https://www.facebook.com/111146185038690/

Dr Kitty Lo 盧慧欣醫生, Hong Kong (2025)

14/05/2025

多謝FWD 的邀請，讓我可以有機會和大家分享有關甲狀腺手術的資訊。

甲狀腺癌是香港第九最常見癌症，患者普遍較為年輕，比較常影響女性，女性對男性的比例是3.6。雖然「癌症」兩個字聽起來很可怕，但甲狀腺癌相對於其他癌症，大部份情況都相對地「溫和」，治愈率很高。只要及早發現，其實前景都很樂觀。

如果發現頸部有腫脹，記得早啲睇醫生check吓啦。

#甲狀腺結節
#甲狀腺癌
#甲狀腺手術
#外科手術
#外科醫生

#盧慧欣醫生

14/02/2025

多謝東華三院的邀請，讓我有機會和大家分享有關甲狀腺結節和甲狀腺癌的知識。

甲狀腺結節其實非常之常見，幸運的是大部份都是良性的，但我們都需要及早找出惡性的結節和毒性的結節，如果可以及早醫治，其實前景非常樂觀。

甲狀腺結節最常出現的徵狀，就是頸部出現腫脹。如果留意到頸部出現腫脹，記得及早睇醫生做檢查。

#甲狀腺結節
#甲狀腺癌
#甲狀腺手術
#外科手術
#外科醫生

#盧慧欣醫生

30/08/2024

多謝你哋一路以嚟嘅支持，做我嘅最強後盾 😊

27/10/2023

多謝Deacons x bowtie 邀請我哋同大家一齊分享乳癌嘅資訊。10月係「世界乳腺癌關注月」 (Breast Cancer Awareness Month) ，希望大家可以提高關注同支持對乳癌嘅認識同治療。及早預防、及早發現、及早治療，乳癌已經唔再係不治之症，近年來有好多新嘅治療方法，大大提升咗乳癌嘅治癒率同患者嘅生活質素。就算不幸患上乳癌，亦都千祈唔好灰心同諱疾忌醫，無論係乜嘢期數嘅乳癌，都仲有唔同嘅治療方法，要俾心機勇敢面對💪🏻

#乳腺癌
#乳癌關注月
#乳腺外科
#乳癌手術
#盧慧欣醫生

16/08/2023

好多謝AIA邀請我同Dr Anita Lo 去同大家分享有關乳癌治療嘅資訊。

乳癌係香港女士最常見嘅癌症，平均每14位女士就有一位會患上乳癌。近年乳癌有年輕化嘅趨勢，甚至有廿幾歲、三十幾歲嘅年輕患者。雖然乳癌聽落好得人驚，但乳癌而家有好多新嘅治療方法，通過手術、荷爾蒙藥、鏢靶藥、化療及電療等等唔同嘅治療，大大提升咗乳癌嘅治癒率同存活率。無論係乜嘢期數嘅乳癌，都仲有唔同嘅治療方案，千祈唔好灰心。

正所謂病向淺中醫，如果察覺到乳房有硬塊、乳頭有唔正常嘅分泌、乳房疼痛等等，記住及早睇醫生檢查。就算完全冇任何徵狀，都建議所有女士40歲以上，每兩至三年做一次乳房造影及乳房超聲波篩查。如果可以及早發現，第一期乳癌嘅五年存活率高達97.5%。

#乳癌
#乳腺外科
#乳癌手術
#外科醫生
#盧慧欣醫生

25/06/2023

外科醫生去旅行
漫畫篇

大部份人都知道我好鍾意叮噹，但其實仲有另一部漫畫我好鍾意，就係怪醫秦博士。

怪醫秦博士係日本漫畫大師手塚治虫1970年代嘅作品，講述一位醫術高超嘅外科醫生，憑住卓越非凡嘅外科技術，差唔多乜嘢手術都做得到，乜嘢病都可以醫得好。

手塚治虫本身係醫生，但後來放棄咗做醫生做咗全職漫畫家。咁樣嘅背景好難得，所以怪醫秦博士係醫生漫畫嘅始祖，開創咗醫療做漫畫題材嘅先河。無論係故事題材定係畫手術背景，都好真實，因為出自一位醫生之手。

初次接觸到呢部漫畫，係細個住院嘅時候，有一位骨科醫生借咗佢成套珍藏嘅怪醫秦博士漫畫俾我睇。佢話當年就係因為睇咗怪醫秦博士嘅漫畫，所以做咗揸刀嘅醫生。佢笑住咁同我講，可能你睇完之後將來都會做咗外科醫生。嗰時仲細個，邊有諗到咁長遠，淨係覺得好好睇，原來外科醫生可以咁型。雖然我唔敢講係因為睇完怪醫秦博士所以做咗外科醫生，不過應該就係嗰個時候埋下咗最初嘅種子。所以真係要多謝呢位醫生。

咁當然現實世界始終同漫畫世界有啲分別，手術唔能夠醫好百病，亦都唔會有乜都醫得好嘅外科醫生。不過外科醫生嗰份熱誠，同衷心希望可以幫助每一位患者嘅心，係貫穿漫畫，出現喺真實世界的。

