Georgian Society of Cardiology

01/01/2026

ძვირფასო კოლეგებო გილოცავთ ახალ 2026 წელს! 🎉🎉
გისურვებთ ჯანმრთელობას, პროფესიულ წინსვლას, მნიშვნელოვან წარმატებებს და ბედნიერ, მშვიდობიან წელს!

მადლობას გიხდით თანამშრომლობისა და მხარდაჭერისთვის. ვიმედოვნებთ, ახალ წელს შევძლებთ ბევრი მნიშვნელოვანი მიზნის ერთად განხორციელებას!

18/12/2025

მოგესალმებით სასიამოვნო სიახლით ✨
საქართველოს კარდიოლოგთა საზოგადოების პრეზიდენტის წარდგენით, ევროპის კარიდოლოგთა საზოგადოების საპატიო წევრის (FESC) სტატუსი წელსაც კვლავ მიენიჭა რამდენიმე ჩვენს კოლეგას.

სამეცნიერო მიმართულებით Fellow -ს სტატუსი სოფიო ტატიშვილსა და დავით მალიძეს მიენიჭა.

ხოლო კლინიკური მიმართულებით Fellow -ს სტატუსი თამაზ ხელაძეს, ნათია ნაზღაიძეს, თამარ სვანიძეს, ნატო ჯინჯოლიას, მაია ჩიგოგიძეს და მარიამ ლომიძეს მიენიჭა.

საქართველოს კარდიოლოგთა საზოგადოება ულოცავს კოლეგებს და შემდგომ პროფესიულ წარმატებებს უსურვებს.

17/12/2025

ძვირფასო კოლეგებო,
საქართველოს გულ-სისხლძარღვთა დაავადებების პრევენციის და რეაბილიტაციის ასოციაცია გიწვევთ ყოველწლიურ დასკვნით კონფერენციაზე, რომელიც ამჯერად მიეძღვნება ქრონიკული ვენური უკმარისობის ადგილს კარდიოვასკულური დაავადების კონტინუუმში.

ჩვენი ტრადიციული კონფერენცია გაიმართება 2025 წლის 26 დეკემბერს, 18:00 საათზე, სასტუმრო “ჰოლიდეი ინნ”-ში, შემდეგი დღის წესრიგით:

13/12/2025

მოგესალმებით
გვსურს, გაცნობოთ, რომ Biomedix-ისა და საქართველოს კარდიოლოგთა საზოგადოების თანამშრომლობის ფარგლებში ჩატარდება რამდენიმე ონლაინ შეხვედრა zoom -ის მეშვეობით, რომელიც ეძღვნება კარდიოლოგიაში გენეტიკური მონაცემების გამოყენების პრაქტიკულ და კლინიკურ ასპექტებს, პირველი შეხვედრა ჩატარდება 18 დეკემბერს 20:00 საათზე.
გენეტიკური ვარიანტების კლასიფიკაცია, გენეტიკური ტესტიტების შედეგების ინტერპრეტაცია და მონაცემების მართვა პერსონალიზებული ეგზომური პანელების გამოყენებით კარდიოგენეტიკაში
ოჯახური ჰიპერქოლესტერინემიის მართვა კლინიკურ შემთხვევებზე დაყრდნობით
მომხსენებლები:
• დოქტორი კლაუდიო კატალი - კლინიკური გენეტიკოსი
• სოფიო უნგიაძე - კარდიოლოგი

ონლაინ შეხვედრა გულისხმობს პრაქტიკული გამოცდილების გაზიარება და იგი განკუთვნილია ძირითადად კარდიოლოგებისა და გენეტიკოსებისთვის, რომლებიც ჩართულნი არიან გულის მემკვიდრეობითი დაავადებების დიაგნოსტიკასა და მართვაში.
მონაწილეები მიიღებენ პრაქტიკულ ცოდნას შემდეგ თემებზე:

• გენეტიკური ვარიანტების კლასიფიკაცია
• პერსონალიზებული გენეტიკური ტესტირების შედეგების ინტერპრეტაცია
• გენეტიკური მონაცემების მართვა და მათი კლინიკურ პრაქტიკაში ინტეგრაცია
• კარდიოლოგიაში გენეტიკის გამოყენების მნიშვნელობა.
დასარეგისტრირებლად იხილეთ ბმული -
https://us02web.zoom.us/webinar/register/WN_-cWXGqAyS8eDBVK2WKdQ8w
პატივისცემით
საქართველოს კარდიოლოგთა საზოგადოება

13/12/2025

მოგესალმებით, კოლეგებო!
გვსურს, გაცნობოთ, რომ მიმდინარე წლის 25 დეკემბრისთვის იწურება ვადა, რათა ევროპის კარდიოლოგთა საზოგადოების აქტიურ წევრთა სია წარვადგინოთ.
გთხოვთ, მითითებულ ვადამდე გადაიხადოთ საქართველოს კარდიოლოგთა საზოგადოების საწევრო თანხა https://geosc.ge/registration/ ლინკის მეშვეობით (და არა საბანკო გადარიცხვით), რათა ავტომატურად გახდეთ ევროპის კარდიოლოგთა საზოგადოების აქტიური წევრი

