27/10/2025
Ep25: 表達藝術治療師
本集嘉賓Queenie, 本身是一位資深鋼琴老師，及後由於本身對藝術的熱愛及幫助別人的心，成為一名表達藝術治療師 （Expressive Arts Therapist)。如果你對這個行業有興趣的話，記得收聽這集podcast !
Messages from our guest :
Hi~我係 Queenie，我係一位表達藝術治療師同資深音樂教育工作者，熱愛藝術同運動相關嘅興趣，由細到大喺動靜兩極之間長大。由靜態嘅彈琴畫畫讀書，到打波跑步跳舞，一直涉獵不同嘅範疇，直至到今天。
藝術培養我嘅美感同耐性，運動培養我嘅毅力同韌性。小時候為生活，並沒有選擇自己鍾意嘅音樂/體育修讀，最後我嘅本科係傳理系畢業。工作了一段時間後，決定回到自己最鐘意嘅鋼琴上，所以先讀了音樂教育碩士，然後展開自由工作者的生涯；後來亦因為自己嘅個人經歷，感受到心理輔導嘅力量，所以之後去到港大修讀表達藝術治療，希望透過自己鍾意嘅藝術範疇，先幫助自己成長，然後再幫其他人。
我從來唔會認為你讀乜嘢就要做返嗰樣嘢，只要你真心愛自己做緊嘅事情，你嘅能力自然會延伸到更多範疇，繼續喺不同嘅舞台上發光。
音樂教育方面，我主要教鋼琴和豎琴；表達藝術治療方面，我主要受眾係兒童同青少年，擅長處理自閉症和ADHD個案，另外我亦都提供專業培訓同商業嘅workshop。
近年見到自殺率上升，身邊人面對愈來愈多心理困擾，而我亦經歷過人生高山低谷，更加確信要把表達藝術治療推廣開去，讓身心健康在香港普及化。
我相信每一個人天生都擁有創作的能力，我希望呢份創意能讓不同的人面對、了解及接納真正的自己，令其生命有所成長，從而獲得真正的快樂和自由的選擇權。
是一個關於找尋人生意義的podcast，始於2024年10月，志在透過各位心理學畢業生的故事，理解他們如何在人生走到一條專屬於他們的道路，活出自己的熱情所在。
#心理學
