Dr.Tamar Patchkoria

30/08/2025

‼️ეს საინტერესოა ‼️

ადამიანები ჯერ კიდევ ევოლუციის პროცესში არიან და ამის დასტური ჩვენს პირის ღრუში იმალება. მეცნიერებმა აღმოაჩინეს, რომ ჩვენი სახე თაობების განმავლობაში ნელ-ნელა პატარავდება და ეს ცვლილება გარკვეული კბილებისთვის - განსაკუთრებით სიბრძნის კბილებისთვის - ნაკლებ ადგილს ტოვებს. დიდი ხნის წინ ჩვენს წინაპრებს უფრო დიდი ყბები ჰქონდათ, რადგან მათი საკვები იყო უხეში და უმი, სავსე ფესვებით, თხილითა და უმი ხორცით. უფრო დიდი ყბები აუცილებელი იყო ამ საკვების დასაღეჭად და სიბრძნის კბილებს საკმარისი ადგილი ჰქონდა ამოსაჭრელად. მაგრამ როდესაც ადამიანებმა ისწავლეს საკვების მომზადება და დამუშავება, ღეჭვა უფრო ადვილი გახდა შესაბამისად ჩვენი ყბის ზომაც შემცირდა.

პრობლემა ის არის, რომ ევოლუცია ნელა მიმდინარეობს. მიუხედავად იმისა, რომ ჩვენი ყბები ზომაში შემცირდა, ჩვენი გენები კვლავ ცდილობენ იგივე რაოდენობის კბილების ფორმირებას. ეს შეუსაბამობა იწვევს სიბრძნის კბილების ამოჭრას სათანადო სივრცის გარეშე, რაც იწვევს ჩაჭედვას, შეშუპებასა და ტკივილს. სინამდვილეში, ბოლოდროინდელი კვლევები აჩვენებს, რომ სულ უფრო მეტი ადამიანი იბადება სიბრძნის კბილების გარეშე - ნიშანი იმისა, რომ ევოლუცია აქტიურად გვიცვლის ფორმას.

ის, რაც მხოლოდ სტომატოლოგიურ პრობლემას ჰგავს, სინამდვილეში უფრო დიდი სამეცნიერო ისტორიის ნაწილია: ჩვენი ანატომია ჩვენს თვალწინ იცვლება. სიბრძნის კბილების გაქრობა შესაძლოა ერთ-ერთი ყველაზე ნათელი ნიშანი იყოს იმისა, რომ ადამიანის ევოლუცია არასდროს შეჩერებულა.

14/08/2025

📍სურათის აღწერა❗️

ორთოპანტომოგრამაზე მარჯვენა ქვედა ყბის პრემოლარების მიდამოში (4.4 ; 4.5) აღინიშნება რადიკულური კისტა.
📍ჩატარებული ოპერაცია - ცისტექტომია.
📍 ოპერაცია ჩატარდა ადგილობრივი ანესთეზიით.
📍ოპერატორი: ყბა-სახის ქირურგი თამარ პაჭკორია.

🚨დაგეგმე დროული ვიზიტი ყბა-სახის ქირურგთან❗️

13/08/2025

‼️კბილის ტკივილს მხოლოდ კბილი არ იწვევს‼️

არსებობს შემთხვევები, როდესაც პაციენტი კბილის ტკივილით მიმართავს ექიმს, ხოლო კონსულტაციის შემდეგ ირკვევა, რომ კბილი არ საჭიროებს კონკრეტულ მანიპულაციას. მიზეზი სხვა რამეა, კბილმა შესაძლოა ანესთეზიის შემდეგაც გააგრძელოს ტკივილი. საქმე იმაშია, რომ არსებობს დაავადებები, რომლებიც „იმალებიან“ კბილის ტკივილის მიღმა და ავლენენ მსგავს სიმპტომებს.

განვიხილოთ ზოგიერთი დაავადება, თუ მდგომარეობა, რამაც შესაძლოა გამოიწვიოს მცდარი კბილის ტკივილი. ძირითადად ეს მომიჯნავე ორგანოების დაავადებებია (დანამატი ღრუები, მხედველობის და სმენის ორგანოები, ხახა, კისრის მალები, ტვინი); მიზეზი შესაძლოა იყოს გულ-სისხლძარღვთა, ძვალ-კუნთოვანი, ნერვული სისტემის დაავადებები, ასევე ფსიქიკური აშლილობა.

📍სამწვერა ნერვის ნევრალგია

📍კლასტერული თავის ტკივილი

📍შუა ყურის ანთება (შუა ოტიტი)

📍ზედა ყბის მწვავე სინუსიტი (ჰაიმორიტი).

