Easy Care Mind Wellness Centre

15/06/2025

15/06/2025

6月14日 開業招待會順利舉行，歡迎陳佳鼐教授及黃清怡醫生加入我們🤗🎊🎊🎊

07/03/2025

https://www.facebook.com/share/v/1UuMapxjdE/?mibextid=wwXIfr

11/11/2024

https://www.facebook.com/share/p/wjgsqaG6VuBvDsTR/?mibextid=oFDknk

【暑假做好準備，為自閉症小朋友迎接新學年！】

暑假期間，家長可以幫助自閉症小朋友為新學年做好準備。首先，家長可以安排小朋友參與各類暑期活動及興趣班，體驗更多新事物，讓小朋友學習彈性。其次，家長可以同小朋友複習上學年嘅學習內容，特別係啲成績比較薄弱嘅科目，同時開始預習新學年嘅課程。家長亦可以提前預告新學年嘅到來，為佢哋做足心理準備。如果要面對一啲較大嘅轉變，如升小一，家長可以提早帶佢哋去新學校實地考察，熟悉路線，甚至試著新校服同模擬開學嘅情境，令小朋友更易適應新環境。

社交技巧方面，安排啲同其他小朋友嘅聚會都非常有幫助，可以實踐同鞏固社交技巧，仲可以透過睇故事書嚟教佢哋適當嘅社交行為同表達方式。同時，家長亦可以參加專門課程，深入了解自閉症兒童嘅特殊需要同日常挑戰，學習點樣喺生活中提供更好嘅支援。

最後，保持健康嘅生活作息都非常重要。就算假期，家長都應該確保小朋友早睡早起，保持規律嘅生活節奏。希望每位家長同小朋友都可以享有一個充實而愉快嘅假期，為新學年打好基礎。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #管教 #新學年 #暑假 #暑期活動 #興趣班 #體驗 #學習彈性 #做足準備 #適應新環境 #社交技巧 #日常挑戰 #家長支援 #生活規律 #精神科專科醫生 #何雅莉醫生

04/11/2024

https://www.facebook.com/share/9XWNPTfBZj6XRT4K/?mibextid=oFDknk

【考完試，不妨同小朋友「玩」遊戲！】

對於年紀較細嘅小朋友，輕鬆嘅合作遊戲係一個好好嘅選擇。家長可以試吓同小朋友玩模擬煮飯遊戲或者摺紙遊戲，呢啲活動可以幫助佢哋學習跟從指示，學到點樣同人相處溝通，仲可以喺安全嘅環境下提升社交技巧。

對於年紀較大嘅小朋友，桌上遊戲係極佳嘅選擇，唔單止有趣，仲可以教導小朋友點樣遵守規則，以及同其他人互動溝通。小朋友亦可以玩團體活動，例如「大電視」，呢類遊戲可以幫助小朋友理解同表達情緒，同時學習團隊合作同社交規範。

家長要留意，喺進行呢啲活動時，最重要係要保持耐性，同埋俾足夠時間小朋友適應同參與。每個小朋友嘅興趣同反應可能會有所不同，揀選啱佢哋嘅遊戲同調整活動強度都好重要。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #管教 #試後活動 #玩遊戲 #團體活動 #相處 #溝通 #社交技巧 #理解 #表達情緒 #團隊合作 #社交規範 #精神科專科醫生 #何雅莉醫生

28/10/2024

https://www.facebook.com/share/p/zm7DxkLDA2d9abVX/?mibextid=oFDknk

【利用視覺輔助工具 有助自閉症小朋友學習交流】

自閉症小朋友嘅理解能力較弱，利用視覺提示可以幫助佢哋理解，例如喺屋企嘅牆壁貼上具體嘅日常規則圖像，清楚咁話俾小朋友知邊啲係應該做嘅事情。呢種視覺化嘅訊息有助小朋友遵循日常生活嘅結構同秩序。

🔸 情緒表達圖卡 😃😠😢
對於難以用言語表達情感嘅自閉症小朋友，情緒表達圖卡係一個非常有用嘅工具。通過提供笑臉、生氣或者哭泣嘅圖像，小朋友可以揀選一個最符合佢哋當時感受嘅圖像嚟表達自己嘅情緒。呢個方法唔單止幫助佢哋自我表達，仲可以令家長更容易理解小朋友當刻嘅感受。

