Medfox / მედფოქსი

23/06/2025

🤸🏻 ფიზიკური აქტივობა ბავშვის ადრეული განვითარების საფუძველია და გავლენას ახდენს მოტორულ, კოგნიტურ და სოციალურ უნარებზე.

📱 დღევანდელ სამყაროში, სადაც ბავშვები მეტ დროს ეკრანებთან ატარებენ, მოძრაობა განსაკუთრებით მნიშვნელოვანი ხდება.

✅ სწორად შერჩეული ფიზიკური აქტივობა ეხმარება მათ ენერგიის სწორად წარმართვაში, კონცენტრაციასა და თვითშეფასების გაუმჯობესებაში.

🦊 თქვენი ჯანმრთელობა ჩვენი პრიორიტეტია

02/06/2025

👩‍⚕ გაიცანით მედფოქსის სამედიცინო დირექტორი

ნანა ნაცაური (B.Sc., M.Sc.)
კინესთეტიკის I საფეხურის ტრენერი
ნეირორეაბილიტოლოგი
ფიზიკური მედიცინისა და რეაბილიტაციის სპეციალისტი

ნანას 12 წლიანი გამოცდილება აქვს პედიატრიულ რეაბილიტაციაში. ის მუდმივად იღრმავებს კვალიფიკაციას საერთაშორისო ტრენინგებში მონაწილეობით, რომელთა შორისაა:

📍 2024 - 2025
• კინესთეტიკის 2 საფეხურის ტრენერი - კრეატიული სწავლების კურსი (გერმანია)
• კინესთეტიკის ტრენერების საერთაშორისო სიმპოზიუმი (გერმანია)
• პედიატრიული პირველადი დახმარება – I დონე

📍 2023
• შიშთან დაკავშირებული ქცევა ბავშვებში – ქცევითი ინტერვენციის დაგეგმვა და განხორციელება
• ინოვაციური ტექნოლოგიები სპორტულ მედიცინასა და რეაბილიტაციაში
• ქცევის ანალიზის გამოყენება ფიზიკურ მედიცინასა და რეაბილიტაციაში

📍 2022–2016
• ჭრილობის მართვა
• კვების ინტერვენცია პედიატრიაში
• სენსორული ინტეგრაციის ელემენტები და სახალისო აქტივობები
• აუტიზმის სპექტრის აშლილობების ადრეული გამოვლენა, დიაგნოსტიკა და მართვა
• კინეზიოლოგიური ტეიპირების საფუძვლები
• სენსორული დამუშავება და აუტიზმის სპექტრის აშლილობა
• ტკივილის მართვის სიმპოზიუმი (Category A, გერმანია)
• ქცევის გამოყენებითი ანალიზის საბაზისო კურსი
• კინესთეტიკის სრულყოფილი კურსი მოვლის სფეროში
• სენსორული დამუშავების დარღვევის შესავალი
• კინესთეტიკის საბაზისო კურსი მოვლაში
• თანამედროვე მედიცინის აქტუალური საკითხები
• რეაბილიტაცია და სენსორული ინტეგრაცია (პოლონეთი)

📍 2015–2009
• მოხალისეობრივი სამსახური შშმ პირებთან (გერმანია)
• სპორტული მედიცინის კურსი

01/06/2025

ბავშვთა დაცვის საერთაშორისო დღე – 1 ივნისი 🎈
ყოველი ბავშვის ჯანმრთელობა, უსაფრთხოება და კეთილდღეობა უმნიშვნელოვანესია.

🏥 ჯანმრთელობა:
ბავშვს აქვს უფლება მიიღოს ხარისხიანი სამედიცინო მომსახურება. რეგულარული პროფილაქტიკური შემოწმებები და დროული დახმარება ბავშვთა ჯანსაღი ზრდის საფუძველია.

📚 განათლება:
ხარისხიანი განათლება ბავშვთა ფუნდამენტური უფლებაა. პატარებს სჭირდებათ განათლება უსაფრთხო და მხარდამჭერ გარემოში, სადაც საკუთარი უნარებისა და პოტენციალის სრულად გამოვლენას შეძლებენ.

