Psychological Counselling Centers For Students E-PSY

31/10/2024

📌📍"ჯგუფური თერაპია - სოციალური უნარების განვითარებისთვის"

📝2024 წლის 30 ოქტომბერს საქართველოს განათლების, მეცნიერებისა და ახალგაზრდობის სამინისტროს პროგრამის „უმაღლესი საგანმანათლებლო დაწესებულებების ხელშეწყობა“ (პროგრამული კოდი: 32 04 05) ქვეპროგრამა - სსიპ სოხუმის სახელმწიფო უნივერსიტეტის პროექტი „სტუდენტების ფსიქოლოგიური და სოციალური სერვისის პლატფორმის მხარდაჭერის“ ფარგლებში, ფსიქოლოგიური კონსულტირების ცენტრის ინიციატივით და საერთაშორისო ურთიერთობებისა და კულტურათაშორისი კავშირების სამსახურის მხარდაჭერით, სოხუმის სახელმწიფო უნივერსიტეტს სტუმრობდა ფილოსიფიის მაგისტრი, მოზარდთა და ზრდასრულთა ფსიქოკონსულტანტი (EAP), ერიქსონის ქოუჩინგის სკოლის სერტიფიცირებული ქოუჩი ქალბატონი ეკა ჩემია. სტუმარი შეხვდა უნივერსიტეტის სტუდენტებს, ვრცლად ისაუბრა მენტალური და ფსიქიკური ჯანმრთელობის მნიშვნელობასა და მხარდამჭერ ინსტრუმენტებზე, მათ შორის ჯგუფური თერაპიის დროს ინდივიდის სოციალური და ინტერპერსონალური უნარების განვითარების შესაძლებლობებზე. ვინაიდან ფსიქიკური ჯანმრთელობის გაუმჯობესების მნიშვნელოვანი ფაქტორია სხვა ადამიანთა ურთიერთობებში ჩართულობა, მათთვის თანაგრძნობა და მხარდაჭერა, სხვა ადამიანების მეშვეობით საკუთარი შეცდომების ამოცნობა, რასაც მოყვება საკუთარი ტკივილისგან გათავისუფლება, თავდაჯერებულობა, შიშის და შფოთვის დაძლევა, ცხოვრების ხარისხის მნიშვნელოვანი გაუმჯობესება.

შეხვედრა ინტერაქტიურ რეჟიმში წარიმართა. ქალბატონ ეკას არაერთი საინტერესო შეკითხვა დაუსვეს სტუდენტებმა, რაზეც ამომწურავი პასუხები მიიღეს. შეხვედრის ფარგლებში გადაწყდა შეიქმნას თერაპიული ჯგუფი სოხუმის უნივერსიტეტის სტუდენტებისთვის და მოხალისეობრივ საწყისებზე ჩატარდეს ექვსი შეხვედრა ქალბატონ ეკას ჩემიასთან.

საერთაშორისო ურთიერთობებისა და კულტურათაშორისი კავშირების სამსახური და ფსიქოლოგიური კონსულტირების ცენტრი დიდ მადლობას უხდის ქალბატონ ეკა ჩემიას საინტერესო შეხვედრისთვის. მსგავსი შეხვედრები დარგის პროფესიონალების ჩართულობით უწყვეტ რიჟიმში წარიმართება სოხუმის უნივერსიტეტის ფსიქოლოგიური კონსულტირების ცენტრში.

🛜↪️ https://epsy.ge/ka/news/78

15/01/2024

🎯 სოხუმის უნივერსიტეტის „ფსიქოლოგიური კონსულტირების ცენტრი“ იწვევს დაინტერესებულ სტუდენტებს და სთავაზობს მხარდაჭერას ისეთ გავრცელებულ ფსიქოსოციალურ პრობლემებთან დაკავშირებით, როგორებიცაა:

💫 სხვადასხვა სტრეს-ფაქტორებთან გამკლავება და ემოციების მართვა;

💫 სუსტი და ძლიერი მხარეების გაცნობა და თვითგამორკვევა;

💫 თავდაჯერებულობის გაჯანსაღება;

💫 გამოწვევებთან გამკლავება და პირადი ეფექტიანობის გაზრდა;

💫 ურთიერთობების პრობლემები;

💫 მიზნების დასხვა და განხორცილების დაგეგმვა;

💫 კარიერული მომავლის დაგეგმვა და სხვ.



