Madona Jugeli

Madona Jugeli Contact information, map and directions, contact form, opening hours, services, ratings, photos, videos and announcements from Madona Jugeli, Doctor, Lubliana 48 str, Tbilisi.

დაბადების თარიღი: 10.02.1965

სპეციალობა: ექიმი-გინეკოლოგი

აკადემიური ხარისხი: მედიცინის აკადემიური დოქტორი

საქართველოს კოლპოსკოპიის ფედერაციის პრეზიდენტი

სამუშაო ადგილი/თანამდებობა:
სამედიცინო კორპორაცია ევექსი, საშვილოსნოს ყელის დაავადებათა პრევენციისა და მკურნალობის მიმართულების უფროსი.

განათლება:

2012 წ. – სახელმწიფო სერტიფიკატი რეპროდუქტოლოგია, მეან-გინეკოლოგია
2008 წ. – მედიცინის აკადემიური დოქტორის ხარისხი;
2002 წ. – სახელმწიფო სერტიფიკატი რეპროდუქტოლოგია, მეან-გინეკოლოგია;
1995 წ .- ქ. უფსალას საუნივერსიტეტო კლინიკის რეპროდუქტოლოგიის განყოფილება, შვედეთი;
1992 – 1995 წ.წ. – ქ. უმეოს საუნივერსიტეტო კლინიკა, შვედეთი დიპლომისშემდგომი განათლება;
1984 – 1990 წ.წ. – თბილისის სახელმწიფო სამედიცინო ინსტიტუტი.
სამუშაო გამოცდილება:

2016 წ. 5 დეკემბრიდან – დღემდე – სამედიცინო კორპორაცია ევექსი, საშვილოსნოს ყელის დაავადებათა პრევენციისა და მკურნალობის მიმართულების უფროსი.
2014-2016 წ.წ. – ი. ჟორდანიას სახელობის ადამიანის რეპროდუქციის სამეცნიერო კვლევითი ინსტიტუტის ვაკის ფილიალის დირექტორი სამედიცინო დარგში;
2011 – 2013 წ.წ. – სადაზღვევო კომპანია „ალდაგი ბი სი აი“;
2010 წ. – დღემდე – საქართველოს კოლპოსკოპიის ასოციაციის პრეზიდენტი;
2010 წ. – 2012 წ.წ. – სადაზღვევო კომპანია „ჯიპიაი ჰოლდინგი“;
2010 – დღემდე – საშვილოსნოს ყელის კიბოს პრევენციის მსოფლიო კვირეულის აქტიური მონაწილე (კვირეულის ფარგლებში, საქართველოს კოლპოსკოპიის ფედერაციის ეგიდით, წლების განმავლობაში უფასოდ ისინჯება ასობით ქალბატონი როგორც თბილისიდან, ასევე რეგიონებიდან);
2008 წ. – დღემდე – საშვილოსნოს ყელის კიბოსა და ძუძუს კიბოს პრევენციის ეროვნული სკრინინგ პროგრამის მონაწილე, კოლპოსკოპისტი;
2007 – 2014 წ.წ. – საქართველოს მეცნიერებათა აკადემიის კლინიკური მედიცინის სამეცნიერო კვლევითი ინსტიტუტი, კოლპოსკოპიის სასწავლო კურსის ლექტორი;
2006 – 2014 წ.წ. – კლინიკური მედიცინის სამეცნიერო კვლევითი ინსტიტუტი;
2005 წ. – დღემდე – დავით ტატიშვილის სამედიცინო ცენტრი
2003 – 2004 წ.წ. – სამედიცინო ცენტრი „ციტო“;
1996 – 2007 წ.წ. – ი. ჟორდანიას სახელობის სამეცნიერო კვლევითი ინსტიტუტი, კოლპოსკოპიის სასწავლო კურსის ლექტორი;
1991 – 2006 წ.წ. – ი. ჟორდანიას სახელობის ადამიანის რეპროდუქციის სამეცნიერო კვლევითი ინსტიტუტი.

20/02/2026

რატომ არის CO₂ ლაზერული კონიზაცია საშვილოსნოს ყელის კიბოსწინარე დაავადებების (CIN) მკურნალობის ოქროს სტანდარტი.

