31/07/2025
180 გრადუსში მოსვლამდე, დაკარგული ვიყავი, აღარაფერი გარე სამყაროდან აღარ მანიჭებდა ბედნიერებას და ეს ცხადია ნიშანი იყო იმისა რომ საკუთარ თავში ჩამეხედა. ვცხოვრობდი ჩემი ხასიათის დეფექტების მიხედვით, ვმანიპულირებდი და ამ ყველაფერმა მიმიყვანა იქამდე რომ ან რამე უნდა შემეცვალა ან სრულიად უმოქმედო ვყოფილიყავი.
180-მა მთლიანად შეცვალა ჩემი ცხოვრება, მოვიდა სიმშვიდე, დაბრუნდა ცხოვრების ხალისი, დავდექი სწორ გზაზე, თუნდაც კარიერის კუთხით, მივხვდი რისი კეთება მინდოდა და რა მანიჭებდა ბედნიერებას. შევიძინე ახალი უკარგესი მეგობრები ცენტრიდან, რომლებიც დღემდე ჩემი ცხოვრების განუყოფელი ნაწილი და სულის მეგობრები არიან.
შემეცვალა სამყაროს ხედვა, აღარ იყვნენ დამნაშავეები, ვისწავლე ახლებური ქმედებები, რამაც შეცვალა ჩემი ფიქრები, შემდეგ შესაბამისად ემოციები და ცხოვრებაც რადიკალურად შეიცვალა. 180-მა მაპოვნინა ადამიანები, ვინც ზუსტად იგივეს განიცდიდნენ, რასაც მე, ვიგრძენი რომ არ ვარ მარტო, რამაც საოცარი ერთობის და ბედნიერების განცდა მომიტანა. მე არ მქონდა ნივთიერებების პრობლემა, უბრალოდ ემოციურად ვიყავი ცუდად.
ვფიქრობ რომ ეს მეთოდი უნიკალურია ყველასთვის, არაა აუცილებელი ნივთიერებებზე დამოკიდებულება იყოს შენი პრობლემა, თუ იგივეს განიცდი, რასაც მე განვიცდიდი, მინდა რომ
იპოვო ის რაც ვიპოვე მე და თუ მე ვიპოვე, იპოვი შენც, რაც ყველაზე მნიშვნელოვანია ვისწავლე ინსტრუმენტები, რომლებიც მეხმარებიან ვიარო წინ ცხოვრების გზაზე.
თამთა 27 წლის, 180 გრადუსის ბენეფიციარი.
