03/01/2026
“ტრანსფორმაციული წრის” მეხუთე შეხვედრა
„ის, რაც გამორიცხულია ოჯახის სისტემაში, შემდგომ თაობებში გამეორდება“ (ჰელინგერი)
ჩრდილი არ არის პიროვნული ხარვეზი. ის არის ის, რაც სისტემამ ერთ დროს ვერ დაიტია და ამიტომ გამორიცხა. გამორიცხული ელემენტები, იქნება ეს ადამიანები, მოვლენები, ემოციები თუ არჩევანები, აგრძელებენ მოქმედებას უხილავ, არაცნობიერ დონეზე და ხშირად განსაზღვრავენ ოჯახური სისტემის წევრის/წევრების ბედისწერას, სიმპტომებსა და ურთიერთობების დინამიკას.
სისტემურ ველში ჩრდილი არ არის მტერი. ის არის ხმა იმისა, რაც ერთხელ იქნა გამორიცხული — დავიწყებული ადამიანი, ჩახშობილი მოვლენა, აუტანელი განცდა ან უარყოფილი ბედი. რაც სისტემამ ვერ დაიტია და რჩება გარეთ, მაგრამ არ ქრება. ის ელოდება თავის დროს, დაძახებას, მოხმობასა და ადგილის მიჩენას პატივისცემით.
ერთდღიანი ვორქშოფი ეძღვნება ჩრდილის ფენომენს სისტემურ ველში: როგორ იქმნება იგი, როგორ ინარჩუნებს სისტემა მის მიმართ ერთგულებას და რა ხდება მაშინ, როცა ჩრდილს ვუბრუნებთ მის ადგილს. განლაგების პრაქტიკის მეშვეობით შეეხებით იმ ფარულ წესრიგს, რომელიც დგას ჩრდილის უკან, და დააკვირდებით, როგორ იბადება მოძრაობა სიმძიმიდან სიმშვიდისკენ, წინააღმდეგობიდან — მთლიანობისკენ.
განლაგების პროცესში ვქმნით სივრცეს, სადაც ჩრდილს შეუძლია გამოჩნდეს არა როგორც საფრთხე, არამედ როგორც წესრიგის მატარებელი. თითოეული მოძრაობა ველში ემორჩილება უხილავ კანონებს — განკუთვნადობას, რიგსა და ბალანსს — და სწორედ ამ კანონებთან შერწყმა ხსნის იმას, რაც დიდხანს იყო შეკრული, შეგუბებული და დავიწყებული.
ჩვენი მიზანი არ არის ცვლილება. ეს არის მოპატიჟება ყოფნისკენ, დანახვისა და აღიარებისკენ; მოპატიჟება იქ, სადაც ჩრდილს უბრუნდება ადგილი, სისტემა მშვიდდება და ენერგია, რომელიც დამალული იყო გამორიცხვაში, სიცოცხლის მსახურებაში ბრუნდება.
ეს ვორქშოფი შენთვისაა, თუ
• გაინტერესებს სისტემური განლაგება როგორც ღრმა, ფენომენოლოგიური და არაინტერვენციული გზა იმასთან შეხვედრისთვის, რაც დიდხანს ჩრდილში იყო;
• მზად ხარ იმასთან შესახვედრად, რაც პატივისცემას ითხოვს და არა -- ინტერპრეტაციას.
დეტალებისა და რეგისტრაციისთვის მიჰყევით ბმულს: https://forms.gle/dGmYmNz1Q7UjgU1Z6
ნებისმიერი კითხვით მოგვწერეთ/დაგვირეკეთ.
