08/05/2026
🚀ფიქრის ძალა
=======================
💢პირველი რჩევა
არ აქვს მნიშვნელობა, როგორია შენი დღევანდელი ყოფიერება. დაიწყე ყველაფერი სუფთა ფურცლიდან. სიტყვების მაქსიმალური სიზუსტით ჩამოაყალიბე ის, რისი მიღწევაც გსურს. (დამშვიდდი, პირდაპირი გაგებით ბრძოლა არაფრისთვის მოგიწევს. არც მეგობრების ღალატი დაგჭირდება და არც არაფრის მსხვერპლად შეწირვაა საჭირო, გარდა იმ ენერგიისა და დროისა, რომელსაც ყოველდღიურად, სულ რაღაც ხუთი წუთის განმავლობაში, კონცენტრაციას მოახმარ.) ახლა მხოლოდ ფიქრის სიცხადეა აუცილებელი.
დავუშვათ, ახალი ბინა გჭირდება. სწორედ ახლა შენზეა დამოკიდებული, როგორი იქნება ის. მნიშვნელოვანია ყველაფერი: მდებარეობა, ფართობი, სართული. წარმოიდგინე ინტერიერი, ხედი ფანჯრიდან, მეზობლები... მოკლედ, ყველაფერი, რაც შენთვის არსებითია. საიდან გაჩნდება ის, რასაც ახლა უკვეთავ? ეს მხოლოდ ღმერთმა უწყის, უფრო ზუსტად კი — შენმა ქვეცნობიერმა. შენ არაფერს რისკავ, უბრალოდ, ჩაატარე ეს მომხიბვლელი ექსპერიმენტი.
როგორ მუშაობს ეს: მატერიალურ სამყაროში აბსოლუტურად ყველაფერია. ზოგს ეს სიკეთეები წილად ხვდება დაბაბდებიდან, სხვები კი გვერდიდან ან ჩუმად შურით უყურებენ და წუწუნებენ ან იღვწვიან. საუკუნეებია, ასე ხდება: არსებობენ იღბლიანები და უიღბლოები. იღბლიანებს სჯერათ ქვეცნობიერის ძალის (რა სახელითაც არ უნდა მოიხსენიებდნენ მას) და იმის, რომ სამყაროში ბარაქა სუფევს, სიკეთე კი ყველას ეყოფა. უიღბლოები კი დარწმუნებულნი არიან, რომ მათ ცხოვრებაში კარგი არაფერი მოხდება. თითოეულს თავისი რწმენისამებრ მიეგება, როგორც ეს წმინდა წერილიდან ვიცით.
💢მეორე რჩევა
თუ კონცენტრაციასთან დაკავშირებით ჯერჯერობით პრობლემები გაქვს, შენი სურვილები ფურცელზე ჩაწერე. ოღონდ არ არის საჭირო ცხოვრებისადმი პრეტენზიების გრძელი სიის გადმოღვრა. შემოიფარგლე სამი-ოთხი ძირითადი მიმართულებით.
მაგ:
„მე დავიკელი 20 კილოგრამი და გამოვიყურები, როგორც კირა ნაიტლი“;
„მე ვცხოვრობ ორსართულიან აგარაკზე, ქალაქიდან 15 წუთის სავალზე“;
„მე ვიღებ დოკუმენტურ ფილმებს უძველეს ნამარხებზე და ცივილიზაციებზე“.
ყოველდღე, ხუთი წუთის განმავლობაში, ფოკუსირებულად წაიკითხე და გონებაში გაიმეორე ეს ფრაზები. ისინი რაც შეიძლება მოკლე და ტევადი უნდა იყოს. ეფექტი გაძლიერდება, თუ ამ „მანტრებს“ თან დაურთავ ნამარხების, აგარაკისა და შენი — კირა ნაიტლის სახით — წარმოსახვით სურათებს. აღტაცებაზე კი უკვე ვისაუბრეთ.
