Gratë Shqipëtare Yoga Retreat

Gratë Shqipëtare Yoga Retreat Yoga dhe mirëqenie për gratë shqiptare kudo në botë. Bashkohuni për praktikë, frymëzim dhe mbështetje

Sëmundjet e stilit të jetesës janë sëmundje që zhvillohen ngadalë, si pasojë e zgjedhjeve që bëjmë çdo ditë. Ato nuk shk...
16/11/2025

Sëmundjet e stilit të jetesës janë sëmundje që zhvillohen ngadalë, si pasojë e zgjedhjeve që bëjmë çdo ditë. Ato nuk shkaktohen papritur , por ndërtohen me vite përmes ushqimit të pabalancuar, mungesës së lëvizjes dhe stresit të vazhdueshëm. Tre më të përhapurat janë:

• Sëmundjet kardiovaskulare ; prekin zemrën dhe qarkullimin e gjakut. Shpesh lidhen me yndyrna të tepërta, kolesterol të lartë dhe jetë të ulur.

• Goditja në tru (Stroke) ; ndodh kur rrjedhja e gjakut në tru ndërpritet. Faktorë kryesorë: presion i lartë, mungesë aktiviteti dhe stil jete i ngarkuar.

• Diabeti Tip 2 ; shfaqet kur trupi nuk prodhon ose nuk përdor insulinën siç duhet. Lidhet me mbipesha, konsumin e tepërt të sheqerit dhe jetesën sedentare.

Pra stili i jetesës është shumë më tepër sesa ushqimi ; përfshin lëvizjen, gjumin, frymëmarrjen, qetësinë mendore dhe balancën e brendshme.
Këtu hyn Yoga: një praktikë që bashkon trupin, mendjen dhe frymën në një ritëm të qetë, por shumë të fuqishëm. Ajo:

• Përmirëson qarkullimin e gjakut
• Ul stresin dhe ankthin
• Ndihmon në kontrollin e peshës
• Balanson sheqerin në gjak
• Ul rrezikun e sëmundjeve kronike

Jo rastësisht, mjekët në mbarë botën tashmë e rekomandojnë yogën si një nga aktivitetet më të dobishme , natyrale, të sigurt dhe shëruese.

Në këtë foto jam vetëm 3 javë pas lindjes. Nuk jam “perfekte”, as në formën time më të fortë. Por jam e pranishme. Duke zgjedhur të lëviz, të marr frymë thellë dhe të kujdesem për veten.
Yoga më ka ndihmuar të qendroj ne forme fizikisht, të balancoj hormonet, të ul stresin dhe të forcoj trupin gjate dhe pas pas një periudhe shumë sfiduesesic eshte shtatzania.

Sepse shëndeti nuk ka të bëjë me pamjen apo perfeksionin.
Ka të bëjë me zgjedhjen për të lëvizur, për të jetuar me vetëdije dhe për të investuar tek vetja çdo ditë.
❤️ Ida






21/10/2025

Të qëndrosh vetëm nuk është vetmi është nevojë për reset. 🍃
Aty, larg zhurmave të botës, fillon të dëgjosh zërin tënd të vërtetë.
S’ke nevojë për aprovim.
S’ka krahasim, s’ka maska. Vetëm ti dhe qetësia që të kujton kush je në të vërtetë.
Në atë hapësirë, zbulon më shumë nga vetja,
mëson të vendosësh kufij pa u ndjerë në faj,
dhe kupton se paqja nuk gjendet krijohet,
çdo herë që zgjedh të jesh në praninë tënde. 🌿

Me kalimin e viteve kam kuptuar se vajzat tona nuk mësojnë nga ajo që u themi, por nga ajo që jetojmë përditë.Kjo foto e...
15/10/2025

Me kalimin e viteve kam kuptuar se vajzat tona nuk mësojnë nga ajo që u themi, por nga ajo që jetojmë përditë.
Kjo foto e saj, duke bërë një inversion yoga në pemë, më kujton sa shumë ajo ka thithur nga mënyra si unë e lidh trupin me natyrën dhe frymën. Nuk e kam shtyrë kurrë ta bëjë thjesht më ka parë, dhe gradualisht ka gjetur mënyrën e saj për të shprehur forcën, qetësinë dhe besimin në trupin e vet.

Ajo është gjithmonë kurioze të eksplorojë çfarë mund të bëjë me trupin e saj, të zgjerojë kufijtë, të dalë nga zona e komoditetit dhe të ndjejë lirinë që vjen nga kjo përvojë.

Për mua kjo është magjia e edukimit përmes shembullit. Kam parë si kjo mënyrë e natyrshme ndihmon në ndërtimin e vetëbesimit, autonomisë dhe mirëqenies së brendshme, që pastaj reflektohen në çdo vendim që ajo merr, në çdo hap të saj.

Nuk ka qenë kurrë për t’i treguar se çfarë është e drejtë apo e gabuar, por për ta lejuar ta zbulojë vetë, përmes shembullit, përmes përvojës dhe përmes lidhjes me trupin, mendjen dhe zemrën e saj.

