New Gen

08/07/2022

იჩქარეთ მეგობრებო 📢📢📢 ვარჯიშისა და კვების პროგრამა სრულიად უფასოდ 💪🏻💪🏻💪🏻💪🏻💪🏻🤯🤯🤯🤯🤯

11/02/2020

საკვები დანამატების სწორი მოხმარება

საკმაოდ დიდი ხანია, რაც არსებობს საკვები დანამატები და მათი გამოყენება სპრტსმენებსა თუ უბრალო ჯანმრთელბის მაძიებლებისთვის ყოველდღიურად უფრო და უფრო მნიშვნელოვანი ხდება. შეიძლება გაგიჩნდეთ კითხვა - რატომ? პასუხი მარტივია. ჩვენი ცხოვრების სტილი, სამსახური, გარემო პირობები, სტრესი და არასრულფასოვანი კვება - ეს არის ის მცირე ჩამონათვალი რაც აზიანებს ჩვენს სხეულს. სხეულს აღდგენისთვის კი ესაჭიროება უამრავი ვიტამინი, მინერალი, ენზიმი, ფერმენტი, ჰორმონი, ამინომჟავა და სხვა და სხვა უამრავი ნივთიერება. სწორედ ამიტომაა მნიშვნელოვანი საკვები დანამატების მოხმარება.
პრაქტიკიდან გამომდინარე შემიძლია თამამად ვთქვა, რომ მოსახლეობაში საკვები დანამატების შესახებ საკმაოდ მწირი ინფორმაციაა, რომელსაც ან საერთოდ არ აწვდიან ან შეცდომით ასწავლიან. ბევრს დღესაც „დოპინგი“ ჰგონია, ზოგისთვის მერე კუნთებს წელავს და უამრავი მითი მაქვს მოსმენილი, რაც, რა თქმა უნდა, სიცრუეა და ადამიანის უვიცობაზე მეტყველებს. 90%-მა საეროდ არ იცის როგორ უნდა მოხდეს მათი სწორი გამოყენება. მაგრამ ყველაზე ცუდი არის ის, რომ 99%-მა საერთოდ არ იცის სხვადასხვა დაავდებისა თუ მდგომარეობის დროს, რომელი სკვები დანამატი უნდა გამოიყენონ.

რა მიეკუთვნება საკვებ დანამატებს?
ბიოლოგიურად აქტიური დანამატები იყოფა ორ დიდ ჯგუფად:
1. ნუტრიცევტიკები:
- პროტეინი (კაზეინი, იზოლატი, ჰიდროქსილატი);
- პოლიუჯერი ცხიმ მჟავები;
- ამინომჟავები;
- ვიტამინები;
- მინერალები (მაკრო- და მიკრონუტრიენტები).
2. პარაფარმაცევტიკები:
- წონის საკორექციო დანამატები;
- ფერმენტები და პოლიფერმენტები;
- პრობიოტიკები;
- პეპტიდები;
- მცენრაეული ექსტრაქტები.
შეიძლება ითქვას, რომ ბად პრეპარატების დაყოფა პარაფარმაცევტიკებად და ნუტრიცევტიკებად მცდარია, ვინაიდან ზოგიერთი პარაფარმაცევტიკი შედის საკვების შემადგენლობაში და შესაძლოა მივაკუთვნოთ ნუტრიცევტიკს, ასევე ნუტრიცევფტიკებიც, რომელსაც პოლიფუნქციური მოქმედება ახასიათებთ მიეკუთვნება პარაფარმაცევტიკებს.მსგავსი დაყოფა წარმოადგენს პირობით კლასიფიკაციას, რაც გვეხმარება დეტალურად დავახასიათოთ თითოეული ჯგუფი.
ახლა არ დავიწყებ ამის დეტალურ გაშლას, თუ რა რას წარმოადგენს. ეს ყველაფერი საკმაოდ გაშლილი მაქვს ჩემს სტატიებში. მთავარია ახლა განვსაზრღვროთ რა დროს რომელი საკვები დანამატი გამოვიყენოთ.

1. რას ვიყენებთ წონაში კლებისთვის?
აქ რა თქმა უნდა თავად საკვები რაციონის გარეშე ვერ გამოვძვრებით. არა დიეტა, არა შიმშილი. მხოლოდ სწორად გათვლილი საკვები რაციონი. ჯერ უნდა გავაკონტროლოთ ის რასაც ვჭამთ და შემდგომ საკვები დანამატები ნივთიერებათა ცვლის სხვადასხვა დონეზე დაგვეხმარება. ბად-ის გამოყენება სიმსუქნესთან ბრძოლაში:
1. მეტაბოლიზმისა და ლიპოლიზის აქტივატორები:
- ჩინური ეფედრა (ლათ.Ephedra sinica);
- გუარანა (ლათ.Paullinia cupana);
- კომიფორა (ლათ.Commiphora);
- წვრილბუშტუკოვანი ფუკუსი (ლათ. Focus);
- წითელი ცხარე წიწაკა (ლათ.Capsicum annuum);
- L-კარნიტინი (ვიტამინი B11);
- ლიპოტროპული ფაქტორი.
2. ცხიმწარმოქმნის საწინააღმდეგო ბად:
- კამბოჯური გარცინია (ლათ.Garcīnia gūmmi-gūtta);
- ქრომი;
- B ჯგუფის ვიტამინები.
3. ნაწლავში ცხიმის შეწოვის საწინააღმდეგო ბად:
- საკვები ბოჭკოები;
- ჩიტოზანი (ინგ. chitosan );
- წყლის საპონინი ( ინგ. Cassia nomame extract ) - ლიპაზას ინჰიბიტორი.
4. მადის აღმძვრელი ბად:
- 5-ჰიდროოქსიტრიპტოფანი.
5. სხვა სამკურნალო-პროფილაქტიკური ბად-ები:
- ომეგა-3;
- ფოსფოლიპიდები;
- ცხიმოვანი მჟავების ტრიგლიცერიდები;
- პრობიოტიკები;
- მცენარეული შარდმდენი პრეპარატები;
- მცენარეული ნაღველდენი პრეპარატები.
მკაცრად ეხებათ ქალბატონებს: ნუ მოიხმართ წონაში კლების დროს კლენბუტეროლს, რაიმე ჰორმონულ პრეპარატს (მითუმეტეს სტეროიდებს) ან პეპტიდურ დანამატებს. მსგავსი ექსპერიმენტები გაგინადგურებთ სხეულს და მერე გაცილებით მეტი თანხის დახარჯვა მოგიწევთ მკურნალობაში, ვიდრე წონის კლების დროს და გაცილებით მეტ წონას აკრეფთ ვიდრე იყავით. ისწავლეთ მოთმინება და საკუთარი თავის კონტროლი.