როგორ მუშაობს ეს:
ნეირო ლინგვისტიკაში ცნობილია დაღუზების (გამყარების), ქმედების, კერძოს ამ შემთხვევაში წერილობითი დასტურის ხერხები. ხანდახან მათ წვავენ (ზეცაში აგზავნიან), ხანდახან სხეულზე ატარებენ სპეციალურ რიტუალურ კაფსულებში. ძველად დედისა და საცოლის მიერ ლოცვებით დაწერილი ლენტები ომში მიმავალი ბიჭის პერანგის ნაკერებში ჩაიკერებოდა. სტამბოლის თოფქაფის სასახლე-მუზეუმში ინახება კეთილი სურვილებით მოხატული თალისმან-კაფტანები. მიიჩნეოდა, რომ ასეთ სამოსში გამოწყობილს სასწაულების მოხდენა და ხალხების მართვა შეეძლო.
რეგულარულად ჩადე შენს ქვეცნობიერში შენი ხელით დაწერილი გეგმები და გქონდეს სასწაულის იმედი. წარმოიდგინე, რომ შენი ქვეცნობიერი არის მსახური, რომელმაც ბატონისგან მიიღო ბარათი მითითებებით. ის უბრალოდ ვალდებულია, ყველაფერი ზუსტად შეასრულოს.
💢მესამე რჩევა
იყავი მადლიერი. როდესაც ცხოვრებისგან იმის მცირე ნაწილს მაინც მიიღებ, რასაც ქვეცნობიერს უკვეთავდი, გაიხარე და გაიხსენე ეს სასწაული ყოველდღე. გახსოვთ? - არის ზღაპარი ოქროს თევზზე. იცი, რატომ შეწყვიტა ყოვლისშემძლემ იმ მოხუცი წყვილისთვის საცხოვრებელი პირობების გაუმჯობესება? ბებია ყველაფრით უკმაყოფილო იყო: მდებარეობით, ავეჯით... უმადურობა ანგრევს.
როგორ მუშაობს ეს:
მადლიერების გრძნობა (იგულისხმება — სიხარული იმით, რაც გაქვს) სულს მხნედ ამყოფებს. ჩვენ გვახსოვს, რომ სასოწარკვეთა და გაღიზიანება ქვეცნობიერისთვის ნეგატიური ფონის გაძლიერების სიგნალია, სიხარული კი, პირიქით, „ურჩევს“ მას, მოგიტანოს ცხოვრებისეული სიკეთეები და დაალაგოს ისინი შენს ფეხებთან.
რწმენის ძალა
დავიწყოთ საპირისპიროდან:
სულაც არ არის აუცილებელი, გჯეროდეს ისეთი ფრაზების, როგორიცაა „მე ლამაზი, ჭკვიანი და ბედნიერი ვარ“. ქვეცნობიერისთვის ამის გამეორებით, შენ, ერთი მხრივ, აძლევ მას პროგრამას, მეორე მხრივ კი, საკუთარ თავს აჩვევ ახალ ფიქრებს. თუ გაიმეორებ „მე შემოქმედებითი ტიპი ვარ“ რამდენიმე ათასჯერ, საბოლოოდ შეეგუები ამ აზრს. საკუთარი თავის ახალი გაცნობიერება შენს მეორე ბუნებად იქცევა.
შესაძლოა, თავიდან არ გჯეროდეს შენ მიერ მოფიქრებული დადებითი მტკიცებულებების. მთავარია — გჯეროდეს ქვეცნობიერის ძალის. ის შეასრულებს ნებისმიერ სურვილს, თუ მას საკმაოდ დიდხანს ჩააცივდები ერთი და იმავე თხოვნით. მთავარია, არ ჩაიფიქრო რაღაც, რაც ეწინააღმდეგება წინა სურვილს და არ გადატვირთო ქვეცნობიერი მრავალი სხვადასხვა თხოვნითა და წინადადებით.
ნამდვილი, ცხოვრებისეული სურვილის შესრულება იოლი არ არის. ქვეცნობიერს უწევს სხვადასხვა ადამიანის ბედის ხაზების გადაკვეთა, რეზერვების მოძიება. ამიტომ სურვილები გააზრებული უნდა იყოს.
📌პირველი რჩევა (მეორე ნაწილი)
გააკეთე შინაგანი რევიზია.
