人無事，先可以做世界冠軍

人無事，先可以做世界冠軍 人無事，先可以做世界冠軍。
點先做到?
大家好，我係Victor,.係香港嘅註冊?

06/01/2023

各位好，
好耐冇喺呢個專頁度出文啦。

因為係工作、家庭生活都好多嘢要處理，而自己喺時間管理上面唔係特別擅長，所以拖下到差不多大半年後嘅今日，我先至再出文。

眨下眼離開咗英國伯明翰嚟到多倫多已經半年時間(其實我離開香港最初嘅目的地都係多倫多。但係因為疫情同埋種種原因，遲咗差不多兩年嘅時間先至嚟到， 只要點解係咁？有機會再分享。)
生活同工作開始相對穩定。 於是就想襯住一年嘅開始從頭嚟過， 暫時嘅目標係以一個星期一篇嘅頻率去發文。

多謝各位

各位朋友，小弟因為工作關係已經兩個幾月冇出個post啦。唔好意思😅🙏眨下眼天氣都凍啦，踏入冬季，英國呢邊嘅天氣同香港好唔一樣。要面對嘅挑戰自然唔同。大家可以參考一下 呢一個posthttps://www.facebook.com/10722...
20/11/2021

各位朋友，
小弟因為工作關係已經兩個幾月冇出個post啦。

唔好意思😅🙏
眨下眼天氣都凍啦，
踏入冬季，英國呢邊嘅天氣同香港好唔一樣。
要面對嘅挑戰自然唔同。

大家可以參考一下 呢一個post

https://www.facebook.com/107228454894111/posts/209575457992743/

今日我哋講一講傷風感冒藥嚴格嚟講傷風感冒係冇藥醫嘅西藥嘅傷風感冒藥 好多時都係一啲治標嘅藥，只係舒緩返個徵狀令到個人舒服啲， 對抗病毒呢就交俾個病人自己個免疫系統去處理啦。一般而言，常見嘅傷風感冒成藥都係以下嘅呢啲成分：- 止痛退燒嘅成分以...
19/08/2021

今日我哋講一講傷風感冒藥
嚴格嚟講傷風感冒係冇藥醫嘅
西藥嘅傷風感冒藥 好多時都係一啲治標嘅藥，只係舒緩返個徵狀令到個人舒服啲， 對抗病毒呢就交俾個病人自己個免疫系統去處理啦。

一般而言，常見嘅傷風感冒成藥都係以下嘅呢啲成分：

- 止痛退燒嘅成分
以撲熱息痛(英文名稱 paracetamol/acetaminophen 商品名Panadol/ Tylenol )為最常見。

- 收鼻水嘅成分
通常都係一啲抗組織胺類 (antihistamine) 嘅抗敏感藥，
抗組織胺藥都有新舊之分，
比較款嘅藥會令人恰眼瞓。
常見嘅有氯苯那敏 (chlorphenamine 商品名Piriton)
同埋苯海拉明 (Diphenhydramine)

好多時啲人話食感冒藥食到瘟瘟燉燉，除咗係傷風感冒本身令人唔舒服之外，
有睡意嘅抗敏感成分都係主要原因之一。

- 通鼻塞嘅成分，
喺傷風感冒期間我哋嘅鼻黏膜都會出現一啲發炎反應，
表現就係血管擴張，因為咁我哋嘅鼻黏膜就會腫起，造成鼻塞。
傷風感冒成藥裏面嘅一啲成分有收縮血管嘅作用，令到我哋嘅鼻黏膜消腫，從而舒緩甚至消除鼻塞。

比較常見嘅係去氧腎上腺素(Phenylephrine)同埋
（Pseudoephedrine）偽麻黃鹼。

- 部分嘅傷風感冒藥會加入咖啡因 (Caffeine)
作用在於加強撲熱息痛嘅效果，亦有少少減輕睡意嘅作用。

個人嘅小小觀察，英國呢邊嘅傷風感冒成藥，比較少加入抗敏感藥嘅成分。
而香港係成藥級別嘅Piriton，喺英國呢邊要經過藥劑師評估先可以賣。

一般喺貨架上面自己攞嚟買嘅抗敏感藥都係啲比較新，冇睡意嘅品種。(例如 Cetirizine, Loratadine)