💛 გელით ფსიქოლოგიური კონსულტირების ცენტრში!

🔥 ქოუჩინგის, ფსიქოკონსულტირების და თერაპიის პროფესიონალები თქვენს სამსახურში თქვენი ბედნიერი და წარმატებული მომავლისთვის!

კონსულტირების ცენტრში იყენებენ როგორც ინდივიდუალურ, ასევე ჯგუფურ კონსულტირებას.

სესიებზე რეგისტრაციისთვის შეავსეთ სარეგისტრაციო ფორმა:

კონსულტანტი/ქოუჩი - თამარ კაჭარავა

https://docs.google.com/forms/d/e/1FAIpQLSfYjHkFhYGq56mQIqOWXMTgxikuGxijgHgzkfu3jywbz-BFqg/viewform

ართ თერაპევტი/სხეულზე ორიენტირებული თერაპევტი - ნინო ჩუბინიძე

https://docs.google.com/forms/d/e/1FAIpQLSdTf8J0VlQbX-OMUDmS8oo8bwk77HHXRKaR-43-zpHlzk-yjQ/viewform

ნინო ჩუბინიძე

24/10/2023

📌💡ფსიქიკური ჯანმრთელობის მსოფლიო დღე სსუ-ში

სოხუმის სახელმწიფო უნივერსიტეტში, ერასმუს+ პროექტის – „ფსიქოლოგიური კონსულტაციის ცენტრების გახსნა სტუდენტებისთვის საქართველოს უმაღლეს საგანმანათლებლო დაწესებულებებში“ – ფარგლებში, ფსიქიკური ჯანმრთელობის მსოფლიო დღესთან დაკავშირებით, გაიმართა ღონისძიება, რომლის მიზანიც იყო ფსიქიკური ჯანმრთელობის შესახებ ცნობიერების ამაღლება. ღონისძიებაზე პრეზენტაციები წარადგინეს ამავე უნივერსიტეტის ფსიქოლოგიის მიმართულების პროფესორ-მასწავლებლებმა – თამარ ადეიშვილმა და ირმა შომახიამ. თემატიკა, ძირითადად, ეხებოდა მენტალური ჯანმრთელობის არსსა და ფსიქოკონსულტირების დანიშნულებას; ასევე, იმ პრობლემათა გაცნობას, რომელთა მოგვარება შესაძლებელია ფსიქოკონსულტაციის მეშვეობით. ირმა შომახიამ ისაუბრა მენტალური ჯანმრთელობის შესახებ, ხოლო თამარ ადეიშვილმა წარადგინა კვლევის შედეგები, რომელიც ეხებოდა სტუდენტებთან წინასაგამოცდო სტრესის გამოხატვის ფორმებსა და მათი დაძლევის სტრატეგიებს.
ღონისძიებას ესწრებოდნენ ბიზნესისა და სოციალურ მეცნიერებათა ფაკულტეტის სხვადასხვა მიმართულებისა და კურსის სტუდენტები, რომლებიც აქტიურად ჩაერთვნენ საკითხების განხილვაში: გამოხატეს საკუთარი აზრები და დასვეს შეკითხვები. შეხვედრა იყო ინტერაქტიული და საინტერესო.
✅გამოგვყევით ინსტაგრამზეც :

https://instagram.com/epsy_ssu?igshid=OGQ5ZDc2ODk2ZA%3D%3D&utm_source=qr

13/10/2023

🔉თელავის სახელმწიფო უნივერსიტეტში სტუდენტთა ფსიქოლოგიური კონსულტაციის ცენტრი გაიხსნა

https://www.facebook.com/watch/?v=644731267813902&extid=CL-UNK-UNK-UNK-AN_GK0T-GK1C&ref=sharing&mibextid=2JQ9oc