📍გულის დაავადებები. სტენოკარდია – ტკივილი მკერდის არეში, რომელიც შესაძლოა ირადირებდეს მარცხენა მკლავში და ხელის გასწვრივ. ტკივილი ძირითადად ჩნდება ფიზიკური დატვირთვის შემდგომ. ეს სიმპტომები ძალზედ მნიშვნელოვანია, რადგან სტენოკარდია მწვავე ინფარქტის მაუწყებელია. ხანდახან ტკივილი აღინიშნება მხოლოდ მარცხენა მხარში და ხელში, იშვიათად ქვედა ყბის მარცხენა კუთხეში. ე.ი. თუკი გაქვთ ჩივილები ქვედა ყბის მარცხენა უკანა მხარეს, ხოლო კბილები აღნიშნულ მიდამოში წესრიგშია შესაძლოა ვივარაუდოთ ტკივილის გულისმიერი წარმოშობა.

📍ნერწყვ-კენჭოვანი დაავადება ვითარდება ერთ-ერთი სანერწყვე ჯირკვლის სადინარში.

📍ძვალ-კუნთოვანი წარმოშობის ტკივილი შესაძლოა გამოწვეულ იყოს ტრავმით ან კისრის, თავის, ყბების კუნთების დისფუნქციით. ტკივილი შესაძლოა აღინიშნოს კბილების, ლოყის, საფეთქლის, კისრის გვერდით, კეფის მიდამოებში. აღნიშნულ ჯგუფს ეკუთვნის საფეთქელ-ქვედა ყბის სახსრის და ხერხემლის კისრის მონაკვეთის დაავადებები.

📍ატიპიური ტკივილები, კბილის ტკივილის მიღმა დამალული რიგი სიმპტომები, რომლებიც არ მიეკუთვნება რომელიმე სპეციფიკურ დაავადებას. პაციენტი დარწმუნებულია, რომ მას კბილი ტკივა და ითხოვს მიზეზობრივი კბილის მკურნალობას ან ამოღებას. თუმცა მიზეზი უცნობია, მაგრამ ექსპერტები თვლიან ნერვული სისტემის ზემოქმედებას ადამიანის შეგრძნებებზე. ატიპიური ტკივილი ხშირად ქრონიკულია, პაციენტები მას აღიქვამენ ღრმად ძვალში და ძნელად თუ მიუთითებენ კონკრეტულ ადგილს. ხანდახან ტკივილი ირადირებს ერთი ადგილიდან მეორეში, კვლევები უნდა მოიცავდეს ფსიქოლოგიურ სკრინინგს და ქცევის დარღვევის ტესტებს. ვერ გამოვრიცხავთ, რომ ატიპიური ტკივილის პირველწყარო იყოს ფსიქოლოგიური დარღვევა. მიზანშეწონილია ფსიქოლოგის ან ფსიქიატრის კონსულტაცია.

🚨ექიმთან დროული ვიზიტი და პროფილაქტიკური შემოწმება თავიდან აგარიდებთ შესაძლო გართულებებს!

დაგეგმე ვიზიტი ყბა-სახის ქირურგთან!👩🏻‍⚕️

10/08/2025

🏥სანერწყვე ჯირკვლების სიმსივნეები

💠საჭმლის მომნელებელი მილის ნერწყვით უზრუნველყოფას ემსახურება სამი წყვილი დიდი სანერწყვე ჯირკვლები,რომლებიც მცირე ჯირკვლებისგან განსხვავებით ლორწოვანი გარსის გარეთ მდებარეობენ,როგორც დამოუკიდებელი ორგანოები.
♦️ყბაყურა სანერწყვე ჯირკვალი-glandula parotis-ყველაზე დიდი სანერწყვე ჯირკვალია წონა(43გ) .მთლიანად ჯირკვალს წაგრძელებული სამკუთხედის ფორმა აქვს ,რომელიც მდებარეობს ყბაყურა-საღეჭ რეგიონსა და ყბისუკანა ფოსოში.სიმსივნურ წარმონაქმნებს ყველაზე ხშირად ყბაყურა სანერწყვე ჯირკვალში ვხვდებით.
⚕არსებობს სანერწყვე ჭირკვლების სიმსივნეების ორი ძირითადი ფორმა :ეპითელური და არაეპითელური სიმსივნეები.
🛑ეპითელური კეთილთვისებიანი სიმსივნეებია :პლეომორფული ადენომა,მონომორფული ადენომა,ადენოლიმფომა,ოქსიფილური ადენომა და სხვა.
🔴არაეპითელური კეთილთვისებიანი სიმსივნეებია: ანგიომა,ფიბრომა,ლიპომა,ნევრინომა.
⚫ეპითელური ავთვისებიანი სიმსივნეებია:მუკოეპიდერმოიდული კიბო,ცილინდრომა(ადენოკისტოზური კარცინომა),ადენოკარცინომა,ეპიდერმოიდული კარცინომა,არადიფერენცირებული კარცინომა,ავთვისებიანი სიმსივნეები ,განვითარებული შერეულ სიმსივნეში(პოლიმორფულ ადენომაში).
⚫არაეპითელური ავთვისებიანი სიმსივნეებია: სარკომა და სხვა.
◾ასევე ყბაყურა სანერწყვე ჯირკვალში შეიძლება შევხვდეთ მეორეულ (მეტასტაზურ) დაზიანებებს.

