26/07/2024
გელოდებით უკეთეს გარემოში. ვუსურვებ ყველას, აქ ისევ აღმოეჩინოთ შინაგანი საყრდენი და გათავისუფლდნენ. 8 წელი შესრულდება მალე, რაც ინდივიდუალურად ვმუშაობ ადამიანებთან და კიდევ უფრო მეტი წელი - საკუთარ თავთან . 🤍
გადავწყვიტე, 2024 წლის 26 აგვისტოდან პირველი ვიზიტი 80 ლარი იქნება და ყოველი მომდენო - 60 ლარი. მე შეიძლება ვთვლიდე, რომ ჩემი შრომა 150 ლარზე მეტი ღირს, მაგრამ ვითვალისწენებ გარემოებას. მიუხედავად იმისა, სხვაგან ვიზიტები მეტიც ღირს უკვე, კიდევ მაინც არ შევცვლი, სანამ ეს ქვეყანა არ განვითარდება და გაძლიერდება ფინანსურად. რამდენიც არ უნდა იყოს, ყველა ადამიანს კარი ღია აქვს ჩემთან. არ არის საჭირო პირადში შეკითხვა ამ საკითხის , როცა მოდის ადამიანი , ინდივიდუალურად განვიხილავ ამ თემასაც ისე, რომ უკან არც ერთი ადამიანი არასოდეს გაბრუნებულა
ჩემგან .
ჩემი თხოვნაა
1. ვიზიტზე როცა ვთანხმდებით ხოლმე, ვინც ვეღარ შეძლებს მოსვლას, უნდა გამაგებინოს ერთი დღით ადრე, ნუ გააკეთებთ ამას ბოლო წუთს. საერთოდ ბევრ ფსიქოლოგთან გაცდენილი საათის ანაზღაურება ხდება როგორც ვიცი სხვა ქვეყნებშიც, მე არ ვითხოვ ამას. მხოლოდ დროულ შეტყობინებას.
2. თუ შენ უკვე ხარ ფსიქოლოგთან და გადაწყვიტე ახლა ნინო ყვირილიანთან მიხვიდე, დატოვე ჯერ ის წინა ფსიქოლოგი და რადგან გული ძალიან მოგიწევს ჩემკენ, მერე დაიწყე ჩემთან, წინააღმდეგი ვარ ორ ფსიქოლოგთან ერთდროულად სირბილის . კომპლექსური მუშაობის დროს მეორე სპეციალისტს თუ გირჩევ, ეს შეიძლება იყოს ფსიქიატრი ან სექსოლოგი.
ფსიქოთერაპია და ფსიქოკონსულტაცია - ეს ცარიელი სიტყვები ან რჩევები არ არის. უნდა შეძლო არ გახლიჩო ადამიანი, უარეს ჩიხში არ შეიყვანო, ან უეცრად არ გამოაცალო სიმპტომი . სირთულეებია, რომელიც უნდა გაიარო, ისე, რომ არ გქონდეს იდენტიფიკაციები, გონების შეფასებები, პროექციები, დაცლილი გონებით ფრთხილად დაეხმარო გაცნობიერებაში. ეს დაცლა და გაცნობიერებები ფსიქოლოგში დაზეპირებული თეორიებით არ მოდის, რამდენი დიპლომიც არ უნდა გქონდეს. თეორიული ცოდნით გამორიცხულია წყლის სიღრმეზე ისაუბრო, როცა ჯერ წყალში არც შესულხარ. ვინც ფსიქოლოგიას ზედაპირულად ხედავს, მან არ იცის რამხელა პასუხისმგებლობაა განსაკუთრებით ბავშვობის ტრავმებთან მიდგომები, რომლებიც ცნობიერში ამოტანას ითხოვენ, ობსესიებთან, პანიკურ შეტევებთან ან პანიკურ აშლილობასთან, ძალადობა გამოვლილ ადამიანებთან… ეს არ არის მეგობართან საუბრის პროცესი…
ეცადეთ დღესვე გააკეთოთ რაიმე არასტანდარტული , თუნდაც ერთი სტანდარტიდან ამოვარდნილი ფოტოს გადაღება , სადაც იქნებით ნამდვილი . ადრეც ვთქვი და შეგახსენებთ , ადამიანები ერთმანეთის შიშით ვერ აღწევენ თავისუფლებას და ბედნიერებას .
შიშებია ის მთავარი , რისგან გათავისუფლებაც უმნიშვნელოვანესია და ეს თქვენ შეგიძლიათ . გისურვებთ ჩაკეტილი საზღვრების გახსნას და თუ გინდათ გათავისუფლდეთ, დაიწყეთ დღესვე რისი გაკეთებაც გინდათ 🔐🌞🌠 💙🌊