2. რას ვიყენებთ წონაში მატებისთვის?
ამ დეტალს საკამოდ მარტივად გეტყვით. იმისთვის, რომ სხეულმა დაიწყოს წონის მატება თქვენ გჭირდებათ ისევ და ისევ რაციონის დალაგება და ფიზიკური ვარჯიში, ხოლო საკვები დანამატებიდან: 1. ვიტამინები, 2. ამინომჟავები და 3. კრეატინის რომელიმე ფორმა. და არა გეინერი, რომელსაც ქადაგებს უვიცი ხალხის 90%. გეინერი გამოიყენება პროფესიონალ სპორტსმენებში, დეტალურად გათვლილი კვების დროს, როცა მათი დრიური კალორაჟი უნდა შეადგენდეს 5000-6000 კკალ-ს, რასაც საკვებიდან ფიზიკურად ვერ აითვისებენ. თქვენ უნდა ისწავლოთ კვების პრინციპები და სწორედ ამის შემდეგ მიხვდებით, რომ გეინერი ეს არის შაქრიან წყალში გადაყრილი ფული.

3. რას ვიყენებთ დიაბეტის დროს?
ინსულინ-დამოკიდებული დიაბეტის დროს შეგვიძლია გამოვიყენოთ:
1. ანტიოქსიდანტები:
- ვიტამინი E;
- ვიტამინი C.
2. საკვებისმიერი ბოჭკოები - იგ. Fiber.
3. მიკრო- და მაკროელემენტები:
- ქრომი;
- ვანადიუმი;
- თუთია.
4. ვიტამინები:
- თიამინი (ვიტამინი B1);
- ლიპოეს მჟავა;
- B ჯგუფის სხვა ვიტამინები.
5. აცეტილკარნიტინი.
6. ინოზინი.
7. ტაურინი.
8. მცენარეული წამლები:
- ტყის გიმნემა (ლათ.Gymnema sylvestre );
- ნამდვილი ჟენშენი (ლათ.Panax ginseng );
- ჩერნიკა (ლათ.Vaccínium myrtíllus );
- ნიორი (ლათ.Állium satívum ).
9. ამინომჟავები.

4. რას ვიყენებთ საყრდენ-მამოძრავებელი სისტემისთვის?
ვინაიდან საკმაოდ ბევრი მკლავჭიდელი სპორტსმენი მყავს, მომიწია ამ საკითხის დეტალური შესწავლა და საკმაოდ დიდი დრო და უამრავი კვლევა დამჭირდა ამ ინფორმაციის მოსაძიებლად. რას ვიყენებთ:
1. სახსრების დეგენერაციული დაავადებების საწინაღმდეგო ბად:
- ქონდროპროტექტორები (გლუკოზამინი, ქონდროიტინსულფატი);
- მიკროელემენტები (მარგანეცი, სელენი);
- ვიტამინები ( PP, E, C, S-ადენოზილმეთიონინი);
- მცენარეული წამლები ( თეთრი წნორი (ლათ. Salix alba), დაკბილული ბოსველია (ლათ.Boswéllia);
- ჰიდროლიზირებული კოლაგენი I და III ტიპი.
2. ბად ოსტეოპოროზის დროს:
- მაკროელემენტები (კალციუმი, მაგნიუმი, კალიუმი);
- ვიტამინები ( ბიოფლავინოიდები, D, K, C);
- მიკროელემენტები ( მარგანეცი, თუთია, ბორი);
- ფიტოესტროგენები.

5. რას ვიყენებთ ონკოლოგიური დაავადებების დროს?
1. ბად სარძევე ჯირკვლის კიბოს პროფილაქტიკისთვის:
- ფიტოესტროგენები;
- საკვები ინდოლები;
- ვიტამინი D.
2. ბად მსხვილი ნაწლავის კიბოს პროფილაქტიკისათვის:
- საკვებისმიერი ბოჭკოები;
- პრებიოტიკი (შეუწოვადი ოლიგოსაქარიდები);
- პრობიოტიკები;
- ატიოქსიდანტები.
3. ბად წინამდებარე ჯირკვლის სიმსივნის პროფილაქტიკისთვის:
- ფიტოესტროგენები;
- საკვებისმიერი ბოჭკოები;
- ატიოქსიდანტები;
- თუთია;
- მცენარეული მედიკამენტები ( ჯუჯა პალმის ნაყოფის ექსტრაქტი (ლათ.Serenoa repens), ჭინჭრის ფესვების ექსტრაქტი (ლათ.Urtíca dióica)).

იმედი მაქვს ეს რჩევები დაგეხმარებათ თქვენი სასურველი მიზნის მიღწევაში. დამატებითი ინფორმაციისთვის შეგიძლიათ დამიკავშირდეთ და გაგაცნობთ დეტალებს.
იყავით ჯანმრთელნი და გისურვებთ წარმატებებს !!!

02/02/2020

კიდევ ერთი საკვები დანამატი რომლის შესახებ უნდა იცოდეთ 💪👨‍⚕️👨‍⚕️👨‍⚕️

კოენზიმ Q10

ზოგადი ინფორმაცია
კოფერმენტ Q (იგივე Ubidecarenone, უბიდეკარენონი; უბიქინონი, ubiquinone, კოენზიმ Q10, coenzyme Q) - ეს არის კოფერმენტ - ბენზოქინონების ჯგუფი, რომელიც შეიცავს ქინოიდურ ჯგუფსა (აქeდან მოდის Q) და რამოდენიმე იზოპრენილურ ჯგუფს (ამ შემთხვევაში 6-10).

