28/01/2022
თუ ექიმს დროულად მიმართავთ
წითელი ფერიმჭამელი ანუ როზაცეა სახის კანის ქრონიკული დერმატოზია,რომელიც ანგიონევროზის თავისებურ ფორმას წარმოადგენს. იგი გამოწვეულია პერიფერიული სისხლის მიმოქცევის ფუნქციური უკმარისობით, მისი ინერვაციის მოშლის გამო,ნიშანდობლივია ის ფაქტიც, რომ როზაცეას გამომწვევი მიზეზი მრავალგვარი შეიძლება იყოს, ამიტომ სავალდებულოა საგულდაგულო კვლევა.
სახის კანის ქრონიკული დერმატოზის გამოვლენას ხელს უწყობს, როგორც შინაგანი ისე გარეგანი ფაქტორები: ცენტრალური ნერვული სისტემისა და შიდა სეკრეციის ჯირკვლების ფუნქციის მოშლა, კუჭნაწლავის ქრონიკული დაავადებები, სიცხეში დიდხანს ყოფნა.
წითელი ფერიმჭამელით უფრო ხშირად ქალები ავადდებიან იგი განსაკუთრებით კლიმაქსის პერიოდში იჩენს თავს. ამ დაავადებისგან არც მოზარდები არიან დაზღვეულნი.
დაავადების ყველაზე თვალშისაცემი სიმტომია სიწითლე, რომელიც უმეტესად ცხვირზე, ნიკაპზე და ლოყებზე შეიმჩნევა,თუმცა შესაძლოა სიწითლე მთელ სახეს მოედოს, ხელით შეხებისას ასეთი კანი ცივია და ნოტიო,შეინიშნება სახის შეშუპება, ქუთუთოს და ხელების კანკალი.
მკურნალობის დაწყებამდე ავადმყოფმა კონსულტაციისთვის უნდა მიმართოს კვალიფიციურ სპეციალისტებს: ენდოკრინოლოგს, ნევროლოგს, თერაპევტს და ა. შ. აქედან გამომდინარე მკურნალობაც კომპლექსურია.
ავადმყოფი უნდა ერიდოს ტემპერატურის ცვლილებებს, მზის სხივებს, დაიცვას სახე ქარისა და ყინვისგან, კატეგორიულად აკრძალულია ალკოჰოლიანი სასმელების მიღება, ადგილობრივი მკურნალობისას კარგ შედეგს იძლევა კრიოთერაპია ხანგრძლივად(2 თვე) აპლიკაციების სახით, სასუველ შედეგს იძლევა ელექტროკოაგულაციაც.
ქუჩაში გასვლის წინ კარგია თუ წავისვამთ ფოტოდამცველ მალამოებს, ცხელ გარემოს უნდა მოერიდოთ.
ყველა ზემოთ დასახელებული შემთხვევისას მკურნალობა გაცილებით ეფექტური იქნება თუ დროზე მიაკითხავთ ექიმ დერმატო- კოსმეტოლოგს, რომელიც გაგიწევთ კვალიფიციურ მკურნალობას!
ექიმი კოსმეტოლოგი
ჩიტო-ქრისტინე შენგელია ტ 593 380 394 მისამართი ავლაბარი თელავის 45 ა სასტუმრო შერატონის გვერდზე, მეტრო ავლაბარი და 300 არაგველი
