მესტიის საზოგადოებრივი ჯანდაცვის ცენტრი

18/10/2024

💉 18 ოქტომბრიდან საქართველოში მცხოვრებ პრიორიტეტულ ჯგუფებს შეუძლიათ მიაკითხონ ვაქცინაციის პუნქტს და გრიპის წინააღმდეგ უფასოდ აიცრან

🛡 4 ნოემბრიდან კი ქვეყნის მასშტაბით გრიპის საწინააღმდეგო ვაქცინაციის ჩატარება უფასოდ შეეძლება 6 თვეზე უფროსი ასაკის ყველა მოქალაქეს

✅ 18 ოქტომბრიდან გრიპის წინააღმდეგ უფასოდ აცრა შეეძლებათ შემდეგ ჯგუფებს:

დიაბეტის მქონე პირები, დიალიზზე მყოფი პირები, C ჰეპატიტის მქონე პირები (მხოლოდ მკურნალობაზე მყოფნი), აივ ინფექცია/შიდსის მქონე პირები, ორგანოგადანერგილი და მუკოვისციდოზის დაავადების მქონე პირები

ბავშვთა (მ.შ. მცირე საოჯახო ტიპის) და მოხუცთა თავშესაფრების ბენეფიციარები და მათი მომვლელი პერსონალი, ორსულები, 60 წლის და უფროსი ასაკის ხანდაზმული პირები, ზოგადსაგანმანათლებლო დაწესებულების (სკოლები) პედაგოგები, ჯანმრთელობისა და სოციალური დაცვის სამინისტროსა და მის კონტროლს დაქვემდებარებული საჯარო სამართლის იურიდიული პირების თანამშრომლები, მუნიციპალური საზოგადოებრივი ჯანმრთელობის დაცვის ცენტრების თანამშრომლები.

ჯანმრთელობის დაცვის პერსონალი:
ექიმები, ექიმი-რეზიდენტები, ექთნები (მ.შ. უმცროსი ექთნები, ექთნის თანაშემწეები), საექიმო და საექთნო საქმის პროფესიული პრაქტიკის სტუდენტები, ბებია ქალები, სტომატოლოგები, სტომატოლოგის ასისტენტები, სტომატოლოგიის ექთნები, სამედიცინო დაწესებულებებში დასაქმებული სხვა პერსონალი, რომელთაც უშუალო შეხება აქვთ პაციენტებთან, სამედიცინო დიაგნოსტიკური ლაბორატორიის და პათოლოგანატომიური სერვისის მიმწოდებელი დაწესებულებების თანამშრომლები, რომლებსაც უშუალო შეხება აქვთ ბიოლოგიურ მასალასა და პაციენტებთან.

ვეტერინარიასა და გარემოს დაცვის სფეროში მომუშავე პერსონალი:
ფრინველებთან მომუშავე პერსონალი;
მეცხოველეობაში დასაქმებულები/ფერმების თანამშრომლები;
მონადირეები;
ვეტერინარები;
ვეტერინარული ლაბორატორიის თანამშრომლები;

სხვა პროფესიული საქმიანობის ჯგუფი:
ადრეული სკოლამდელი აღზრდისა და განათლების დაწესებულებების თანამშრომლები;
თავდაცვის, უსაფრთხოებისა და საგანგებო სიტუაციებზე რეაგირების სამსახურის თანამშრომლები:
საერთაშორისო სამშვიდობო მისიაში წამსვლელი სამხედრო მოსამსახურეები;
სამხედრო სავალდებულო სამსახურის სამხედრო მოსამსახურეები;
საწყისი საბრძოლო მომზადების (BCT) კურსზე ჩარიცხული სამხედრო მოსამსახურეები;
სამხედრო სამედიცინო გვარეობის საშტატო თანამდებობაზე მომაშავე სამედიცინო პერსონალი, რომელთაც უშუალო შეხება აქვთ პაციენტებთან.

პენიტენციურ დაწესებულებაში მომუშავე პერსონალი;
პატიმრობის დაწესებულების თანამშრომლები;
თავისუფლების აღკვეთის დაწესებულების თანამშრომლები;
ბრალდებულთა/მსჯავრდებულთა სამკურნალო დაწესებულების თანამშრომლები.

შინაგან საქმეთა სამინისტროს თანამშრომლები.

28/03/2024

🔊 ზემო სვანეთის მაღალმთიან რეგიონში მცხოვრებ მოსახლეობას თანამედროვე სტანდარტების შესაბამისი სამედიცინო ლაბორატორიული სერვისებით სარგებლობა ადგილზევე შეეძლება. „მედიქალ ვორლდის ლაბორატორია“ ხვალ დაბა მესტიაში ფილიალს გახსნის.

ℹ️ კომპანიის გადაწყვეტილებით, გახსნასთან დაკავშირებით, მესტიის მოსახლეობა სპეციალური ერთდღიანი აქციით ისარგებლებს. კერძოდ, 0-დან 18 წლის ასაკის მქონე ყველა პირებს უფასოდ ჩაუტარდება კალციუმის, რკინისა და სისხლის საერთო ანალიზი. ამისთვის კი ლაბორატორიაში მისვლისას მხოლოდ პირადობის დამადასტურებელი დოკუმენტის ქონაა საჭირო.

👉 3 სახის ლაბორატორიულ კვლევას ასევე უფასოდ ჩაიტარებენ შშმ პირები. ეს კვლევებია: ქოლესტერინის, კრეატინინისა და სისხლის საერთო ანალიზი. თითოეულ პირს თან უნდა ჰქონდეს სტატუსის დამადასტურებელი დოკუმენტი.