IUPAC – 2- [(2E,6E,10E,14E,18E,22E,26E,30E,34E)-3,7,11,15,19,23,27,31,35,39-დეკამეთილტეტრაკონტა-2,6,10,14,18,22,26,30,34,38-დეკაენილ]-5, 6-დიმეთოქსი-3-მეთილციკლოჰექსა-2,5-დიენ-1,4-დიონი;

ქიმიური ფორმულა - C59H90O4

მოლური მასა - 863,34

CAS – 303-98-0

PubChem – 5281915

DrugBank – 09270

უბიქინონი - არის ცხიმში ხსნადი კოფერმენტი, რომელიც ძირითადად გვხვდება მიტოქონდრულ ეუკარიოტულ უჯრედებში. უბიქინონი წარმოადგენს ელექტროლიტების გადატანის ჯაჭვის ძირითად კომპონენტსა და მონაწილეობას ღებულობს ჟანგვით ფოსფორილირების პროცესში.უბიქინონი ყველაზე დიდი რაოდენობით გვხვდება იმ ორგანოებში, სადაც საჭიროა ყველაზე მეტი ენერგეტიკული მარაგი. მაგალითად, გული და ღვიძლი.

მოკლე ისტორია
1955 წელს პირველად იყო გამოყენებული ტერმინი კოფერმენტ Q, რომელიც აღნიშნავდა ნივთიერებას, რომელსაც ყველა ცოცხალი ორგანიზმის უჯრედი შეიცავდა.
1957-58 წლებში, მეცნიერების, ფრედრიკ კრეინისა და კარლ ქოლკერსის, მიერ შეიქმნა უბიქინონის პრეპარატები და დადგინდა მისი ქიმიური ფორმულა.
1965 წელს იამამურამ, თანამშრომლებთან ერთად, პირველად დაიწყო კოფერმენტ Q-ს გამოყენება გულ-სისხლძარღვთა დაავადებულების სამკურნალოდ.
1978 წელს პიტერ მიჩელმა მოიპოვა ნობელის პრემია ქიმიაში ჟანგვითი ფოსფორილირების პროცესის აღწერისთვის.
1997 წელს დაფუძნდა უბიქინონის შემსწავლელი საერთაშორისო ცენტრი.

ფიზიკო-ქიმიური თვისებები
ქიმიური ბუნებით კოფერმენტ Q-ს აქვს E და K ვიტამინების მსგავსი შენება და წარმოადგენს 2,3-დიმეთოქსი-5-მეთილ-1,4-ბენზოქინონს იზოპრენული ჯაჭვით მე-6 მდგომარეობაში. უბიქინონის გვერდითა ჯაჭვში იზოპრენის ნარჩენების რაოდენობა ორგანიზმში განსხვავდება 6-10 დიაპაზონში და აღინიშნება CoQ6, CoQ7 და ა.შ.
Saccharomyces Cerevisiae-ს უჯრედებში გვხვდება CoQ6; Escherichia Coli – CoQ8; მღრღნელების ორგანიზმში - CoQ9, ადამიანისა და სხვა ძუძუმწოვრების მიტოქონდრიებში გვხვდება - CoQ10.
კოფერმენტ Q წარმოადგენს მოყვითალო-მონარინჯისფრო კრისტალს, გემოსა და სუნის გარეშე. ლღვება - 49-51°C ტემპერატურაზე. მარტივად იხსნება დიეთილურ ეთერში, შედარებით ნაკლებად - ეთანოლში და პრაქტიკულად არ იხსნება წყალში. სინათლეზე თანდათანობით იშლება და იცვლის შეფერილობას. წყალში ქმნის 10%, 20% და 40%-იან ემულსაის.
ორგანიზმში სინთეზირდება მევალონის მჟავისგან (Mevalonic acid) და თიროზინისა და ფენილალანინის ნარჩენებისგან.

ბიოქიმიური როლი
კოფერმენტ Q მონაწილეობას იღებს ჟანგვით ფოსფორილირების რეაქციაში, წარმოადგენს მიტოქონდრიაში ელექტრონების გადატანის ძირითად ელემენტს. უბიქინონის ინჰიბიტორები აჩერებენ ჟანგვითი ფოსფორილირების რეაქციას.
კოფერმენტ Q მონაწილეობას ღებულობს ელექტრონების გადატანაში NADH-დიჰიდროგენაზის კომპლექსიდან (კომპლექსი 1) და სუქცინატდეჰიდროგენაზის კომპლექსიდან (კომპლექსი 2) მე-3 კომპლექსზე, რითაც მას აქვს ატფ-ის სინთეზში მონაწილე უმთავრესი ელემენტის სტატუსი (კრებსის ციკლი).
აგრეთვე კოფერმენტ Q წარმოადგენს ანტიოქსიდანტს და სხვა ანტიოქსიდანტებისგან განსხვავებით რეგენირირდება ორგანიზმში. ამის გარდა, კოფორმენტ Q აღადგენს E ვიტამინის - α-ტოკოფეროლის ანტიოქსიდანტურ აქტივობას.

