10/09/2025
🌍 ინოვაცია თირკმლის ქრონიკული უკმარისობის მქონე პაციენტებისთვის: ახალი მიდგომის ფორმირება ცენტრალური ვენის სტენოზის მქონე დიალიზზე დამოკიდებულ პაციენტებში.
2025 წლის 22-23 აგვისტოს, კომპანია "ინტერმედსერვის ჯორჯიას" მნიშვნელოვანი ჩართულობით, ნ.ბოხუას სახელობის გულსსისხლძარღვთა კლინიკაში გაიმართა ThinkEducation Dialysis Access Course. აღნიშნული პროგრამა შეეხებოდა ცენტრალური ვენის სტენოზისა და ოკლუზიის პრობლემებისათვის განკუთვნილ თანამედროვე მიდგომებს ბოლო სტადიის თირკმლის უკმარისობის (ESRD) მქონე პაციენტებში. ოპერაცია ჩატარდა ანგიოქირურგების გოჩა ჩანქსელიანისა და თორნიკე გიორგიშვილის მიერ.
🏥 განსაკუთრებული მადლობა ეკუთვნის კლინიკის გუნდს ვახტანგ და კოტე ყიფიანების ხელმძღვანელობით, საოპერაციო და საკონფერენციო სივრცეების უზრუნველყოფისა და პაციენტების ოპერაციისთვის პირობების მომზადებისთვის, ასევე, ამ მნიშვნელოვანი პროცესის ორგანიზებისთვის.
🙏 ასევე, გულწრფელ მადლობას ვუხდით პროფესორ გურკან სენგოლგეს მისი გამორჩეული ლიდერობისა და პრაქტიკული ხელმძღვანელობისთვის 4 პაციენტის Hero Graft-ის live რეჟიმში იმპლანტაციის პროცესში. მისი გამოცდილება ძალიან მნიშვნელოვანი აღმოჩნდა აღნიშნული კურსისთვის.
👏არ შეიძლება არ აღინიშნოს კომპანია Merit Medical-ის მნიშვნელოვანი ღვაწლი, ელენა ასტაფევას, MD (Elena Astafeva, MD) და ნურიმ მადენოვის (Nurym Madenov) ჩართულობით, რომელთა დიდმა მხარდაჭერამ ღონისძიების წარმატება უზრუნველყო.
💡 აღნიშნულმა კურსმა მნიშვნელოვანი გავლენა მოახდინა ESRD პაციენტების მკურნალობაზე, ექიმებს კი მისცა პრაქტიკული და სტრატეგიული ცოდნა სისხლძარღვთა ხელმისაწვდომობის ხანგრძლივი შენარჩუნებისთვის.
✅️ შეჯამების სახით უნდა ითქვას, რომ ცენტრალური ვენის სტენოზი დიალიზზე დამოკიდებულ პაციენტებში წარმოადგენს სერიოზულ ბარიერს დიალიზის ეფექტურობისთვის, თუმცა, ისეთი თანამედროვე მიდგომები, როგორიცაა ამერიკული მაღალტექნოლოგიური კომპანია Merit Medical-ის წარმოებული სისტემა HeRO graft-ი, ქმნის ახალ პერსპექტივებს მკურნალობის ინდივიდუალიზაციისა და ეფექტიანობის გაუმჯობესებისთვის. სასიხარულოა, რომ ზემოხსენებული უნიკალური პროექტის განხორციელებაში უდიდესი წვლილი მიუძღვის კომპანია "ინტერმედსერვის ჯორჯია"-ს და ნ.ბოხუას სახელობის კარდიოვასკულარული ცენტრის შესანიშნავ გუნდს!