13/10/2023

საერთაშორისო სამეცნიერო კონფერენცია თემაზე – „სტუდენტური ფსიქოლოგიური კეთილდღეობა და მენტალური ჯანმრთელობის საკითხები“
International Scientific Conference
"Student Psychological Well-being and Mental Health Issues"
6 October, 2023, Telavi, Georgia

ერაზმუს+ ინსტიტუციური თანამშრომლობის პროექტის – „საქართველოს უმაღლეს საგანმანათლებლო დაწესებულებებში სტუდენტებისთვის ფსიქოლოგიური კონსულტაციის ცენტრების შექმნა“ – ფარგლებში, 2023 წლის 6 ოქტომბერს, იაკობ გოგებაშვილის სახელობის თელავის სახელმწიფო უნივერსიტეტში, ჩატარდა საერთაშორისო სამეცნიერო კონფერენცია თემაზე – „სტუდენტური ფსიქოლოგიური კეთილდღეობა და მენტალური ჯანმრთელობის საკითხები“, რომელშიც საქართველოსა და ევროპის სხვადასხვა ქვეყნის ცნობილი ფსიქოლოგები, მკვლევრები, მეცნიერები და სტუდენტები მონაწილეობდნენ.
კონფერენციის მონაწილეებს მიესალმნენ: თელავის სახელმწიფო უნივერსიტეტის რექტორი, პროფესორი შალვა ჭკადუა; პროექტის – „საქართველოს უმაღლეს საგანმანათლებლო დაწესებულებებში სტუდენტებისთვის ფსიქოლოგიური კონსულტაციის ცენტრების შექმნა“ - კოორდინატორი, სოხუმის სახელმწიფო უნივერსიტეტის საერთაშორისო ურთიერთობებისა და კულტურათაშორისი კავშირების დეპარტამენტის უფროსი, პროფესორი ინდირა ძაგანია; საქართველოს განათლებისა და მეცნიერების სამინისტროს წარმომადგენლები, პროეფსორები ნინო წერეთელი და გუგული მაღრაძე; თელავის სახელმწიფო უნივერსიტეტის საერთაშორისო ურთიერთობების სამსახურის ხელმძღვანელი თამარ ასლანიშვილი; ადამიანის უნარების, სტრატეგიისა და შესაძლებლობების გაძლიერების ცენტრის ხელომძღვანელი რობერტო რიგი (იტალია), ბიდგოშჩის ეკონომიკის უნივერსიტეტის პროფეოსორი ირენა კუდლინსკა (პოლონეთი) და ტრანსილვანიის უნივერსიტეტის წარმომადგენელი, პროფესორი დანიელა პოპა (რუმინეთი).
კონფერენციაზე წარმოდგენილი იყო 22 მოხსენება. თემატიკამ დიდი დაინტერესება გამოიწვია, რის გამოც 30 მსმენელი დარეგისტრირდა. მუშაობდა სამი სექცია, სადაც სტუდენტთა ფსიქოლოგიური რეაბილიტაციის, კომუნიკაციის უნარების გაუმჯობესების, მენტალური ჯანმრთელობის ხელშეწყობისა და სხვა საკითხებზე იმსჯელეს. კონფერენციის მონაწილეებს გადაეცათ სერტიფიკატები.
მადლობას ვუხდით თელავის სახელმწიფო უნივერსიტეტს და პროექტის ადგილობრივ მენეჯერს, ქ-ნ ნინო კორინთელს საერთაშორისო სამეცნიერო კონფერენციის მაღალ დონეზე ორგანიზებისთვის.

