Dr. Mohamed Taha

Dr. Mohamed Taha I am an Egyptian Psychotheraist and Author, living in the UK. I worked as a Consultant Psychiatrist, Ass. I have presented a TED talk on April 2016.
(1332)

Consultant & Associate Professor of Psychiatry, EGY.
استشارى وأستاذ الطب النفسي- مصر
Director and Principal Therapist, Roots Counselling and Psychotherapy Services, UK.
مؤسس ومدير منصة جذور للعلاج النفسي- انجلترا
http://www.rootspsych.net Professor of Psychiatry, Egypt and currently a Psychotherapist in Private Practice, UK. I am the former Vice-President of the Egyptian Association for Group Therapies and Processes, a BACP Registered Member, UK, and a Certified Group Psychotherapist (CGP), American Group Psychotherapy Association (AGPA). I have graduated from Minia Faculty of Medicine, Egypt, and studied a major part of my PhD in the Centre for Psychoanalytic Studies, Essex University, UK on the “Creative Aspects of Group Psychotherapy”. I have many international publications in leading journals of group psychotherapy, co-authored some scientific books and book chapters and participated in many international scientific conferences during my career. I am interested in raising psychological awareness in the Egyptian and Arab communities, both home and abroad, using a simple, yet scientific language. My Arabic articles, posts, and books have attracted a very wide population from all ages and encouraged them to read in the fields of psychology, self-help, and interpersonal relationships. My five Arabic books have been the best sellers in Egypt since their release (2015 till now). I have been and still a regular guest in many Egyptian satellite and radio channels talking about psychological matters and have participated for 2 consecutive seasons in a one-hour weekly TV show called (Shezlong) on TeNTV. I regularly conduct public lectures, talks and interactive meetings, in addition to three annual public lecture in the bibliotheca Alexandria’s largest hall.

إيه القرار اللى هاتبدأ بيه السنة الجديدة؟
31/12/2025

إيه القرار اللى هاتبدأ بيه السنة الجديدة؟

كل عام وأنتم جميعاً بكل خير بمناسبة العام الجديد. ان شاء الله سنة سعيدة على الجميع..
31/12/2025

كل عام وأنتم جميعاً بكل خير بمناسبة العام الجديد.
ان شاء الله سنة سعيدة على الجميع..

أعتقد ان فيه احتياج ملح جداً فى الوقت الحالى إننا نتكلم عن بديهيات وأصول ومشاكل وحلول العلاقة بين الرجل والمرأة.. بين ال...
31/12/2025

أعتقد ان فيه احتياج ملح جداً فى الوقت الحالى إننا نتكلم عن بديهيات وأصول ومشاكل وحلول العلاقة بين الرجل والمرأة.. بين الزوج والزوجة.. بين الأب والأم وأبناءهم وبناتهم..

وده لأن أكتر الصدمات النفسية اللى بنعدّي بيها فى حياتنا.. وأعمق الجروح اللى بنشيلها جوانا.. بدأت فى العلاقات الأقرب لينا. بدأت من البيت.. اللى ناقصه حب وتفاهم.. بدأت من العلاقة اللى تحولت لمعركة بدل ما تكون حضن وسكن..

باتشرف انى ألبى دعوة مؤسسة ايماجونيشن فى دبي لعمل ورشة نفسية جديدة عنوانها (رحلة رجل.. نور امرأة)، أيام 16 و 17 و 18 يناير 2026 بإذن الله.

فى الورشة دى هانرجع للأساس.. للبيت.. للأسرة.. للنموذج الأول اللى كل علاقات حياتنا بتتشكل بناء عليه..

هانفهم إزاى كل بيت بيتبنى على شكل الرجولة فيه.. وعلى شكل الأنوثة فيه.
إزاى الأب.. بروحه وحضوره.. يقدر يبنى طفل سليم نفسيًا، أو طفل مكسور ومشوه.

إزاى الأم.. بدفاها واحتواءها.. ممكن تخلق حياة مليانة أمان… أو مليانة خوف.

هانتكلم عن أنواع الرجال.. وأنواع النساء.. وازاى كل نوع من الرجال بيجذب وبينجذب لنوع معين من النساء.. وامتى العلاقة اللى هاتتكون بينهم تكون سوية وصحية.. وامتى تكون فاشلة ومسببة لكتير من الصدمات والجروح النفسية..

هانتعرف على المعانى الحقيقية للرجولة، وأدوار الراجل الأساسية فى العلاقات.. فى التربية.. فى الحياة..

