11/11/2025
კომპანია „მოწინავე სამედიცინო ტექნოლოგიები და სერვისი“ (AMTS) ეხმაურება ბოლო დღეებში მედიაში გავრცელებულ მცდარ ინფორმაციას საქართველოში შაქრიანი დიაბეტის მართვის ტექნოლოგიური საშუალებების ხელმისაწვდომობის შესახებ.
კომპანია „მოწინავე სამედიცინო ტექნოლოგიები და სერვისი“ ( AMTS) საქართველოში ოპერირებს 1998 წლიდან. კომპანიის მიზანია ჩვენი ქვეყნის მოსახლეობისთვის უზრუნველყოს და გაზარდოს დასავლეთის ქვეყნების მოწინავე სამედიცინო ტექნოლოგიური მიღწევების ხელმისაწვდომობა, რისთვისაც თანმშრომლობს მსოფლიოს წამყვან ბრენდებთან (Medtronic,PHILIPS, TERUMO, B-BRAUN და ა.შ.) და წარმოადგენს მათ ოფიციალურ პარტნიორ კომპანიას საქართველოში.
20 წელზე მეტია რაც, კომპანია „მოწინავე სამედიცინო ტექნოლოგიები და სერვისი“ (AMTS) წარმოადგენს ამერიკული კომპანია Medtronic ოფიციალურ დისტრიბუტორს საქართველოში და 2020 წლიდან ქართულ ბაზარზე შემოაქვს შაქრიანი დიაბეტის მართვის თანამედროვე ტექნოლოგიური საშუალებები: გლუკოზის უწყვეტი მონიტორინგის სისტემები (Medtronic CGM Systems - Guardian Connect System, Guardian 4 System, Simplera ), ინსულინის ტუმბოს (ე.წ. პომპა) რამოდენიმე მოდელი (Medtronic VEO Pump, MiniMed 640G Pump, MiniMed 720G Pump, MiniMed 780G Pump), საინფუზიო პორტი - iPort Advance, ჭკვიანი კალმისტარი - Medtronic InPen, ასევე ამ მოწყობილობებთან თავსებადი შესაბამისი სახარჯი მასალები და აქსესუარები.
კომპანია „მოწინავე სამედიცინო ტექნოლოგიები და სერვისი“ (AMTS) პარტნიორ კომპანიასთან Medtronic ერთად აქტიურად წარმართავს შაქრიანი დიაბეტის მართვის მოწყობილობების გამოყენების სწავლების პროცესს ქართველი სპეციალისტებისათვის, რომლის ფარგლებშიც ქვეყნის მასშტაბით გადამზადებული არიან რამოდენიმე სამედიცინო დაწესებულების პედიატრ- და მოზრდილთა ენდოკრინოლოგები. ამასთანავე კომპანია „მოწინავე სამედიცინო ტექნოლოგიები და სერვისი“ (AMTS) პარტნიორ კომპანიასთან (Medtronic) ერთად საინფორმაციო-სასწავლო მხარდაჭერას ახორციელებს არამხოლოდ ჩვენს ქვეყანაში უცხოელი სპეციალისტების მოწვევით, არამედ ქართველი ექიმების უცხოეთის წამყვან კლინიკებში სწავლება-გადამზადების ხელშეწყობით.
ჩვენი კომპანია სთავაზობს Medtronic დიაბეტის მართვის მოწყობილობების მომხმარებლებს შესაბამის საგარანტიო-ტექნიკურ მომსახურებას ქოლ-ცენტრის სპეციალისტებისა და ტექნიკური მხარდაჭერის გუნდის საშუალებით.
აღსანიშნავია, რომ 2022 წლიდან კომპანია „მოწინავე სამედიცინო ტექნოლოგიები და სერვისი“ (AMTS) ემსახურება საქართველოს ჯანდაცვის სამინისტროს CGM პროგრამაში ჩართულ რამდენიმე ასეულ 18 წლამდე ბენეფიციარს შესაბამისი ტექნიკური-საგარანტიო სერვისით.
ყოველივე ზემოაღნიშნულიდან გამომდინარე, თამამად ვაცხადებთ რომ:
1. საქართველოში კომპანია „მოწინავე სამედიცინო ტექნოლოგიები და სერვისი“ (AMTS) მხარდაჭერით ჩვენი მოსახლეობისთვის ოფიციალურად ხელმისაწვდომია ამერიკული კომპანია Medtronic შაქრიანი დიაბეტის მართვის უახლესი ტექნოლოგიური საშუალებები.
2. საქართველოში კომპანია Medtronic ინსულინის ტუმბოსა (ე.წ. პომპა) და გლუკოზის უწყვეტი მონიტორინგის (CGM) სისტემების ინსტალაცია - მართვა შესაძლებელია შესაბამის სამედიცინო ცენტრებში და ნამდვილად არ საჭიროებს სათანადო მომსახურების მისაღებად ქვეყნის გარეთ ვიზიტს.
3. საქართველოში შაქრიანი დიაბეტის მართვის Medtronic სისტემების მომხმარებლებს შეუძლიათ შესაბამისი ტექნიკური-საგარანტიო მომსახურების მიღება პარტნიორი კომპანია „მოწინავე სამედიცინო ტექნოლოგიები და სერვისი“ (AMTS) საშუალებით.
შაქრიანი დიაბეტის მართვის ტექნოლოგიურ საშუალებებთან დაკავშირებით დამატებითი ინფორმაციისთვის გთხოვთ გაეცნოთ კომპანიის ოფიციალურ სოციალურ გვერდზე განთავსებულ ინფორმაციებს.