11/08/2023

სტუდენტთა ფსიქოლოგიური მომსახურების უფასო სერვის ცენტრები საქართველოს უნივერსიტეტებში💡📌

www.epsy.ge

📚

03/07/2023

Working meeting at Batumi State University
სამუშაო შეხვედრა ბათუმის სახელმწიფო უნივერსიტეტში

2023 წლის 26-30 ივნისს, ერასმუს+ პროექტის „ფსიქოლოგიური კონსულტაციის ცენტრების შექმნა სტუდენტებისთვის საქართველოს უმაღლეს საგანმანათლებლო დაწესებულებებში“ (E-PSY (617980-EPP-1-2020-1-GE-EPPKA2-CBHE-SP) ფარგლებში, ბათუმის შოთა რუსთაველის სახელმწიფო უნივერსიტეტში, შედგა სამუშაო შეხვედრა, რომელშიც მონაწილეობდნენ კონსორციუმის წევრების წარმომადგენლები. კვირეულის მიზანი იყო სტუდენტთა საკონსულტაციო ცენტრებში მომუშავე ფსიქოლოგებისთვის სახელმძღვანელო პრინციპების (გაიდლაინების) შემუშავება.
შეხვედრის მონაწილეებს მიესალმნენ და წარმატებები უსურვეს: ბსუ-ის რექტორმა, პროფ. მერაბ ხალვაშმა; რექტორის მოადგილემ, პროფ. თამარ სირაძემ; EPSY-ის პროექტის კოორდინატორმა, პროფ. ინდირა ძაგანიამ; აჭარის განათლების, კულტურისა და სპორტის სამინისტროს განათლების დეპარატმენტის უფროსმა ნაზიბროლა ბერიძე-გაბაიძემ; პროექტის კოორდინატორმა ბსუ-ში, პროფ. მარინა აროშიძემ; იურიდიულ და სოციალურ მეცნიერებათა ფაკულტეტის დეკანმა, პროფ. ლევან ჯაყელმა, ჰუმანიტარულ მეცნიერებათა ფაკულტეტის დეკანმა, პროფ. თეონა ბერიძემ.
ერთი კვირის განმავლობაში პროექტის კოორდინატორის, პროფესორ ინდირა ძაგანიას ხელმძღვანელობით საქართველოს, პოლონეთის, რუმინეთის სხვადასხვა უნივერსიტეტისა და თბილისის ფსიქიკური ჯანდაცვის კრიზისული ინტერვენციის სამსახურის წარმომადგენლებმა იმუშავეს შემდეგ საკითხებზე: დოკუმენტების წარმოება (რა ფორმის დოკუმენტი, პასუხისმგებელი პირი, შენახვის ფორმა); ფსიქოგანათლების დაგეგმვა -პროცედურა/სტრატეგიები; ელექტრონული პორტალის ჩართვა, სკრინინგული ინსტრუმენტების ჩატვირთვა სტუდენტების ელექტრონულ პორტალზე, პირველადი შეფასება; ინდივიდუალური კონსულტირების ეთიკური საკითხები (კონფიდენციალობის საკითხი); ჯგუფური კონსულტირების ეთიკური საკითხები (კონფიდენციალობის საკითხი); რეფერალის სისტემა/მექანიზმი, კრიზისული შემთხვევები; კონსულტირების პროცესში გამოსაყენებელი ინსტრუმენტების შერჩევა; რისკები და რისკების მართვა (მაგ.: კონსულტირების შეწყვეტა, კონსულტირების გაგრძელების შეუძლებლობა და ა.შ.); კონსულტირების კაბინეტი (სივრცის მოწყობა); კონსულტანტის კომპეტენციები და პროფესიული განვითარება; სუპერვიზიისა და ინტერვიზიის მექანიზმები.
ბათუმში შეხვედრამ წარმატებულად ჩაიარა, შემუშავდა სახელმძღვანელო პრინციპები სტუდენტთა საკონსულტაციო ცენტრებში მომუშავე ფსიქოლოგებისთვის.
მადლობას ვუხდით ბათუმის შოთა რუსთაველის სახელმწიფო უნივერსიტეტის რექტორს, პროფესორ მერაბ ხალვაშს მხარდაჭერისთვის და პროექტის კოორდინატორს ბსუ-ში, პროფესორ მარინა აროშიძეს კვირეულის მაღალ დონეზე ორგანიზებისთვის.

