樂善堂社區藥房服務 Lok Sin Tong Community Pharmacy Services

27/11/2025

【大埔樂善堂社區藥房向大埔宏福苑火警受影響的居民提供支援🙏🏻】

樂善堂對今日大埔宏福苑發生的火警意外及受影響災民的需要深表關注🙏🏻

大埔樂善堂社區藥房為災民提供配藥服務。如有需要協助，可致電大埔社區藥房 whatsapp電話6992 7853。

#樂善堂 #大埔宏福苑火警 #災民 #樂善村 #社區藥房

14/11/2025

【 世界糖尿病日🌏 x 糖尿病飲食建議🍽️】

米飯、粉麵、生果點揀好🤨? 適當嘅飲食調節可以有效穩定血糖水平，有助預防或延緩糖尿腳、糖尿眼、糖尿腎病等等嘅併發症🍽️

小編為大家準備咗幾個小貼士，等大家控制血糖可以更加得心應手✔️
1️⃣ 選用低升糖指數 (Glycaemic Index) 嘅食物
2️⃣ 減少飽和脂肪酸同反式脂肪嘅攝取
- 飽和脂肪酸食物來源: 牛油、豬油、連皮家禽肉、肥豬肉、忌廉
3️⃣ 增加膳食纖維嘅攝取 - 每日最少五份蔬菜及水果
4️⃣ 少食多餐、定時定量、多元化嘅餐單

有關藥物同健康管理嘅問題，歡迎隨時過嚟我哋藥房，直接同我哋嘅社區藥劑師傾一傾🧑🏻‍⚕️！一齊「營」接健康💙

#世界糖尿病日 #糖友 #飲食建議 #樂善堂社區藥房服務 #社區藥房 #藥劑師

05/10/2025

【🥮應節生果要留意 x 藥物相沖⚡】

又就到中秋節喇!🌕 首先喺到同大家講聲「中秋節快樂」!🏮😝
除咗月餅🥮之外，唔少人都會食一啲生果嚟應節~
不過如果你有食開西藥嘅話，咁喺過節嘅同時，就要留意吓自己嘅藥物有冇同佢哋相沖喇! 💊💥🤯

✨有啲咩生果係要注意呢?🧐
主要有西柚、碌柚同埋楊桃~

✨點解呢啲生果會同藥物相沖? 🧐
👉🏻柚入面有一種香豆素 (furanocoumarins)，呢種成分會抑制負責分解藥物嘅CYP3A4酵素
👉🏻而楊桃入面亦都有某一種黃酮類化合物 (flavonoids)會抑制CYP3A4酵素
⚠️因此會令血液中某些藥物水平增加或減少，有機會因而增加藥物副作用或減低藥效

✨可唔可以將藥同呢啲生果隔開幾個鐘頭食? 🧐
👉🏻因為柚同楊桃對藥物嘅相沖唔係發生喺消化道入面，而係對CYP3A4酵素嘅影響，所以隔幾個鐘都唔可以，依然有機會會有相沖㗎!

✨邊啲藥物會同柚及楊桃相沖? 🧐
常見嘅有:
📌降膽固醇藥，例如Simvastatin, Atorvastatin 等等
📌降血壓藥，例如Amlodipine, Nifedipine, Felodipine 等等
📌抗血小板藥，例如Clopidogrel, Ticagrelor 等等
📌抗凝血藥，例如Apixaban, Rivaroxaban 等等
***以上例子未能盡錄，有疑問嘅話，歡迎諮詢我哋藥劑師~🥰

#藥劑師 #社區藥房 #樂善堂社區藥房服務 #中秋節 #月餅節 #藥物相沖 #西柚 #碌柚 #楊桃 #應節生果

03/10/2025

【 中秋節假期🏮x 特別營業時間🕣⏰】

樂善堂社區藥房服務預祝大家中秋節快樂，身體安康🏮🌕

中秋節正日 [10月6號(星期一)] 藥房分店將於16:30🕣 暫停配藥服務 (當日截籌時間為 16:00)，逾時不候~

為提供更完善藥劑服務，建議大家於截籌前到達藥房，感謝合作✨

中秋節翌日 [10月7號(星期二)] 藥房分店會全日休息🌟有需要配藥/諮詢藥劑師千祈唔好白行一趟啊🫣🫣

中秋節快樂🎑

25/09/2025

【 世界藥劑師日World Pharmacists Day🌍💊 】

今日（9月25號）係「世界藥劑師日」💊，呢個節日由世界衛生組織(WHO)及國際藥劑師聯合會（FIP）喺2009年設立，目的係令更多人認識到藥劑師嘅工作，同時推動藥劑師喺全球健康領域所發揮嘅重要角色✨

如果你曾經嚟過樂善堂社區藥房服務，就知道我哋由一班專業嘅社區藥劑師主理，致力為大家提供多元、優質而且價錢合理嘅藥劑服務，希望加強基層醫療支援，亦令更多市民了解社區藥劑師嘅工作🧑🏻‍⚕️

社區藥劑師做啲咩?💊
🌟 提供藥物諮詢：講解藥物用途、服用方法、劑量、副作用，以及同其他藥物嘅相互作用
🌟 用藥指導：解答用藥上嘅疑問，協助市民正確同安全咁使用藥物，提升用藥依從性
🌟 健康推廣：舉辦健康講座與活動，推動市民關注個人健康