🔴 ექიმთან დროული ვიზიტი აუცილებელია, დაგეგმე კონსულტაცია ყბა-სახის ქირურგთან!

05/08/2025

Dental implantation 🦷
დენტალური იმპლანტაცია.

05/08/2025

16/07/2024

ყბა-სახის ქირურგი, იმპლანტოლოგი- თამარ პაჭკორია. 👩🏻‍⚕️
მოკლედ განვიხილოთ რას მოიცავს ყბა-სახის ქირურგია. 🤍

🔴ყბა-სახის ქირურგია - არის ქირურგიის, ქირურგიულ სტომატოლოგიაზე დამოკიდებული ერთ-ერთი კლინიკური დისციპლინა, რომელიც შეისწავლის კბილების, პირის ღრუს ორგანოების, სახის და კისრის რბილი ქსოვილების, სახის ჩონჩხის ქირურგიულ დაავადებებს და მათ კომპლექსურ მკურნალობას. მკურნალობის ამ მეთოდებს შორის წამყვანი როლი ენიჭება ქირურგიულ ჩარევებს.
ყბა–სახის ქირურგია - მოიცავს ყველა ტიპისა და ნებისმიერი სირთულის ყბა–სახის ოპერაციას როგორც გეგმიურ, ისე ურგენტულ რეჟიმში, მაგალითად, ოპერაციები ტრავმების, კეთილთვისებიანი სიმსივნეების, ჰაიმორიტების, სანერწყვე ჯირკვლების დროს, აგრეთვე თანდაყოლილი ანომალიების, პათოლოგიების, ანთებითი პროცესების (ფლეგმონები, აბსცესები, ოსტეომიელიტები) და სხვა დროს.

23/05/2023

ზედა ყბის წიაღის ანთება (სინუსიტი, ჰაიმორიტი), ეს არის წიაღის ლორწოვანი გარსის ანთება, გამოწვეული გარსში მიკროორგანიზმების გავრცელები.

ზედა ყბის წიაღის ოდონტოგენური ანთება თითქმის ყოველთვის ცალმხრივია, განსხვავებით სხვა ფორმებისაგან, ვითარდება ზედა ყბის წიაღში და მის ლორწოვან გარსში ზედა პრემოლარების ან მოლარების პერიაპიკალური ანთებითი კერიდან ინფექციის გავრცელებით. ანთებას იწვევს პირის ღრუს შერეული მიკროფლორა – სტრეპტოკოკები, ლპობითი მიკროორგანიზმები და სხვა.

არჩევენ ზედა ყბის წიაღის ანთების მწვავე, ქვემწვავე და ქრონიკულ ფორმებს.

მკურნალობა – ზედა ყბის წიაღს მწვავე ანთება ემორჩილება კონსერვატიულ მკურნალობას. პირველ ყოვლისა აღმოფხვრილი უნდა იქნეს მიზეზი, პუნქციის საშუალებით ჩირქის გამოქაჩვა წიაღიდან და ამ უკანასკნელის გამორეცხვა ანტიბიოტიკებით ან ფერმენტები.

ზედა ყბის წიაღის ქრონიკული ოდონტოგენური ანთების დროს მარტივ შემთხვევაში მიმართავენ კონსერვატიულ მკურნალობას მიზეზის მოცილებასთან ერთად, ისე როგორც მწვავე ფორმებისას. მაგრამ ხშირად, მით უმეტეს ზედა ყბის წიაღის დიფუზური ქრონიკული ანთების დროს, მიზანშეწონილია მხოლოდ ქირურგიული მკურნალობა.

10/05/2023

დენტალური იმპლანტი წარმოადგენს ხელოვნურ ფესვს, რომელიც თავსდება ძვალში და მასზე მაგრდება გვირგვინი. იმპლანტები დამზადებულია ტიტანის შენადნობისგან, რომელიც ეხორცება ძვალს (ინტეგრირდება). იგი აბსოლუტურად ინერტულია და არ წარმოადგენს რაიმე საფრთხეს ორგანიზმისთვის. დენტალური იმპლანტებით შეიძლება აღდგეს როგორც ერთეული დანაკლისი კბილები, ასევე ოთხი, ხუთი ან მეტი.

