13/11/2025
ის, რაც არც ერთ მშობელს არ უნდა გამორჩეს
პირველადი საყურადღებო ნიშნები აუტიზმის დროს
აუტიზმი არ იწყება მოულოდნელად — ის ჩუმად, თითქოს შეუმჩნევლად იჩენს თავს ბავშვის ქცევასა და კომუნიკაციაში.
პირველივე წლიდან:
-არ რეაგირებს სახელზე ან თითქოს არ ესმის, როცა ელაპარაკებით
-არ იღიმის სოციალურად (არ გიბრუნებთ ღიმილს)
-არ იძენს თვალით კონტაქტს, ან ძალიან მოკლედ და იშვიათად
-არ იწევს ხელებით, როცა გსურთ აყვანა
-არ აჩვენებს საგნებს ("ნახე, დედა!")
-არ ბაძავს ჟესტებსა და გამომეტყველებას
-ჩუმია — არ ბუტბუტებს, არ იყენებს ბგერებს კომუნიკაციისთვის
2 წლის ასაკიდან:
-არ იყენებს მარტივ სიტყვებს ან ფრაზებს
-არ ცდილობს თანატოლებთან თამაშს
-არ ინტერესდება გარშემომყოფებით, თითქოს საკუთარ სამყაროშია
-უყვარს განმეორებითი მოძრაობები — ტრიალი, ხელების ფრიალი, ხტუნვა
-საგნებს იყენებს უჩვეულოდ (აწყობს რიგში, ატრიალებს საგნებს, უყურებს გვერდიდან)
-ძლიერად რეაგირებს ხმებზე, სინათლეზე, შეხებაზე (გაღიზიანებით ან შიშით)
-აქვს განსაკუთრებული ინტერესი კონკრეტულ საგნებზე ან რუტინაზე
ტექსტზე იმუშავა მშობელთა და ბავშვთა ინტერესების დაცვის ასოციაცია დია ქცევის თერაპევტი, ადრეული ინტერვენციონისტი ანი ქიტუაშვილი
