Child psychologist/ბავშვთა ფსიქოლოგი

13/10/2025

მადლობა ნდობისთვის ❣️

12/10/2025

მათ სურთ იყვნენ შენნაირები.

არამხოლოდ შენს მორთულ, სურათივით იდეალურ ხატს ჰბაძავენ
არამედ ნამდვილ სახესაც.
იმას, ვინც საკუთარ ხუმრობებზე ზედმეტად ხმამაღლა იცინის,
ვინც სამზარეულოში ცეკვისას ზოგჯერ ვახშამს წვავს,
ვინც დახურულ კარს მიღმა ტირის ხოლმე
და მაინც დილით კვლავ დგება, რომ თავიდან სცადოს.

ისინი გიყურებენ…
როგორ ესაუბრები გამყიდველს,
როგორ უმკლავდები იმედგაცრუებას,
როგორ ზეიმობ პატარა წარმატებებს
და როგორ ამბობ ბოდიშს, როცა არ ხარ მართალი.

ისინი არ ხედავენ „კარგს“ ან „ცუდს“.
ისინი უბრალოდ დედას ხედავენ.
იმ მოდელს, რომელიც აჩვენებს, რას ნიშნავს ცხოვრება, სიყვარული და ადამიანობა.

ასე რომ, ნუ გაგიკვირდება, როცა ერთ დღეს შენს თავს მათში ამოიცნობ.
მათ ოხვრაში, ჯიუტ ხასიათში,
სულელურ იუმორში, იმათ გამხნევებაში, ვინც თავს ცუდათ გრძნობს.

დიახ, ეს ზოგჯერ შეგაწუხებს კიდეც.
დაინახავ მოუთმენლობას, სარკაზმს, შფოთვას
და ზუსტად მიხვდები, თუ საიდან მოვისა ის.
მაგრამ დაინახავ თანაგრძნობასაც, შემოქმედებითობასაც,
სიმტკიცეს და ბრწყინვალებას, რომლებიც შენს სულს ჰგვანან.

მათ სურთ იყვნენ შენი მსგავსნი, არა იმიტომ, რომ იდეალური ხარ,
არამედ იმიტომ, რომ მათიანი ხარ.
მათი უსაფრთხო ადგილი. მათი მაგალითი. მათი დასაბამი.

ამიტომ განაგრძე, იყო -
არეული, ნამდვილი, არაიდეალურად ლამაზი.
რადგან ყოველი მომენტი ასწავლის მათ,
როგორ იყვნენ მამაცნი,
როგორ იყვნენ კეთილები,
და როგორ იყვნენ თავიანთი თავნი.

Be Brave Mom
🎨: beejohnsonillo

12/10/2025

ყოველთვის დაინახე შენში არსებული მზე ☀️

09/10/2025

"ყოველ ადამიანში არის მზე, უბრალოდ მიეცით მას საშუალება, რომ ანათოს"

სოკრატე

08/10/2025

08/10/2025

ილუსტრაცია: Bunicomics

08/10/2025

მე - მზის გასაშლელი კარავი,
შენ - ცას მიბჯენილი კიბე,
მე - შენი თავგადასავალი
შენ - ჩემი დამცავი რიდე.
მე- შენი ფიქრები ვაწვალე,
შენ- ჩემი დარდები ზიდე,
შენ სისხლი იწმინდე მაჯიდან,
მე ვარდი უეკლოდ ვკრიფე.
მე - ზღვარგადასული სიზმარი
შენ - სიზმარნაკლული ძილი,
შენ ჩემი ქარნაკრავ სხეულის,
გულთან შებნეული ღილი.
შენა ხარ ძალიან დაღლილი,
მე - უცოდველივით მშვიდი...
შენ - სულსხვანაირი დედა და
მე - რაღაცნაირი შვილი...

იზა კვინიკაძე

07/10/2025

“უკვე დიდი ხარ, უფრო დამოუკიდებელი უნდა იყო,“ -
ამბობს მამა, რომელსაც ყოველთვის მეუღლე უუთოვებს ტანსაცმელს.

„უნდა მოუსმინო, როცა გელაპარაკებიან,“ - ამბობს ბაბუა, რომელიც თავის ვეგეტარიანელ შვილს სუფრაზე, თეფშზე ხორცს (უკვე მერამდენედ) უდებს.

„უნდა მარტომ დაიძინო, შენს საბავშვო საწოლში,“ - ამბობს დედა, რომელიც ყოველ ჯერზე, როცა მამა მივლინებაშია, თავის დედასთან იძინებს.

„ათხოვე მეგობარს სათამაშო მანქანა, ეგოისტი ნუ იქნები,“ - ამბობს კაცი, რომელიც ცოლს თავის მანქანას არ თხოვნის.

„არა ნიშნავს არას, უნდა გაიგო,“ - ამბობს ქალი, რომელიც დღემდე ვერ ხვდება, რომ სტუმრად მოსვლამდე დარეკვაა საჭირო.

“კიდევ ძუძუს ჭამ?“,
ეკითხება ბიძაშვილი, რომელიც სიგარეტს ვერ ანებებს თავს.

„დარტყმა აღზრდის ინსტრუმენტია და არა ძალადობა,“ - ამბობს მამაკაცი, რომელსაც დღემდე ესიზმრება მამის ქამარი.

„უნდა სცემდე პატივს უფროსებს”, ამბობს ბებია, რომელიც ბავშვს კოკა კოლას ასმევს, როცა დედა არა ახლოს.

