Doctor Ekaterina Gvarishvili

02/08/2025

⚡️სტრაბიზმი (სიელმე): ესთეტიკური პრობლემა თუ კლინიკური პათოლოგია?

მხედველობითი დარღვევები არ შემოიფარგლება მხოლოდ ესთეტიკური პრობლემით. ხშირად ეს ბავშვის განვითარების დაყოვნებას, სასწავლო პროცესში სირთულეებს და ფსიქო-სოციალურ დისკომფორტს იწვევს.
DOC-TALK-ის ამ ეპიზოდში განვიხილავთ, თუ როდის ტრანსფორმირდება სიელმე სერიოზულ კლინიკურ პათოლოგიად და რატომ წარმოადგენს ადრეული დიაგნოსტიკა კრიტიკულ ფაქტორს.

განსახილველი საკითხები:
✔️ესთეტიკური და კლინიკური სტრაბიზმის (სიელმის) დიფერენციაცია
✔️ამბლიოპიის (ზარმაცი თვალის) პათოგენეზი და მშობლების მიერ დროული დიაგნოსტიკის გამოწვევები
✔️ პროფილაქტიკური სკრინინგის აუცილებლობა 6-თვიანი ასაკიდან
✔️ კლინიკური ინდიკატორები მშობელთა მონიტორინგისთვის
✔️მხედველობითი პათოლოგიების პირდაპირი კავშირი ქცევით ცვლილებებთან და აკადემიურ წარმატებასთან
✔️ თერაპიული მიდგომები: კონსერვატიული და ქირურგიული ჩარევის საჭიროებები.

DOC-TALK-ის ეს ეპიზოდი მნიშვნელოვანია ყველა მშობლისთვის - იმისთვის, რომ გაიგონ, როგორ შეიძლება ერთი შეხედვით მცირე მნიშვნელობის მხედველობითი პრობლემა მომავალში სერიოზულ ფუნქციონალურ შეზღუდვად იქცეს და რა არის პრობლემის პრევენციის ეფექტური სტრატეგიები.

🔔 გამოიწერეთ არხი, რათა არ გამოტოვოთ ახალი ეპიზოდები!

სტრაბიზმი (სიელმე): ესთეტიკური პრობლემა თუ კლინიკური პათოლოგია?მხედველობითი დარღვევები არ შემოიფარგლება მხოლო....

19/06/2025

🔹ოფთალმოლოგია
🔹ოტორინოლარინგოლოგია
🔹პლასტიკური ქირურგია
🔹ყველა სახის ანალიზი

11/06/2025

ხელოვნური ინტელექტის როლი თანამედროვე საზოგადოებასა და მედიცინაში:

ბოლო წლებში ხელოვნური ინტელექტის საკითხი მზარდ ინტერესს იწვევს. ეს ტექნოლოგია ჩვენი ყოველდღიური ცხოვრების განუყოფელი ნაწილი გახდა და ფართოდ გამოიყენება სხვადასხვა სფეროში: სმარტფონებში, სოციალურ პლატფორმებში და მედიცინაში.

აი, მაგალითად, გადავწყვიტე მენახა, თუ როგორ ხედავს ხელოვნური ინტელექტი ჩემს ვიზუალს — შედეგმა კი ნადვილად სახალისო თოჯინას დაგვამსგავსა 🙂 მაგრამ ამ სასიამოვნო სურათების უკან გაცილებით მეტი იმალება..

ხელოვნური ინტელექტი უკვე აღარ წარმოადგენს მხოლოდ სამეცნიერო ფანტასტიკის ნაწილს ან გასართობ ინსტრუმენტს. ის აქტიურად ინტეგრირდება ჩვენს ყოველდღიურ აქტივობებში და უმნიშვნელოვანეს როლს ასრულებს სამედიცინო პრაქტიკაშიც.

ამ კონტექსტში წარმოიშობა მნიშვნელოვანი კითხვები:
რამდენად ეფექტურია ხელოვნური ინტელექტის გამოყენება სამედიცინო პრაქტიკაში? შეუძლია თუ არა ექიმებს ამ ტექნოლოგიის ინტეგრირება საკუთარ პროფესიულ საქმიანობაში? და რამდენად აუცილებელია ეს პროცესი დღევანდელ რეალობაში?

