營養師 Andrew Chan

30/08/2022

今日又收到客戶話我知
小改變 就見到明顯效果
磅數少變化 身形大變化
最喜歡就係聽到大家有效果！

脂肪率 內臟脂肪 肌肉量先係最要注意嘅數據
磅數目標放返喺合理重量就好好😉

恭喜👏🏻👏🏻🥰

13/07/2022

天氣去到35度，提提大家外出記得要補充足夠嘅水份啊！最好隨身帶定支水👍🏻

好多朋友認為出汗有效幫助減重，其實都只係水份嘅排出令我哋體重短時間內減輕，補充水份後又回復原本體重了！

所以其實要好好減重，都係要講返嗰堆野🤣
卡路里啊，熱量赤字啊，蛋白質啊，運動啊等等……

#圖文不符
#多喝水
#夏日熱辣辣

08/07/2022

又係恭喜大家嘅時候啦！
瘦左當然fit 左當然好！
減內臟脂肪 控制返血壓先係最值得開心嘅事啊🥰

07/07/2022

瘦左真係呃唔到人
恭喜你👏🏻👏🏻
你係我嘅客戶入面最乖嗰幾個🤣
你嘅認真 值得更好👍🏻

28/06/2022

今日要恭喜 Z 先生！
今年18 歲
年輕 新陳代謝快真係大優勢嘅👏🏻👏🏻
繼續努力減埋啲尾水佢
到時期待你喺籃球場發光發亮👍🏻

27/06/2022

恭喜 S小姐🤩
用左3個月時間減了30磅👏🏻👏🏻
期間仲有食下快餐👍🏻👍🏻
只要你認真，一定有效果
值得更好👍🏻👍🏻

21/06/2022

我哋都可以就住不同層面分析一下 :

1.營養密度
營養密度高意思係每種食物以同同等嘅卡路里上有更多嘅營養素喺入面，而一般代餐都有較高蛋白質纖維等等宏量營養在內，而能夠控制卡路里在較低水平，而在一般固體食物唔容易在低熱量攝取下能有較多營養，所以一般黎講，代餐嘅營養比一般食物較高。

2.微營養
一般代餐都會包含住大部分每日所需維他命及礦物質，先唔論每日所需攝取量及代餐含量，但如果代餐有齊所需微營養，的確可以有效減低細如水腫問題，大至心血管疾病嘅風險。甚至改善亞健康問題。而我哋能唔能夠可以在日常固體食物中能夠食齊所有營養素，又能控制卡路里，我相信係可以的，不過都會比較困難。

3.食物觀念
相信好多朋友會認為，飲杯野等於食左野？
不論有無配合代餐嘅客戶朋友，哩個問題我聽過好多次。
在我睇法，無論流質食物同固體食物，到肚經腸胃消化吸收，結果為嘅都係營養，即係舉個簡單例子，先唔談論味道及質感，食隻蛋到身體，我哋有嘅係6克左右蛋白質，部分維他命礦物質。而流質食物如部分較齊營養嘅代餐都會有齊以上營養，所以在我而言，代餐都係食物嘅一種，只係一個形態上不同而已，更有部分研究指出，粉狀或流質食物更易被人體吸收，所以科技發展上好多國家都開始致力研究軟餐，協助病患者同老人家吸收營養，我認為係大同小異的。

4.代餐減重
代餐減重原理上係十分有效的，減低卡路里攝取，吸收更多人體所需營養，理論上控制到卡路里就會減重，而好多使用過代餐嘅朋友，都認為食代餐難以恆持進行，又或者減完反彈，我睇法係代餐係一個輔助工具去幫大家學習一個健康嘅飲食習慣，直接控制卡路里，再調整正餐飲食配合代餐的確係好多人靠住這方法成功減重而不反彈。重點都係你嘅飲食習慣問題。

舉個例子，如果你使用代餐，另外兩餐都係食快餐店2號餐加汽水又會唔會減到重呢？又或者一日三餐代餐咩都唔食又唔夠能量俾身體，都會流失肌肉。
所以我認為代餐原理上有效，實質大家如何配合生活習慣飲食習慣去使用先係重點‼️

