安然醫學痛症中心

20/02/2026

首先要祝大家新年快樂, 笑口常開, 身體健康🤗馬上好運🙌

另外感謝香港電台邀請, 可以同大家分享自律神經與慢性痛症
有興趣可以去聽下了解😉
https://www.rthk.hk/tv/dtt31/programme/healthpedia_tv/episode/1078588

#李旭明醫生
#疼痛醫學
#痛症
#自律神經
#交感神經

1300-1400 [健康人物專訪] 主題：識唱‧一齊唱 嘉賓：馬榮亨(合唱指揮、「昔唱」創辦人)、楊杰梅(「昔唱」參加者)、嚴芷慧(佐敦谷街坊福利會行政幹事、「昔唱」項目負責人) 1400-1500 [醫學會會診日] 主題：自律神經與慢性痛症 ....

19/02/2026

點解你一上床就特別清醒？唔係你唔識瞓，而係你同床已經建立咗一個「清醒＋緊張」嘅錯誤聯繫。

如果你成日喺床上碌手機，諗嘢，瞓唔著賴床，腦慢慢學識「床 = 清醒、煩惱」。到你想瞓時，身體反而進入工作模式，點會瞓到？

刺激控制法就係幫你洗底，令大腦再次將床同昏昏欲睡拉番埋一齊。

具體做法包括：

1️⃣ 眼瞓先上床
唔駛提早上床等瞓著。等到眼皮重、打呵欠先上床，減少喺床上清醒時間。

2️⃣ 床只留給瞓覺同親密行為
唔再喺床上碌手機、做嘢、食嘢。你愈專一，腦就愈容易記得床 = 準備熄機。

3️⃣ 上床20分鐘仍清醒，就離開張床
唔好喺度碌來碌去，起身去做啲安靜、唔刺激嘅活動，例如聽soft music、拉筋、摺衫，避免強光同手機，覺得眼瞓先返上床。初時可能你一晚要重複幾次，係正常嘅。

4️⃣ 固定起床時間
即使前一晚瞓得差，好想瞓多陣，仍盡量喺同一時間起身，幫生理時鐘定位。

5️⃣ 避免日間長時間瞓覺
午睡會偷走晚間睡意，變相令你床上清醒時間又拉長，惡性循環再出現。



刺激控制法聽落簡單，實行時考驗耐性。開頭可能會一晚起身幾次，好似更攰。但呢個過程，其實係幫你嘅大腦慢慢建立「床=自然眼瞓」嘅新聯想，睡眠就會愈嚟愈順。 

如果你有長期失眠，或伴隨情緒問題，建議喺心理專業人士帶領下進行失眠治療，會有效得多。

🌞🌞

#臨床心理學家 #失眠 #焦慮症 #抑鬱症 #心理治療

12/02/2026

身邊有朋友身體有以下信號嗎？
今次為大家分享什麼是自律神經失調

#自律神經失調
#自律神經
#壓力
#痛症治療
#痛症
#疼痛管理
#交感神經

08/02/2026

感謝老有所醫慈善基金邀請,我們診所團隊有幸參加這次晚宴，並與長者們分享有關痛症的專業知識，希望能為大家帶來幫助與啟發。
🫶 本次分享由我們的專業團隊共同參與：
👉 疼痛醫學專科醫師 李旭明醫生
👉 註冊臨床心理學家 吳雁詞博士
👉 註冊物理治療師 李麗珊女士
👉註冊中醫師 譚智嶸先生

透過他們各自的專業背景與豐富經驗,團隊致力於提供全方位痛症治療方案,幫助病人改善生活品質🤗,期待未來能有更多機會與大家交流!