ეს საკითხები მნიშვნელოვან დისკუსიას მოითხოვ, დაწერეთ თქვენი აზრი კომენტარებში:

22/04/2025

27/03/2025

ახალი რუბრიკა: წერილი კლინიკის დამფუძნებლისგან - ეკატერინე გვარიშვილისგან

ჩვენ მუდმივად ვცდილობთ უფრო ახლოს ვიყოთ ჩვენს პაციენტებთან, სწორედ ამიტომ ვიწყებთ ახალ რუბრიკას - „წერილი კლინიკის დამფუძნებლისგან".
ეკატერინე გვარიშვილი, ჩვენი კლინიკის დამაარსებელი და სულისჩამდგმელი, გაგვიზიარებს თავის მოსაზრებებს, ღირებულებებსა და შეხედულებებს მედიცინაზე.

როდესაც ჩვენი კლინიკა დავაარსეთ, ჩვენთვის მნიშვნელოვანი იყო არა მხოლოდ სამედიცინო ცენტრის გახსნა, არამედ ისეთი ადგილის შექმნა, სადაც პაციენტები თავს უსაფრთხოდ იგრძნობდნენ და მაქსიმალურ ნდობას გამოუცხადებდნენ ექიმებს. ჩვენ გვწამს, რომ მედიცინა უნდა იყოს ჰუმანური, ხოლო ჯანმრთელობისადმი ზრუნვა - გულწრფელი.
💙 ხელმისაწვდომობა და პატიოსნება - ჩვენ ვისწრაფვით იმისკენ, რომ ხარისხიანი მედიცინა ხელმისაწვდომი იყოს ყველასთვის, ხოლო ჩვენმა პაციენტებმა ყოველთვის მიიღონ ყოვლისმომცველი ინფორმაცია საკუთარ ჯანმრთელობასა და მკურნალობაზე.
💙 პროფესიონალიზმი - ჩვენ მუშაობთ მხოლოდ საუკეთესო სპეციალისტების გუნდათ ერთად, რომლებსაც მაღალი კვალიფიკაციის მიუხედავად, უწყვეტად განაგრძობენ განვითარებას.
💙 ინდივიდუალური მიდგომა - თითოეული პაციენტი ჩვენთვის განსაკუთრებულია, და ჩვენ ყოველთვის ვეძებთ მათთვის საუკეთესო გადაწყვეტებს.

ეს ღირებულებები უცვლელი რჩება ჩვენი კლინიკის საქმიანობის პირველი დღიდან. ამაყი ვარ იმით, რომ ჩვენ გარშემო შეიკრიბა ისეთი ექიმების გუნდი, რომლებიც იზიარებენ ჩვენს ფილოსოფიას.
გმადლობთ, რომ გვანდობთ ყველაზე ძვირფას რამეს - თქვენს ჯანმრთელობას! წინ კიდევ ბევრი სასარგებლო პუბლიკაცია გველის, მე კი, მოხარული ვიქნები თქვენი უკუკავშირებით და შეფასებებით💙

24/02/2025

06/02/2025

🚀სიამაყით გაცნობებთ DOC-TALK-ის პირველი ეპიზოდის გამოშვებას! ეს ინოვაციური პროექტი საქართველოში შეიქმნა მკაფიო მიზნით: საზოგადოებისთვის მნიშვნელოვანი სამედიცინო საკითხების გაშუქება და კვალიფიციური ინფორმაციის მიწოდება.

სადებიუტო ეპიზოდში წარმოგიდგენთ მედიცინის მეცნიერებათა დოქტორ - ალექსანდრე კალანტაროვს, აღიარებულ პლასტიკურ ქირურგს.
ინტერვიუში განვიხილეთ აქტუალური საკითხები: პაციენტთა მოთხოვნები, თანამედროვე ესთეტიკური ტენდენციები და სხვა მნიშვნელოვანი თემები.

🎧თვალყური ადევნეთ მომავალ ეპიზოდებს, სადაც დაგხვდებათ პროფესიონალური, ინფორმაციული და შთამაგონებელი საუბრები დარგის წამყვან სპეციალისტებთან.

🎙️DOC-TALK-ის უახლეს ეპიზოდში წარმოგიდგენთ ინტერვიუს გამოჩენილ პლასტიკურ ქირურგთან, მედიცინის მეცნიერებათა დოქტორ...

16/12/2024

13/11/2024

✨ რაზე ვოცნებობ, როგორც ოფთალმოლოგი...

