02/04/2025
💙 ფაქტები, რომელიც უნდა იცოდეთ აუტიზმის შესახებ 💙
🔹 აუტიზმი ნეიროგანვითარებითი მდგომარეობაა და არა დაავადება – ის არ საჭიროებს "განკურნებას", არამედ სწორ მიდგომასა და მხარდაჭერას.
🔹 ბიჭებში აუტიზმი 4-5-ჯერ უფრო ხშირია, ვიდრე გოგონებში, თუმცა გოგოები ხშირად "ნიღბავენ" სიმპტომებს, რის გამოც მათი დიაგნოსტირება გვიან ხდება.
🔹 აუტიზმს ძლიერი გენეტიკური კავშირი აქვს – თუ ოჯახში ერთი ბავშვს აქვს აუტიზმის დიაგნოზი, მეორე ბავშვთან აუტიზმის დიაგნოზის ალბათობა 5%-ია.
🧬 იდენტურ ტყუპებში, თუ ერთს აქვს აუტიზმი, მეორესთან აუტიზმის ალბათობა 90%-ს აღწევს.
🔹 ბევრი ადამიანი მხოლოდ მოზარდობის ან ზრდასრულ ასაკში იგებს, რომ აუტისტია – ზოგჯერ ბავშვობაში სიმპტომებს ვერ ამჩნევენ ან დიაგნოსტირებაზე ვერ მიმართავენ.
🔹 აუტიზმის დიაგნოზი მოიცავს მსუბუქიდან მძიმე ფორმამდე სპექტრს – ყველა აუტისტური ადამიანი განსხვავებულია და თითოეულს უნიკალური საჭიროებები აქვს.
🔹 აუტიზმის გამოვლენისთვის არ არსებობს კონკრეტული სამედიცინო ტესტი – 🩺 დიაგნოზი ქცევითი შეფასების საფუძველზე დგინდება.
🔹 აუტიზმის დროს ხშირია თანმდევი სამედიცინო და სხვა პრობლემები – 🤕 საჭმლის მომნელებელი პრობლემები, ალერგიები, ძილის დარღვევები, შფოთვა, ეპილეფსია.
🔹 აუტიზმი ცუდი მშობლობის შედეგი არ არის – ეს ნეიროგანვითარებითი მდგომარეობაა და არა აღზრდის პრობლემა.
🔹 ვაქცინებსა და აუტიზმს შორის კავშირი არ არსებობს – ❌💉 ეს მრავალჯერადად დადასტურდა მეცნიერულად.
🔹 მშობლებისთვის ყველაზე მნიშვნელოვანი ნაბიჯი ადრეული მიმართვიანობაა – რაც უფრო ადრე იწყება ინტერვენცია, მით უკეთესი შედეგი აქვს.
🔹 ყველაზე ეფექტური და მეცნიერულად დადასტურებული მიდგომა აუტიზმის მართვისთვის ABA თერაპიაა – ✅ ადრეული ინტერვენცია ხელს უწყობს კომუნიკაციისა და სოციალური უნარების განვითარებას.
🔹 ბევრ აუტისტურ ადამიანს მთელი ცხოვრების განმავლობაში სჭირდება გარკვეული ტიპის დახმარება, მაგრამ ეს არ ნიშნავს, რომ მათ არ შეუძლიათ დამოუკიდებელი და სრულფასოვანი ცხოვრება.
🔹 🐶 მონაცემები აჩვენებს, რომ ძაღლები აუტიზმის მქონე ბავშვებისთვის შესაძლოა გახდნენ მხარდაჭერის, უსაფრთხოების და ემოციური სტაბილურობის მნიშვნელოვანი წყარო.
🔹 თუ ადამიანი ვერ ლაპარაკობს, ეს არ ნიშნავს, რომ მას დაბალი IQ აქვს – კომუნიკაციის სირთულე არ არის ინტელექტის მაჩვენებელი.
🔹 ალტერნატიული კომუნიკაციის მეთოდები, როგორიცაა PECS (სურათების გაცვლის სისტემა) ან ჟესტების ენა, ხელს უწყობს კომუნიკაციის განვითარებას.
🔹 აუტიზმის მქონე ბავშვებს შესაძლოა ტკივილის მიმართ დაბალი მგრძნობელობა ჰქონდეთ, მაგრამ ამავდროულად ძალიან მძაფრი რეაქცია სენსორულ სტიმულაციაზე – შეხებასა და ხმაურზე.
🔹 აუტისტი პირების 50%-ზე მეტი მიდრეკილია გაუფრთხილებლად "გაიპაროს" სახლიდან ან უსაფრთხო ადგილიდან – 🚨 ოჯახებისთვის ეს სერიოზული გამოწვევაა.
🔹 არასწორია ვარაუდი, რომ ყველა აუტისტს განსაკუთრებული უნარები აქვს 🎭 – თითოეულს ინდივიდუალური შესაძლებლობები აქვს.
🔹 აუტისტური ადამიანებისთვის “ფიქსაციები” ან “აკვიატებები” ხშირად ძალიან მნიშვნელოვანია – მათ ინტერესებს პატივისცემით უნდა მივუდგეთ და აღვწეროთ, როგორც “გატაცებები” ან “სიღრმისეული ინტერესები.”
🔹 აუტიზმის მქონე პირებისთვის სტრუქტურირებული და პროგნოზირებადი გარემო მნიშვნელოვანია – ეს ეხმარება მათ სტრესის შემცირებასა და უკეთეს ადაპტაციაში.
💙 განსხვავებული არ ნიშნავს ნაკლებს... ერთად შევქმნათ საზოგადოება, სადაც ყველა ადამიანს აქვს თავისი ადგილი და მხარდაჭერა! 🤝 💙
#აუტიზმი #აუტიზმის #აუტიზმისმსოფლიოდღე #აუტიზმისსაერთაშორისოდღე #აუტიზმისცნობადობისამაღლებისმსოფლიოდღე #აუტიზმისგასაღებისიყვარულია❤ #აუტიზმისგასაღებისიყვარულია #აუტიზმისსპექტრი
