Dr. Sally Fathy / د. سالي فتحي

16/06/2025

التروما والحب؟!
#تروما #علاقات #وعي

15/06/2025

ناس كتير بتبعتلي استشارات على الرسايل وللأسف لضيق الوقت مش بقدر ارد. قريب جدا حبدأ اعمل فيديوهات لايف على تيكتوك و هيبقى فيها مشاراكات منكم و هجاوب على كل استفساراتكم. لازم عدد المتابعين على تيكتوك يوصل لحد معين عشان يسمحولي افتح لايف. تابعوني على حسابي الجديد على تيكتوك .health
وده اللينك

.health 75 Followers, 61 Following, 179 Likes - Watch awesome short videos created by Dr Sally Elzayat

09/06/2025

٣ علامات إنك شايل تروما… وإنت مش عارف!
#تروما #علاقات #وعي ADHD #

08/06/2025

اي كلمة بسيطة بتجرحك يبقى لازم تشوف الفيديو ده
#تروما #علاقات #وعي
#

26/08/2024

المجتمعات العربية للأسف تجهل تماما اي شيء ليه علاقة بالامراض النفسية، وعلى النقيض بترحب جدا بنظرية المؤامرة او الدجل والسحر والشعوذة والأعمال.
مئات الآلاف من طلاب العلم في مصر وغيرها بيسافروا للغرب للحصول على الماجستير او الدكتوراه، و دكتورة ريم واحدة منهم. خريجة مصرية سافرت لفرنسا لدراسة الدكتوراة، ما عملتش شيء معجز يعني او خارق للطبيعة، زيها زي مئات الآلاف غيرها اللي الغرب بيستقبلهم وبيفتح ليهم كل أبواب العلم والمعرفة. وده طبعا مش تقليل منها إطلاقا ، بس لازم نشوف الأمور بمنظورها الصحيح.
بوستات دكتورة ريم لما يقراها اي طبيب نفسي مبتدء حتى حيلاقيها مليانة بضلالات الاضهاد paranoid delusions
ودي بتكون اعراض مصاحبة لاي مريض فصام او اي مرض ذهاني. احساس بالمراقبة والمؤامرة من كل اللي حواليها، سواء جارة، او ناس في الشارع او المطعم او غيره.
دكتورة ريم ماتت ازاي؟ انا ماعرفش. وارد يكون المرض تطور واذيت نفسها بطريقة او بأخرى، وارد حادثة، وارد وفاة طبيعية، وارد اي حاجة الله اعلم. ربنا يرحمها ويصبر اهلها.
في دول الغرب، اي انسان متعلم او حتى تعليم متوسط غير جامعي بيعرف كويس اوي عن الأمراض النفسية واعراضها وتشخيصها.
لما تلاقي الناس المتعلمة في مصر، لا وكمان الصحافة، بيروجوا لنظرية المؤامرة و جاهلين تماما بالاعراض الذهانية الواضحة زي الشمس في بوستات دكتورة ريم، تعرف ان الجهل متفشي بعمق في المجتمع، للأسف.

07/06/2022

Binge eating disorder
او اضطراب نهم الأكل
*اضطراب نهم الأكل من اهم اسباب زيادة الوزن، على الرغم ان بعض المرضى دول وزنهم مش زايد (طبعا نسبة قليلة) الاغلب بيكون عندهم زيادة في الوزن.
*طبعا ده اضطراب نفسي وبيعالجه الاطباء النفسيين.
*يعني ايه المرض ده:
يعني انك تاكل كميات كبيرة جدا من الاكل لحد ماتحس بالامتلاء الغير مريح.
*الاضطراب ده بيصيب الجنسين طبعا لكن نسبته اعلى في السيدات.
*أعراضه:
١. تاكل وانت مش جعان.
٢. تاكل بسرعة جدا.
٣. تاكل لوحدك عشان شعورك بالحرج ان حد يشوف الكميات اللي بتاكلها.
٤. الشعور بالذنب والندم بعد الاكل.
٥. زيادة مستمرة في الوزن ( زي ماقولت مش في كل الحالات).
*اسبابه:
١. انك تكون مصاب بالاكتئاب او في تاريخ مرضي في العيلة بالاكتئاب او اضطرابات الأكل.
٢. الانتقاد المستمر ليك من اللي حواليك على شكل جسمك او طريقة اكلك.
٣. تفكيرك الزايد في انك نفسك تخس، او محتاج تخس بسرعة عشان تقدم لوظيفة مثلا.
٤. انك تكون مصاب بأي نوع من اضطرابات القلق او تحمل بعض صفات الشخصية الوسواسية او بتدور دايما على الكمال perfectionism.
٥. الاعتداء الجnسي من اسباب الاضراب ده.

