23/06/2025
⚜️ პირველად ბაუს ჰოსპიტალში, კომპანია მაიამედის ხელშეწყობით,ჩატარდა Meril-ის აორტის სარქვლის ტრანსკათეტერული იმპლანტაცია (TAVI)
📍 TAVI – ინოვაციური მიდგომა გულის დაავადებების მკურნალობაში:
TAVI (Transcatheter Aortic Valve Implantation) წარმოადგენს გულის სარქვლის შეცვლის ინოვაციურ და მინიმალურად ინვაზიურ მეთოდს. ტრადიციული ღია ქირურგიული ჩარევისგან განსხვავებით, TAVI პროცედურა ხორციელდება მცირე განაკვეთის მეშვეობით, კათეტერის გამოყენებით, რომელიც სისხლძარღვის გავლით აღწევს გულამდე. ეს მიდგომა მრავალ მნიშვნელოვან დადებით ასპექტს მოიცავს:
✅ მინიმალური ინვაზიურობა: არ საჭიროებს გულმკერდის სრულ გახსნას, რაც ამცირებს ტრავმას და პაციენტის აღდგენის პერიოდს.
✅ შემცირებული რისკები: ნაკლებია ინფექციების, სისხლდენისა და სხვა გართულებების რისკი, განსაკუთრებით ხანდაზმული ან მაღალი რისკის მქონე პაციენტებისთვის.
✅ სწრაფი რეაბილიტაცია: პაციენტები გაცილებით სწრაფად უბრუნდებიან ჩვეულ ცხოვრების რიტმს, ვიდრე ღია ოპერაციის შემდეგ.
✅ ცხოვრების ხარისხის გაუმჯობესება: პროცედურის შემდეგ მნიშვნელოვნად უმჯობესდება პაციენტების სიმპტომები და საერთო მდგომარეობა.
⚜️ კომპანია მაიამედის სახელით მადლობას ვუხდით ბაუს ჰოსპიტალს, ბატონ ირაკლი ხვიჩიას, ბატონ ირაკლი გოგორიშვილსა და მის გუნდს გაწეული თავდაუზოგავი შრომისა და პროფესიონალიზმისთვის.
⚜️ ვულოცავთ სამედიცინო საზოგადოებას და კომპანია მაიამედს ამ დიდ წარმატებას! ეს კიდევ ერთი მნიშვნელოვანი ნაბიჯია საქართველოს სამედიცინო სერვისების ხარისხის გაუმჯობესებისკენ.
Bau International Hospital
