11/06/2023
【這是一個關於「唔食得」嘅故事】
話說，Miss Wing教會有一個雪櫃，教會同工會預備冰凍飲品給大家有需要時飲用，大熱天時真係好重要。有一日，一位弟弟好開心走來跟Miss Wing分享：「Miss Wing，雪櫃有乳酪呀！好好味呀！」他一邊講，一邊津津有味地食他手上的乳酪。Miss Wing當然覺得奇怪，因為平時雪櫃只會有飲品，正常應該不會有乳酪。Miss Wing於是走去望吓雪櫃，發現裡面有近二十杯乳酪，還有各式各樣水果粒，一望就知是搞活動用的物資。Miss Wing心中一沉，跟弟弟講：「D乳酪應該唔食得㗎喎！」然後弟弟拿起他那空虛的乳酪杯，細心地尋找上面的「最佳食用日期」。😅
---------------------------------------------
我們日常溝通，有字面上的意思（literal meaning），也有語境中的意思（contextual meaning）。Miss Wing那句「唔食得」包含了對情境的分析：平時雪櫃唔會有乳酪，就算有都唔會有廿杯，仲要連水果，所以似係有特別用途，既然有特別用途，就應該「唔食得」。而弟弟聽完那句「唔食得」，可能因為佢無考慮平時唔會有乳酪，加上啱啱吞杯乳酪落肚，怕肚痛，所以就會以為係「過咗期唔食得」。
如果你特意留意一下，你會發現平日我們溝通，大部分時間都要同時分析語境，而不可單靠字面意思。這需要語言分析能力、對前文後理的理解、生活經驗和想法解讀能力等等⋯只靠字面意思，會令我們誤解對方，又或是弄出笑話來啊。
#言語治療