სასარგებლო თვისებები
კოენზიმ Q10 - ეს არის ყველაზე ცნობილი კოფერმენტი, რომელზეც უამრავი სამეცნიერო პუბლიკაცია არის დაწერილი და აღწერილია მისი ყველა დადებითი და უარყოფითი მხარე. ახლა კი მოკლედ გავეცნოთ მათ:
1. კოენზიმ Q10 გამოყენება კარდიოლოგიაში
Cochrane-ის მიერ, 2014 წლის მეტაანალიზით დადასტურდა, რომ კოენზიმ Q10 არ ღებულობს მონაწილეობას გულის უკმარისობის მკურნალობის პროცესში. თუმცა მისი გამოყენება მიზანშეწონილია პროფილაქტიკის მიზნით. კარდიოლოგთა მსოფლიიო ასოციაცია კოენზიმ Q10-ის გამოყენებას გვირჩევს სხვადასხვა დაავადებების პროფილაქტის მიზნით: გულის უკმარისობა; იშემიური დაავდებები; ათეროსკლეროზი; არტერიული ჰიპერტონია; კარდიომიოპათია; მიოკარდის დიასტოლური დისფუნქცია; მიოკარდიუმის სხვადსხვა დაზიანება და სხვა. მართალია კოენზიმ Q10 არ არის ჯადოსნური წამალი, თუმცა მისი მოხმარება ამ და სხვა დაავადებების დროს ამცირებს დაავადების გართულებასა და მის მიმდინარეობას. ამის შესახებ ჩატარებულია უამრავი კვლევა და თუ გსურთ დეტალურად გაგაცნობთ ლიტერატურასა და კვლევებს.
2. მონაწილეობს რეპროდუქციული ფუქციის გაუმჯობესებაში
მოკლედ აღვწერ მის ზემოქმედებას: იცავს კვერცხუჯრედს ნაადრევი მჟანგავი დაზიანებისგან; ზრდის განაყოფიერების შანსს; აუმჯობესებს სპერმატოზოიდების ხარსიხს. ამ შემთხვევაში დიდი მნიშვნელობა აქვს კოენზიმ Q10-ის ანტიოქსიდანტურ ფუნქციას.
3. იცავს კანის სილამაზესა და ახალგაზრდობას
როგორც ენერგიის წარმომქმნელი და ანტიოქსიდანტი CoQ10 (სახის სახცისა და საკვები დანამატების სახით) იცავს კანს ულტრაიისფერი გამოსხივებისაგან, აღადგენს კანის სტრუქტურასა და რამდენიმე კვლევაში ნახსენებია, რომ მას იყენებენ კანის კიბოს პროფილაქტიკის დროს.
4. CoQ10-ს აქვს უნარი შეამციროს შაკიკის შეტევები
მიტოქონდრიების ანომალური მუშაობა დიდი რაოდენობით შთანთქავს კალციუმს, რაც იწვევს თავისუფალი რადიკალების ზედმეტი რაოდენობით გამოყოფას და არღვევს ატიოქსიდანტურ დაცვას. ეს თავის მხრივ აქვეითებს თავის ტვინის უჯრედების ენერგეტიკულ მდოგმარეობას და იწვევს შაკიკს (შაკიკის განვითარების ერთ-ერთი მიზეზი). ვინაიდან CoQ10 უშუალოდ მონაწილეობს მიტოქონდრიებში ელეტროლიტების ტრანსპორტში და კრებსის ციკლის ერთ-ერთი უმთავრესი წარმომადგენელია, ის აღადგენს მიტოქონდრიების მუშაობასა და აქვეითებს შაკიკის დროს თავის ტვინის სისხლძარღვების ანთებით პროცესებს. ყველაზე დიდმა კვლევამ, რომელიც ჩატარდა 1550 ადამიანზე, აჩვენა რომ CoQ10-ს მუდმივი მიღება ამცირებს თავის ტკივილს, ხოლო მათ ვისაც აქვთ CoQ10-ის დეფიციტი შაკიკის შეტევები უხშირდებათ. პირდაპირ ვერ ვიტყვით, რომ CoQ10 უშუალოდ კურნავს შაკიკსა და თავის ტკივილს, თუმცა ის მიეკუთვნება საუკეთესო საპროფილაქტიკო ნუტრიენტს.
5. CoQ10-ის გამოყენება სპორტსმენებში
ერთ-ერთ კვლევაში გადავაწყდი CoQ10-ის მოქმედებას ფიზიკური აქტივობების დროს. მართალია კვლევაში აღწერილი არ იყო თუ ვისზე ჩატარდა ექსპერიმენტი, მაგრამ საუკეთესო მაგალითია. სპორტსმენები, რომლებიც დამატებით ღებულობდნენ 800 მგ CoQ10-ს დღეში, 60 დღის მანძილზე, აჩვენეს უჯრედთა მჟანგავი სტრესის შემცირება და წინა საშეჯიბრო პერიოდთან შედარებით უკეთესი სპორტული შედეგი დადეს. ლოგიკურად რომ ვიმსჯელოთ, CoQ10-მა, მისი ბიოქიმიური თვისებებიდან გამომდინა, უნდა უზრუნველყოს ძალისა და ამტანობის ზრდა, აგრეთვე უნდა მოგვცეს საკმაოდ კარგი აღდგენა. სპორტსმენებისთვის მისი გამოყენება მიზანშეწონილია, როგორც კარდიოპროტექტორი ნივთიერება, რომელიც მათ გულის კუნთს ენერგიით გააჯერებს.
6. CoQ10 მონაწილეობს უჯრედის რეცეპტორების მგრძნობელობის გაზრდაში ინსულინის მიმართ, ამცირებს შაქრის რაოდენობას სისხლში, ასტიმულირებს ცხიმის უჯრედების გადატანას მიტოქონდრიაში, ამცირებს მეორე ტიპის დიაბეტის განვითარების რისკს.
7. CoQ10 დადებითად მოქმედებს თავის ტვინის უჯრედების კვებაზე და ენერგეტიკულ ფუნქციებზე. აუმჯობესებს კოგნიტურ თვისებებს.

ამის გარდა არსებობს უამრავი კვლევა CoQ10-ის დადებითი შედეგების შესახებ ცნს-ზე, სასუნთქ, რეპროდუქციულ და გულ-სისხლზარღვთა სისტემებზე. ყველა მათგანის აღწერვა და შესწავლა გაცილებით დიდ დროს წაიღებს. სწორედ ამიტომ ვეცადე მოკლედ მეთქვა მისი დადებითი ფუნქციების შესახებ. მაგრამ ძალიან ცოტა პუბლიკაციაა მის უარყოფით თვისებზე. წარმოგიდგენთ ერთ-ერთი კვლევის დასკვნითი სიტყვის ამონარიდს.

