07/10/2025
🍂 შემოდგომა და ალერგია 🤧
ალერგია არის იმუნური სისტემის გადამეტებული, სპეციფიკური რეაქცია ჩვეულებრივ უსაფრთხო ნივთიერებების მიმართ, რასაც შემდგომში ალერგენს უწოდებენ. ალერგენი კი არის ნივთიერება, რომელიც იწვევს ალერგიულ რეაქციებს.
ალერგენები გვხვდება ყველგან: საცხოვრებელ სახლებში, სამუშაო ადგილზე, ქუჩაში,ბუნებაში.
ესენია:
1️⃣ მტვრის ნაწილაკები, მცენარეები 🌸
2️⃣ შინაური ცხოველების ბეწვი, შარდი,
ნერწყვი და ფეკალიები 🐾
3️⃣ ობის სოკოს სპორები 🍄
4️⃣ მედიკამენტები, უფრო მეტად ანტიბიოტიკები 💊
5️⃣ საკვები, განსაკუთრებით რძე, კვერცხი, ხორბალი, არაქისი, კაკალი, ზღვის პროდუქტები, სოიო, თაფლი, ხილი 🍯🍎
6️⃣ მწერების შხამები, განსაკუთრებით ფუტკრის, კრაზანის, ჭიანჭველის 🐝
7️⃣ ლატექსი 🧤
🌾 ალერგიული რეაქციები იმდენად გავრცელებულია დღეს, რომ მას არ აქვს სეზონი, მაგრამ შემოდგომას თავისებური გამოვლინებები აქვს ალერგიული პრობლემების მიმართულებით.
მრავალი ადამიანი ფიქრობს, რომ სეზონური ალერგია მხოლოდ გაზაფხულს უკავშირდება, თუმცა ეს ასე არ არის. მცენარეთა ყვავილობის პერიოდი შეიძლება გაგრძელდეს ადრე გაზაფხულიდან გვიან შემოდგომამადე. ძირითადად ზაფხულის ბოლოდან გვიან შემოდგომამდე ყვავილობს სარეველა მცენარეები. უნდა ავღნიშნოთ აუცილებლად, ძლიერი ალერგენული თვისებების მქონე მცენარე ამბროზია, ავშანი, ნაცარქათამა, რომელთა ყვავილობა შეიძლება გაგრძელდეს გვიან შემოდგომამდეც 🌻
🍁 შემოდგომის სეზონური ალერგია შეიძლება გამოვლინდეს რესპირატორული სიმპტომებით, როგორებიცაა :
🔹ალერგიული რინიტი 🤧
🔹კონიუქტივიტი 👁️
🔹ბრონქული ასთმის გამწვავება 🌬️
🔹კანისმიერი გამოვლინებები, როგორიცაა: დერმატიტი,
ურტიკარია(ჭინჭრის ციება)😣
🔹ანგიონევროზული შეშუპება 🥴
🍄 შემოდგომით ატმოსფერო დაბინძურებულია ობის გამომწვევი სოკოს სპორებით, ისინი წარმოიქმნებიან ლპობის პროცესში მყოფ ჩამოცვენილ მცენარეთა ფოთლებში და ამას ხელს უწყობს უხვად მოსული ნალექიც ☔
🧣 შემოდგომით ტემპერატურის ცვლილებასთან ერთად გვიწევს სამოსის შეცვლა- განახლება უფრო თბილით, რომელიც თვეების მანძილზე იყო შენახული კარადაში,
რომელიც შეიძლება იყოს დანესტილი, მტვრის ტკიპით დაბინძურებული. აუცილებელია მათი კარგად განიავება, გარეცხვა ან დაფერთხვა. უნდა მოვერიდოთ ოთახში მცენარეებს, ბამბისა და მატყლის ქვეშაგებელს.
🍇 შემოდგომაზე ჰაერში შეწონილი მცენარეული მტვრისა და ნესტის გარდა, ალერგიული რეაქციები შეიძლება უკავშირდებოდეს მრავალფეროვან ხილს, როგორიცაა: ლეღვი, კარალიოკი, ხურმა, წაბლი, ნიგოზი, თხილი, ყურძენი და მისი ბადაგიდან მიღებული ფელამუში, ჩურჩხელა და სხვა. მათ შეუძლიათ გამოიწვიონ როგორც კანის, ასევე სასუნთქი სისტემის ალერგიული რეაქციები:
ცხვირცემინება, ცხვირის, თვალების ან სახის ქავილი, გამონადენი ნესტოებიდან(გაჭედილი ცხვირი), კონიუნქტივიტის შემთხვევაში: ცრემლდენა, გაწითლებული და შეშუპებული თვალები. კვებითი ალერგიის შემთხვევაში - ჩხვლეტის შეგრძნება პირში, ტუჩების, ენის, სახის, ყელის შეშუპება, ჭინჭრის ციება,ქავილი, კანის გაწითლება - აქერცვლა, და ანაფილაქსიაც კი ⚠️
👨⚕️ ექიმი ალერგოლოგი - გიგა უჩავა