გადახედე ყველა ცხოვრების სფეროს და აღნიშნე, რა არ გაკმაყოფილებს საქმეთა ამჟამინდელ მდგომარეობაში. ფული არ გყოფნის? გაიხსენე, რას ამბობ და ფიქრობ, ჩვეულებრივ, ფულზე.
ძველი გამჯდარი პროგრამა „ფული ხელფასამდე არ გვყოფნის“ შეცვალე ფრაზით — „ბევრი ფულია, შემიძლია ვიყიდო ყველაფერი, რაც მინდა“.
დიახ, მოატყუე ქვეცნობიერი. მიაწოდე მას შენი სურვილი, როგორც უკვე მომხდარი ფაქტი. რამდენიმე თვის განმავლობაში ამ ფრაზის ყოველდღიური გამეორების შემდეგ, ფული დაიწყებს მოსვლას იქიდან, საიდანაც არ ელოდი.
ჯანმრთელობა გაქვს შერყეული?
გამოიყენე იგივე მეთოდიკა. უთხარი საკუთარ თავს, რომ თავს შესანიშნავად გრძნობ. და ნუ ეტყვი თანამშრომლებს, როგორ გტკივა თავი ან ზურგი.
როგორ მუშაობს ეს:
ქვეცნობიერი გაწვდის ყველაფერს, რისიც გჯერა. ხოლო შენ, ჩვეულებრივ, გჯერა იმის, რასაც მიეჩვიე. ფრაზების გამეორებით შენ ქმნი ჩვევას ახალი ფიქრებისადმი. როგორ აბსურდულადაც არ უნდა ჟღერდეს ეს — ხერხი მოქმედებს. ერთადერთი სირთულე ჩვეულებრივი, უარყოფითი ფიქრების დადებითით შეცვლაა. ბევრს ეს თავიდან საშინელ თვალთმაქცობად ეჩვენება.
📌მეორე რჩევა (მეორე ნაწილი)
თუკი გადაწყვიტე, გჯეროდეს ქვეცნობიერის, მაშინ, ამავდროულად, დაიჯერე ინტუიციისაც — მისი ხმის. რაციონალური ცნობიერება და ლოგიკა ყოველთვის არ გვეხმარება, განსაკუთრებით კი მაშინ, როდესაც საქმე საგანგებო სიტუაციას ეხება. როდესაც ყველა დარბის და ყვირის, გამოეთიშე რამდენიმე წამით და მიეცი შენს ქვეცნობიერს დავალება. აუხსენი მას: „ეს სერიოზულია“. უთხარი: „ძალიან გთხოვ!“. გარკვეული დროის შემდეგ პასუხი თავისით ამოტივტივდება.
როგორ მუშაობს ეს:
სინამდვილეში, შენ შესანიშნავად იცი პასუხი თავიდანვე, მაგრამ არ აძლევ თავს უფლებას, მიიღო/გაიგო/მოისმინო. ბავშვობაში ხშირად გეუბნებოდნენ, როგორი სულელი და გაუგებარი ხარ, გესმოდა ბევრი სხვადასხვა „არა“. ჩვევა, ჩათვალო თავი ასეთად, ფესვგადგმულია შენში. წინ ხანგრძლივი მუშაობა გელის — მოგიწევს, გამარგლო, მოაშორო სარეველები, გააფხვიერო შენი მოგონებების მიწა და ჩათესო მასში ახალი თესლები — წარმატების, ბედნიერებისა და თავდაჯერებულობის თესლები.
======
‼️ასე, რომ გიწყვევთ, ონლაინ კურსზე "გამოფხიზლების დროა" ანუ #ზრდისფაქტორი სადაც პრაქტიკულად დავამუშავებთ მენტალურ სახეულთან სამუშაო მასალებს
💯მოგზაურობა იწყება ახლა
ინფორმაცია და რეგისტრაცია ამ ბმულზე:
https://bit.ly/4hxbiGB
===
#სულისევოლუცია #კვანტურიფსიქოლოგია #კვანტურიფსიქოლოგია #სამყაროსანაბანა #ზრდისფაქტორი #თვითშემეცნება #ცნობიერებისფილტრები #სიყვარულისდროა #ქოუჩსესიები #ფსიქოთერაპია