وهانستكشف المعانى الحقيقية للأنوثة، وأدوار المرأة المهمة فى العلاقات وفى التربية وفى الحياة.. وازاى ممكن يكملوا بعض.. أو يدمروا بعض..

هانشوف مين هو الرجل الغامض؟ مين هو رجل المعنى؟ مين هى هيلينا؟ ومين هي صوفيا؟

ازاى الراجل مايبقاش (ضل راجل)؟ ازاى الأب يكون (حاضر)؟
ازاى الأنثى.. المرأة.. الأم.. تبقى نور ودفا وحضن..
وازاى العلاقة السوية بين رجل وامرأة ممكن تكون بوابة للحب.. ومساحة للأمان.. وفرصة للعطاء والاحتواء.. ليهم.. وللأجيال اللى بعدهم..

وهايكون معايا فى الورشة دى الصديق والأخ العزيز د. ماهر صموئيل استشارى الطب النفسي، والمحاضر المعروف.. علشان نتكلم ونتناقش ونطرح رؤى وآراء مختلفة عن بديهيات وأصول ومشاكل وحلول العلاقة بين الرجل والمرأة.. فى وقت احنا محتاجين ده فيه جداً..

أشوفكم على خير ان شاء الله 16 و17 و 18 يناير مع (ايماجونيشن) فى دبى، وورشة (رحلة رجل.. نور امرأة)..

الاستعلام: 00971556993056
الحجز: https://imagonation.com/ar/event/ورشة-رحلة-رجل-نور-امرأة/

معظم جروحنا النفسية بتبدأ من البيت… من علاقة أب بابنه أو بنته، من حضن أم أو غيابها، من صمت أو ألم ساب علامة جوانا. تعود الورشة إلى الأساس: الأسرة، وتكشف كيف تشكل الرج....

29/12/2025


💥 افتح عامك الجديد بكتاب… واغتنم تخفيضات نهاية العام!
إليك مجموعة مميّزة للأكثر مبيعًا بـ مكتبات الشروق خلال الاسبوع الماضي!!
عناوين خطفت اهتمام القرّاء وتصدّرت القوائم هذا الأسبوع.

🔥 تخفيضات نهاية العام مستمرة الآن
لكنّها ستنتهي قريبًا… فبادِر قبل نفاد الفرص!
🚚 واستمتع بـ شحن مجاني عند الشراء بـ 1000 جنيه أو أكثر!!
📌 تسوّق الآن: https://h7.cl/1lUkx

#كتب #تخفيضات

28/12/2025
26/12/2025

اضطريت لحذف بعض التعليقات المسيئة والمؤذية من على بوست تهنئة الأخوة والأصدقاء المسيحيين بالكريسماس والعام الميلادى الجديد. مش باحب أعمل كده فى معظم الأوقات فيما يخصنى شخصياً فى أى تعليق أو نقد وأحياناً شتيمة وسباب وعنف لفظي شديد، لكنى لا أقبل ولا أرضى أبداً ان ده يحصل ناحية حد من متابعي الصفحة، كل ما فعله إنه بيرد التحية وبيشكر على المعايدة بكل لطف وذوق واحترام.

بكل أسف السوشيال ميديا أًصبحت- وبشكل بيزيد كل يوم- ساحة مفتوحة للتطاول والبذاءة والإقصاء والعنف اللفظى والإرهاب الفكرى.. وذابت كل الحدود الأخلاقية والإنسانية بين ناس معظمهم حتى مايعرفوش بعض.. وصارت البلطجة الأخلاقية.. والفضيلة الزائفة.. والتجارة بالعرف وبالدين.. هى سائدة الموقف.

باعتذر لكل من أساءته هذه التعليقات.. ومن اضطر للرد عليها- قبل حذفها..
وكل عام وأنتم بكل خير وسلام ومحبة.

25/12/2025

كل عام وجميع إخوتي وأصدقائى المسيحيين الكاثوليك بخير وسلام ومحبة بمناسبة أعياد الكريسماس والعام الميلادى الجديد.

23/12/2025

كل عيلة مستقرة وسوية بتتبني علي دور الرجولة فيها ودور الأنوثة فيها والاتنين بيكملوا بعض.

في ورشة رحلة رجل…نور إمرأة

حنتعرف علي الادوار الصح للراجل والزوج والأب والأدوار الصح للأنثي والزوجة والأم.