如果有任何用藥上嘅問題，隨時歡迎你過嚟我哋藥房，直接同我哋嘅社區藥劑師傾一傾🧑🏻‍⚕️！

23/09/2025

【 23/09/2025 藥房將提早停止服務 】

更新：由於八號烈風或暴風信號將於下午2時20分懸掛，當預警發出後，藥房（太子/ 九龍城）及 藥健同心樂善堂社區藥房 (大埔) 同事將分批下班，到時人手較少，藥房並將於下午1時停止服務，敬請原諒🙇

到時大家記得留喺安全嘅地方啊😊

19/09/2025

最近部分藥物/產品的價錢因成本價上升而調整，如欲購買，歡迎WhatsApp 或致電我們的分店查詢藥物/產品的最新價錢及貨存🥰

太子分店
📞電話：23383718
📲WhatsApp：https://wa.me/85261554928

九龍城分店
📞電話：23611308
📲WhatsApp：https://wa.me/85297233717

藥健同心樂善堂社區藥房 (大埔店)
📞電話：21872780
📲 WhatsApp：https://wa.me/85269927853

08/09/2025

【 8/9/2025 惡劣天氣下特別安排】

更新：由於下午1時10分會改發三號強風信號，藥房（太子/ 九龍城）以及藥健同心樂善堂社區藥房 (大埔) 會於下午3時10分回復正常服務

大家出門要注意安全啊💛

07/09/2025

【 8/9/2025 惡劣天氣下特別安排】

更新：由於八號烈風或暴風信號至少維持至9月8日上午 11 時，藥房（太子/ 九龍城）以及藥健同心樂善堂社區藥房 (大埔) 會暫停服務
（有機會之後會恢復服務，視乎天氣情況）

敬請原諒🙇

大家記得留喺安全嘅地方啊💛

14/08/2025

【 14/8/2025 藥房暫時停止服務】

更新：由於黑色暴雨警告信號現正生效，藥房（太子/ 九龍城）以及藥健同心樂善堂社區藥房 (大埔) 會暫時停止服務直至另行通知
（有機會之後會恢復服務，視乎天氣情況）

敬請原諒🙇

大家記得留喺安全嘅地方啊💛

06/08/2025

【💡口腔護理不可忽視！基層醫療中的關鍵一環💡】

口腔健康與全身健康息息相關！🦷❤ 良好的口腔護理能降低多種慢性病風險，並提升整體生活品質。樂善堂賽馬會基層健康牙科診所將協助香港大學牙醫學院進行一項口腔健康調查📝🔎，誠邀合資格市民登記參與。

🤳🏻有意參加的話請填妥網上表格報名：https://forms.gle/M1kdcDErgKqk7r1y8
💬如有任何查詢，請聯絡樂善堂賽馬會基層健康牙科診所：2323 5222（辦公時間：星期一至五 09:30 - 18:00）

【誠邀參與「賽馬會健腔護齒計劃」口腔健康調查🥰】

樂善堂賽馬會基層健康牙科診所將協助香港大學牙醫學院進行一項口腔健康調查📝🔎，誠邀合資格市民登記參與，報名後將有職員聯絡詳情。

⭐參與本研究後，參加者將獲安排兩次牙科檢查及個人牙科諮詢，費⽤全免👍。每次檢查及問卷訪問大約耗時30分鐘。
⭐親⾝到訪指定診所，同意接受口腔健康調查，包括口腔健康問卷調查及口腔檢查 ，並參與兩年後的追蹤調查

📣參加者需符合以下條件 (參與者必須遞交有效證明文件)：
1.持有有效的香港身份證
2.年滿⼗⼋歲或以上
3.並未受惠於 綜合社會保障援助計劃（綜援） 或 關愛基金
4.具備獨立自理能力，能以中文或英文進行溝通
5.符合家庭住戶每月入息中位數資格 #, 或為下列任何一項的受惠人或受助者：
🔹 在職家庭津貼計劃； 或
🔹 醫院管理局「醫療費用減免」或
🔹 社會福利署（社署）「長者生活津貼」；或
🔹 社署「長者社區照顧服務券計劃」（第二級共同付款級別）；或
🔹 社署「綜合家居照顧服務（體弱個案）」／「改善家居及社區照顧服務」／「家居支援服務」（第一或第二級別收費／共同付款級別）

🤳🏻有意參加的話請填妥網上表格報名：https://forms.gle/M1kdcDErgKqk7r1y8
💬如有任何查詢，請聯絡樂善堂賽馬會基層健康牙科診所：2323 5222（辦公時間：星期一至五 09:30 - 18:00）
# 入息資格指家庭每月入息不高於按住戶人數劃分的家庭住戶每月入息中位數（二零二四年第四季），並以簽署申請表╱聲明書日期前三個月的平均收入計算。

05/08/2025

5/8/2025 藥房全日暫停服務】

更新：由於黑色暴雨警告信號會至少維持到下午5時，藥房（太子/ 九龍城）以及藥健同心樂善堂社區藥房 (大埔) 今日全日暫停服務

敬請原諒🙇

大家記得留喺安全嘅地方啊💛