09/08/2025
ჩემი ცხოვრება სავსე იყო მუდმივი შფოთვით და როგორც ფიზიკური, ისე შინაგანი ტკივილის განცდით, რაც ყოველდღიურად აძლიერებდა ჩემში სიცარიელის შეგრძნებას. ამ ტკივილის გასაყუჩებლად ხშირად ვიყენებდი ნეგატიურ ემოციებს და არაჯანსაღ საშუალებებს. ასე გახდა ჩემი ცხოვრება უმართავი, უიმედო და ნეგატივით სავსე, რამაც ყველაზე მეტად დააზიანა ჩემი ურთიერთობები, პირველ რიგში ოჯახის წევრებთან და გარშემომყოფ ადამიანებთან. ვფიქრობდი რომ ჩემი არავის ესმოდა მაგრამ გამოსავალსაც ამ მდგომარეობიდან ვერ ვპოულობდი.
სამი წლის წინ იმ წერტილამდე მივედი, როცა სასიცოცხლო ენერგიაც აღარ მქონდა, დილაობით დაღლილი ვიღვიძებდი და ახალი დღის დაწყება სიხარულის ნაცვლად სასჯელად მეჩვენებოდა. სწორედ ამ დროს გამოჩნდა ჩემს ცხოვრებაში სარეაბილიტაციო ცენტრი 180 გრადუსი, რომელმაც მიმიღო ამ მძიმე მდგომარეობაში და ნელ-ნელა დამანახა და მასწავლა რომ შეიძლებოდა სხვა, უკეთესი, სიყვარულით და მოქმედებით სავსე ცხოვრება მქონოდა. ცენტრში მიღებულმა მრავალმხრივმა დახმარებამ უდიდესი ძალა მომცა. ჯგუფურ შეხვედრებზე ვხედავდი, როგორ იცვლებოდა სხვების ცხოვრება, მათი გამოცდილება მაძლიერებდა და მაიმედებდა რომ მარტო არ ვიყავი ამ
მდგომარებაში. მათი გამოცდილებით გულში დამებადა რწმენა თუ სხვებმა შეძლეს, მეც შევძლებდი. ამ შეხვედრებმა მომცა შანსი, ჩემი გამოცდილებით სხვებისთვისაც სასარგებლო ვყოფილიყავი ჩემი გაზიარებებით და პირველად დიდი ხნის შემდეგ თავი საჭირო ადამიანად ვიგრძენი. პირად კონსულტანტთან სესიები კი იყო ჩემთვის ყველაზე სიღრმისეული გამოცდილება. ეს იყო ადგილი, სადაც ბოლომდე შემეძლო საკუთარ თავში ჩამეხედა და ჩემი თავი გამეცნო. ონლაინ ჩართვებმა კი თანმიმდევრულობა, სტაბილურობა და უსაფრთხოების განცდა შემინარჩუნა იმ პერიოდშიც, როცა ფიზიკურად შეხვედრებზე დასწრება არ შემეძლო. დღეს, მიუხედავად სხვადასხვა სირულეების ცხოვრების გზაზე, გაცილებით ძლიერი ვარ, ჩემი ცხოვრება თანდათან დალაგდა და გახდა უფრო მშვიდი, ცნობიერი და სიხარულით სავსე. მაქვს ჩემს ახლობელ ადამიანებთან და ჩემთვის ყველაზე ძვირფასს ადამიანთან - ჩემს შვილთან ჯანსაღი ურთიერთობები, ვსწავლობ, ვვითარდები და მადლიერი ვარ ყოველი ახალი დღის. აღარ ვიკარგები შფოთში - ახლა ჩემი ყოველდღიურობა სავსეა მოქმედებებით რწმენით და სიყვარულით. და ეს ყველაფერი, რაც ოდესღაც შეუძლებლად მეჩვენებოდა, 180 გრადუსის დახმარებით რეალობად იქცა. მადლიერებით სავსე ვარ ამ გზის და 180 გრადუსის გუნდის თითოეულო წევრის 🤍
სოფო , 34 წლის
