19/02/2026
👉 რა არის სხეულის დისმორფია?
👩⚕️ სხეულის დისმორფული აშლილობა (ასევე ცნობილი როგორც დისმორფოფობია) ფსიქიკური ჯანმრთელობის ისეთი მდგომარეობაა, როდესაც ადამიანი შეპყრობილია იდეით, რომ მისი გარეგნობის რომელიმე ნაწილი ნაკლოვანი, მახინჯი, არამიმზიდველი ან დეფორმირებულია - მაშინ როდესაც სინამდვილეში სხვებისთვის ეს „ნაკლოვანება“ ან სრულიად შეუმჩნეველია, ან უმნიშვნელოა.
🫣 ამ დროს ადამიანებს სჯერათ, რომ სხვები მუდმივად ამჩნევენ, განსჯიან და საუბრობენ მათ „ფიზიკურ ნაკლზე“. ისინი ხშირად დარწმუნებულები არიან, რომ სწორედ ეს „ფიზიკური არასრულყოფილება“ არის მათი პირადი, სოციალური თუ პროფესიული სირთულეების მთავარი მიზეზი.
☹️ ამ ფიქრებს თან ახლავს განმეორებადი ქმედებები: სარკეში საკუთარი გარეგნობის გამუდმებული დაკვირვება, „ნაკლის“ შენიღბვის მცდელობა, სხვებთან შედარება, სოციალური შეხვედრებისა და ადამიანებთან კონტაქტის თავიდან არიდება, კოსმეტიკური პროცედურებისა და პლასტიკური ოპერაციების ჩატარების მუდმივი მცდელობა ან დაუძლეველი სურვილი. ეს ქმედებები იმდენად დიდ დროს იკავებს და იმდენად მტანჯველია, რომ მნიშვნელოვნად აფერხებს ადამიანის ყოველდღიურ ფუნქციონირებას, პროფესიულ საქმიანობასა და სოციალურ ურთიერთობებს.
👉 ხშირად ამ აშლილობის მქონე ადამიანები ვერ აცნობიერებენ, რომ პროფესიულ მხარდაჭერას საჭიროებენ. თუ თქვენს ახლობელში მსგავს ნიშნებს ამოიცნობთ, ეცადეთ, დაარწმუნოთ ის, რომ ფსიქიკური ჯანმრთელობის სპეციალისტს მიმართოს.
📲 მოგვწერეთ პირად შეტყობინებაში დეტალებისთვის ან დაგვიკავშირდით: 599 96 67 65
📍 მისამართი: რევაზ მარგიანის ქ. 20
