04/10/2024
დღეს კიდევ ერთ უსაყვარლეს ადამიანს გაგაცნობთ - მაინდმეთერსის ჰოლისტიკური პროგრამების წამყვანსა და ასევე ჩემს პარტნიორს პროგრამაში “გამოღვიძება” -
ნინო ჩუბინიძე 💗🌸💗
“მოგესალმებით. 🙏🏻
მე ვარ ნინო ჩუბინიძე, მადლიერი შვილი, დედა, და, მეგობარი, ადამიანი, ვინც სიხარულით, სიყვარულით ვაზიარებ საკუთარ გამოცდილებას და მასწავლებლებისგან გადმოცემულ ყველა იმ პრაქტიკულ ცოდნას, რისი გათავისებაც შევძელი.
✅პირველადი განათლებით ვარ ფილოლოგი, თ.ს.უ.
შინაგანი იმპულსების, ინტერესების გავლენით შევცვალე პროფესია:
ვარ იოგას ინსტრუქტორი, საერთაშორისო ორგანიზაციის, Th Art of Living მიერ სერთიფიცირებული სპეციალისტი. მასწავლებლის მოსამზადებელი კურსები TTC გავლილი მაქვს ინდოეთში, 2011 და 2014 წლებში.
2013-2014 ში შევისწავლე კლინიკური და გამოყენებითი ფსიქოლოგია და არტთერაპია. 2014 წლიდან მაქვს ინდივიდუალური და ჯგუფური მუშაობის უწყვეტი პრაქტუკა არტთერაპიაში.
ასევე, ვარ ნეიროგრაფიკის სპეციალისტი და პოზიტიური ფსიქოკონსულტანტი.
💥 ჩემი განვლილი გზა ჩემი სიმდიდრეა!
ვარ ბედნიერი დედა! ჩემი გოგონა უკვე 29 წლისაა, ის დამოუკიდებელი პიროვნება და ჩემი მეგობარია.💥 ვარ იღბლიანი მოსწავლე:
28 წლის ვხდებოდი, როდესაც ცხოვრების ქარტეხილებით ფრთამოტეხილი ნოდარ მამისაშვილთან მივედი. ''მაესტრო''- ასე მივმართავდი ჩემს მასწავლებელს. იმ დღიდან ჩემი ცხოვრების მატარებელი ახალ რელსებზე გადავიდა, მოტეხილი ფრთებიც გამიმრთელდა, და დღემდე ვაგრძელებ ამ საოცარ მოგზაურობას...
მაესტროს ჯადოსნური მზრუნველობის გავლენით დავიწყე ჯერ წერა, მერე ხატვა. ფურცელზე გადმომქინდა უმოციები, განცდები, შეგრძნებები და გარდა იმისა, რომ ვთავისუფლდებოდი დაძაბულობისგან, ვგრძნობდი სილაღეს, სიხარულს, იქმნებოდა საოცრად საინტერესო და ლამაზი ნამუშევრები.
💥 დრო გადიოდა, ვგრძნობდი, ხატვა საკმარისი არ იყო, სხეული ზრუნვას ითხოვდა...
35 წლის ვიყავი როცა იური წეინაშვილთან მივედი. ''იური მას'' ასე მივმართავდი ჩვენს ოსტატს. მან მაზიარა აღმოსავლური ორთაბრძოლების ენერგეტიკულ ვარჯიშებს.
ვცწკვავდი მასთან ერთად თაი-ჩის, ვლივლივებდი ამ საოცარი ჰარმონიის ტალღებში და
ვგრძნობდი ბედნიერებას...
💥 ჩემი მოგზაურობა გრძელდებოდა: 2008 წელს პირველად ვეზიარე იოგას და მივხვდი, ეს ისაა რასაც ვეძებდი. გავხდი შრი შრი რავიშანკარის მოსწავლე. ''გურუჯი'' ასე მივმართავთ მას. ორჯერ ვიყავი ინდოეთში მასწავლებლის მოსამზადებელ კურსებზე. ეს იყო შეხება სამყაროსთან ჩემში.
მე მადლიერი ვარ რომ მაქვს ბედნიერება გავაზიარო იოგას ფიზიკური, სუნთქვითი და მედიტაციური პრაქტიკები და უკვე 13 წელია ამას სიყვარულით ვაკეთებ.
💥 მოგზაურობა გრძელდებოდა... პანდემიის პერიოდში ონლაინ ტარდებოდა არტთერაპიის ფესტივალი, სადაც მე კარაკულის ტექნიკას ვაზიარებდი. პავლე პისკარიოვმა წარმოგვიდგინა ნეიროგრაფიკა: ვნახე რა საოცრად გაამთლიანა მან არტთერაპიის, გრაფიკის, ნ.ლ.პ. ს, ქოუჩინგის ინსტრუმენტები და შექმნა ახალი მიმართულება თვითშემეცნების და თვითრეალიზებისთვის.
Უდიდესი პატივისცემა გამიჩნდა ამ ნიჭიერი ადამიანის მიმართ, გავხდი მისი მოსწავლე და აი უკვ 3 წელია საიამოვნებით ვაზიარებ ნეირობრაფიკის ალგორითმებს ჯგუფური და ინდივიდუალური სემინარების შუალობით.
💥 ჩემი მოგზაურობა გრძელდება! მზად ვარ ჯადოსნური თავგადასავლებისთვის და სიხარულით ვეგებები ყველა ახალ წამოწყებას, რაც სიკეთეს, სიყვარულს ემსახურება.”
#მაინდმეთერსი #ტრანსფორმაცია #გამოღვიძება #სულიერიზრდა #სულიერიესთეტიკა #სულიერიევოლუცია #ჰოლისტიკა #ნინოჩუბინიძე