ყველაზე დიდი საჩუქარი, რაც შეგვიძლია ბავშვებს მივცეთ, არის ის, რომ ჩვენ მოვიქცეთ ზრდასრულებივით და ვაცალოთ მათ იყვნენ ბავშვები.
საკმაოდ რთულია გაზრდა ისეთ არათანმიმდევრულ სამყაროში, როგორიც ჩვენია.

01/10/2025

დედის ემოციები გავლენას ახდენს ნაყოფზე, და ეს გავლენა როგორც ფიზიოლოგიურ, ასევე ფსიქო-ემოციურ დონეზე ვლინდება…

🔶 ფიზიოლოგიური გავლენა:

• როცა დედა განიცდის სტრესს ან შიშს, ორგანიზმში იზრდება კორტიზოლისა და ადრენალინის დონე. ეს ჰორმონები პლაცენტის მეშვეობით გადადის ნაყოფზე და შეუძლია მის გულისცემაზე, ძილ-ღვიძილის ციკლზე და ზოგად აქტივობაზე მოახდინოს გავლენა;
• ხშირი და ხანგრძლივი სტრესი უკავშირდება ნაყოფის ნერვული სისტემის მომწიფების შეფერხებას;
• დადებითი ემოციები: სიხარული, სიყვარული, სიმშვიდე, კი ზრდის ენდორფინების რაოდენობას, რომლებიც ბავშვსაც ამშვიდებს.

🔶 ფსიქო-ემოციური გავლენა:
• არსებობს კვლევები, რომ დედის ემოციური მდგომარეობა ორსულობისას შეიძლება გავლენას ახდენდეს ბავშვის ტემპერამენტზე;
• მელოდიური მუსიკა, მშვიდი საუბარი, სითბო და სიყვარულით საუბარი ნაყოფთან, ნაყოფისათვის ემოციური ფონის ჩამოყალიბებას უწყობს ხელს.
• თუ დედა განიცდის დეპრესიას ან შფოთვას, ეს შეიძლება გახდეს ბავშვის უფრო მაღალი ემოციური მგრძნობელობის რისკ-ფაქტორი მომავალში.

რეკომენდაციები:
• საჭიროების შემთხვევაში სასურველია სტრესის მართვის პრაქტიკები: სუნთქვითი ვარჯიშები, მსუბუქი სიარული, მედიტაცია, მშვიდი მუსიკა.
• კარგი იქნება, თუ დედა შეძლებს ემოციური მხარდაჭერის მიღებას პარტნიორისგან, ოჯახისგან ან ფსიქოლოგისგან.
• საკუთარ გრძნობებზე ღიად საუბარი და მათი მიღება, ბავშვისთვისაც დამამშვიდებელი შეიძლება გახდეს.

დედის ემოციური მდგომარეობა პირდაპირი გზით აღწევს ნაყოფამდე და მონაწილეობს მისი პიროვნული და ფიზიოლოგიური განვითარების პროცესში.

28/09/2025

დედა ჩემი საიმედო ნავსაყუდელია

რა შეიძლება გააკეთოს ნებისმიერმა მშობელმა ამისთვის:

ემპათიური მოსმენა
• როდესაც ბავშვი რამეს გიზიარებს, არ გააწყვეტინოთ, ბოლომდე მოუსმინეთ;
• თავი აარიდეთ პირველივე წამში რჩევის მიცემას ან გაკრიტიკებას;
• ხშირად საკმარისია მხოლოდ სიტყვები: „გესმის რასაც გრძნობ“ „მესმის შენი …

მიმღებლობა
• როდესაც ბავშვი რაიმე შეცდომას აღიარებს, მხოლოდ ქცევა განიხილეთ და არა მისი პიროვნება („რაც გააკეთე არ მომწონს“ და არა „შენ ცუდი ხარ“);
• ხაზი გაუსვით, რომ სიყვარული უპირობოა - ქცევა შეიძლება იყოს ცუდი, მაგრამ ბავშვი ყოველთვის საყვარელია;

რეაქციის კონტროლი
• ბავშვს არ უნდა ჰქონდეს შიში „დავისჯები“ ან „დამიწუნებს“;
• თუ ემოციურად გაბრაზებული ხართ, სჯობს მცირე პაუზა გააკეთოთ და მერე უპასუხოთ.
• მშვიდი ტონი უფრო მეტ ღირებულებას ანიჭებს თქვენს სიტყვებს.

თანამშრომლობა- პრობლემების გადაჭრისას
• როცა ბავშვი ცუდად იქცევა, მეგობრულად მიუდექით: „რა შეგვიძლია ერთად გავაკეთოთ?“
• ასე ბავშვი სწავლობს პასუხისმგებლობას დანაშაულის გრძნობის გარეშე.

„უსაფრთხო სივრცის“ შექმნა
• შეგიძლიათ სპეციალურად უთხრათ: „როცა რამე გიჭირს, შეგიძლია მოხვიდე და მითხრა, რაც არ უნდა იყოს“.
• პერიოდულად შეახსენეთ, რომ არ დასჯით და არ გაკიცხავთ სიმართლისთვის. რასაკვირველია უნდა შეასრულოთ კიდეც;

საკუთარი ემოციების გაზიარება
• მშობლის მხრიდან საკუთარი შეცდომების აღიარება ბავშვს აჩვენებს, რომ ცხოვრების ნორმალური ნაწილია შეცდომა;
• მაგალითად: „მეც ერთხელ ასე გავაკეთე და ამისგამ ვისწავლე რომ… “.

ბავშვთა და მოზარდთა ფსიქოლოგი
ნინო სხირტლაძე

26/09/2025

“”ყველაზე მძიმე ტვირთი , რაც შეიძლება ბავშვს დააწვეს - არის მშობლების შეუმდგარი ცხოვრება”

კარლ გუსტავ იუნგი