#中環專科 #李旭明醫生 #吳雁詞博士 #物理治療師李麗珊
#譚智嶸中醫師 #疼痛醫學 #痛症

06/02/2026

成日頭痛，但究竟自己係咩類型？🤯
先分清楚 3 大常見頭痛：緊張性頭痛、偏頭痛、叢集性頭痛。

1️⃣ 緊張性頭痛（Tension-type headache）
最常見，亦係「壓力頭痛」。

痛感：好似被箍住、戴緊帽，整個頭「焗住重重地」

位置：多數係頭頂、前額、後枕兩邊

伴隨：但多數 唔會 想嘔、怕光怕聲

常見原因：壓力、長時間用電腦、肩頸肌肉太繃緊

2️⃣ 偏頭痛（Migraine）
唔係淨係「偏一邊痛」咁簡單。

痛感：一邊頭跳痛、搏動痛，活動會加劇

伴隨：怕光怕聲、想嘔、聞到味道會更難受

發作：一發可以幾小時到幾日，之後好攰好累

3️⃣ 叢集性頭痛（Cluster headache）
比較少見，但痛到「喊出聲」。

痛感：通常在一邊眼後鑽痛、好似火鑽咁刺入去

伴隨：流眼水、流鼻水、眼紅、坐唔定

發作：一日可以發作幾次，每次 15 分鐘至 3 小時，多數在夜晚

📝 小結：

「整個頭被箍住」＝多數緊張性

「一邊跳痛怕光怕聲」＝偏頭痛機會大

「一邊眼後鑽心痛」＋流眼水流鼻水＝要考慮叢集性頭痛

如果你成日頭痛，但分唔清自己係邊一種，可以先記錄發作時間、位置、伴隨症狀，再俾醫生睇，更容易幫你揀啱治療。
頭痛可以減輕、可以被控制，用對方法先至醒。

#頭痛 #偏頭痛 #緊張性頭痛 #叢集性頭痛 #痛症資訊
#李旭明醫生 #中環專科

03/02/2026

臨床心理學家吳雁詞博士 Dr Vanessa Ng

很多失眠人士嘅「睡前儀式」，其實由晚飯開始已經進入戰鬥狀態～～

一食完晚飯，就開始不斷喺心入面諗：「今晚唔知瞓唔瞓到覺？」這種擔心等於提早拉響大腦警報，令焦慮同警覺度倍增，越來越精神。

有啲人會要求全家進入「 靜音模式」，連開門聲、說話聲、電視聲、 沖廁聲 ，都要完全消失，彷彿只要一粒聲，就一定瞓唔著，結果全家氣氛繃緊，自己亦更加專注去「聽有冇聲」，精神更難放鬆。

仲有做一大輪伸展、 聞香薰、飲熱牛奶、播輕音樂，步驟一個接一個，好似如臨大敵，將睡覺變成一個「要準備到完美先得」的大project。

事情其實仲未完 ……瞓唔著嘅時候又有另一套程序要做 ， 例如計下「如果而家先瞓到，仲有幾多個鐘就要起身」、半夜醒咗又 要計下自己剛才瞓咗幾多個鐘， 擔心下聽日開會會唔會恰眼瞓。

其實，「健康的睡前儀式」，就像給身體一個溫柔的預告：燈光轉暗、放下手機、做幾分鐘伸展或靜觀、 或者做d唔使用腦嘅無聊事，然後在差不多有睡意時上床。

整個過程簡單輕鬆，不需要做到「完美」，重點是讓大腦明白——夜晚到了，可以慢慢收工。


#心理學家 #焦慮 #抑鬱 #吳雁詞博士 #失眠

03/02/2026

臨床心理學家吳雁詞博士 Dr Vanessa Ng

29/01/2026

藥物小知識💊
持續感到不適記得要去睇醫生

#李旭明醫生 #疼痛醫學專科
#中環專科診所 #藥物小知識

11/11/2025

多謝今日參加講座既大家
下次見🤗

#感謝邀請可以出席分享
#腰背痛

11/11/2025

大家今晚見
記得hi 下我地🤗

【腰背痛防與治】醫學專題講座

腰背痛是很普遍的都市病，可發生在任何年齡人士身上。不少人試過按摩、塗按摩膏、用止痛貼對付腰背痛，惟大多止得一時之痛。
是次免費實體醫學專題講座，由疼痛醫學專科拆解腰背痛成因、徵狀、治療及預防方法。

日期：2025年11月11日（星期二）
時間：晚上7時30分至9時
地點：香港中央圖書館演講廳（香港銅鑼灣高士威道66號）
主講嘉賓：李旭明醫生（疼痛醫學專科醫生）

查詢及報名：5403 6121
網上報名：http://www.healthaction.com.hk/html/node/42741

#健康講座 #醫學專題講座 #健康

24/10/2025

感謝邀請
今次係係大家分享腰背痛
到時見

#疼痛醫學
#中環專科
#李旭明醫生

【腰背痛防與治】醫學專題講座

腰背痛是很普遍的都市病，可發生在任何年齡人士身上。不少人試過按摩、塗按摩膏、用止痛貼對付腰背痛，惟大多止得一時之痛。
是次免費實體醫學專題講座，由疼痛醫學專科拆解腰背痛成因、徵狀、治療及預防方法。

日期：2025年11月11日（星期二）
時間：晚上7時30分至9時
地點：香港中央圖書館演講廳（香港銅鑼灣高士威道66號）
主講嘉賓：李旭明醫生（疼痛醫學專科醫生）

查詢及報名：5403 6121
網上報名：http://www.healthaction.com.hk/html/node/42741

#健康講座 #醫學專題講座 #健康

14/10/2025

感謝東方日報及老有所醫邀請可以為大家分享

星狀神經節阻斷術不僅是治療上肢慢性痛症的重要手段，近年它正更擴展至心理症狀的治療領域。這進一步反映了痛症與心理健康密不可分的本質。

原文網址：醫健：老有所醫：星狀神經節：紓緩身體痛症與心理症狀的關鍵 | 東方日報 | 要聞港聞 https://orientaldaily.on.cc/content/news/odn-20250731-0731_00176_063/

#中環專科
#李旭明醫生
#疼痛醫學專科

眾所周知，人體的交感神經系統負責控制心跳、出汗等不自覺的身體功能。但較少人知道的是，這個系統還會影響痛楚信號傳遞。