26/06/2023

06/06/2023

🔈6 ივნისს საერთაშორისო ურთიერთობებისა და კულტურათაშორისი კავშირების სამსახურის ინიციატივით სოხუმის სახელმწიფო უნივერსიტეტს სტუმრობდა ცნობილი ფსიქოკონსულტანტი, არტთერაპევტი და იოგას სპეციალისტი, ქალბატონი ნინო ჩუბინიძე. სტუმარი შეხვდა უნივერსიტეტის სტუდენტებს, ადმინისტრაციისა და აკადემიური პერსონალის წარმომადგენლებს.
შეხვედრის დასაწყისში სსუ-ის რექტორმა, პროფესორმა ზურაბ ხონელიძემ ისაუბრა ფსიქოლოგიის როლსა და დანიშნულებაზე თანამედროვე მსოფლიოში, აღნიშნა, რომ ჩვენს უნივერსიტეტში, შესაბამის პროექტებში აქტიური ჩართულობით, სათანადო ყურადღება ექცევა ადამიანის ჯანმრთელობას, მათ შორის, მენტალურ საკითხებს.
ქალბატონმა ნინო ჩუბინიძემ, რომელიც შესანიშნავად ერკვევა როგორც დასავლურ, ისე აღმოსავლურ (კერძოდ, ინდურ) ფსიქოლოგიაში, ვრცლად ისაუბრა სულისა და სხეულის წონასწორობის აუცილებლობაზე, იმ მეთოდებსა და ნიუანსებზე, რომლითაც შესაძლებელია ემოციური მედეგობის მიღწევა, სხვადასხვაგვარ სტრესთან თუ ფობიასთან გამკლავება, ყოფითი პრობლემების გადაჭრა. უგუნებოდ ყოფნის ერთ-ერთ უმთავრეს მიზეზად ფსიქოლოგმა ენერგიის ნაკლებობა დაასახელა და ყურადღება ამ ენერგიის აკრებაზე, შემომატებაზე, განახლებასა და დაზოგვაზე გაამახვილა.
შეხვედრა ინტერაქტიურ რეჟიმში წარიმართა. ქალბატონ ნინოს დარბაზიდან არაერთი საინტერესო შეკითხვა დაუსვეს პროფესორ-მასწავლებლებმა და სტუდენტებმა, რაზეც ამომწურავი პასუხები მიიღეს. სტუმრის მიერ წარმოდგენილ პრაქტიკულ სავარჯიშოებში შეხვედრის მონაწილეებიც ჩაერთნენ.
დასასრულს, საერთაშორისო ურთიერთობებისა და კულტურათაშორისი კავშირების სამსახურის უფროსმა, პროფესორმა ინდირა ძაგანიამ მადლობა გადაუხატა სტუმარს მობრძანებისა და საინტერესო ლექციისთვის და აღნიშნა, რომ საქართველოს განათლებისა და მეცნიერების სამინისტროს პროგრამა „უმაღლესი საგანმანათლებლო დაწესებულებების ხელშეწყობის“ ფარგლებში, სოხუმის სახელმწიფო უნივერსიტეტი ახორციელებს პროექტს „სტუდენტების ფსიქოლოგიური და სოციალური სერვისის პლატფორმის მხარდაჭერა“, რომლითაც განსაზღვრულია საქართველოს უმაღლეს სასწავლებლებში ფსიქოლოგიური კონსულტაციის ცენტრების გახსნა და ახალგაზრდების წინაშე მდგარი პრობლემების გადაჭრა. ⚙️
მსგავსი შეხვედრები კვლავაც გაიმართება.