იუტას უნივერსიტეტის ფარმაციის ფაკულტეტის პროფესორი Laura Shane-McWhorter თავის სადისერტაციო ნაშრომში სრულად აღწერს CoQ10-ის უამრავ დადებით თვისებებს და ამავდროულად დასკვნაში ახსენებს: -“მიუხედავად უამრავი დადებითი თვისებისა, პრაქტიკაში ვხვდებით CoQ10-ის ჰიპერდოზირებას. ის ვლინდება საჭმლის მომნელებელი სისტემის აშლილობებითა (მადის დაკარგვა, ტკივილი მუცელში, გულძმარვა, გულისრევა, ღებინება) და ცნს-ის დაზიანების სიმპტომატიკით (თავბრუხვევა, სინათლის აუტანლობა, გაღიზიანებადობა, თავის ტკივილი). ზოგიერთ პაციენტში ამის გარდა ვლინდება - ქავილი, გამონაყარი, ძლიერი დაღლილობა და გაციების მაგვარი სიმპტომები. CoQ10 აქვეითებს ვარფარინის მოქმედებას. კიდევ სრულად არ არის შესწავლილი სხვა პრეპარატებთან მისი ურთიერთქმედება. სწორედ ამიტომ ჩვენ ზუსტად უნდა განვსაზღვროთ მომხარებლისთვის საჭირო CoQ10-ის რაოდენობა...“

CoQ10-ის დღიური ნორმა
• კლინიკურად ჯანმრთელი ადამიანი, რომელიც არ ტვირთავს საკუთარ თავს, პირველი სამი კვირა, ყოველდღე, ღებულობს 200-300 მგ CoQ10-ს, ხოლო სამი კვირის შემდეგ ყოველდღიურად 100 მგ.
• ჯანმრთელი ადამინი, რომელიც ვარჯიშობს ფიტნეს დარბაზში და/ან აქვს ქრონიკული ნერვული გადატვირთვა, აუცილებლად ღებულობს 200-300 მგ CoQ10-ს ყოველდღიურად.
• ჰიპერტონიისა და არითიმიის დროს - 200 მგ CoQ10;
• გულის უკმარისობის დრო - 300-600 მგ CoQ10 (მხოლოდ ექიმის დანიშნულებით);
• პროფესიონალი სპორტსმენები - 300-600 მგ CoQ10 (რაოდენობა განსაზღვრულია დატვირთვისა და სპორტის სახეობის მიხედვით).
დღიური რაოდენობა უნდა გადანაწილდეს 2-3 მიღებაზე, რადგან მივაღწიოთ გაცილებით დიდ კონცენტრაციას სისხლში, ვიდრე ერთჯერადი მიღების დროს.

კოფერქმენტ Q-ს რაოდენობა საკვებში - მგ/100გრ
- სოიოს ზეთი - 8.7 მგ;
- ქოქოსის წითელი ზეთი - 5.4 მგ;
- შემწვარი საქონლის ხორცი - 3,1 მგ;
- მიწისთხილი - 2.8 მგ;
- სელდი - 2.7 მგ;
- შემწვარი წიწილა - 1,6 მგ;
- ორაგული - 1,1 მგ;
- მოხარშული ბროკოლი - 0,5 მგ;
- მოხარშული ყვავილოვანი კომბოსტო - 0,4 მგ;
- ფორთოხალი - 0,2 მგ;
- მარწყვი - 0,1 მგ;
- მოხარშული კვერცხი - 0,1 მგ.

26/01/2020

👨‍⚕️👨‍🏫🥼💊💉🧪🌡🧬🧬🧬

COLLAGEN - კოლაგენი

ადამიანის სხეულის 50% შემაერთებელი ქსოვილისგან შედგება. კანქვეშა უჯრედისის შემაერთებელი ქსოვილი, ძვლები და კბილები, მყესები და კუნთების ფასციები, კანი და პარენქიმული ორგანოების შიდაორგანული სტრომა, ნერვული ქსოვილი და პერიტონეუმი - ამ ყველაფერს ქმნის შემაერთებელი ქსოვილი.
სხეულში განარჩევენ შემაერთებელი ქსოვილის 5 ძირითად ბოჭკოს:
- ღრუბლისებრი უჯრედი - იგივე მასტოციტი, დიდი რაოდენობით გვხვდება ლიმფურ კვანძებში, ელენთასა და ძვლის ტვინში, სისხლში მისი ანალოგია ბაზოფილი. შეიცავენ მეტაქრომატული შეღებვის ციტოპლაზმურ გრანულებს, რომელიც შეიცავს ჰეპარინს, სეროტონინსა და ჰისტამინს. მონაწილეობენ ანთების, სისხლის შედედების, ალერგიული რეაქციების ინიცირებისა და სხვა პროცესებში. ღრუბლისებრი უჯრედების ზედაპირს აქვთ იმუნოგლობულინ E-თვის განკუთვნილი რეცეპტორები.
- რეტიკულური ბოჭკო - III ტიპის კოლაგენური ბოჭკო, რომელიც მონაწილეობს სისხლძარღვების კედლის შენებასა და ნაყოფის კანის ფორმირებაში.
- ელასტიური ბოჭკო - ელასტიური სტრუქტურების ძირითადი შემადგენელი ნაწილი.
- კოლაგენური ბოჭკო - შემაერთებელი ქსოვილის ძირითადი საშენი სტრუქტურული ერთეული.
- ფიბრობლასტი - არის სომატური უჯრედი, რომელიც შეიცავს დიდი რაოდენობით რიბოსომებს, უჯრედშორისი მატრიქსის ცილებისა (კოლაგენი, ელასტინი) და მუკოპოლისაქარიდების სინთეზისა და სეკრეციისთვის.
შემაერთებელი ქსოვილის ნაირსახეობებს, მიუხედავად მათი ფუნქციური განსხვავებისა, აქვთ შენების ერთი ძირითადი პრინციპი:
1. შემაერთებელი ქსოვილის უჯრედშორისი ნივთირება გაცილებით დიდ ფართობს იკავებს, ვიდრე უჯრედის ორგანელები;
2. შემაერთებელი ქსოვილისთვის დამახასიათებელია სპეციფიური ბოჭკოვანი სტრუქტურა;
3. შემაერთებელი ქსოვილის უჯრედშორის ნივთიერებას აქვს საკმაოდ რთული ქიმიური შემადგენლობა.