08/12/2025

საქართველოს კარდიოლოგთა საზოგადოება აცხადებს სურვილს ახალგაზრდა კარდიოლოგთა სამუშაო ჯგუფის შექმნის თაობაზე - რომელიც გააერთიანებს 40 წლამდე ასაკის ლიცენზირებულ კარდიოლოგებს და კარდიოლოგიური მიმართულების რეზიდენტებს. ახალგაზრდა კარდიოლოგთა ჯგუფის შექმნის ძირითადი მიზანია ახალგაზრდა თაობის პროფესიული განვითარების ხელშეწყობა და მათი ინტეგრაცია ლოკალურ თუ საერთაშორისო პროექტებში და ჩართვა სამეცნიერო კონფერენციებში, ჯგუფის ხელმძღვანელის პოზიციაზე ვეძებთ მოტივირებულ, კვალიფიციურ კანდიდატს.

მსურველებმა გთხოვთ, 2026 წლის 15 იანვრამდე მითითებულ მეილზე - geoscardiology@gmail.com გამოგვიგზავნოთ თქვენი CV, ზოგადი ინფორმაცია თქვენს შესახებ - სახელი, გვარი (პასპორტის მიხედვით), მიმდინარე სამუშაო ადგილი / პოზიცია, საკონტაქტო ინფორმაცია (მეილი და ტელეფონის ნომერი).

ასევე მოკლედ მოგვწეროთ თქვენი:
▪️პროფესიული ინტერესების შესახებ
▪️გაქვთ თუ არა სამეცნიერო პუბლიკაციები ან კვლევითი გამოცდილება?
▪️მოგვწერეთ თქვენი ხედვის შესახებ - რა მიმართულებით უნდა განვითარდეს ახალგაზრდული საზოგადოება 3–5 წლის პერსპექტივაში
▪️რა მთავარი გამოწვევები აქვს დღეს ახალგაზრდა კარდიოლოგებს და როგორ გეგმავთ მათ გადაჭრას?
▪️გაქვთ თუ არა გამოცდილება პროექტების მართვაში (სემინარები, ტრენინგები, კონფერენციები)?
▪️რა ტიპის პარტნიორობების ჩამოყალიბება შეგიძლიათ (სამედიცინო დაწესებულებები, უნივერსიტეტები, საერთაშორისო ქსელები)

ველით გამოხმაურებას

08/12/2025

2025 წლის 6 დეკემბერს ბათუმში, სასტუმრო Courtyard by Marriott-ში ჩატარდა კონფერენცია თემაზე "გულის სარქვლოვანი პათლოგიები, მიღწევები და გამოწვევები" BATUMI Valve 2025.

კონფერენცია გაიმართა საქართველოს კარდიოლოგთა საზოგადოების, კარდიოქირურგთა და ინტერვენციულ კარდიოლოგთა ასოციაციების მხარდაჭერით და მასში მონაწილეობა წამყვან ქართველ კარდიოლოგებთან და კარდიოქირურგებთან ერთად თურქმა და უნგრელმა სპეციალისტებმაც მიიღეს.

განსაკუთრებული ყურადღება გულის სარქვლოვანი პათოლოგიების ტრანსკათეტერულ მკურნალობას და ამ სფეროში არსებულ გამოწვევებს და სიახლეებს დაეთმო.

01/12/2025

მოგესალმებით,
2025 წლის 6 დეკემბერს 13:00 სთ-ზე ქ. ქუთაისში, სასტუმრო "მეფე დავითი"-ში საქართველოს კარდიოლოგთა საზოგადოების, კარდიო-ონკოლოგიის და გაიდლაინების სამუშაო ჯგუფების ორგანიზებით გაიმართება რეგიონალური კონფერენცია თემაზე “ბრძოლა ონკოლოგიური პაციენტების ჯანმრთელობის შესანარჩუნებლად”

გთხოვ გაეცნოთ პროგრამას ბმულზე: https://geosc.ge/conference-fight-to-maintain-the-health-of-oncology-patients/

25/11/2025

მოგესალმებით, კოლეგებო
შეგახსენებთ, რომ 2025 წლის 4 და 5 ოქტომბერს გაიმართა საქართველოს კარდიოლოგთა საზოგადოების მე-9 კონგრესი, პრეზიდენტმა არჩილ ჩუხრუკიძემ შეაჯამა 3 წლის განმავლობაში ჩატარებული სამუშაო. კონგრესის მიერ დადებითად იქნა შეფასებულია კარდიოლოგთა საზოგადოების მიერ განხორცილებული სამეცნიერო და საზოგადიებრივი აქტოვობები.

საქართველოს კარდიოლოგთა საზოგადოების მე-9 კონგრესის ფარგლებში გაიმართა საზოგაოდების პრეზიდენტის და გამგეობის წევრების არჩევნები.