如果有同樣愛好手塚治虫嘅朋友，下次去開日本，不妨去位於兵庫縣寶塚市嘅手塚治蟲紀念館朝聖。

手塚治蟲紀念館
https://tezukaosamu.net/jp/museum/
〒665-0844 兵庫県宝塚市武庫川町7-65

#外科醫生去旅行
#怪醫秦博士
#外科醫生
#盧慧欣醫生

14/06/2023

外科醫生去旅行
之
福井溫泉病院

早兩日喺日本福井揸緊車去溫泉旅館。福井有好多溫泉，同有好多好嘢食，包括冬天限定嘅越前蟹😋。為咗保育，每年只係得四個月有得食越前蟹，捕蟹期為每年嘅11 月6 日至翌年3 月20 日，其他月份唔俾捉，要俾時間啲蟹成長同繁殖，如果唔係好快就食到絕種從此冇得食。

Anyway, 喺山卡啦嘅河邊見到一座建築物，有個牌寫住「福井溫泉醫院」。

朋友問：「莫非呢間醫院都有得浸溫泉？有唔同嘅溫泉去醫唔同嘅病？」

我心諗你係咪諗多咗，但後來出於好奇心，悄悄地去咗check下，結果發現原來呢間醫院，真係有得浸溫泉！！！

唔好睇小呢間細細嘅醫院，都有90張床。仲有好多唔同專科，包括骨科、內科、復康科、類風濕科。（認真一諗，有溫泉浸嘅醫院又的確好適合以上嘅科目）。據醫院溫泉嘅介紹，佢哋家溫泉適合治療神經痛、肌肉痛、關節痛、動脈硬化症等，請按照醫生的指示浸溫泉。

如果醫院有得浸溫泉，究竟會幫助患者快啲好番，定係會令到人唔想出院呢？😂

#外科醫生去旅行
#福井溫泉病院
#盧慧欣醫生

#外科醫生

13/06/2023

《外科醫生去旅行》

認識我嘅朋友都知道我好鍾意去京都，同好鍾意去寺廟神社，身上總係掛住幾個御守。

今日同大家介紹一下一個喺京都我好鍾意嘅小寺廟，蛸藥師堂永福寺。呢個寺專係俾人祈求身體健康，藥到病除，一個專門同醫療有關，俾病人同醫護人員祈福嘅寺廟。

「蛸」係日文嘅意思係八爪魚。

呢個寺廟背後有個故事，從前有個孝順嘅和尚，佢阿媽病咗。雖然佛法中人唔能夠殺生食肉，但係為咗救阿媽，佢迫不得已捉咗條八爪魚俾阿媽食。點知比村民發現咗，要check佢個食物盒。和尚走投無路，唯有向藥師祈禱幫佢解困，結果佢感動到神靈，將佢食物盒入邊嘅八爪魚變咗做八卷佛經，佢成功甩難，阿媽仲病好埋，從此成為一段佳話。

蛸藥師堂同日本其他神社寺廟一樣，有大量御守賣。有好多都同健康醫療有關。我最鍾意嗰個御守，係《手術成功御守》。雖然我諗原意係用嚟保佑需要做手術嘅病人，但其實對於外科醫生同佢哋嘅病人嚟講，外科醫生手術成功都好重要，正所謂由源頭開始，人人期望可達到～

所以每年我都會去買返一個新嘅《手術成功御守》，保佑我同我嘅病人事事順利 😊

如果你下次有機會黎開京都，不妨都嚟參觀下呢間特別嘅小寺廟。

蛸藥師堂 (永福寺)
京都市中京区新京極蛸薬師東側町五〇三番地
開放時間: 08:00-16:30

#外科醫生去旅行
#手術成功
#蛸藥師堂
#盧慧欣醫生

13/05/2023

多謝香港癌症基金會及 Dr Anita Lo 盧頴嬋醫生的邀請，很高興可以與乳癌患者分享有關乳癌治療的資訊。

在香港平均每十四名女士就有一位會患上乳癌，但只要及早發現，及早治療，能夠治癒康復的機會高達八九成。定期做乳腺篩查（乳房造影及超聲波）有助及早發現早期乳癌，是非常值得的檢查，所有四十歲以上的女士都值得考慮。

09/05/2023

#馮堯煇醫生 #外科專科醫生

25/04/2023

正所謂十個男人九個痔，但其實女士都一樣經常遇到痔瘡問題！如果受痔瘡困擾不用再忍，及早醫治可以早日擺脫困擾，不用再因為痕癢腫痛而坐立不安及因為出血而擔驚受怕。

順帶一提，痔瘡的症狀可以和更嚴重的情況如大腸癌相似，如果持續出現大便帶血或大便習慣出現改變，還是及早求診和醫生商量最穩妥。

https://www.am730.com.hk/健康/痔瘡-女士較少患痔瘡-/373238?utm_source=yahoorss&utm_medium=referral?utm_source=yahoorss&utm_medium=referral

#痔瘡 #大便出血 #痔瘡結紮 #痔瘡手術 #外科醫生 #盧慧欣醫生

Dr Kitty Lo 盧慧欣醫生

14/05/2025

14/02/2025

30/08/2024

27/10/2023

16/08/2023

25/06/2023

14/06/2023

13/06/2023

13/05/2023

09/05/2023

25/04/2023

Address

Website

Alerts

Shortcuts

Share

Category