⚽ თამაში და დასვენება:
თავისუფალი დრო თამაშისთვის აუცილებელია გონებრივი და ფიზიკური განვითარებისათვის. თამაში ბავშვის ბუნებრივი მოთხოვნილებაა, რომელიც ზრდაში მნიშვნელოვან როლს ასრულებს.

🤗 ემოციური მხარდაჭერა:
პატარებს სჭირდებათ გარემო, სადაც იგრძნობენ სითბოსა და ყურადღებას. მათი ყოველი წინსვლა უნდა აღინიშნოს და წახალისდეს – ეს ზრდის თავდაჯერებულობას და მოტივაციას

⚖️ თანასწორობა და დაცვა:
ყველას, განურჩევლად სქესის, წარმომავლობისა თუ ჯანმრთელობის მდგომარეობისა, აქვს თანაბარი უფლება უსაფრთხო და ძალადობისგან დაცულ გარემოში ცხოვრების.

ჩვენ მუდამ მზად ვართ, ვიზრუნოთ თქვენი პატარების ჯანმრთელობაზე და მხარი დავუჭიროთ მათ განვითარებას.

🦊 თქვენი ჯანმრთელობა ჩვენი პრიორიტეტია

14/05/2025

🌿 ბუნებაში ვარჯიში ბევრად სახალისო და სასარგებლოა

🦊 თქვენი ჯანმრთელობა ჩვენი პრიორიტეტია

📍 დაინტერესების შემთხვევაში დაგვიკავშირდით:

☎️ +995 595 285 000
🌏 https://medfox.ge

07/05/2025

🦊 „მოტორული სტერეოტიპების მართვა მნიშვნელოვანია ბავშვის ემოციური ბალანსისთვის, სწავლისა და სოციალიზაციის პროცესისთვის.“

ჩვენი ფიზიკური მედიცინისა და რეაბილიტაციის სპეციალისტის თინათინ ქართველიშვილის რჩევები მოტორულ სტერეოტიპებთან დაკავშირებით

ავტორი: თინათინ ქართველიშვილი (B.Sc., M.Sc.), ფიზიკური მედიცინისა და რეაბილიტაციის სპეციალისტი

05/05/2025

🦊 გაიცანით მედფოქსის გუნდის ახალი წევრი
თინათინ ქართველიშვილი (B.Sc., M.Sc.)

🏆კვალიფიკაციის ასამაღლებლად, თინათინი მუდმივად მონაწილეობს საერთაშორისო ტრენინგებში, რომელთა შორისაა:
✔️ ქცევის გამოყენებითი ანალიზის საბასიზო კურსი
✔️Training in the use of the massage gun in manual therapy
✔️Course of anatomy palpation – neck area, thoracic spine, chest, upper limb girdle, upper limb
✔️ Ultrasound in the work of a physiotherapist – basic course
✔️ Basic course of anatomy palpation – lumbar region, pelvis and lower limbs
✔️ ტრენინგი სენსორულ თერაპიასა და ფიზიკურ თერაპიაში
✔️ „ინსულტის მქონე პაციენტების კლინიკური/ფუნქციური შეფასების და რეაბილიტაციის სტრუქტურირებული პრინციპები"

💖 ვუსურვებთ წარმატებებს ჩვენს გუნდთან ერთად

18/04/2025

რატომ არის ხოხვა მნიშვნელოვანი ბავშვის განვითარებისთვის?

ხოხვა ბავშვის მოძრაობის განვითარების ერთ-ერთი ყველაზე მნიშვნელოვანი ეტაპია – ის ბევრად მეტია, ვიდრე უბრალოდ იატაკზე გადაცოცვა.