შემაერთებელი ქსოვილის ძირითადი საშენი კომპონენტია კოლაგენური ბოჭკო. ის ძირითადად შედგება ცილა - კოლაგენისგან. კოლაგენი ადამიანის სხეულში შემავალი ცილების 25-33%-ს წარმოადგენს.
კოლაგენური ბოჭკო შედგება სიგრძეში გაშლილი ფიბრილებისგან, რომელსაც ტროპოკოლაგენს უწოდებენ.
ეს ყველაფერი ცოტა რთულად ჟღერს, მაგრამ უნდა გავითავისოთ თუ რა არის „კოლაგენური ბოჭკო“ და „კოლაგენი“.
კოლაგენური ბოჭკო ეს არის მხოლოდ მორფოლოგიური დასახელება, რომელსაც არანაირი კავშირი არ აქვს თავად ცილა კოლაგენთან. ის წარმოადგენს ჰეტეროგენულ წარმონაქმნს, რომელშიც კოლაგენის გარდა შედის სხვა სტრუქტურული ერთეულები.
ცილა კოლაგენი - ასე არის იგივე ტროპოკოლაგენის მოლეკულა. კოლაგენი გამოირჩევა უდიდესი სიმკვრივითა და პრაქტიკულად არ იწელება. მას შეუძლია გაუძლოს მის მასასთან შედარებით 10000-ჯერ მძიმე დატვირთვას. მისი უჩვეულო მექანიკური თვისებები დამოკიდებულია პირველადი და სივრცული სტრუქტურებით. კოლაგენის მოლეკულა შედგება სამი პოლიპეპტიდური ჯაჭვისგან, რომელსაც α-ჯაჭვებს უწოდებენ. იდენტიფიცირებულია 20-ზე მეტი α-ჯაჭვი, რომელთა უმრავლესობა შეიცავს 1000 ამინომჟავაზე მეტს, მაგრამ ჯაჭვი მნიშვნელოვნად განსხვავდება ამინომჟავათა თანწყობით სხვა ცილებთან შედარებით. კოლაგენის შემადგენლობასი შესაძლოა შედიოდეს 3 ერთნაირი ან სრულიად განსხვავებული ჯაჭვი.
ერთ-ერთი ყველაზე საინტერესო არის ის, რომ ცილის 1/3-ს მოიცავს გლიცინი, 1/3-ს პროლინი და 4-ჰიდროქსიპროლინი, დაახლოებით 1%-ს ჰიდროქსილიზინი. ზოგიერთი მოლეკულა, მაგრამ იშვიათად, 3-ჰიდროქსიპროლინს.
ამინომჟავების თანმიმდევრობისა და შემადგენლობის მიხედვით გამოყოფენ კოლაგენის ოთხ ტიპს:
I. პირველი ტიპი - პოლიპეპტიდური ჯაჭვით [α1(I)]*2 და α2, ძირითადად შედის კანის, ძვლების, მყესებისა და თვალის ბადურის შემადგენლობაში;
II. მეორე ტიპი - პოლიპეპტიდური ჯაჭვით [α1(II)]*3, ძირითადად შედის ხრტილისა და მინისებრი სხეულის შემადგენლობაში;
III. მესამე ტიპი - პოლიპეპტიდური ჯაჭვით [α1(III)]*3, მონაწილეობს სისხლძარღვის კედლისა და ნაყოფის კანის შენებაში;
IV. მეოთხე ტიპი - პოლიპეპტიდური ჯაჭვით [α1(IV)]*3, მონაწილეობს ბაზალური მემბრანის სტრუქტურის ჩამოყალიბებაში.
ისევე როგორც ყველა ცილა, კოლაგენი სინთეზირდება თავისუფალი ამინომჟავების ნარჩენებით უჯრედების მიერ. კოლაგენისთვის დამახასიათებელი თავისუფალი ამინომჟავების ნარჩენები ჰიდროქსიპროლინი და ჰიდროქსილიზინი არ ყალიბდება შესაბამისი თავისუფალი ამინომჟავებით. საწყის ეტაპზე უნდა მოხდეს პროლინისა და ლიზინის ჩართვა პოლიპეპტიდურ ჯაჭვში; შემდეგ მათი ჰიდროლიზირება ფერმენტებით პროლილჰიდროქსილაზასა და ლიზილჰიდროქსილაზას მეშვეობით კოფაქტორ - ასკორბინის მჟავას დახმარებით.

როგორ ხდება კოლაგენური ბოჭკოს ჩამოყალიბება?
პირველ ეტაპზე უნდა მოხდეს ფიბრობლასტებში სამმაგი პოლიპეპტიდური ჯაჭვის ჩამოყალიბება რასაც შესაბამისი თანმიმდევრობა აქვს: ჯერ ყალიბდება ერთი პოლიპეპტიდური ჯაჭვი, შემდეგ ხდება მისი პოსტტრანსლაციური მოდიფიცირება (ჰიდროლიზირება) და ბოლოს იკვრება სამმაგი სტრუქტურა სამი პოლიპეპტიდური ჰიდროლიზირებული ჯაჭვისგან. შემდეგ სამმაგი სტრუქტურა სეკრეტირდება უჯრედშორის სივრცეში და გარდაიქმნება პროკოლაგენის კონაში. პეპტიდური კავშირების ჰიდროლიზირება გარდაქმნის მას ტროპოკოლაგენის კონებში. უჯრედის კედლის მახლობლად ხდება არასრული კოლაგენის ბოჭკოს აწყობა და უშუალოდ უჯრედში მიმდინარეობს კოლაგენის ბოჭკოს ჩამოყალიბება.
ეს არის მარტივი ახსნა იმისა თუ როგორ ყალიბდება კოლაგენის ბოჭკოები. თუმცა ეს პროცესი გაცილებით ფართო მასშტაბიანია.
არსებობს რიგი დაავადებების, რომელიც გამოწვეულია კოლაგენის სტრუქტურის ან სინთეზის დარღვევით. მათ კოლაგენოზებს უწოდებენ. მსგავსი დაავადებები საკმაოდ პოლიმორფული გამოვლინებით ხასიათდება. ამ დროს, გარდა კანისა და ძვლის დაზიანებისა, ზიანდება საჭმლის მომნელებელი სისტემა, თირკმელი, გული და სასუნთქი სისტემა. კოლაგენოზებს მიეკუთვნება: არასრული ოსტეოგენეზი, ელერს-დანლოსის სინდრომი, მარფანის სინდრომი და ცინგეს დაავადება.