由於好多傷風感冒藥本身都有撲熱息痛嘅成分，所以除非醫生處方，食咗傷風感冒藥就唔好隨便再食止痛退燒藥。
避免因為服用過量而影響肝臟。

有通鼻塞作用嘅藥物，好多時都會令到血管收縮。
所以，有高血壓， 糖尿病，甲狀腺功能亢進，青光眼，前列腺增生，肝腎功能有事嘅人就唔好隨便食啦。

有樣嘢我哋必須要注意嘅，
傷風感冒係由病毒引起，抗生素係唔會減輕症狀或者促進痊癒嘅。

傷風感冒要好得快呢，都係啲小學常識題嘅答案：

多飲溫水，多休息，食一啲清淡同有營養嘅嘢。
只要維他命c有冇用呢，呢個都有爭議嘅 ，同時如果你食咗覺得舒服啲嘅話呢，咁就食下都無妨。

煎炸肥膩同埋凍品就留待好返先至慢慢歎啦。

今次講住咁多先，下次我哋研究一下關於咳嗽嘅藥物。

圖片來自

https://www.chemistdirect.co.uk/cold-cough-and-flu

喺呢邊，要睇個大夫唔係容易。周時聽到啲香港同胞話Book唔到GP，要食多少成藥頂住先。然而，「是藥三分毒」，食落肚嘅嘢都係小心為上。喺未來嘅日子，我會同大家研究下常用成藥嘅種類同使用上嘅注意事項，請各位期待。😄🙇‍♂️
09/08/2021

喺呢邊，要睇個大夫唔係容易。
周時聽到啲香港同胞話Book唔到GP，要食多少成藥頂住先。

然而，「是藥三分毒」，食落肚嘅嘢都係小心為上。

喺未來嘅日子，
我會同大家研究下常用成藥嘅種類同使用上嘅注意事項，
請各位期待。
😄🙇‍♂️

關於呢隻藥有啲嘢想請大家注意嘅。呢隻藥嘅其中一隻有效成份叫「撲熱息痛」英文 Paracetamol 或 Acetaminophen。即香港人熟悉嘅「必理痛」。一粒普通必理痛有500mg「撲熱息痛」Lemsip MAX 一次嘅份量(即係一包啦...
05/08/2021

關於呢隻藥有啲嘢想請大家注意嘅。

呢隻藥嘅其中一隻有效成份叫「撲熱息痛」英文 Paracetamol 或 Acetaminophen。即香港人熟悉嘅「必理痛」。
一粒普通必理痛有500mg「撲熱息痛」

Lemsip MAX 一次嘅份量(即係一包啦)有1000mg 「撲熱息痛」，即係等於兩粒普通必理痛。

而普通嘅Lemsip 一包都有650mg...

健康嘅成年人一日唔能夠食超過4000mg嘅「撲熱息痛」。
肝臟有事嘅朋友就更加要少過呢個數。
否則有機會造成肝臟損害甚至肝衰竭，到時就可能要換肝先可以保命!

所以，飲咗呢隻沖劑就唔可以同時再食 任何有「撲熱息痛」Paracetamol 或 Acetaminophen嘅藥。

「撲熱息痛」本身係好安全嘅藥，只要唔好overdose就得。

04/08/2021

寫在前面：
搞咗一輪，終於開咗呢個page。

我為乜開呢個page呢?
事緣就咁嘅， 話說我來到英國伯明翰，join咗一個華人教會嘅Signal Group。

同啲教友傾開， 知道係呢度睇醫生唔似得香港咁容易。 好多時都要靠 食成藥頂到有醫生睇為止。

言談之間提到有一隻呢邊常見嘅感冒藥， 雖然本身係一隻安全嘅藥。
但係食得唔小心一樣會過量而令到身體出問題。 於是我出咗一段post去講返呢隻藥，多得教友畀面，佢哋都好appreciate。

之後我就諗， 作為一個喺香港受過正式護士訓練嘅人，不如用港式粵語同廣大網友分享我喺健康護理上面嘅一啲嘅學習同埋經驗，
於是就有呢個page啦。

睇返呢個page大概有乜內容呢？
各位睇睇封面嘅幾幅圖就明白。

我打算係呢個page呢同大家分享一啲關於健康飲食、運動、營養、藥物安全等等嘅資訊。

喺未來嘅日子，請各位多多指教。

31/07/2021

此Facebook專頁所提供的資料只供參考, 絕不能夠替代醫生及/或專業健康護理人員 (包括且不限於護士, 藥劑師, 營養師,牙醫, 脊醫, 物理治療師) 的診斷, 治療 及/或 建議。

如身體出現任何狀況, 請務必咨詢醫生及/或專業健康護理人員，並聽從其囑咐。

Address

Perry Barr

Website

Alerts

Be the first to know and let us send you an email when 人無事，先可以做世界冠軍 posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category