09/04/2025
საშვილოსნოს ლეიომიომა ( ფიბროიდი, მიომა) ქალებში ყველაზე გავრცელებული მენჯის კეთილთვისებიანი ნეოპლაზიაა.
კლასიფიკაცია ემყარება მიომის ლოკალიზაციას:
სუბმუკოზური (ენდომეტრიუმის ქვეშ)
ინტრამურული (საშვილოსნოს კუნთოვან შრეში)
სუბსეროზული (სეროზული გარსის ქვეშ)
პედუნკულური (მიომა „ფეხზე“)
იშვიათად შეიძლება შეგვხვდეს საშვილოსნოს სხეულში , ცერვიქსში , განიერ იოგებში, საკვერცხესა და ფალოპის მილებში.
სტეროიდული ჰორმონები - ესტროგენი და პროგესტერონი მიიჩნევა ლეიომიომების ზრდის ყველაზე მნიშვნელოვან რეგულატორად..
მიომის ფორმირებას ასევე ხელს უწყობს მიომეტრიუმის თანდაყოლილი პათოლოგია და X ქრომოსომების აბერაციები.
📍სიმპტომები დამოკიდებულია ლეიომიომების რაოდენობაზე, ზომასა და ლოკალიზაციაზე.
ტიპიური სიმპტომებია: სისხლდენა, ტკივილი, ზეწოლის შეგრძნება და უშვილობა.
🔴 სიმპტომების გამწვავება გამოიხატება მუცლის მწვავე ტკივილით , რაც განპირობებულია მიომის დეგენერაციით, პროლაფსით საშვილოსნოდან ან შემოგრეხით ფეხზე.
⏰ აუცილებელია დროული დიაგნოსტიკა, დაკვირვება და სწორი მკურნალობის შერჩევა გართულებების თავიდან აცილების მიზნით.
🌸🌷 გისურვებთ ჯანმრთელობას