🔸 故事圖解社交技巧 📘
社交互動對自閉症兒童嚟講可能係一個大挑戰，家長可以利用簡單嘅故事圖畫，教導小朋友恰當嘅社交行為。呢啲圖畫故事唔單止容易理解，仲可以用有趣嘅方式示範良好嘅行為模式，比單純嘅口頭指示更加有效。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #管教 #視覺輔助工具 #理解能力 #情緒表達 #故事圖解 #社交技巧 #良好行為模式 #精神科專科醫生 #何雅莉醫生

21/10/2024

https://www.facebook.com/share/p/79oaqYECAAh2aWjv/?mibextid=oFDknk

【教養自閉症小朋友，家長可以點調整心態？】

對於家長嚟講，教養自閉症小朋友其實都係一段充滿挑戰嘅旅程。小朋友可能對變化表現得抗拒，喺語言溝通上亦可能有障礙，所以家長嘅角色特別重要，需要無限嘅耐性同理解。

🔸 認知與接納
家長要明白小朋友嘅行為唔係故意反抗，而係因為佢哋本身嘅特殊困難，了解呢點可以幫助家長更有同理心及耐性同小朋友相處。

🔸 情緒管理
壓力大時，家長應該保持冷靜，可以透過深呼吸、運動或靜觀療法嚟放鬆自己。

🔸 持續努力
家長要明白，改變小朋友嘅行為需要長時間嘅堅持同努力。建立一個充滿支持及鼓勵嘅家庭環境，對小朋友嘅發展同培養親子信任嘅關係都非常重要。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #管教挑戰 #溝通障礙 #耐性 #理解 #認知 #接納 #同理心 #情緒管理 #靜觀療法 #支持鼓勵 #家庭環境 #親子信任 #精神科專科醫生 #何雅莉醫生

14/10/2024

https://www.facebook.com/share/p/aWfk3AV9e6wWzR8w/?mibextid=oFDknk

【點樣同自閉症小朋友建立良好嘅溝通橋樑？】

自閉症小朋友嘅理解同專注力較弱，家長同自閉症小朋友互動時，簡單、清晰同明確嘅指令係建立有效溝通嘅關鍵。家長可以參考以下一啲實用嘅溝通技巧同策略：

🔸 簡化語言
用簡單、直接嘅語言嚟傳達訊息，重覆1-2次，小朋友會更易明白家長嘅指令同意圖。

🔸 提前通知
當需要由一項活動轉換去另一項活動時，提前俾小朋友一個預告，有助佢哋心理上嘅適應同準備。

🔸 避免含糊話語
避免使用模糊不清嘅指示，例如「咁樣做，好唔好？」，呢種提問可能會令小朋友感到困惑。

🔸 吸引注意力
喺開始講嘢或者提出要求前，確保已經取得小朋友嘅注意。家長可以用明確嘅提示，例如「我而家有嘢想同你講」，有助小朋友專注喺家長嘅話語上。

🔸 確認理解
喺溝通完之後，詢問小朋友「收唔收到？」，以確保佢哋明白家長嘅指示。

🔸給予鼓勵
喺小朋友完成指示後，無論成功與否，給予即時嘅鼓勵及讚賞。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #管教 #溝通橋樑 #清晰明確指令 #提前通知 #注意力 #確認理解 #給予鼓勵 #精神科專科醫生 #何雅莉醫生

07/10/2024

https://www.facebook.com/share/p/8DQJrUeWx9EZKWa7/?mibextid=oFDknk

【點樣創建適合自閉症小朋友嘅家庭環境？】

對自閉症小朋友嚟講，有組織同規律嘅家庭環境非常重要。家長可以透過以下簡單而有效嘅策略，為小朋友創建一個有規矩同促進成長嘅家庭環境。

🔸 訂立清晰家規
針對子女成長中需要改善嘅行為，家長可以訂立3-5條簡單嘅家規，例如保持整潔同按時完成任務。將呢啲規矩明確咁展示喺屋企顯眼嘅地方(如牆壁)，令小朋友每日都睇到並記住呢啲常規。

🔸 建立固定日程表
由於自閉症小朋友可能較為固執，一個固定嘅日程表可以幫佢哋理解同預測即將發生嘅事。例如明確規定幾點起床、幾點做功課、以及完成功課後嘅休息同娛樂時間等。呢種方式有助增加佢哋嘅安全感同減少焦慮。

🔸 積極回應同獎勵
當仔女遵守規矩或完成日程表上嘅任務時，家長應給予積極嘅回應同獎勵，鼓勵仔女繼續保持良好嘅行為。同時亦可以增強佢哋嘅自信心。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #管教 #家庭環境 #家規 #日程表 #積極回應 #獎勵 #自信心 #安全感 #精神科專科醫生 #何雅莉醫生

