update: 轉車後又俾人趕落車，今日乜事tube都未開始罷工。

#英國生活

放三星期假第一日返學，架巴士又消失，10分鐘一班我等咗15分鐘，明明有另一架慢啲但可以上，但本身等嗰架巴士出現，時間表都話會開，於是等，之後佢喺個站已經10分鐘都仲唔郁。依家第二架慢啲既都出現，但已經等咗25分鐘，我肯定等多5 分鐘一定有因為個站已經儲咗三架我要搭既巴士。

於是，等多5分鐘，佢又係一開開兩班，早十分鐘架巴士飛站好明顯就係去追返自己遲既時間，於是我呢架即係會跟半個鐘既時間表， 會慢慢行。

頂第一日返學就企咗半個鐘，明明諗住早啲返去準備，依家一遲之後又塞車，八點半都未必返到。真係好想快啲搬🥲

#英國生活

圖係話自己早開咗30分既巴士。

20/04/2026

放三星期假第一日返學，架巴士又消失，10分鐘一班我等咗15分鐘，明明有另一架慢啲但可以上，但本身等嗰架巴士出現，時間表都話會開，於是等，之後佢喺個站已經10分鐘都仲唔郁。依家第二架慢啲既都出現，但已經等咗25分鐘，我肯定等多5 分鐘一定有因為個站已經儲咗三架我要搭既巴士。

於是，等多5分鐘，佢又係一開開兩班，早十分鐘架巴士飛站好明顯就係去追返自己遲既時間，於是我呢架即係會跟半個鐘既時間表， 會慢慢行。

頂第一日返學就企咗半個鐘，明明諗住早啲返去準備，依家一遲之後又塞車，八點半都未必返到。真係好想快啲搬🥲

#英國生活

圖係話自己早開咗30分既巴士。