იმპლანტაციის დაგეგმვა ხდება კომპიუტერული ტომოგრაფიის საშუალებით, შესაძლოა გამოვიყენოთ ქირურგიული გაიდი ( შაბლონი) რაც საშუალებას გვაძლევს განაკვეთის გარეშე და მაქსიმალური სიზუსტით ჩატარდეს ოპერაცია.

06/04/2023

⭕️სურათის აღწერა!

სურათზე გამოსახულია მე4 და მე5 კბილების (პრემოლარების) ფესვის საპროექციო არეში მენთალური ხვრელიდან გამომავალი მენთალისი, მოტეხილი ფრაგმენტის აღსადგენად ქვედა ყბის სხეულის მიდამოში საჭირო გახდა მენთალური ნერვის გამოყოფა, რათა შესაძლებელი ყოფილიყო ნერვის დაზიანების გარეშე მოტეხილი ფრაგმენტების აღდგენა ტიტანის მინი ფირფიტების განოყენებით.

ოპერატორი : თამარ პაჭკორია.

06/04/2023

📍სამწვერა ნერვის ნევრალგია

⭕️სამწვერა ნერვი (ასევე იწოდება მეხუთე ნერვად) პასუხისმგებელია სახის მგრძნობელობაზე. მეხუთე ნერვი ძირითადად მგრძნობელობითია, მაგრამ მას ასევე გააჩნია რამდენიმე მოტორული ფუნქციაც (კბენა, ღეჭვა და ყლაპვა).
სამწვერა ნერვს გამოეყოფა სამი ტოტი: თვალბუდის, ზედაყბისა და ქვედაყბის.
განასხვავებენ ტიპურ და ატიპურ სამწვერა ნევრალგიას. ტიპური ნევრალგიისთვის დამახასიათებელია ტკივილი სახის ნახევარში, სამწვერა ნერვის ერთი ან რამდენიმე ტოტის საინერვაციო მიდამოში, რომელიც რამდენიმე წამიდან 2 წუთამდე გრძელდება.


📌სამწვერა ნერვის ნევრალგიას ახასიათებს შეტევითი ხასიათის ტკივილი სახის იმ ნაწილში, რომლის ინერვაციასაც ახდენს დაზიანებული ტოტი. ტკივილი სხვადასხვაგვარია: დენის დარტყმისებული, გამჭოლი, მჩხვლეტი და მბურღავი.

📌მკურნალობის მეთოდები: ფიზიოპროცედურები, აკუპუნქტურა, მედიკამენტური მკურნალობა.

05/04/2023

🦷 მერვე კბილი აქტუალურია.

ეს არის მესამე ძირითადი საღეჭი კბილი, რომელიც საკმაოდ პრობლემატურია ხოლმე
მოსახლეობის 90% –ში ხდება არასწორად ამოჭრა, ან ატიპიურია, პოზიცია აქვს შეცვლილი, არ არის ბოლომდე ამოჭრილი., ძირითადად მოგვმართავენ უკვე ისეთი სიმპტომებით როგორიცაა
ანთება, ტკივილი, შესიება, ხშირ შემთხვევაში დაჩირქება, ყბის მოძრაობის შეზღუდვა და სხვა რიგი გართულებები, ან მოდიან ორთოდონტის ჩვენებით ,თანკბილვის გასასწორებლად,
რეტენირებული სიბრძნის კბილების ამოსაღებად.
სიბრძნის კბილის რეტენციას შეუძლია გამოიწვიოს ტკივილი, სხვა კბილების დაზიანება და სხვა სტომატოლოგიური პრობლემები. ზოგ შემთხვევაში, რეტენციამ შეიძლება ა რ გამოიწვიოს პრობლემები.
პაციენტმა უნდა მიმართოს პირველ რიგში სტომატოლოგს, რათა მან შეაფასოს პროცესის სიმძიმე და საჭიროებისამებრ გადაამისამართოს ყბა–სახის ქირურგთან. ძალიან მნიშვნელოვანია სწორი დიაგნოსტიკა.რენტგენოლოგიური 3D ტომოგრაფია ან სულ მცირე პანორამული კვლევა.
ექსტრაქცია სრულიად უმტკვივნეულოდ მიმდინარობს , კბილის ადგილმდებარეობის გამო ერთადერთი დისკომფორტი პირის ფართო გაღება შეიძლება ჩაითვალოს. შეშუპება, წესისამებრ, მეორე დღეს უფროა გამოხატული, შემდეგ თანდათანობით იკლებს. პირველი სამი დღის განმავლობაში შეშუპებულ ადგილას შეგიძლიათ ცივი საფენები დაიდოთ.
ექიმის რეკომენდაციით მიიღეთ დანიშნული მედიკემანტები. აუცილებელია ჰიგიენის დაცვა პირველ რიგში, გამოიხეხეთ კბილები ფრთხილად,მეორე დღიდან სავლები აუცილებელია .