01/10/2024

https://www.facebook.com/share/p/J4ceWnBfwhK3KZzv/?mibextid=oFDknk

【權威養育，啱唔啱自閉症小朋友？】

有研究指出，對於自閉症兒童嚟講，權威養育可能係一種好有效嘅教育方式。權威養育係一種結合高度回應孩子需求和對孩子要求也高嘅教育策略，呢種方式唔單止為小朋友設定清晰嘅規則同期望，同時都注重同小朋友嘅溝通同理解，保持教育嘅彈性。

喺權威養育當中，家長會清楚話俾小朋友知每個行為嘅後果，咁樣唔單止幫助小朋友建立自己嘅價值觀，仲可以培-一養小朋友嘅自律性同獨立思考嘅能力。呢種教育方式強調「後果」嘅發生，等小朋友喺經歷中學習同成長。

不過，值得注意嘅係，每個自閉症兒童嘅情況都唔同，佢哋嘅性格同特性都各有千秋，權威養育方式需要根據個別自閉症小朋友嘅需要同情況去調整。但同時父母嘅管教方向亦都要一致, 否則會使小朋友感到混亂同無所適從。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #管教 #權威養育 #價值觀 #自律性 #獨立思考 #精神科專科醫生 #何雅莉醫生

24/09/2024

正向管教鼓勵良好行為 培養孩子正向思維

https://www.facebook.com/share/p/Vk8ESwhdnhaHXtPk/?mibextid=oFDknk

【正向管教鼓勵良好行為 培養孩子正向思維】

教育自閉症兒童時，家長不妨採用「正向管教」嘅方式嚟建立一個安全舒心嘅家庭環境。家長應該要專重小朋友，透過足夠嘅支持同適時嘅讚賞，令小朋友明白良好嘅行為會帶嚟正面嘅後果同獎勵，從而鼓勵佢哋重複呢啲良好嘅行為。

假如家長經常責罵小朋友，小朋友可能會閉上耳朵，漠視家長嘅指導同期望。而正面嘅交流同讚賞，唔單止可以增加小朋友嘅自信，亦有助加強親子關係，令小朋友更願意聽從指導。

另外，家長嘅情緒管理亦極其重要。家長嘅情緒反應往往就好似一塊鏡咁，會被小朋友模仿。所以保持冷靜同平和嘅情緒，對創建一個穩定同支持嘅成長環境好重要。當家長能夠以冷靜同理智嘅方式教養孩子，孩子亦將學會點樣有效地管理自己嘅情緒。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #管教 #正向管教 #專重 #支持 #鼓勵 #良好行為 #親子關係 #情緒管理 #教養孩子 #精神科專科醫生 #何雅莉醫生

17/09/2024

照顧自閉症兒童，有咩育兒挑戰？

https://www.facebook.com/share/p/PH5wWE9PtGUxZBd3/?mibextid=oFDknk

【照顧自閉症兒童，有咩育兒挑戰？】

對於有自閉症兒童嘅家庭嚟講，育兒之路可謂充滿挑戰。家長面對最大的挑戰係管教兒童，當中的困難源於自閉症兒童各方面嘅特質。

🔸 溝通障礙
好多家長經常呼喊小朋友多次，都得唔到任何回應，呢種情況可能會令家長感到非常煩心。其實自閉症兒童有時難以理解、回應及表達，家長需要用合適嘅溝通方式。

🔸 固執行為
當家長試圖指導小朋友時，佢哋可能會唔理睬家長、唔聽從指示，甚至聽而不改。即使反覆指導，小朋友仍然重複犯錯，令家長感到困擾。由於自閉症兒童有固執堅持、重複行為嘅特質，家長需要具備特別嘅溝通策略同無限嘅耐心嚟處理呢啲情況。

🔸 情緒行為問題
自閉症兒童嘅情緒管理能力通常較弱，當面對轉變或壓力時，佢哋可能較容易感到緊張、焦慮或者會發脾氣。家長可以學習特定嘅技巧同方法嚟幫助小朋友管理情緒。

何雅莉醫生提醒：以上內容僅供參考，如有疑問，請向主診醫護人員查詢。

#自閉症 #自閉症譜系障礙 #家長 #小朋友 #親子 #育兒之路 #管教子女 #溝通障礙 #固執行為 #情緒問題 #行為問題 #精神科專科醫生 #何雅莉醫生