რისთვის გვჭირდება კოლაგენი?
კოლაგენი საჭიროა:
1. სახსრების სტრუქტური აღდგენა - კვლევები ადასტურებს, რომ კოლაგენს ქონდროიტინ სულფატთან და გლუკოზამინთან ერთად აქვს ანთების საწინააღმდეგო და აღმდგენი თვისებები.
2. კანის გაახალგაზრდავება - ზრდის კანის ელასტიურობასა და აღადგენს მის სტრუქტურას. 2014 წელს გამოქვეყნებული იყო რამდენიმე რანდომიზირებული კვლევა, რომელიც ჩაატარეს 40-55 წლის ქალბატონებში. კვლევის შედეგებმა აჩვენა, რომ კოლაგენის მუდმივი მიღება 12 კვირის მანძილზე, ზრდის კანის ელასტიურობასა და ამცირებს ნაოჭებს რაოდენობას. აგრეთვე 2015 წლის კვლევით დადგინდა, რომ პირველი ტიპის კოლაგენი ამცირებს ცელულიტის განვითარებას.
3. კუნთების ზრდა - კოლაგენი წარმოადგენს კუნთოვანი ფასციების ძირითად შემადგენელ ნაწილს. ამის გარდა, კოლაგენი დიდი რაოდენობით შეიცავს ამინომჟავა გლიცინს, რომელიც მონაწილეობს კრეატინის სინთეზში. 2015 წელს გერმანელმა მეცნიერება გამოაქვეყნეს კვლევა, თუ როგორი შედეგი ჰქონდა კოლაგენის გამოყოფას სარკოპენიის (მდგომარეობა როდესაც კუნთის მასა იკარგება დაბერების პროცესში). 12 კვრიანმა კვლევამ 55-65 წლის მამაკაცებში აჩვენა, რომ პაციენტები რომელიც ღებულობდნენ კოლაგენს, არა მხოლოდ შეუნარჩუნდათ კუნთოვანი მასა, არამედ მისი რაოდენობა გაიზარდა და ამის გარდა მოხდა ცხიმის რაოდენობის შემცირებაც.

როგორი სახის კლაგენის მიღება შეგვიძლია საკვები დანამატების სახით?
დღევანდელ გარემოში კოლაგენის მიღება ხშირ შემთხვევაში აუცილებელია. გარდა საკვები დანამატებისა კოსმეტიკის ბაზარზე გვხვდება კრემებისა და ინექციების სახითაც. განასხვავებენ რამდენიმე სახის კოლაგენს:
1. თევზის კოლაგენი - მისი მიღება ხდება თევზის კანისა და ხრტილისგან.
2. ცხოველური კოლაგენი - ყველაზე გავრცელებული სახეა, რომელსაც ღებულობენ საქონლის ხრტილისგან.
მიუხედავად იმისა, რომ მათი სტრუქტურა ძალიან ახლოს დგას ადამიანის კოლაგენის სტრუქტურასთან, მას სჭირდება სხვა დამატებითი კომპონენტები სრული ათვისებისთვის;
3. ჰიდროლიზირებული კოლაგენი - მისი წარმოქმნა ხდება ლაბორატორიული მეთოდებით არასრული პეპტიდებისგან. პეპტიდების გამოსაყოფად გარდა თევზისა და საქონლის ხრტილისა, იყენებენ მცენარეულ კომპონენტებსაც - მაგალითად ხორბლის ცილა. ჰიდროლიზირებული პეპტიდური კოლაგენი, თევზისა და საქონლის კოლაგენისგან განსხვავებით, ნაკლები ზომის არის, რაც ხელს უწყობის მის მარტივ ათვისებას და ზრდის შეწოვის ხარისხს.

როგორ ავითვისოთ კოლაგენი სრულად?
საკვები დანამატის სახით მიღებული კოლაგენის ათვისებისთვის ჩვენ დამატებით გვჭირდება C ვიტამინი და თუთია. საჭმლის მომნელებელ სისტემაში მოხვედრის შემდეგ, კოლაგენი იშლება ჯერ პოლიპეპტიდურ ჯაჭვებად, შემდეგ ხდება ამინომჟავებად და მხოლოდ ამის შემდეგ ჰიდროლიზირდება, რასაც თუთია და C ვიტამინი ესაჭიროება. თუმცა უკვე გამზადებულ ჰიდროლიზირებულ პეპტიდურ კოლაგენს მსგავსი დანამატები აღარ ესაჭიროება.

დასკვნისთვის გეტყვით, რომ კოლაგენის მიღება დღევანდელი კვებისა და გარემო პირობებში არის აუცილებელი. უბრალოდ სწორად უნდა განსაზღვროთ რომელი ტიპის კოლაგენი გესაჭიროებათ და რომელ დამხმარე კომპონენტებთან ერთად უნდა მიიღოთ ის. მაქსიმალურად შევეცადე ინფორმაცია შემემცირებინა და იმედი მაქვს გასაგებად ავხსენი ყველაფერი. ეს საკმაოდ დიდი თემაა და თუ კითხვები გაგიჩნდებათ შეგიძლიათ უპრობლემოდ შემეკითხოთ. გისურვებთ ჯანმრთელად ყოფნას !!!