*لو عندك الاضطراب ده ماينفعش مثلا تروح الأول تعمل تكميم معدة او شفط او اي عملية عشان تخس الا بعد ماتعالج الاضراب ده مع طبيب نفسي لانك حتتخن تاني لان السبب لسة ماتعالجش.
*يعني نعالج الاضطراب اولا ( وحط تحت اولا دي مليون خط) وبعدها بقى ممكن نعالج السمنة بأي عملية او نظام غذائي مناسب ليك.
حتكلم عن علاجه في بوست تاني ان شاء الله.

13/11/2021

شلل النوم، او ما يعرف بالجاثوم:
اللي بيحصل ان الانسان اثناء النوم بيلاقي نفسه صاحي وغير قادر تماما على الحركة وكأنه في حالة شلل، واحيانا بتكون الحالة دي مصاحبة ببعض الكوابيس او الهلاوس كرؤية اشباح او غيره.
الحالة دي ماهي الا اضطراب من اضطرابات النوم، وليس مس شيطاني كما يتخيل البعض.
سبب حدوث الحالة هو مرحلة الانتقال من النوم الحالم REM sleep ( حيث يكون الجسم طبيعيا في حالة شلل) الى مرحلة النوم الغير حالم NREM sleep ( حيث يبدأ الجسم في استعادة القدرة على الحركة طبيعيا).
اللي بيحصل في الحالة دي ان الجسم مش بيستعيد القدرة على الحركة كما هو متوقع، فا يكون الانسان في مرحلة اليقظة بدون القدرة على الحركة، وده طبعا بيسبب رعب للاشخاص دي والشعور بضيق النفس والبعض بيعتقد انه بيحتضر وبيساهم في كدة الافكار المتوارثة ان ده مس شيطاني وكدة.
طب ايه السبب اللي يخلي الجسم يفقد القدرة على الحركة اثناء الانتقال من النوم الحالم الى النوم الغير حالم!!!
الحقيقة في اسباب كتير، منها:
١.قلة النوم،
٢.تغيير مواعييد النوم زي ال shift work ،
٣.اسباب وراثية،
٤.بعض الاضطرابات النفسية زي التوتر واضطراب ثنائي القطب BMD
٥.النوم على الظهر.
طيب العلاج ايه!!
في اغلب الحالات مافيش علاج وبنطمن المريض ونشرحله ان دي مش حاجة خطر ولا حاجة، وبننصح الناس بتنظيم مواعيد النوم واخد القسط الكافي من النوم، وتجنب النوم على الظهر.
لو فيه سبب نفسي زي التوتر او اضطراب ثنائي القطب، بندي المريض ادوية لعلاج هذا السبب.


#الجاثوم

12/11/2021

تمت سرقة الصفحة منذ ٣ ايام وكان الهاكر للأسف يستغل صفحتي لتحقيق اكبر مكاسب مالية بنشر صور مخلة. الحمد لله استعدت الصفحة مرة اخرى.
My page has been hacked for the past 3 days, and the hacker was using my page by posting inappropriate contents to get money. Now my page is back and under my contol.

02/02/2021

16/07/2020

بكرة الساعة 7 مساءا بتوقيت مصر, استنوني

حلقة جديدة من برنامج هنّ save بكرة
وموضوعنا: كيف نتعامل مع صدمة ما بعد التحرش او الاغتصاب ؟
مع Dr. Sally Fathy / د. سالي فتحي
Nada Al-Ahdal
Osama Essa