Nuk ka se si te mos ndodhë që në të ardhmen, vendimet e saj të lindin nga kjo ndjenjë e thellë vetëbesimi dhe lidhjeje me veten ,sepse aty fillon çdo zgjedhje e shëndetshme dhe e vërtetë.

08/10/2025

Balanca dhe qëndrimi ynë fillojnë nga baza – nga shputat që prekin tokën.
Këto lëvizje të buta ndihmojnë në forcimin e muskujve të këmbëve, stabilizimin e kyçeve dhe harmonizimin e posturës së trupit.
🦶🌿 Kujdesu për rrënjët e tua, dhe gjithë struktura do të ndjehet më e lehtë.”
Rrotullo lehtë kyçet – zgjero ndjesinë e stabilitetit nga toka lart
🦶 Ngritu në majë gishtash – aktivizo muskujt që mbajnë shtyllën drejt
💫 Shtriji shputat me kujdes – çliro tensionin që ndikon në gjunjë e ije
🪶 Masazho me top – zbut çdo bllokim që ndikon në posturë
🌸 Ec mbi shputa dhe thembra – ndje lidhjen mes bazës dhe qëndrimit të trupit

Mëngjeset e së shtunës nuk janë vetëm lojë ,janë prani. Me ngjyra, lapsa dhe një fletë të bardhë, krijojmë hapësirën ku ...
04/10/2025

Mëngjeset e së shtunës nuk janë vetëm lojë ,janë prani. Me ngjyra, lapsa dhe një fletë të bardhë, krijojmë hapësirën ku secili prej nesh është i lirë të shprehet, të lidhet dhe thjesht të jetojë.

Të vizatuarit bashkë kthehet në një formë tjetër meditimi ,një mënyrë për të ngadalësuar, për të marrë frymë dhe për të ndjerë energjinë e njëri-tjetrit pa fjalë. Të qeshurat, kureshtja, duart e vogla që krijojnë forma dhe ngjyra ,na kujtojnë se ndërgjegjësimi mund të gjendet tek ritualet më të thjeshta familjare.

Kështu duket lidhja jonë: e tokëzuar, e gëzueshme dhe krijuese. 🌈💫

Jeta do të vazhdojë të të hedhë sfida. Njerëzit do të të frustrrojnë, planet do të prishen, afatet do të ndryshojnë ,dhe...
26/09/2025

Jeta do të vazhdojë të të hedhë sfida. Njerëzit do të të frustrrojnë, planet do të prishen, afatet do të ndryshojnë ,dhe po, trafiku do të vazhdojë të ekzistojë. Asgjë nga këto nuk është në kontrollin tënd.
Por mendja jote? Vëmendja jote? Mënyra se si vendos të reagosh? Ato janë plotësisht të tuat, çdo herë.
Teksa java po mbyllet, jepi vetes meritë që u shfaqe. Që navigove aty ku munde dhe le të shkojnë gjërat që nuk i kontrolloje dot. Mbajte atë që ishte e jotja. Veprove aty ku kishe mundesi. Kaq mjafton.
Merr një frymë të thellë. Largoju pak. Pusho. Mendja jote, vëmendja jote, zgjedhja jote për t’u përgjigjur :këto janë të tuat, dhe ato janë të forta

Sot pata kënaqësinë të udhëheq një klasë Yoga Chair Therapy me një grup pjesëmarrësish me aftësi të përziera dhe me kufi...
19/09/2025

Sot pata kënaqësinë të udhëheq një klasë Yoga Chair Therapy me një grup pjesëmarrësish me aftësi të përziera dhe me kufizime të ndryshme në lëvizje. Kjo seancë u përshtat me nevojat individuale, duke ofruar lëvizje të sigurta dhe të buta për trupin, dhe u përmbyll me një moment meditimi e relaksimi të thellë. ✨

Kujdesi, profesionalizmi dhe ndjeshmëria janë thelbësore në këto praktika, sepse secili meriton të ndihet i mbështetur dhe i respektuar në udhëtimin e vet drejt mirëqenies.

🧘‍♀️ Yoga është për të gjithë. Nuk është vetëm për ata që janë “fit and healthy”, por për këdo , pavarësisht kufizimeve apo moshës. Edhe kur trupi ka kufizime, yoga kontribuon fuqishëm në shëndetin fizik, qetësinë mendore dhe balancën shpirtërore.

✨ Me shumë gëzim ndaj që tashmë kanë nisur edhe klasat online, dhe mirëpres regjistrime nga kushdo që dëshiron t’i bashkohet këtij udhëtimi të butë, por të fuqishëm drejt shëndetit dhe qetësisë.

🙏 Jam mirënjohëse që mund të ndaj këtë praktikë dhe të shoh transformimet e vogla, por me shumë kuptim, tek secili prej pjesëmarrësve.

Address

London

Telephone

+447443717567

Website

Alerts

Be the first to know and let us send you an email when Gratë Shqipëtare Yoga Retreat posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Gratë Shqipëtare Yoga Retreat:

Shortcuts

Featured

Share

Category