09/09/2022
「鍾斯中左乜野奇怪傷病?」 #隨隊軍醫
居迪斯鍾斯在慈善盾後一直受到奇怪傷病困擾緊，眾多報導指出鍾斯既傷叫做(Stress Reaction) 即係「應力性反應」。今日會由 #隨隊軍醫 講解一下乜野係應力性反應(Stress Reaction)，同埋鍾斯要幾時先好返。
應力性損傷係由於反覆相同嘅創傷或過度使用引起嘅骨挫傷。應力性損傷可以分為初期嘅壓力性反應(stress reaction)同較嚴重嘅壓力性骨折(stress fracture)。未有認真處理嘅應力性反應，如果繼續惡化，就可能會形成應力性骨折。應力性骨折中嘅小裂縫係由重複性創傷及過度使用引起。常見於小腿嘅脛骨、足部、足跟、臀部和下腰部。
唔正確嘅訓練內容或唔正確嘅動作都會增加其受傷嘅可能性。例如：
1.訓練計劃中活動量過大，或者一下子活動水平增加太多；
2.不停轉變訓練場地嘅表面，例如在硬地、仿草、人造草、草地之間嘅轉換；
3.使用劣質或不合適嘅設備或鞋；
4.係高強度運動中進行重複性嘅動作，例如：足球、長跑；
應力性骨折恢復需要多長時間？
應力性骨折其實比較難斷尾，只要感覺到疼痛，該區域嘅骨可能仍然較易受傷，並且可能係同一個地方再次發出骨裂。大部份應力性骨折大約需要六到八週才能癒合，因此停止導致受傷嘅活動非常重要。完全恢復運動之前，需要確保該區域已癒合。
Kevin Leung Physiotherapist 註冊物理治療師
MY Medicare Physiotherapy & Wellness 銘忻醫健 物理治療