გამოგვყევით ინსტაგრამზეც: ⤵️
https://instagram.com/epsy_ssu?igshid=NTc4MTIwNjQ2YQ==

08/05/2023

მოგესალმებით 😊
🔈თქვენთან მოვედით მნიშვნელოვანი ინფორმაციით!
📌2023 წლის 10 მაისს, 12 საათზე, სოხუმის სახელმწიფო უნივერსიტეტში, საქართველოს განათლებისა და მეცნიერების სამინისტროს პროგრამა „უმაღლესი საგანმანათლებლო დაწესებულებების ხელშეწყობის“ ქვეპროგრამის - სსიპ სოხუმის სახელმწიფო უნივერსიტეტის პროექტი „სტუდენტების ფსიქოლოგიური და სოციალური სერვისის პლატფორმის მხარდაჭერა“ ფარგლებში, ახალი ბულგარული უნივერსიტეტის ფსიქოლოგი, პროფესორი ალბენა სტამბოლოვა ფსიქოლოგებისთვის ჩაატარებს ტრენინგს თემაზე - „ფსიქოლოგიური მიდგომა ახალი ბულგარული უნივერსიტეტის სტუდენტებისა და აბიტურიენტების კონსულტაციის მაგალითზე“.
მისამართი: თბილისი, პოლიტკოვსკაიას 61, ადმინისტრაციული კორპუსი, მე-6 სართული.
🇬🇪🇧🇬
გამოგვყევით ინსტაგრამზეც: ⤵️

04/04/2023

📢გამოცხადდა რეგისტრაცია საერთაშორისო კონფერენციაზე

📌”სტუდენტური ფსიქოლოგიური კეთილდღეობა და მენტალური ჯანმრთელობის საკითხები“, რომლის მიზანია დარგის სპეციალისტებისა და დაინტერესებული მხარეებისთვის ერთგვარი პლატფორმის შეთავაზება, სადაც მათ საშუალება ექნებათ გაუზიარონ ერთმანეთს უახლესი კვლევების შედეგები სტუდენტურ ფსიქოლოგიურ კეთილდღეობასა და ფსიქიკურ ჯანმრთელობზე, ფსიქოლოგიური საკონსულტაციო ცენტრების მუშაობის პრინციპებისა და ფსიქოლოგიური კონსულტაციის უახლესი და აპრობირებული მეთოდების შესახებ.
📚კონფერენციის სამუშაო თემებია:
1. აკადემიური გადაწვა და მენტალური პრობლემები სტუდენტებში;
2. შფოთვის გავლენა სტუდენტის აკადემიურ მოსწრებასა და მის საერთო კეთილდღეობაზე;
3. ემოციების რეგულირების წვლილი უნივერსიტეტის სტუდენტების ფსიქოლოგიურ კეთილდღეობაში;
4. კომუნიკაციის უნარების გაუმჯობესების შესაძლებლობა საუნივერსიტეტო სივრცეში, როგორც მენტალური ჯანმრთელობის ხელშეწყობა;
5. სხვადასხვა უმცირესობების წარმომადგენელი სტუდენტების მენტალური ჯანმრთელობა;
6. სოციალური (მათ შორის - ფინანსური) პრობლემები და მენტალური ჯანმრთელობა;
7. შფოთვა და დეპრესია სტუდენტებში;
8. პერფექციონიზმი და მასთან დაკავშირებული მენტალური ჯანმრთელობის პრობლემები;
9. დროის განაწილების სირთულეები სტუდენტებში;
10. პროფესიულ არჩევანთან დაკავშირებული შფოთვა;
11. კოვიდ-პანდემიით გამოწვეული სირთულეები სტუდენტებში;
12. ინტერპერსონალური ურთიერთობების სირთულეები;
13. ფსიქოლოგიური ტრავმა და პოსტტრავმული სტრესი;
14. სტუდენტების ემოციური ინტელექტი და მისი როლი ფსიქიკურ ჯანმრთელობაში;
15. სტრესი და სტრესთან გამკლავების გზები სტუდენტებში;
16. მედეგობა, რეზილიენსი და სტუდენტები;
17. სტუდენტების პიროვნული მახასიათებლების გავლენა ფსიქიკურ კეთილდღეობაზე;
18. პროკრასტინაცია და ფსიქიკური კეთილდღეობა სტუდენტებში;
19. თვითზრუნვის უნარები და მისი როლი სტუდენტების ფსიქოლოგიურ კეთილდღეობაზე;
20. პოზიტიური აზროვნება და ფსიქიკური ჯანმრთელობის ხელშეწყობა სტუდენტებში;
21. უნივერსიტეტის კულტურის როლი სტუდენტების ფსიქიკურ კეთილდღეობაზე;
22. შშმ და სსსმ სტუდენტების ფსიქიკური ჯანმრთელობა და კეთილდღეობა;
23. მიღწევის მოტივაცია და ფსიქოლოგიური კეთილდღეობა.

