22/04/2025
მარხვის პერიოდში მხოლოდ მცენარეული საკვების მიღებას საჭმლის მომნელებელი ტრაქტი ეჩვევა და რაკი ორგანიზმი ცხოველური ცილებითა და ცხიმებით აღარ იტვირთება, ქვეითდება პანკრეასის მიერ იმ ფერმენტების გამომუშავება, რომელიც მათ გადამუშავებაში მონაწილეობს.
🩺ჩვეულებრივ კვებით რეჟიმზე გადასასვლელად ორგანიზმისთვის აუცილებელია გარკვეული ადაპტაციის პერიოდი. წინააღმდეგ შემთხვევაში ხშირად გასტრიტის, დუოდენიტის, წყლულოვანი დაავადების, პანკრეატიტის, ქოლეცისტიტის, კოლიტის, ჰემოროიდული დაავადების გამწვავება ხდება.
🩺თუკი ცხოველურ საკვებს ერთბაშად მივეძალებით, დისკომფორტს აუცილებლად ვიგრძნობთ კუჭ-ნაჭლავის, გულ-სისხლძარღვთა და ნერვული სისტემის მხირივაც.
ℹ️მარხვის შემდეგ რაციონის მრავალფეროვანი და ბალანსირებული უნდა იყოს, მცენარეული და ცხოველური პროდუქტების ოპტიმალური თანაფარდობაა 3:1.
✅ხანგრძლივი მარხვის შემდეგ ჩვეულებრივ კვებაზე გადასვლა უნდა მოხდეს თანდათანობით – ყოველ კვებაზე მიიღეთ არა უმეტეს თითო ცხოველური პროდუქტისა.
✅გახსნილებისას ცხოველური პროდუქტის მიღება რძის ნაწარმით უნდა დავიწყოთ. ამ მხრივ საუკეთესოა რძემჟავა პროდუქტები - მაწონი, კეფირი, იოგურტი. შემდეგ კი თანდათან გადადით რძეზე, ხაჭოზე, ნაღებზე, კარაქზე, ყველზე.
✅ხსნილის პირველ დღეებში არასამარხვო კერძებიდან მხოლოდ კვერცხი და უკრემო, ნაკლებად მსუყე ნამცხვარი ჭამოთ.
✅ხსნილის პირველ დღეებში შეგიძლიათ მიიღოთ მჭლე, დაქუცმაცებული, მოხარშული, ჩაშუშული ხორცი.
❎ხსნილის პირველი ორი დღის განმავლობაში ნუ მიიღებთ მჟავე საკვებს, ზედმეტად მარილიან და სანელებლებით უხვად შეზავებულ კერძებს.
❎ძნელი მოსანელებელია ხორცისა და სოკოს ან ხორცისა და პარკოსნების კომბინაცია.
❎კატეგორიულად აკრძალულია ალკოჰოლის ჭარბი მიღება.
#კლინიკადადამედი
#დადამედი
