05/01/2021
陳駒中醫師再次接受商台「一家大晒」訪問，講冬季養生。同大家傾下流鼻水急救、打邊爐保暖、三高病人熱敷保暖方法等等~
1.一早起身，成日 “時時常常” 流鼻水甘點做呢？
如果無發燒、發冷、咳嗽等症狀可能係鼻敏感發作,中醫認為常見的病因係同肺脾氣虛有關
所以可以食中藥去調補氣、天灸治療
雙手大魚際擦熱再按摩鼻樑兩側來回摩擦，熱敷頸部及後枕部(注意事前要做好雙手消毒)
2.冬蟲草對鼻敏感有無用?
為補益肺腎,對於肺腎兩虛的久咳及鼻敏感都會有幫助，但係如果係感冒期間就吾適合食用。
亦要注意自身體質是否熱氣而不能進補。
其他常用補氣食物，例如黨參、五指毛桃、黑棗、山藥、白朮。
3.秋季天氣對我地既身體有咩影響呢？
秋季的主氣是“燥”, 秋分過後, 空氣逐漸變得乾燥, 風會與「燥」形成風燥之邪,
首先侵襲肺所主皮毛及鼻竅。
若肺氣薄弱, 無力抵禦外邪, 則肺所主的皮毛、鼻竅就會受燥邪危害而產生一系列病變，
如口乾舌燥、乾咳﹑皮膚乾燥、搔癢、脫屑、大便乾結等乾燥症狀。所以秋季養生要注意潤燥。
4.冬季天氣對我地既身體有咩影響呢？
冬季氣侯寒冷，寒氣凝滞收引，易導致人體氣機、血運行不暢，而使氣血停滯的症狀加重。
如中風、頭痛、手腳凍冷、關節疼痛等，所以冬季養生要注意防寒。
5.中醫角度又點樣保濕呢？
中醫滋陰即係保濕，但係中醫會分為補益五臟六腑的不同的陰份。
例如肺陰虛的口乾舌燥，皮膚乾燥痕癢、流鼻血等話就會補肺陰，
大腸燥熱陰虛的便秘，就會潤腸。
6.
有無咩人係唔適合潤燥架？
如果濕重人士不適合使用滋潤方法
問: 濕重會係點架?
答: 例如成日都感覺疲勞、舌頭肥大、邊緣有齒痕、脷苔厚膩(好似有一層白色厚苔)、水腫等等
因為滋陰會加重體內的痰濕，所以一定要先處理痰濕問題之後先可以進一步去進行滋陰。
7.冬天唔適宜做刮痧拔罐？
刮痧拔罐4季都合適，只是事後局部需要注意避風寒及相隔1-2小時後才可以濕水
避免受風寒濕邪入侵。
8.手腳冰冷點算好？
提示身體血氣運行不暢或者血氣虛弱，所以未能輸送到四肢末端而手腳凍冷，
可以用食療方法或者尋求中醫幫助調理一下氣血。
再簡單一啲，可以飲用薑茶都可以暖身。
可服用四物湯加減
熟地、白芍、當歸、川芎、黨參、核桃
可加瘦肉同煲，煮約90分鐘，2-3人飲用
注意月經期間、孕婦、癌症患者或服食薄血藥患者等人士忌服
要事先問下相熟中醫師。
9.食羊腩煲或者打邊爐，有咩要注意？
打邊爐留意湯底，部份湯底用到當歸、雞、川芎等藥材會偏燥
又例如肉骨茶，入面都有用到熟地、北茋、黨參、當歸、蒜頭等
同樣屬於溫補同有活血成份，
如果體質熱氣、正值月經期間、懷孕期間都要注意少食溫補活血ge食物
羊肉有益氣血、補脾腎的作用、但係屬於熱性食材，所以羊腩煲為燥熱之品，熱氣人事,例如便秘、流鼻血、痱子等等都吾適合食用
10.麻辣火鍋可以保到暖？
麻辣火鍋用到草果、丁香、八角、玉桂、豆蔻、川花椒、辣椒、胡椒等等
辛溫香料大部份都係有溫裏散寒的作用，所以都起到保暖效果
不過，正因為用左大量溫裏散寒的材料，好易會傷到人體內的津液(即水份)，會出現熱氣的情況
另外麻辣火鍋都用左吾少油，加埋其他材料好易會出現濕熱ge情況，例如會口乾、小便黃赤、大便時肛門灼熱感、便秘或者粘滯(痾吾乾淨的感覺)
11.老人家食緊好多藥物，又有無其他方法保暖呢？
可以用薑艾包去浸腳、沐浴、洗頭。
用法
可以使用薑+艾葉，用生薑+艾葉煲水，可以放涼或加入凍水致攝氏40度左右，最好浸泡整個小腿。
• 沖涼,浸浴
• 浸約10-15分鐘。
• 怕太刺激可加多少少水稀釋。
宜
• 產後婦女
• 風寒頭痛
• 手腳關節疼痛
• 手腳冰冷
• 水腫
• 失眠
• 各種風寒濕邪引起的不適
忌
• 嚴重或大範圍皮膚感染
• 潰瘍性皮膚病
• 燒傷、燙傷、感染性化膿性皮膚疾病
• 嚴重濕疹
• 皮膚癌
• 皮膚傷口
• 嚴重高血壓
• 對薑或艾葉過敏人士
12.用熱手巾去敷自己d身體部位又得唔得？
可以，但要注意頻密啲更換，因為凍得比較快，較難做到穩定熱敷的效果，
如果熱手巾凍左又有水份留喺皮膚就會更易受涼，建議要熱吾要濕，用暖水袋比較合適。
陳駒中醫師 IG: .michael.ck
永華藥行IG: .1966
#中醫養生 #手腳冰冷 #薑艾包 #浸腳保暖 #打邊爐 #肉骨茶 #麻辣火鍋 #鼻敏感 #冬季養生