✔️კონფერენციაზე დარეგისტრირება შესაძლებელია როგორც მომხსენებლის, ისე მსმენელის სტატუსით.
✔️კონფერენციაში მონაწილეობა არის უფასო.
✔️კონფერენციის სამუშაო ენებია ქართული და ინგლისური.
✔️კონფერენციაზე დასარეგისტრირებლად, გთხოვთ, ეწვიოთ სარეგისტრაციო ბმულს: ⬇️
https://forms.gle/bqeTp8mMipjDcbJK9

💡რეგისტრაციის ბოლო ვადაა: 2023 წლის 30 მაისი.

🔈International Conference "Student Psychological Well-being and Mental Health Issues"
📌Registration for the International Conference "Student Psychological Well-Being and Mental Health Issues" has been announced. The purpose of the conference is to offer a platform for specialists and interested parties in the field, where they will have the opportunity to share the results of the latest research on student psychological well-being and mental health, the working principles of psychological counseling centers and the latest and proven methods of counseling.
📚The working topics of the conference are:
1. Academic burnout and mental problems among students;
2. The impact of anxiety on the student's academic performance and overall well-being;
3. The contribution of emotion regulation to the psychological well-being of university students;
4. The possibility of improving communication skills in the university space, as a promotion of mental health;
5. Mental health of minority students;
6. Social (including financial) problems and mental health;
7. Anxiety and depression among students;
8. Perfectionism and related mental health problems;
9. Time allocation difficulties among students;
10. Anxiety related to professional choice;
11. Difficulties caused by the Covid pandemic among students;
12. Interpersonal relationship difficulties;
13. Psychological trauma and post-traumatic stress;
14. Emotional intelligence of students and its role in mental health;
15. Stress and ways of dealing with stress in students;
16. Resilience, resilience and students;
17. Impact of students' personal characteristics on mental well-being;
18. Procrastination and mental well-being in students;
19. Self-care skills and its role on students' psychological well-being;
20. Promotion of positive thinking and mental health among students;
21. The role of university culture on students' mental well-being;
22. Mental health and well-being of students with disabilities;
23. Achievement motivation and psychological well-being.

✔️It is possible to register for the conference as a presenter or as a listener.
✔️Participation in the conference is free.
The working languages of the conference are Georgian and English.
✔️ To register for the conference, please visit the registration link: ⬇️
https://forms.gle/bqeTp8mMipjDcbJK9

💡The deadline for registration is: May 30, 2023

კონფერენციის ჩატარების თარიღი: 2023 წლის 6 ოქტომბერი კონფერენციის ჩატარების ადგილი: ი. გოგებაშვილის თელავის სახელმ...