11/01/2020

04/01/2020

11/12/2019

MuscleTech Hydroxycut SX-7 Black Onyx Non-Stimulant
ფასი - 33$

ეს არის ულტრათანამედროვე და უძლიერესი ფორმულა თანამედროვე სპორტული საკვები დანამატების ბაზარზე. იგი შეიცავ 7 ლაბორატორიულად მუშა ინგრედიენტს, რომელთა კომბინაცია მხოლო ამ პროდუქტშია წარმოდგენილი. ეს ფორმულა გაცილებით სჯობს ყველა სხვას, რომელიც აქამდე შექმნილა. მისი მთავარი ფუნქციაა ექსტრემალური ენერეგიისა და გონებრივი კონცენტრაციის გაზრდა. ამასთან ერთად უზრუნვეყოფს ცხიმის მეტაბოლიზმში მის ძლიერ ჩართულობას. მის ძირითად ინგრედიენტებს მიეკუთვნებიან:
1. SALVIA MILTIORRHIZA - ტრადიციული გამოყენების მცენარეული ექსტრაქტი, რომელიც შეიცავს სხვადასხვა სახის ფენოლურ მჟავებს, როგორიცაა Danshensu და salvianolic acid. აგრეთვე დიტერპინულ ნაერთს, როგორიცაა cryptotanshinone.
2. COLEUS - უძველესი სუბტროპიკული ბალახი. მისი მოქმედება ძლიერდება კოფეინთან ურთიერთქმედებისას, რაც აძლიერებს სრული კომპლექსის მოქმედებას.
3. THEANINE - ამინომჟავა, რომელიც უზრუნველყოფს ნეიროსენორული მდგომარეობის გაუმჯობესებას.
4. CAFFEINE ANHYDROUS - მეცნიერულად ყველაზე შესწავლილი ნივთიერება, რომელიც უზრუნველყოფს თერმული დონის, ენერგიისა და გონებრივი კონცენტრაციის ზრდას.
5. YOHIMBE BARK EXTRACT - ეს არის ექსტრაქტი რომელიც დიდი რაოდენობით შეიცავს შეუცვლელ კომპონენტებს yohimbine და rauwolscine.
6. GREEN COFFEE BEAN EXTRACT - მისი და ქლოროგენული მჟავის კომბინაციით ექსპერიმენტის წევრები 8 კვირის განმავლობაში იკლებდნენ 5 კგ კანქვეშა ცხიმს, ხოლო ინტენსიური დატვირთვისა და დიეტის ფონზე ეს რიცხვი მნიშვნელოვნად იზრდებოდა.
7. SATSUMA ORANGE SUPPLYING BETA-CRYPTOXANTHIN - უძველესი იაპონური ციტრუსის ნაყოფი, რომელიც დიდი რაოდენობით შეიცავს უნიკალურ, აქტიურ კაროტინოიდს - ბეტა-კრიპტოქსანტინს.

Hydroxycut SX-7 Black Onyx შემადგენლობა - 1 აბი:
• C. canephora robusta extract (robusta coffee) (bean) - 200 mg
Standardized for 45% chlorogenic acids
• Caffeine Anhydrous - 145 mg
• Coleus root extract (as Coleus forskohlii) - 50 mg
Standardized for 10% forskolin
• L-Theanine - 50 mg
• Salvia root extract (as Salvia miltiorrhiza) - 25 mg
Standardized for 7% salvianolic acid
• Yohimbe bark extract (as Pausinystalia yohimbe) - 20 mg
Standardized for 6% yohimbine
• Satsuma mandarin pulp concentrate (as Citrus unshiu) Supplying 0.2% beta-cryptoxanthin - 2 mg

Hydroxycut SX-7 Black Onyx მიღების წესი:
1-4 დღე - 1 კაფსულა 1-ჯერ დღეში
მე-5 დღის შემდეგ - 2 კაფსულა ვარჯიშამდე 30-45 წუთით ადრე.
არ მიიღოთ რეკომენდირებულ დოზაზე მეტი და დაძინებამდე 5 საათით ადრე. მიღების შემდეგ სვით ბევრი წყალი. დანამტის გამოყენება რეკომედირებულია დაბალკალორიული დიეტისა და ინტენსიური ვარჯიშების ფონზე.
გაფრთხილება!!!
MuscleTech Hydroxycut SX-7 Black Onyx შექმნილია ჯანმრთელი და 18 წელს მყოფი პირებისთვის. არ გამოიყენოთ ოორსულებმა და მეძუძურმა დედებმა. არ გამოიყენოთ ეს პროდუქტი, თუ თქვენ გაქვთ რაიმე სერიოზული დაავადება. თუ არ იცით თქვენი ჯანმრთელობის მდგომარეობა ან ეჭვობ რომ გაქვთ რაიმე პრობლემა პროდუქტის გამოყენებამდე მიმართეთეთ მედიცინის მუშაკს. არ გამოიყენოთ პროდუქტი თუ თქვენ გაქვთ აუტოიმუნური დარღვევები, დეპრესია, უძილობა, დიაბეტი, მაღალი/დაბალი არტერიულილ წნევა. არ გამოიყენოთ ეს პროდუქტი თუ თქვენ ღებულობთ ფარმაცევტულ მედიკამენტებს. მაგალითად - სედატიური პრეპარატები, ანტიდეპრესანტები, კორტიკოსტეროიდები, იმუნოსუპრესანტები, ანტიკოაგულანტები, კონტრაცევტივები, მაღალი ან დაბალი წნევის საკორექციო პრეპარატები, დიაბეტის სამკურნალო პრეპარატები. არ მიიღოთ ეტიკეტზე მითითებულ რაოდენობაზე მეტი. რაიმე უცნაური რეაქციის შემთხვევაში სეწყვიტეთ პროდუქტის მირება და მიმართეთ ექიმს. შეინახეთ მშრალ და ბავშვებისთვის ხელმიუწვდომელ ადგილას.

17/11/2019

ეს არის კომპანია, რომელსაც სპორტული კვების ბაზარზე არ ჰყავს ანალოგი, ვინაიდან მათ პროდუქციას აქვს სამედიცინო პატენტები. მათ აქვთ უამრავი და სრულიად ახალი პროდუქცია, რომელთა ნაწილი აქ არის წარმოდგნეილი.