5. 港人生活節奏
太忙了！🥲
要每日為自己準備3餐健康營養均衡嘅餐膳，一般來講都好難，外食3餐要控制卡路里均衡攝取營養其實唔容易，而代餐嘅方便性都係一個大優勢，甚至代餐如果認為真係唔夠飽，再配合少量小吃都可以解決問題。

以上就係大概市面點解咁多代餐品牌嘅原因，在我眼中我自己都好支持大家使用代餐或蛋白粉等等去配合繁忙嘅生活，達到自己想要嘅效果，而要記住唔係盲目使用‼️
所以如果大家對大家使用中嘅代餐品牌未有效果，先唔好懷疑大家使用中嘅產品，先思考下日常生活點配合，如果大家有疑問都可以Pm 我交流一下😉

20/06/2022

跑下啦😂
由細到大好鐘意踢波！近幾年黎越嚟越少機會同班波友踢，荒廢左嘅足球，因為有位波友要移民，踢移民前嘅一場波，為表誠意，係時候Pick up 返了，留個好啲嘅回憶俾你😂

17/04/2022

今日請教左寵物營養師朋友
佢提我有幾種食物係唔能夠俾狗狗食用的！

1️⃣朱古力會影響狗狗中樞神經及肌肉
2️⃣洋蔥大蒜狗狗食用過量會破紅血球
3️⃣提子提子乾會令狗狗腹瀉，情況嚴重有機會會導致急性腎衰竭
4️⃣牛油果會影響狗狗心臟組織，嚴重會令呼吸困難，甚至死亡
5️⃣少量酒精會令腹瀉嘔吐，攝取大量會令狗狗呼吸困難，昏迷甚至死亡

希望籍此提醒下狗主，要令狗狗遠離上面提及嘅食物，因為影響真係好大啊！！

哩隻魔天使叫ShakeShake，成日都好俾戲😂

14/04/2022

近排好多客戶或朋友都問我好多關於減重嘅問題，而現時黎講其實有好多種方法都有效減重，正因為咁都想提提大家，減重的而且確對健康有正面嘅影響，可以減低好多患唔同病嘅風險。

但係我哋自己一定要衡量，考慮一下我哋究竟用啲咩方法減重對自己身體有益，自己個人唔係好建議大家用一啲極端嘅方法減重。

減得重黎但係唔健康，好多時你體重輕咗但係體型都會冇變，甚至仲會令你精神好差。所以大家都要記得健康好重要！千祈唔好為咗靚為咗瘦就用咗一啲傷害自己身體嘅方法減重啊！

有咩問題我都唔介意大家可以PM我，我哋慢慢討論一下有咩方法減重係適合自己😉

希望大家身體健康😄

09/04/2022

哩個page 幾欣賞👍🏻
對一啲歌曲嘅理解然後帶出有啲貼地嘅情況
當中仲有其他都幾有正向思維😊
其實我相信開心可以好簡單，凡事都有兩面睇，有危自有機
大家繼續一齊加油😊

雖然今日嘅新聞….聽完…都係一樣
冇特別意思純粹個人感受😂
大家晚安

#陳卓賢 #留一天與你喘息 ：陳卓賢詞： Oscar編 ：Claudia Koh監：T-MaOP: Music Nation Publishing Company Ltd/土方製作admin by Music Nation Publishing Company Ltd無...

05/04/2022

今日同大家分享一下關於小朋友專注力不足或者過度活躍嘅情況，好多朋友遇到呢啲情況都認為小朋友天生係咁，但其實外國有啲研究指出，專注力不足或者過度活躍其實有一部份都係黎自飲食習慣。

依家世界各地速食文化都越嚟越普及，主要都係來自快餐店，這小朋友我都會好喜歡食油炸唔健康嘅食物。而原來呢一啲嘅高糖高油份嘅食物，小朋友長期食用，係會影響血清素，直接影響小朋友腦部神經傳導，令小朋友更容易有哩個情況🙈

所以都建議大家如果小朋友真係有呢啲症狀，都可以改變下小朋友嘅飲食習慣，以下嘅食物為主要小朋友嘅餐膳

優質蛋白質
深綠色蔬菜
新鮮水果
堅果類
多飲水

照改變到嘅飲食習慣都好相信會幫到小朋友改善過度活躍或者集中力不足嘅問題👍🏻
或者額外補充下啲保健品，例如深海魚油呢啲都幾幫到小朋友腦部發展