დავიწყოთ იმით, რომ ჩემთან უმეტესად პრობლემებით მოდიან და არა უბრალოდ მხედველობის შესამოწმებლად. ყველაზე ხშირი პრობლემა არის - მიოპია (ახლომხედველობა).

ბავშვის მხედველობა რამდენიმე წელია დაქვეითებულია.

და ყოველ 3-6 თვეში:
•⁠ ⁠გუგების გაფართოება
•⁠ ⁠ფიზიკური თერაპიის კურსი
•⁠ ⁠ყველა სახის აპარატურული მკურნალობა
•⁠ ⁠”აკომოდაციის სპაზმის” დიაგნოზი
•⁠ ⁠კორტექსინის ინტრამუსკულარული ინექციები
•⁠ ⁠საფეთქლის მიდამოში კანქვეშ ემოქსიპინი
•⁠ ⁠ომეგას, კალციუმის, ნიკოტინის მჟავას მიღება
•⁠ ⁠Semax-ის გამოყენება
•⁠ ⁠ასტიგმატიზმის მკურნალობა
•⁠ ⁠არასრული კორექციის სათვალეები
•⁠ ⁠ვიტამინების კურსი
•⁠ ⁠ზოგ შემთხვევაში ორი სკლეროპლასტიკაც კი...

როცა ანამნეზს ვიღებ და ვისმენ ამ ყველაფერს, გული მტკივა იმ ბავშვებზე, რომლებმაც ეს ყველაფერი გადაიტანეს... არაფერს ვამბობ მშობლების დაკარგულ დროსა და ფინანსებზე.

მესმის მშობლების, რომლებიც უსიტყვოდ ასრულებენ ექიმების რეკომენდაციებს. რა თქმა უნდა, ეს მათი ბრალი არ არის...

და როცა ვეკითხები: „შედეგი გამოღო მკურნალობამ“?
•⁠ ⁠”სამწუხაროდ, არა...” ან
•⁠ ⁠”კი...” - მპასუხობენ ყოყმანით. თუმცა ბავშვს უკვე -6.0 დიოპტრია აქვს და მხოლოდ 11 წლისაა... არ უშველა...

✨მე კი ვოცნებობ...

რომ მშობლებს აუხსნან - მიოპია არ იკურნება, ის “კონტროლდება”, ანუ მისი პროგრესირების შენელებაა შესაძლებელი.

რომ დაბალი კონცენტრაციის ატროპინით მკურნალობა ოფიციალურად დამტკიცდეს ჩვენს ქვეყანაში.

რომ ყველა ოფთალმოლოგმა იცოდეს “ღამის ლინზების” შესახებ და არ ერიდებოდეთ მათი დანიშვნა.

რომ დაინიშნოს სრული კორექცია სათვალეებით ან კონტაქტური ლინზებით...

პრევენციისთვის კი აუცილებელია: რეგულარული გასეირნება დღის განმავლობაში და შესვენებები ახლო მანძილზე მუშაობისას.

თქვენ რაზე ოცნებობთ და რას ელით ოფთალმოლოგთან ვიზიტისგან❓

16/10/2024

შეგახსენებთ, რომ კლინიკა «SAGITTARIUS»-მა წარმატებით გაიარა ამერიკის საერთაშორისო აკრედიტაციის კომისიის (AACI) აკრედიტაცია ✨

გვაქვს პატივი გაცნობოთ მნიშვნელოვანი სიახლე - კლინიკამ ოფიციალურად მიიღო აღნიშნული პრესტიჟული აკრედიტაციის დამადასტურებელი სერტიფიკატები.
აკრედიტაციის პროცესში განხორციელებული მნიშვნელოვანი სამუშაოების შედეგად, შეგვიძლია დავადასტუროთ, რომ ჩვენი საქმიანობა სრულად შეესაბამება სამედიცინო სფეროში არსებულ უმაღლეს საერთაშორისო სტანდარტებს.

💫 აღნიშნული მიღწევა წარმოადგენს როგორც დიდ პატივს, ასევე მნიშვნელოვან მოტივაციას შემდგომი განვითარებისთვის, რათა უზრუნველვყოთ თქვენი ვიზიტის მაქსიმალური ეფექტურობა და კომფორტი. განსაკუთრებულ მადლობას მოგახსენებთ თქვენი ნდობისა და მხარდაჭერისთვის.