CO₂ ლაზერული კონიზაცია საშვილოსნოს ყელის კიბოსწინარე დაზიანებების მკურნალობის ყველაზე ზუსტი და ეფექტიანი საშუალებაა

🔬 ულტრაზუსტი
CO₂ ლაზერი მიკროდონის სიზუსტით, ფენა-ფენა აშორებს პათოლოგიურ ქსოვილს და, ამავდროულად, ინარჩუნებს საშვილოსნოს ყელის რაც შეიძლება მეტ ჯანმრთელ უბანს.

🩹 ნაზი მეთოდი საშვილოსნოს ყელისთვის
ტრადიციული მეთოდებისგან განსხვავებით, ლაზერული კონიზაცია იწვევს მინიმალურ სისხლდენას, ნაკლებ ტრავმას და მნიშვნელოვნად ამცირებს ნაწიბურების გაჩენის რისკს.

🤰საფრთხეს არ უქმნის ნაყოფიერებას (ფერტილობას)
საშვილოსნოს ყელის სტრუქტურის შენარჩუნება აუცილებელია ორსულობის დაგეგმვისთვის. CO₂ ლაზერული კონიზაცია, ცივი დანით ან LEEP/LLETZ პროცედურებთან შედარებით, ასოცირდება საშვილოსნოს ყელის უკმარისობისა და ნაადრევი მშობიარობის დაბალ რისკთან.

⚡ სწრაფი შეხორცება, ნაკლები ტკივილი
ეს მეთოდი ქმნის მხოლოდ მსუბუქ დისკომფორტს და უფრო სწრაფად ხორცდება, რაც გამოჯანმრთელების პროცესს უფრო კომფორტულს ხდის.

🩺 უკეთესი ვიზუალიზაცია = უკეთესი შედეგი
ლაზერული პროცედურა ოპერაციის დროს უკეთეს ხილვადობას უზრუნველყოფს (მანიპულაცია ტარდება კოლპოსკოპის დაკვირვების ქვეშ), რის შედეგადაც დაზიანებული უბნის მოცილება ბევრად უკეთ და სიზუსტით ხდება, რაც, თავის მხრივ, ნარჩენი (რეზიდუალური) დაზიანების რისკს ამცირებს.

💎 საუკეთესო არჩევანი, როდესაც სიზუსტე მნიშვნელოვანია
იქნება ეს CIN 2, CIN 3 თუ HPV-სთან დაკავშირებული ცვლილებები, CO₂ ლაზერული კონიზაცია სანდო და თანამედროვე გადაწყვეტაა, რომელიც პრიორიტეტს ანიჭებს თქვენს ჯანმრთელობასა და მომავალ ნაყოფიერებას.

10/02/2026

მეგობრებო, ჩემს დაბადების დღეზე სიმბოლურია, მეორე მადონა ჯუღელის გაშვება, ამჯერად უკვე AI ვერსიის.

AI მადონა შექმნილია იმისათვის, რომ დაგეხმაროთ, დაგაკვალიანოთ, გაგცეთ პასუხი საჭირო კითხვებზე. ბუნებრივია, არავითარ შემთხვევაში დიაგნოზისთვის.

მოდელი მუდმივად დაიხვეწება. მისი გამოყენება კი ამ ლინკზე შეგიძლიათ - https://chatgpt.com/g/g-6953ee38752c8191b0b422fbd7505335-madona-jugeli

მუდამ თქვენი მადონა ჯუღელი ❤️

03/02/2026

ჩემო ძვირფასებო, როგორც IARC-ის, IFCPC-ისა და გაეროს საერთაშორისო ტრენერმა, დავასრულე 6-თვიანი ინტენსიური სასწავლო კურსი ქართველი და უცხოელი ექიმებისთვის. კურსის კულმინაცია იყო სტრუქტურირებული კლინიკური გამოცდა (OSCE), რომელიც კიბოს კვლევის საერთაშორისო სააგენტოსა (IARC) და საშვილოსნოს ყელის პათოლოგიისა და კოლპოსკოპიის საერთაშორისო ფედერაციის (IFCPC) ორგანიზებით ჩატარდა. ამ გამოცდაზე ვიყავი გამომცდელის სტატუსით.

სიამაყით მინდა აღვნიშნო, რომ თითოეულმა მათგანმა საერთაშორისო გამოცდა წარმატებით ჩააბარა. ეს არ არის მხოლოდ აკადემიური მიღწევა, ეს არის კიდევ ერთი წინ გადადგმული ნაბიჯი საშვილოსნოს ყელის პათოლოგიების პრევენციისა და მკურნალობის სფეროში, სადაც კვალიფიციური კადრები გადამწყვეტ როლს თამაშობენ.

მადლობა ჩემს კოლეგებს ნდობისთვის და დაუღალავი შრომისთვის.

19/01/2026

🌸 რომელია საუკეთესო დრო ორსულობისთვის

19/01/2026

🌸 როგორ განვსაზღვროთ შვილოსნობის დრო

17/01/2026

რა ზიანს აყენებს ადამიანის ორგანიზმს პაპილომა ვირუსი და აქვს თუ არა სიმპტომები

17/01/2026

რა ასაკშია რეკომენდებული პაპილომა ვირუსის ვაქცინის ჩატარება

წელს შემეძლო, მარტივად მეთქვა: გილოცავთ დამდეგ შობა-ახალ წელს, გისურვებთ ბედნიერებას, ჯანმრთელობას და სიხარულს. მერე, ჩე...
31/12/2025

წელს შემეძლო, მარტივად მეთქვა: გილოცავთ დამდეგ შობა-ახალ წელს, გისურვებთ ბედნიერებას, ჯანმრთელობას და სიხარულს.

მერე, ჩემ თავს ვკითხე: განა, ეს არის ნამდვილი მადონა, რომლის შექმნასაც მთელი ცხოვრებაა ვცდილობ? - განა, სტანდარტულ მილოცვაშია პრობლემა, ან იმაში, რომ ნამდვილი არ იქნებოდა ჩემი სურვილები? არა, უბრალოდ, ნამდვილი მადონა ასეთია:

მომენტი, როდესაც გადავწყვიტე მებრძოლა და საკუთრი თავი შემექმნა, ასე დაიწყო: მახსოვს, ჩემმა პატარა ბელამ მკითხა: სასკოლოდ წიგნები თუ ექნებოდა. მახსოვს, ჩემმა საყვარელმა ადამიანმა, ჩემში ეჭვი შეიტანა და მითხრა: რომ მე ვერ გავხდებოდი პროფესიონალი ექიმი. მახსოვს, საკუთარ თავთან მარტო დავრჩი და მივხვდი, რომ საკუთარი თავის შექმნა არ მჭირდება მეზობლებისთვის, ნათესავებისთვის, გარემოცვისთის, პირველ რიგში ეს საკუთარი თავისთვის ხდება.

თუმცა, ბოლომდე გულწრფელი რომ ვიყო, ეს ჯერ სხვებისთვის საპირისპიროს დამტკიცებით იწყება; და მერე ხვდები: ამას, მათთვის კი არა, შენთვის და შენი ოჯახისთვის აკეთებ.

დღემდე, ბავშვივით მწყინს, ერთი უკმაყოფილი პაციენტიც, მიუხედავად იმისა, რომ ჩემდა საბედნიროდ, კმაყოფილი და სიყვარულით სავსე პაციენტების არმია მყავს. განა იმიტომ, რომ საკუთარ თავში ეჭვი მეპარება, არა, იმიტომ რომ, გულწრფელად, თქვენ ჩემთვის უბრალოდ პაციენტები არ ხართ, თქვენ ჩემთვის ის ადამიანები ხართ, რომლებმაც ჩემს შექმნაში უდიდესი წვლილი შეიტანეს.

თქვენ ხომ გიხარიათ გამოჯანმრთელება? მე ამ დროს კი არ მიხარია, ვზეიმობ და უდიდეს ძალას ვიღებ, სახლში ძალიან გვიან მისული, დაქანცული, წიგნებს ვიღებ და ვმეცადინეობ. შემდეგ, ჩვენს შექმნილ ჯგუფში შევდივარ, რომელიც 100 000 ქალბატონს აერთიანებს და თქვენს კითხვებს ვპასუხობ. თუმცა, სანამ ვუპასუხებ, 1000-ჯერ კიდევ ერთხელ ვამომწებ, საერთაშორისო გაიდლაინების მიხედვით და ისე გცემთ პასუხს. განა იმიტომ, რომ არ ვიცი, ან საკუთარ პროფესიონალიზმში ეჭვი მეპარება, არა, იმიტომ რომ პატივს გცემთ, მიყვარხართ და ჩემ პროფესიას, უდიდესი პასუხისმგებლობით ვეკიდები.

მესმის, რომ მე არ ვარ უბრალო პროფესიის წარმომადგენელი, რომ ჩემს სიტყვას, ჩემს დიაგნოზს, ჩემს ღიმილს, ჩემს თქვენდამი დამოკიდებულებას, თქვენი გამოჯანმრთელება შეუძლია.

ასე რომ, სანამ სუფრას გავშლით, საყვარელ ადამიანებს ახალ წელს მივულოცავთ და ერთმანეთს, ერთმანეთით ტკბობის საშუალებას მივცემთ, მე მადონა ჯუღელი, წელს ყველაზე მთავარს, ჩემს ნავდილ მეს გიზიარებთ და მადლობას გიხდით ნდობისთვის, სიყვარულისთვის, კრიტიკისთვის და პირობას გაძლევთ, ბოლო მომენტამდე, სანამ მე ჩემს პროფესიაში ვარ, დავრჩები ნამდვილი, თქვენი ჯანმრთელობის სადარაჯოზე.

გილოცავთ, დამდეგ შობა-ახალ წელს!

სიყვარულით,
თქვენი მადონა ჯუღელი ❤️

22/12/2025

🌸 მენოპაუზის 5 უცნობი და ფარული მიზეზი

16/12/2025

მაღალი გარჩევადობის ანოსკოპია (HRA) - ახალი სტანდარტი ანალური ჯანმრთელობის დიაგნოსტიკაში

🔬 რა არის HRA?

მაღალი გარჩევადობის ანოსკოპია საშუალებას აძლევს ექიმს, ზუსტად და დეტალურად შეისწავლოს ანალური არხის ლორწოვანი გარსი, კოლპოსკოპის დახმარებით, იმავე ტექნოლოგიით, რომელიც გამოიყენება საშვილოსნოს ყელის კვლევისთვის.
ლორწოვანის დამუშავების შემდეგ 3–5% ძმარმჟავითა და ლუგოლის ხსნარით, ყველაზე მცირე ცვლილებებიც კი კარგად ხილული ხდება.

💡 როგორ ტარდება პროცედურა?

1️⃣ პროცედურა ტარდება ამბულატორიულად ( ინტრავენური ანესტეზიით) დაახლოებით 15–20 წუთი.
2️⃣ სპეციალური ანოსკოპი ნაზად თავსდება ანალურ არხში.
3️⃣ ლორწოვანი გარსი მუშავდება ძმარმჟავით და მერე ლუგოლით, რათა გამოიკვეთოს საეჭვო უბნები.
4️⃣ ექიმი ახდენს ზედაპირის დათვალიერებას მაღალი გარჩევადობის ოპტიკური სისტემით, რათა აღმოაჩინოს ყველაზე მცირე ცვლილებებიც კი.
5️⃣ საჭიროების შემთხვევაში, საეჭვო უბნიდან ტარდება ბიოფსია

🧠 რატომ არის ეს მნიშვნელოვანი?

HRA რეკომენდებულია შემდეგი პაციენტებისთვის:
• HPV-ინფექციის, ანალური კონდილომების ან ციტოლოგიური ცვლილებების მქონე პაციენტებისთვის;
• იმუნოსუპრესიით (HIV, ტრანსპლანტაციის შემდგომი მდგომარეობა, ხანგრძლივი სტეროიდული თერაპია) პაციენტებისთვის;
• მათთვის, ვისაც ჰქონდა საშვილოსნოს ყელის, ვულვის ან პარტნიორს პენისის დისპლაზია;
• მაღალი რისკის ჯგუფებისთვის

HRA საშუალებას იძლევა დაავადება აღმოჩენილ იქნას ადრეულ ეტაპზე, სანამ ის გადაიზრდება კიბოში.

❤️ უსაფრთხო, ზუსტი და უმტკივნეულო

პროცედურა ტარდება თანამედროვე აპარატურით, ნაზად და მაქსიმალური კომფორტის დაცვით. პაციენტების უმეტესობა აღნიშნავს, რომ ეს პროცედურა საშვილოსნოს ყელის კოლპოსკოპიის მსგავსად უმტკივნეულოა.

👩‍⚕️ პროფესიონალიზმი და საერთაშორისო სტანდარტი

იგივე მაღალი სიზუსტე, რომელიც გამოიყენება საშვილოსნოს ყელის დისპლაზიების დიაგნოსტიკაში, ახლა ხელმისაწვდომია ანალური კიბოს პრევენციისთვისაც.

08/12/2025

👩‍⚕️ FDA-მ ოფიციალურად მოხსნა „შავი ყუთის“ გაფრთხილება მენოპაუზალური ჰორმონოთერაპიის (MHT) პრეპარატებიდან. ეს გაფრთხილება 23 წლის განმავლობაში ქალებს აშინებდა – თითქოს ჰორმონოთერაპია ზრდიდა კიბოს, ინსულტისა და დემენციის რისკს. ამ დაავადებების მიმართ შიშის გამო, მილიონობით ქალი მკურნალობაზე უარს ამბობდა.

✔️ ახალი მონაცემების მიხედვით, მენოპაუზის დაწყებიდან 10 წლის განმავლობაში დაწყებული თერაპიის სარგებელი რისკებს ბევრად აღემატება.

▪️ რას ნიშნავს „შავი ყუთის“ გაფრთხილება?

„შავი ყუთის” გაფრთხილება (Black box warning) არის ყველაზე მკაცრი გაფრთხილება, რომელსაც FDA მედიკამენტის ეტიკეტზე ათავსებს. ის მიანიშნებს პოტენციურად სერიოზული ან სიცოცხლისთვის საშიში გვერდითი ეფექტების შესახებ.

✅ რა იცვლება ახალი წესით?
პრეპარატების ეტიკეტიდან ამოიღებენ ჩანაწერებს, რომლებიც მენოპაუზალური ჰორმონოთერაპიის (MHT) მედიკამენტების მოხმარებას გულის დაავადებების, კიბოსა და დემენციის რისკთან აკავშირებდა. გარდა ამისა, დაემატა ახალი მითითება: თერაპია ყველაზე უსაფრთხო და ეფექტურია, როცა იწყება 60 წლამდე ან მენოპაუზის დაწყებიდან 10 წლის განმავლობაში.

👉 რატომ არის ეს მნიშვნელოვანი?

2003 წლის შემდეგ, მენოპაუზალური ჰორმონოთერაპიის (MHT) მედიკამენტებზე გაჩნდა გაფრთხილება, რომ ისინი შესაძლოა, ზრდიდეს გულ-სისხლძარღვთა დაავადებების, ინსულტის, კიბოსა და დემენციის რისკს. ამის გამო, მენოპაუზის მკურნალობისას ჰორმონოთერაპიის დანიშვნის მაჩვენებელი 70%-ზე მეტით შემცირდა. შედეგად, ბევრი ქალი რჩებოდა მენოპაუზის სიმპტომების მკურნალობის გარეშე.

მენოპაუზალური ჰორმონოთერაპიის (MHT) დანიშვნისა და მისი ხანგრძლივობის შესახებ გადაწყვეტილებას ექიმი პაციენტის ჯანმრთელობის მდგომარეობის გათვალისწინებით იღებს.

05/12/2025

👩‍⚕️როგორ გავუმკლავდეთ მენოპაუზალურ პერიოდს

Address

Lubliana 48 Str
Tbilisi

Telephone

+995599107314

Website

Alerts

Be the first to know and let us send you an email when Madona Jugeli posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category