პირველი მოლეკულურ-ციტოგენეტიკური ლაბორატორია საქართველოში, რომელიც ონკოლოგიაში ოქროს სტანდარტად აღიარებულ FISH მეთოდს იყენებს! ლაბორატორია დაფუძნდა ისრაელის საელჩოს მხარდაჭერით და დახმარებით საქართველოში!
ცნობილია, რომ ყველა დაავადებას გენეტიკური კომპონენტი აქვს. თანამედროვე, პაციენტზე მორგებული მედიცინის ხანაში, შეუძლებელია დიფერენცირებული დიაგნოსტიკა, კლინიკური მენეჯმენტი და მკურნალობა, დაავადებებისა და პათოლოგიების გენეტიკური მექანიზმების დადგენის გარეშე.
წამყვანი ტექნოლოგიური მიდგომები დნმ-ის პათოლოგიების გამოსაკვლევად, რომლებიც მგრძნობიარე და მაღალი რეზოლუციის კუთხით დიაგნოსტიკის საშუალებას იძლება:
FISH; Chromosome High Resolution Banding Analysis; CMA; SKY.
ჩვენს მიერ შემოთავაზებული გენეტიკური ტესტები გამოიყენება შემდეგ შემთხვევებში:
ახალშობილთა სკრინინგი, მემკვიდრული პათოლოგიები, პრენატალური დიაგნოზისთვის (სანაყოფე წყლებისა და ქორიონის ბიოფსიის ანალიზი), ბავშვებისა და მოზრდილების გენეტიკური პროფილის დადგენა/პროგნოზი, ბავშვთა და ზრდასრულთა ონკოლოგია/ჰემატოლოგია, აბორტული მასალების გენეტიკური კვლევები.
რაც ყველაზე ინოვაციურია საქართველოში:
1999 წლიდან მსოფლიო ჯანდაცვის ორგანიზაციის WHO და ფრანგულ-ამერიკულ-ბრიტანული (FAB) კლასიფიკაციის სისტემის სტანდარტები, რომელიც ჰემატოონკოლოგიური დაავადებების კლასიფიკაციას ეხება, სხვა კვლევებთან ერთად მოითხოვს გენეტიკური და ციტოგენეტიკური ანალიზების აუცილებლობას. ჰემატოლოგიური ნეოპლაზიების, მწვავე და ქრონიკული ლეიკემიების და სოლიდური სიმსივნეების დაავადებათა დროს შესაძლებელი გახდება: გენეტიკური დიაგნოსტიკა, ჰემატოლოგიური ნეოპლაზიების პროგნოზირება, სპეციფიკური მკურნალობის საკითხის გადაწყვეტა და მკურნალობის რეაქციის სიღრმისეული შეფასება.
ლეიკემიის მკურნალობის სხვადასხვა ეტაპებზე - ინდუქცია, კონსოლიდაცია, ძვლის ტვინის გადანერგვის ეფექტიანობა მისი ტრანსპლანტაციის დროს და დონორის უჯრედების წარმატებული ასოციაცია ქიმერული ანალიზის საფუძველზე.