👶 ბავშვები, როგორც წესი, ხოხვას იწყებენ 6-დან 10 თვემდე. თუმცა ეს სავალდებულო ჩარჩო არ არის – ზოგიერთისთვის ეს პროცესი შეიძლება ადრე დაიწყოს, ზოგისთვის ცოტა გვიან. ეს ინდივიდუალურ განვითარებაზეა დამოკიდებული და არ საჭიროებს შფოთვას, თუ ბავშვს სხვა უნარები კარგად აქვს განვითარებული.

🌟 ხოხვის სარგებელი მრავალმხრივია:
✅ ფიზიკური განვითარება – ხოხვა აძლიერებს კისრის, ზურგისა და კიდურების კუნთებს, ემზადება ჩოჩვითი სიარულისთვის
✅ კოგნიტური განვითარება – ბავშვი სწავლობს, როგორ გადალახოს დაბრკოლებები, შეისწავლოს გარემო და მიიღოს გადაწყვეტილებები
✅ სენსორული გამოცდილება – იატაკის სხვადასხვა ზედაპირის შეგრძნება, ვიზუალური და აუდიალური სტიმულების აღქმა ამდიდრებს ბავშვის სენსორულ განვითარებას
✅ დამოუკიდებლობა – ხოხვით მიღწეული წარმატებები ზრდის ბავშვის თავდაჯერებულობას და დამოუკიდებლობის განცდას
✅ სოციალური ინტერაქცია – მეტი კონტაქტი ოჯახთან და გარემოსთან

📌 რჩევები მშობლებს:
✔️ შექმენით უსაფრთხო სივრცე ხოხვისთვის
✔️ მოათავსეთ სათამაშოები ან ბავშვისთვის საინტერესო ნივთები იატაკზე
✔️ მიეცით ხოხვის მეტი შესაძლებლობა კუნთების გასაძლიერებლად
✔️ ერიდეთ მოძრაობის შემზღუდველ მოწყობილობებს (მაგ. ჭოჭინა)
✔️ შეაქეთ, აღნიშნეთ და წაახალისეთ ბავშვის თითოეული მიღწევა

🦊 თქვენი ჯანმრთელობა ჩვენი პრიორიტეტია

15/04/2025

როგორ შევაყვაროთ ბავშვებს ფიზიკური აქტივობა?

ფიზიკური აქტივობა ბავშვებისთვის არა მხოლოდ ჯანმრთელობის შენარჩუნების, არამედ გონებრივი და ემოციური განვითარების საწინდარია. მნიშვნელოვანია, რომ მოძრაობა აღქმული იყოს როგორც თამაში და არა სავალდებულო ვარჯიში.

📌 რატომ არის მოძრაობა აუცილებელი?
🔹 ეხმარება ბავშვს ჯანსაღი წონის შენარჩუნებაში
🔹 ამცირებს ქრონიკული დაავადებების და სიმსუქნის რისკს
🔹 აუმჯობესებს სწავლის უნარს და კონცენტრაციას
🔹 ამცირებს სტრესსა და დეპრესიას

📌 როგორ შევაყვაროთ ბავშვებს ფიზიკური აქტივობა?
✅ იყავით მაგალითი – ბავშვები ბაძავენ მშობლებს
✅ აქციეთ მოძრაობა თამაშად – დაჭერობანა, ბურთით თამაში, ცეკვა
✅ მოაწყვეთ გუნდური აქტივობები – მეგობრებთან ერთად თამაში მეტ მოტივაციას აჩენს
✅ შეაჯიბრეთ მხიარულად – ვინ უფრო სწრაფად დარბის
✅ დაიხმარეთ საყოფაცხოვრებო საქმეებში – ოთახის დალაგება, ძაღლის გასეირნება
✅ აირჩიეთ წახალისების საშუალებები – ბურთები, სკუტერები, ციგურები
✅ შეამცირეთ ეკრანის დრო – და შემოიტანეთ აქტიური ალტერნატივები: ცურვა, სპორტული წრეები
✅ დაგეგმეთ საოჯახო აქტიური დასვენება – ლაშქრობა, სეირნობა, კემპინგი