دى خطوة مهمة في رحلة الرجوع للأساس، لبناء عيلة سليمة وناجحة.

مع دكتور محمد طه ودكتور ماهر صموئيل حنمشي المشوار ده سوا
ايام ١٦،١٧،١٨ يناير في دبي

مستنيكم ❤️

19/12/2025

بوست خيالى هزلى..
أقترح إنه يتعمل تشخيص جديد فى الأمراض النفسية اسمه (وسواس المرأة)، وتكون أعراضه كالتالى:
الوساوس (الأفكار اللي بتلحّ على الشخص):
- أي حركة بسيطة.. نظرة عابرة.. ابتسامة عادية.. من امرأة تتحوّل فورًا لإحساس جنسي داخله.
- يتصور أن أي امرأة لابسة بشكل مختلف عن المعايير اللي في دماغه، يبقى أكيد “قاصدة” تؤثر عليه.
- يستثار لمجرد رؤية شعر امرأة، أو شم رائحة عطر امرأة، أو حتى الجلوس مكان امرأة.
- يشوف الطفلة إنها مش طفلة… خاصة لو كانت سمينة/مربربة، ويسيء تفسير البراءة الطفولية ويمنحها معنى جنسي.
- يفسّر أي سلوك عادي من النساء إنه رسالة موجهة له هو.
- يتخيل إن المرأة مسؤولة عن “ضبط” رغباته… وإن أي إحساس أو رغبة تتحرك داخله تكون سببه هي.
- يشعر بالإثارة لمجرد وجود امرأة معه في نفس المكان… بدون أي سبب حقيقي.
- أى شئ مما سبق.. يؤدى إلى أفكار وتخيلات وصور وسيناريوهات جنسية مُلحّة داخل رأسه.

الأفعال القهرية (السلوكيات اللي بيعملها):
- يعلّق وينتقد ويطلب من أي امرأة انها تغيّر طريقة لبسها أو كلامها أو صوتها بما يناسبه… وإلا يتهمها إنها “قاصدة حاجة”.
- يحاول محاولات مستميتة ومستمرة للسيطرة والتحكم والوصاية على المرأة، أفكار المرأة، جسد المرأة، قرارات المرأة، اختيارات المرأة.
- يفرض قيود على الأطفال… ويطلب من طفلة إنها “تستر نفسها”، كأنها مسؤولة عن خياله هو.
- يراقب سلوك الإناث بشكل مبالغ فيه. ويتكون داخله صراع نفسي (شديد ومتكرر) بين إنه ينظر أو لا ينظر.. يقرب والا يبعد.. يفضل فى المكان والا يمشى من المكان..
- يفتّش في دماغه عن “دلائل” تثبت أفكاره… يدور على أي إشارات تؤكد نزعاته.
- يتحرش.. يتلصص على أجساد النساء/الفتيات/إناث الأطفال.. ينتهك أجسادهم وخصوصياتهم وأحياناً حياتهم.
- يلقي باللوم كله على اللى حواليه من النساء… هى السبب.. هى اللى استفزته.. هى اللى أغوته.. هى اللى لازم تتغير علشانه.. بدلاً من الاعتراف بإن هذه مشكلته هو، وهو المسئول عن حلها أو علاجها.

طبعاً الوسواس ده مش مرتبط بالمرأة نفسها.. لكنه مرتبط بالرجل اللي مش قادر يتعامل مع أفكاره ورغباته واندفاعاته، فيسقطها على الآخرين. الرجل اللى اتربّي على الاستحقاقية المرضية، وعلى عدم تحمل مسئولية أفكاره ومشاعره وأفعاله بشكل حقيقي، وعلى ربط العار، والفضيحة، والخطيئة دائماً بجسد المرأة … فأصبحت أى أنثى بالنسبة له تمثل تهديد.

وكل ده بينعكس طبعاً على المجتمع.. فيخلق علاقات متوترة مريضة.. ويشوّه براءة الأطفال.. ويكبر الفجوة بين الرجل والمرأة. ويخلّي المجتمع كله عايش تحت حساب رجل مش قادر يضبط نفسه، ومش عايز يتحمل مسئوليته الحقيقة نحوها.

هل فيه علاج؟ طبعاً..
بس أول خطوات العلاج..
هى الاعتراف بالمرض..
لما يحصل ان شاء الله..

Address

London

Website

Alerts

Be the first to know and let us send you an email when Dr. Mohamed Taha posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Mohamed Taha:

Shortcuts

Featured

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram