13/05/2026
მაისი ფსიქიკური ჯანმრთელობის შესახებ ცნობიერების ამაღლების და ფსიქიკურ ჯანმრთელობაზე ზრუნვის თვეა.
ფსიქიკურ ჯანმრთელობაზე ზრუნვა არ იწყება მხოლოდ მაშინ, როცა ადამიანი უკვე კრიზისშია. ზრუნვის დასაწყებად საკმარისი მიზეზებია, როცა ვამჩნევთ ქრონიკულ დაღლილობას, შფოთვას, შინაგან დაძაბულობას, ურთიერთობებში განმეორებად სირთულეებს, სხეულში დაგროვილ სტრესს, მოტივაციის დაკარგვას, ან უბრალოდ იმ განცდას, რომ საკუთარ თავთან კავშირი დავკარგეთ.
ნებისმიერ მდგომარეობასთან გასამკლავებლად ერთი კონკრეტული ფსიქოთერაპიული მიდგომა არ არის უნივერსალური გზა ყველასთვის.
ზოგჯერ დახმარება იწყება უშუალოდ სიმპტომთან მუშაობით, ზოგჯერ არასასურველ ფიქრებთან გამკლავების ტექნიკებით, ზოგისთვის სხეულთან კავშირის დამყარებით, ზოგჯერ ტრავმულ გამოცდილებასთან მიახლოვებით, იმის მიხედვით, სად არის ფსიქოთერაპიის დახმარება საჭირო - ურთიერთობების საკითხებში, ემოციების რეგულაციაში, წარსულის გააზრებაში თუ ახალი ქცევითი ჩვევების ჩამოყალიბებაში.
კამარაში ფსიქიკური ჯანმრთელობა განიხილება მრავალმხრივად. ჩვენთან მუშაობენ სხვადასხვა თერაპიული მიმართულების სპეციალისტები — ექიმი ფსიქიატრი და ნარკოლოგი, კოგნიტურ-ბიჰევიორული თერაპევტები, EMDR-თერაპიის სპეციალისტები, მათ შორის ბავშვთა და მოზარდთა ასაკობრივ ჯგუფებშიც, ფსიქოანალიტიკოსები, გეშტალტთერაპევტები, არტთერაპევტები და ტარვმაზე ორიენტირებული ფსიქოთერაპევტები. ტარდება ეგზისტენციალური ფსიქოთერაპიის, ინტერპერსონალური თერაპიის კურსები.
ეს მრავალფეროვნება მნიშვნელოვანია, რადგან თითოეულ ადამიანს საკუთარი ისტორია, საკუთარი სიმპტომი, საკუთარი ტემპი და საკუთარი გზა აქვს.
ზოგჯერ ადამიანს სჭირდება მკაფიო სტრუქტურა; ზოგჯერ უსაფრთხო სივრცე საუბრისთვის; ზოგჯერ ტრავმასთან ფრთხილი მუშაობა; ზოგჯერ კი საკუთარი თავის დანახვა ახალი კუთხით.
ფსიქიკურ ჯანმრთელობაზე ზრუნვა სისუსტის ნიშანი არ არის. ეს არის პასუხისმგებლობა საკუთარ ცხოვრებაზე, ურთიერთობებზე, სხეულზე, მომავალზე და იმ ადამიანებზე, ვისთანაც ჩვენი ცხოვრება ყოველდღე იკვეთება.
მაისში, და არა მხოლოდ მაისში, კამარა აგრძელებს მუშაობას იმისთვის, რომ ფსიქოთერაპია იყოს ხელმისაწვდომი, პროფესიული და ადამიანის რეალურ საჭიროებებზე მორგებული.
#ფსიქიკურიჯანმრთელობა #კამარა #ფსიქოთერაპია #ექსპრესიულიხელოვნებისთერაპია