📊 კვლევები გვიჩვენებს:
✔️ 12-15 წლის ბიჭების მხოლოდ 50% და გოგონების 34%-ზე ნაკლებია ფიზიკურად აქტიური
✔️ ჭარბწონიანი ბავშვების 80% ზრდასრულ ასაკში სიმსუქნით ავადდება
✔️ სიმსუქნე ზრდის სიმსივნეების რისკს – მათ შორის ძუძუსა და სწორი ნაწლავის კიბოს

🦊 თქვენი ჯანმრთელობა ჩვენი პრიორიტეტია

10/04/2025

🥦 ბალანსირებული კვება ბავშვებში

ჯანსაღი ცხოვრების წესი მხოლოდ ვარჯიში არ არის – სწორი კვება არანაკლებ მნიშვნელოვანია.

🍽️ რა არის ბალანსირებული კვება?
✅ ბევრი ხილი და ბოსტნეული
✅ სრულმარცვლოვანი პროდუქტები – შავი ბრინჯი, შვრია, წიწიბურა
✅ ცილოვანი საკვები – თევზი, ქათამი, კვერცხი, პარკოსნები
✅ ჯანსაღი ცხიმები – ზეითუნის ზეთი, ავოკადო, თხილეული
✅ მინიმუმამდე შემცირებული შაქარი და გადამუშავებული პროდუქტები

🌟 ბავშვმა უნდა მიიღონ ყველა საკვების ჯგუფი, რათა ორგანიზმმა შეძლოს სწორი განვითარება და ჯანმრთელობის შენარჩუნება.

🦊 თქვენი ჯანმრთელობა ჩვენი პრიორიტეტია

07/04/2025

💤 სრულფასოვანი ძილი ბავშვებში

ბავშვის განვითარებაში ერთ-ერთი მთავარი ფაქტორი სრულფასოვანი ძილია!

📌 NSF-ის რეკომენდაცია ასაკობრივად:
✔️ 1-2 წელი – 11-14 საათი
✔️ 3-5 წელი – 10-13 საათი
✔️ 6-13 წელი – 9-11 საათი
✔️ 14-17 წელი – 8-10 საათი

რატომ არის ძილი მნიშვნელოვანი❓
✅ ენერგიის აღდგენა
✅ იმუნიტეტის გაძლიერება
✅ კარგი კონცენტრაცია და სწავლა
✅ ემოციური სტაბილურობა

🌟 როგორ გავაუმჯობესოთ ძილის ხარისხი?
✔️ მეტი დროის გატარება ბუნებაში, მზეზე
✔️ ძილის წინ მოვარიდოთ სმარტფონებს და ეკრანებს
✔️ დაძინების და გაღვიძების ერთნაირი გრაფიკი დავიცვათ
✔️ მშვიდი და კომფორტული საძინებელი გარემო შევქმნათ

🦊 თქვენი ჯანმრთელობა ჩვენი პრიორიტეტი

02/04/2025

✨ 2 აპრილი – აუტიზმის საერთაშორისო დღე ✨

💙 ყველა ადამიანი უნიკალურია, მათი განვითარების გზა კი ინდივიდუალური.

🔹 კვლევები აჩვენებს, რომ აუტისტური სპექტრის მქონე ბავშვებს ხშირად აქვთ მოტორული უნარების დეფიციტი, რაც გავლენას ახდენს მათ ყოველდღიურ ცხოვრებაზე.
🔹 სათანადო მხარდაჭერა და ადრეული ინტერვენცია ეხმარება მათ კოორდინაციის, ბალანსისა და მობილობის გაუმჯობესებაში.

📌 მნიშვნელოვანია, ბავშვი ადრეული ასაკიდან იღებდეს საჭირო ფიზიკურ დატვირთვას, რაც ხელს უწყობს მის სოციალურ, ემოციურ და კოგნიტურ განვითარებას.

🦊 თქვენი ჯანმრთელობა ჩვენი პრიორიტეტია