საინიციატივო ჯგუფის წარდგინებით, ხმათა უმრავლესობით პრეზიდენტად არჩეული იქნა რუსუდან აგლაძე.
გამგეობის წევრებად საზოგადოების წევრთა მხარდაჭერით არჩეული იქნენ - არჩილ ჩუხრუკიძე, ზვიად კერესელიძე, ხათუნა ჯალაბაძე, შალვა პეტრიაშვილი, თამაზ შაბურიშვილი, კახაბერ ეცადაშვილი, ზვიად ყიფიანი, ვაჟა აგლაძე, კახა ნადარაია, ზურაბ კლიმიაშვილი, ზაზა ლომინაძე, ნიკოლოზ ვაშაყმაძე, ლელა კოპალეიშვილი, გიორგი გოგიშვილი, სოფიო უნგიაძე, თეონა აბრამიშვილი, ნათია ნაზღაიძე, გიორგი კაჭარავა.

30 ოქტომბერს ჩატარდა კარდიოლოგთა საზოგადოების გამგეობის პირველი სხდომა, სადაც საქართველოს კარდიოლოგთა საზოგადოების ვიცე - პრეზიდენტად არჩეული იქნა ზვიად კერესელიძე, საზოგადოების მდივნად არჩეული იქნა მარიამ ლომიძე.

📍კონგრესის სერტიფიკატებს იხილავთ მითითებულ ლინკზე: https://geosc.ge/9th-congress-of-the-georgian-society-of-cardiologists-certificates/

17/11/2025

საქართველოს კარდიოლოგთა საზოგადოების ინიციატივით მიმდინარე წლის 25 ოქტომბერს ქ. თბილისში “ჰოლიდეი ინნ”-ის საკონფერენციო დარბაზში საერთაშორისო კონფერენცია – “დისლიპიდემიის მართვის თანამედროვე გამოწვევები: გაიდლაინებიდან კლინიკურ პრაქტიკამდე” გაიმართა. კონფერენციაზე განხილული იქნა ევროპის კარდიოლოგიის საზოგადოების (ESC) დისლიპიდემიის გაიდლაინის უახლესი განახლებები და კლინიკური რეკომენდაციები.

ქართველ წამყვან კარდიოლოგებთან ერთად მოხსენებები წარადგინეს ევროპის ათეროსკლეროზის საზოგადოების (European Atherosclerosis Society, EAS) საპატიო პრეზიდენტი კაუსიკ რეი და თურქეთის პრევენციული კარდიოლოგიისა და ათეროსკლეროზის სამუშაო ჯგუფის თავმჯდომარე პროფესორი ბარიშ გიუნგორი.

სერტიფიკატები შესაძლებელია ჩამოტვირთოთ მითითებული ლინკიდან:

საქართველოს კარდიოლოგთა საზოგადოების ინიციატივით მიმდინარე წლის 25 ოქტომბერს ქ. თბილისში “ჰოლიდეი ინნ”-ის საკო.....

06/11/2025

მოგესალმებით
• საზოგადოებისათვის დღეს ცნობილი გახდა, რომ დაკავებული თანამდებობიდან გათავისუფლებულია „ზ. ცხაკაიას სახელობის დასავლეთ საქართველოს ინტერვენციული მედიცინის ეროვნული ცენტრის“ კარდიოქირურგიული სამსახურის უფროსი საქართველოს კარდიოლოგთა საზოგადოების გამგეობის წევრი ნიკოლოზ ვაშაყმაძე. გარდა პროფესიული მოვალეობის პირნათლად და მაღალპროფესიულ დონეზე შესრულებისა, ჩვენი კოლეგა, მრავალი წელია, აქტიურად არის ჩართული საქართველოს სამედიცინო საზოგადოების, ახალგაზრდა თაობის პროფესიულ და საგანმანათლებლო საქმიანობაში.
• საზოგადოებაში გაჩნდა არაერთი გაურკვევლობა და შეკითხვა როგორც გათავისუფლების საფუძველსა და ფორმასთან, ასევე ამ პროცესის ეთიკურ და პროფესიულ მხარეებთან დაკავშირებით.
საქართველოს კარდიოლოგთა საზოგადოების სახელით გამგეობა მოგმართავთ დამსაქმებელს Vian • ვიან ევექსი EVEX -
მაღალი საზოგადოებრივი ინტერესის გათვალისწინებით, გთხოვთ, განგვიმარტოთ -
1. გათავისუფლების ფაქტი წარმოადგენს თუ არა შრომითი ან ადმინისტრაციული ხელშეკრულების საფუძველზე მიღებულ და ოფიციალურად დადასტურებულ გადაწყვეტილებას
2. განხორციელდა თუ არა პროცედურა შრომის კოდექსითა და სამედიცინო ეთიკის პრინციპებით გათვალისწინებულ წესით;
აგრეთვე, ღიად ვაფიქსირებთ ჩვენი კოლეგის სრულ მხარდაჭერასა და სოლიდარობას!
@დასავლეთსაქართველოსსამედიცინოცენტრი