28/04/2026
მიმდინარე წლის 9-12 აპრილს, ჩინეთში, ქალაქ შანხაიში გაიმართა რიგით 93-ე საერთაშორისო სამედიცინო გამოფენა (CMEF), რომელშიც 5 000-ზე მეტი კომპანია მონაწილეობდა.
ღონისძიების ძირითადი მიმართულებები იყო:
✅ ხელოვნური ინტელექტი ჯანდაცვაში;
✅ სამედიცინო ვიზუალიზაცია;
✅ In-vitro დიაგნოსტიკა;
✅ სამედიცინო ელექტრონიკა და ოპტიკა;
✅ ჭკვიანი სამედიცინო მოწყობილობები და ორთოპედია.
კომპანია „დუალმაინდი“-ს გუნდი აქტიურად მონაწილეობდა გამოფენის პროცესში. ვიზიტის ფარგლებში გაიმართა სამუშაო შეხვედრები პარტნიორებთან და დაიგეგმა ერთობლივი პროექტები საერთაშორისო კომპანიებთან.
გამოფენის მიმდინარეობისას, განსაკუთრებული ყურადღება დაეთმო GE Healthcare -ის ახალი ანგიოგრაფიული სისტემის - Allia Celeo Max-ის პრეზენტაციას. აღნიშნული აპარატი გამოირჩევა მაღალი სიზუსტით, ფართო სამუშაო სივრცით (ღიობით) და ნავიგაციის თანამედროვე შესაძლებლობებით, რაც კრიტიკულად მნიშვნელოვანია რთული პროცესების მართვისას.
🎯 ვიზიტის შედეგად, უკვე დაიგეგმა ახალი პარტნიორების ვიზიტი საქართველოში.
„დუალმაინდი“ აგრძელებს მუშაობას ქვეყანაში თანამედროვე სამედიცინო ტექნოლოგიების დანერგვის მიმართულებით.