დეტალური ინფორმაციისთვის ეწვიეთ ბმულს 🔗 bit.ly/3PEPEFu

31/10/2023

1 ნოემბრიდან 15 ნოემბრის ჩათვლით სეზონური გრიპის საწინააღმდეგო ვაქცინაცია, ყველა მსურველისთვის უფასოა

🔹ვაქცინაცია, იმუნიზაციის სახელმწიფო პროგრამის ფარგლებში, ოთხ-კომპონენტიანი Abbott Biologicals B.V.-ის წარმოების ვაქცინით იქნება შესაძლებელი. ვაქცინა მორგებულია იმ შტამებზე, რომლთა ცირკულაცია მოსალოდნელია გრიპის სეზონზე.
🔹აცრა ვაქცინაციის სერვისის მიმწოდებელ ნებისმიერ სამედიცინო დაწესებულებაში შესაძლებელია 6 თვის ასაკიდან და ბენეფიციარებისთვის სრულად უფასოა.
🔹დაწესებულებების სია იხილეთ: https://test.ncdc.ge/Handlers/GetFile.ashx?ID=84e484c7-4c70-426f-b143-5279f7757312

16/10/2023

01/08/2023

31.07. 23 წ.-ში მესტიის საზოგადოებრივი ჯანდაცვის ცენტრის ორგანიზებით, გაეროს ასოციაციის, ჯანმრთელობის მსოფლიო ორგანიზაციისა და ევროკავშირის მხარდაჭერით , მესტიის მერიის სააქტო დარბაზში ჩატარდა შეხვედრა თემაზე: "იმუნიზაციის შესახებ ცნობიერების ამაღლების კამპანიის მხარდაჭერა ქალაქებსა და სოფლებში". შეხვედრას ესწრებოდნენ მესტიის მუნიციპალიტეტში შემავალი ბაგა- ბაღების თანამშრომლები, იმუნიზაციის სახელმწიფო პროგრამაში მონაწილე სამედიცინო პერსონალი, სკოლის ექიმები და მშობლები. შეხვედრის თემა იყო რუტინული იმუნიზაცია. შეხვედრას უძღვებოდნენ საქართველოს გაეროს ასოციაციის წარმომადგენელი ბატონი ზურაბ ალხანიშვილი და მესტიის საზოგადოებრივი ჯანდაცვის მთავარი სპეციალისტი ნონა ბჟალავა. შეხვედრა ჩატარდა კითხვა-პასუხის რეჟიმში.

08/06/2023

მესტიის საზოგადოებრივი ჯანდაცვის ცენტრში, 2023 წლის "ეპიდზედამხედველობის" სახელმწიფო პროგრამის ფარგლებში განხორციელებული საქმიანობის მონიტორინგი ჩაატარა NCDC სამეგრელო ზემო სვანეთის რეგიონალურმა სამსახურმა.
განხილულ იქნა და პრობლემები და გაიცა შესაბამისი რეკომენდაციები. NCDC სამეგრელო - ზემო სვანეთის რეგიონი

17/05/2023

🔈17 მაისი ჰიპერტენზიის მსოფლიო დღეა. მისი მიზანია მოსახლეობის ცნობიერების ამაღლება გულსისხლძარღვთა დაავადებების ძირითადი რისკ-ფაქტორის - არტერიული ჰიპერტენზიის (მომატებული არტერიული წნევა) ადრეული გამოვლენის, პრევენციისა და რეგულარული მკურნალობის სარგებლის შესახებ.

📌მიმდინარე წლის ჰიპერტენზიის მსოფლიო დღის თემაა: „სწორად გაიზომეთ არტერიული წნევა, აკონტროლეთ იგი, იცხოვრეთ უფრო დიდხანს“ და ხაზს უსვამს წნევის გასინჯვის, ადეკვატური მკურნალობის და წნევის ციფრების მუდმივი მონიტორინგის მნიშვნელობას. გზავნილი ფოკუსირებულია საკითხის შესახებ ინფორმირებულობის ზრდაზე, არტერიული წნევის გაზომვის მნიშვნელობის და მისი სწორად გაზომვის მეთოდების შესახებ ცნობიერების ამაღლებაზე, განსაკუთრებით დაბალი და საშუალო შემოსავლის ქვეყნებში.

📍ფაქტები ჰიპერტენზიის შესახებ:

🔹 მაღალ წნევად ანუ არტერიულ ჰიპერტენზიად ითვლება 140/90 მმ ვწყ. სვ. და მეტი
🔹 ჯანმოს მონაცემებით ჰიპერტენზიით ყოველწლიურად 1.5 მილიარდი ადამიანი ავადდება და დაახლოებით 10 მილიონი ადამიანი იღუპება
🔹 არტერიული ჰიპერტენზია ქრონიკული მდგომარეობაა. საქართველოში ჰიპერტენზიის გავრცელების მაჩვენებელი 18-69 წწ პოპულაციაში 37.7%-ია. იმათგან, ვინც ამჟამად არ იმყოფება ანტიჰიპერტენზიულ მკურნალობაზე, 25.1%-ს აღენიშნა წნევის მაღალი ციფრები (STEPS 2016)

👉ვრცლად ჰიპერტენზიის მსოფლიო დღის შესახებ ინფორმაციას გაეცანით https://shorturl.at/jnoDW